Dagblaðið Vísir - DV - 11.10.1995, Síða 13
MIÐVIKUDAGUR 11. OKTÓBER 1995
13
Fréttir
Minnkandi loftþrýstingur við ísland:
Mjög áberandi breyting á
hegðun loðnu síðan 1989
stórfróðlegt að tengja þetta við veðurfarsbreytingar, segir Hjálmar Vilhjálmsson
„Vindar hafa áhrif á lífið í sjónum
með ýmsu móti. Hægt er að vitna í
kanadískar rannsóknir. Þær sýna að
klak loðnuhrogna á Miklabanka
heppnast betur ef þaö gerir storm
mjög snemma á ferli lirfunnar. Sjór-
inn blandast þá betur og lirfurnar fá
viðbót af næringarefnum," sagði
Hjálmar Vilhjálmsson fiskifræðing-
ur í samtali við DV um hugsanlegar
breytingar á lífríki sjávar vegna
minnkandi loftþrýstings á og við ís-
land síðan 1989.
Loðnan veiðist ekki
á haustin lengur
„Það væri mjög gaman að fara yfir
hvaða breytingar hafa orðið á vist-
kerfinu, bæði í lofti og sjó, síðan 1989.
Loðnan hefur hegðað sér allt öðru-
vísi en hún gerði á árum áður. Eftir
1988-1989 hefur nánast ekki verið
hægt aö veiða
hana á haustin
ogíjanúaráður
en hún er búin
að hrygna. Hún
ermikludreifð-
ari en hún var
fyrir þennan
tímaenveiðará
henni hófust 1976. Á 12-13 ára bili
var alltaf ágætur afli á tímabilinu
október til janúar. Þetta er mjög
áberandi hegðunarbreyting. Loðnan
er uppsjávar- og torfufiskur og for-
sendur fyrir því að hægt sé að veiða
hana eru þær að hún sé í torfum.
Hún er miklu dreifðari núna.
Þessi breyting er svo áberandi að
hefði einhver sagt mér á áttunda ára-
tugnum að ekki fengist loðna á tíma-
bilinu október til janúar hefði ég
haldið að hann væri eitthvað verri.
Það væri stórfróðlegt að gefa sér tíma
til að tengja þetta við veðurfarsbreyt-
ingar," sagði Hjálmar.
Hjálmar sagði einnig að þorskur-
inn hefði ef til vill áhrif líka, hann
æti mikið af loðnu og hún væri
kannski á flótta undan honum. End-
urheimtur á hafbeitarlaxi hefðu
einnig verið lélegri á þessum sama
tíma.
Vigurbúinu veitt
viðurkenning
Ómar Garðaisson, DV, Vestmaimaeyjum:
Á ferðamálaráðstefnu Ferðamála-
ráðs, sem haldin var í Vestmannaeyj-
um nýlega, voru í fyrsta skipti veitt
umhverfisverðlaun ráðsins og komu
þau í hlut félagsbúsins í Vigur sem
hefur tekið á móti ferðamönnum frá
árinu 1990.
Halldór Blöndal samgönguráð-
herra afhenti þeim Hugrúnu Magn-
úsdóttur og Ingunni Sturludóttur
verðlaunin en þær búa í Vigur ásamt
mönnum sínum, bræðrunum Salvari
og Birni Baldurssonum sem eru af
fjórðu kynslóð bænda í Vigur.
17 aðilar voru tilnefndir til verð-
launanna. í Vigur er rekið blandað
bú ásamt hlunnindabúskap, æðar-
varpi, eggja- og fuglatekju. Umhverfi
er mjög snyrtilegt að mati Ferða-
málaráðs. Ollum mannvirkjum er
vel við haldið og hvergi sést van-
ræksla. Þess er gætt að nýbyggingar
falh vel aö því sem fyrir er. I Vigur
er m.a. að finna kommyllu frá árinu
1840.
{ samtali við DV sögðust Hugrún
og Ingunn vera bæði ánægðar og
stoltar yfir þessari viðurkenningu. í
sumar tóku þær á móti um 1500 gest-
um og var þeim boðið að skoða eyna
og þiggja veitingar.
Halldór Blöndal afhendir Hugrúnu Magnúsdóttur og Ingunni Sturludóttur umhverfisverðlaun Ferðamálaráðs.
DV-mynd Ómar
Ráðstefna Ferðamálaráðs:
Opinber stef numörkun í ferðamálum
ísland yngst landa, land í sköpun,
em einkunnarorð opinberrar stefnu
í ferðamálum sem Halldór Blöndal
samgönguráðherra boðaði á ferða-
málaráðstefnu Ferðamálaráðs sem
lauk í Vestmannaeyjum fimmtudag-
inn 5. október. .
„Ég hef tekið ákvörðun um að
mynda sérstakan samstarfs- eða
stýrihóp sem stjórni verkinu og beri
ábyrgð á því en síðan verði einstök-
um mönnum falin úrvinnsla hinna
sérstöku þátta. Endanleg úrvinnsla
og frágangur verður unninn af fag-
mönnum í áætlanagerð og stefnu-
mörkun. Ég tel nauðsynlegt að nið-
urstööurnar liggi fyrir eftir áramót-
in,“ sagði Hafidór í ræðu sinni.
Halldór sagði að ekki væri ætlunin
að fylgja stefnumörkuninni eftir með
opinberum styrkjum.
„En á hinn bóginn sýnist mér ekki
vanþörf á að við reynum að skýra
það fyrir okkur sem nákvæmast
hvar við erum á vegi stödd - ekki
síst af því að leiðarendinn er enginn
- hvaða áfanga og áfóngum við vilj-
um ná í ferðaþjónustunni og í hvaða
tímaröð,“ sagði Halldór.
Úttekt á tryggingum
Akranesbæjar
Daniel Ólaísson, DV, Akranesi:
Jón Rafn Guðmundsson vinnur nú
að úttekt á öllum tryggingum Akra-
neskaupstaðar. Að sögn Jóns Pálma
Pálmasonar bæjarritara er hug-
myndin að fá úttekt á því hvort eitt-
hvað sé oftryggt eða vantryggt. Eftir
þessa úttekt verður ákveöið hvort
allar tryggingar bæjarins verða
boðnar út eða samið við þá aðila sem
bærinn tryggir hjá. Mörg önnur
sveitarfélög hafa látið gera sams
konar úttekt en enn sem komið er
hefur ekkert þeirra látið bjóða út
tryggingar hjá sér.
Rómontísk spennusogo
Spennandi ástarsaga
/
Urvals afþreying
á næsta sölustað og kostar
aðeins 895 kr. og ennþá
minna í áskrift.
QGNAR