Dagblaðið Vísir - DV - 13.10.1995, Blaðsíða 12

12
FÖSTUDAGUR 13. OKTÓBER 1995
Spurningin
Hvenær fórstu síðast
út að borða?
Sigurjón Haraldsson verslunar-
maður: Ég fékk mér pylsu með öllu
nema hráum í Ferstiklu á fóstudag-
inn. Síðast þegar ég fór „grand“ út
að borða var í fyrravetur.
Hreiðar Jónsson klæðskeri: Fyrir
mánuði fór ég á kjúklingastað á
Grensásveginum en ég fer ekki oft
út að borða.
Valgerður Ólafsdóttir ritari: Eg
fór á Ítalíu fyrir hálfum mánuði og
fékk góðan mat.
Gyða Halldórsdóttir verslunar-
maöur: Á laugardaginn fór ég á
Jarlinn og fékk þrælfinan mat. Ég
fer alltof sjaldan út að borða.
Nadine Martin verslunarmaður:
Á Hótel Búðir í sumar. Maturinn
hjá þeim var mjög góður.
Guðmundur Björnsson KR-ingur:
Ég fór á indverskan stað í Liverpool
á Englandi í síðustu viku. Þar fékk
ég 14 rétta máltíð en leifði helm-
ingnum.
Lesendur
Jóhann Jónsson skrifar:
Borgarstjórinn í Reykjavík virð-
ist loks hafa áttað sig á að ófremdar-
ástand ríkir á hinum vikulegu
drykkjuhátíðum ungmenna í mið-
borginni. Borgarstjórinn hafði þó
einhvem pata af þessu fyrr og þar
með patentlausn á vandanum: Að
opna Hitt húsið í gamla Geysishús-
inu til að uppræta samanlögð ung-
lingavandamál borgarinnar. Hitt
húsið er glæsilega upplýst og málað
í skærum litum. Mergð starfsmanna
vermir sófana þar og sötrar kaffi
meðan beðið er. En unglingamir
láta ekki sjá sig.
Við þessu verður að bregðast.
Unglingarnir þurfa að vera sýnileg-
ir. Þ?ss vegna skal nú komið fyrir
myndavélum um allan miðbæinn til
að skima eftir unglingunum og öðr-
um vegfarendum í hálfrökkri helg-
arstemningarinnar. Lögreglan á að
annast myndstjórn og upptöku.
Kannski sparar þetta lögreglunni
einhver viðskipti við videoleigur á
niðurdrepandi næturvöktum. En
hafa ekki einhverjar grandvarar
kvennalistakonur séð í hendi sér að
svona upptökuvélar sem vopn gegn
unglingaskaranum í miðbænum eru
persónunjósnir og mannréttinda-
brot? „Stóri bróðir" kominn á kreik.
Já, svei mér þá.
En mannréttindabrotin em svo
afstæð. Það hefur borgarstjórinn þó
öragglega fengið staðfest í Kína. Og
hún hefur líka komist að raun um
Myndavélar um allan bæ til að skima eftir unglingum og öðrum vegfarend-
um?
að myndavélar af þessu tagi hafa
verið notaðar með góðum árangri á
„Torgi hins himneska friðar". Og
því þá ekki hér líka? Varla skyldi
tæknin bregðast okkur, úr því að
Kínverjamir geta þetta!
Og löggan getur sýnt á sér nýjar
hliðar í samfélagshnýsni. Það verð-
ur öragglega „súmmaö“ inn þegar
þingmenn og aðrir góðborgarar, þar
með taldir Pétur og Páll, bregða sér
á kráarrölt í miðbænum, í jólaglögg
og önnur teiti með forunautum sin-
um. Súmm, súmm, fyrir og eftir.
Kannski verður þetta jólamyndin á
heimilum lögreglumanna. Óg kost-
un? — Jú, „Stóra systir" í Ráðhús-
inu.
Draugagangur
í miðbænum
Sérstök „Feminísk sýn“
K.Þ. skrifar:
Önnur og breytt vinnubrögð eru
nú við stjórn höfuöborgar landsins.
Eins og menn vita ræður nú
Kvennalistinn, flokkur sem almennt
mælist með 2% fylgi, lögum og lof-
um í Ráðhúsinu. I Veru, málgagni
listans, er rætt við konurnar sem
stjóma borginni um hvað þær hafi
að leiðarljósi við stjórn höfuðborg-
arinnar. Þar kemur vel fram, hvað
við Reykvíkingar létum hafa okkur
út í að kjósa yfir okkur í fyrra.
„Femínisminn á að birtast í öllum
þeim málaflokkum sem borgar-
stjóm á að sinna", segir þar m.a.
„Stefna í kvenfrelsismálum" er
„heildarstefna", sem á að „marka
störf allra þeirra ráða og nefnda
sem starfa innan borgarkerfisins".
Var talað á þessum nótum fyrir
kosningarnar?
Hugmyndafræði Kvennalistans
hefur alla tíð gengið út á, að konur
séu fómarlömb karlmanna og þær
hafi verið kúgaðar um aldir, og
snúa þurfi vörn í sókn. Hvemig
halda menn að fari þegar höfuðborg
landsins er stjórnað með slíku hug-
arfari? Borgarstýran í Reykjavík
segist „leggja upp með það
femíníska viðhorf sem okkar vega-
nesti, að konur sem kyn eigi undir
högg að sækja“? - Ættu karlmenn þá
að ómaka sig við að sækja um störf
hjá borginni?
Kona nokkur var ráðin borgarrit-
ari fyrir skömmu. Um þá ráðningu
segir borgarstjórinn í Veru, að hún
sé „sannfærð um að hún hefði ekki
verið ráðin“ væra ákvarðanir ekki
taknar út frá sérstakri „femínískri
sýn. Þá var ráðin-kona í nýtt starf
fjárreiðustjóra Reykjavvikurborgar.
Sú kona segist í blaðaviðtali á dög-
unum gera fastlega ráð fyrir að í
umsókninni hafi hún notið þess að
vera kona. Núverandi borgaryfir-
völd virðast líta reykvíska karl-
menn hornauga. Líður tæpast á
löngu þar tii það verður maklega
gagnkvæmt.
Sérpakkaða nautakjötið horfið?
Sigfús Jónsson skrifar:
í síðustu viku var svokölluð Am-
erísk vika þar sem nokkrar verslan-
ir höfðu til sölu þekkt vörumerki frá
Bandaríkjunum. Yfirleitt gæðavör-
ur þótt ég þekki ekki öll merkin. Ég
minnist t.d. að hafa séð þarna
„Pepperidge" sem er þekkt vöru-
merki á amerísku gæðakexi og ólíkt
öðru kexi á markaöinum því í því
eru engin aukefni og þess utan frá-
bært sem meðlæti með kaffi. En
þetta er ekki allt.
Þessa dagana voru auglýstar
„Amerískar steikur" (auðvitað ís-
lenskt kjöt en unnar eftir kröfum
sem gerðar era í Bandaríkjunum).
Er ég skoðaöi nautakjötið, sem var á
boðstólum þessa daga, saknaði ég
þess að sjá ekki þær pakkningar
sem auglýstar voru fyrir nokkrum
vikum, með hinum sérpökkuðu
nautasteikum og kjöthlutum, sér-
staklega merktum fyrir neytenda-
markað í Ameríku.
Ég er undrandi á því að ekki skuli
vera vandað jafn mikið tii vinnslu
og pökkunar á nautakjöti hér á
markaðinum og þegar það á að selj-
ast á erlendum markaði. Hvers eig-
um við að gjalda hér? Og svo er