Dagblaðið Vísir - DV - 13.10.1995, Side 6
6
FÖSTUDAGUR 13. OKTÓBER 1995
Neytendur
Tilbúinn heitur matur í stórmörkuðum:
Skammturinn kost-
ar frá 250 krónum
Stórmarkaðirnir á höfuðborgar-
svæðinu bjóða margir hverjir heitan
mat til sölu, bæði í hádeginu og á
kvöldin. DV fór á stúfana og kannaði
hvar hægt væri aö fá þessa þjónustu
og hvað hún kostaði. í ljós kom að
nokkrir staðir bjóða upp á hana og
voru menn sammála um að við-
skiptavinirnir virtust kunna vel að
meta hana. Ekki verður um beinan
verðsamanburð að ræöa þar sem
ekki er hægt að bera saman gæði
þess til er á hverjum stað.
Garðakaup
„Við bjóðum upp á heitan mat, 7
rétti, í hádeginu og á kvöldin 5 daga
vikunnar. Við seljum eftir kílóverði
en bakkinn, með skammti fyrir einn
mann, kostar á bilinu 350-600 krón-
ur,“ sagði Halldór Þórhallsson hjá
Garðakaupum. Halldór sagði að
ódýrust væri svínarifjasteik en dýr-
ast lambafille, nautalundir eða slíkt.
Skammturinn af lambalæri kostar
um 550 krónur. Kjötbollur, kjúkhng-
ar og fiskur eru einnig á matseðlin-
um. Meðlæti fylgir.
Heitur matur er seldur í Garða-
kaupum frá 11.30 til 13.30 og síðan
16.30 til 19.
Nóatún
„Viö erum að selja þennan al-
menna heimilismat í 5 af verslunum
okkar. Við byijum um 11 á morgnana
og erum að selja eitthvað fram eftir
degi, til 2 eða 3,“ sagði Jakob Örn
Haraldsson hjá Nóatúnsbúðunum.
Hánn nefndi sem dæmi saltkjöt, kjöt-
bollur, steiktan fisk í raspi, svína-
sneiðar, hakk o.fl. og sagði kjötið
vera selt á kílóverði, frá 800 til 2.000
krónur kg. Skammturinn með með-
læti kostar að sögn Jakobs 350 til 600
krónur, úrbéinaöa lambalærið dýr-
ast.
Hagkaup
Fimm Hagkaupsbúðir selja heitan
.
A fjölmörgum stöðum á höfuðborgarsvæðinu stendur fólki til boða að kaupa heitan mat í hádeginu og stundum
á kvöldin. Skammturinn fyrir manninn kostur á bilinu 250 til 600 krónur.
mat, minni búðirnar bara í hádeginu,
frá 11.30 til 13.30, en allan daginn í
Kringlunni. í Skeifunni fæst heitur
matur alla föstudaga. í Hagkaupi
fæst bixímatur á 298 kr. skammtur-
inn, kjötbollur eru á 398 kr. og flestir
kjötréttir eru á bilinu 448^98. Ham-
borgarhryggur og svínakótelettur
eru á 585 kr. Miðað er við um 200-230
grömm af kjöti í skammtinn og með
meðlætinu sé hann um 500 grömm.
Kaupgarður
í Kaupgaröi er heitur matur seldur
í hádeginu alla virka daga, frá
11-13.30, og á föstudögum fæst hann
einnig frá 17-19.30.
„Við erum með u.þ.b. 7 rétti á verð-
biiinu 250 til 400 krónur. Ódýrustu
skammtarnir eru meö kjötbollum,
fiskréttum og pottréttum ýmiss kon-
Skipting, umfelgun og jafnvægisstilling:
ar. í dýrari skömmtunum erum við
með lambahrygg og svínakjöt, bóg
eða læri og ýmislegt fleira," sagði
Davíð Ólafsson verslunarstjóri í
samtali við DV. Hann sagði aðsókn-
ina í.heita matinn aukast sífellt og
að mest væri að gera á föstudögum.
Miðvangur
„Við erum með einn til tvo rétti á
dag og aldrei þann sama tvisvar í
viku. Við erum með fisk tvisvar í
viku, steiktan eða í ofni, á 350 kr. á
mann. Kjötbollur fást á 290 kr. og
lambakótelettur á 390 kr. Á föstudög-
um reynum viö aö hafa eitthvað
heldur fínna, nautasnitsel eða slíkt.
Það kostar 460 kr.,“ sagði Jónas Rafn
Jónsson, deildarstjóri í Miðvangi.
Hann sagði kjötmagnið í skammtin-
umvera 350-400 grömm. -sv
Meðalverð 11% lægra en í fyrra
GMÞ bílaverkstæðið alltaf með lægsta verðið
Samkeppnisstofnun gerði í byrjun
október verðkönnun á þjónustu 18
hjólbarðaverkstæða á höfuðborgar-
svæðinu. Könnunin nú var borin
saman við sambærilega könnun sem
gerö var í október 1994 og í ljós kem-
ur að meðalverð er um 11% lægra
nú en í fyrra á skiptingu, umfelgun
og jafnvægisstilhngu.
í október 1994 var meðalverð á áð-
umefndum þáttum hjá fólksbílum
3.609 kr. en nú er það 3.194 kr. Mun-
urinn er 11,5%. Sömu tölur fyrir
sendibíla sýna meðalverð í okt. í
fyrra 4.667 kr. en nú er þaö 4.150 kr.
Munurinn er 11%.
Rétt er að vekja athygli á því að
GMÞ bílaverkstæðið, Fosshálsi 27,
er með lægsta verðið í áðumefndum
þáttum, í vinnu við fólksbíla, sendi-
ferðabíla og stóra jeppa. Sólning hf.
var með hæsta verðið í öll skiptin
(sjá graf).
í könnun Samkeppnisstofnunar
var einnig kannað verð á negldum
og ónegldum vetrarhjólbörðum.
Meöalverð á sóluðum vetrarhjól-
böröum, ónegldum (stærð 155/14) nú
er 3.265 kr. en á sama tíma í fyrra
varþaö 3.287 kr. Munurinner0,7%.
-sv
Reiknað er með að hátt í 30 þús-
und manns komi i Kolaportið um
helgar.
Kolaportið:
Leigaá
básum
hækkar
„Frá og með næstu helgi hækk-
um við leiguverð fyrir algengustu
stærðina' á básunum úr 2.700
krónum í 3.500 krónur. Þetta er
tímabundin hækkun fram til ára-
móta en þess má geta að í apríl
1992 var leiga á básum einmitt
3.500 krónur," segir Jens Ingólfs-
son hjá Kolaportinu. Hann segir
að þegar aðsóknin aukist fyrir
jólin hafi verðið fyrir básana ver-
ið hækkað. Hann segist ekki sjá
að hækkunin geti haft áhrif á
verðið á þeirri vöru sem seld sé
í Kolaportinu.
25 þúsund
manns
Jens Ingólfsson segir að áætlað
sé að á milli 25 og 30 þúsund
manns komi í Kolaportið um
hverja helgi. Verið sé að selja allt
milli himins og jarðar en helst sé
það kompudótið sem vanti um
þessar mundir.
„Þetta getur verið frá fatnaði
og niður í skörðótta öskubakka,
því meira drasl því betra segja
þeir sem best þekka til í þessu,“
segir Jens Ingólfsson.
Nýrostur
Mjólkursamlag Kaupfélags
Skagfírðinga á Sauðárkróki hef-
ur hafið framleiðslu á nýjum osti
sem verið er að setja á markað
þessa dagana. Osturinn, sem er
30% feitur, fastur og með mjúku
ostabragði, hefur enn ekki hlotið
nafn. Verðlaunasamkeppni um
nafnið stendur til 10. nóvember
og verða úrslit kynnt um miðjan
þann mánuð. Osta- og smjörsalan
sér um dreifmgu ostsins.
Vöruúrval:
Mesttil
í Hagkaupi,
Kringlunni
í verðkönnun Neytendasam-
takanna og Framleiðsluráðs
landbúnaðarins, sem gerð var 19.
september síðastliðinn, var vöru-
úrval 28 verslana á landinu kann-
að. Lagt var upp með 209 vörur í
samanburðinn. í ljós kom að af
þessum 209 vörutegundum var
mest til í Hagkaupi í Kringlunni,
160 tegundir alls. Næst kom
Vöruhús KÁ með 157 tegundir og
Samkaup í Keflavík og Fjarðar-
kaup með 156 tegundir. Með inn-
an við 80 vörutegundir voru
KASKÓ, Keflavík, með 79 teg.,
Hornabær með 77 teg„ KEA-
Nettó með 76 teg. og Verslunarfé-
lag Austurlands með 75 vöruteg-
undir. -sv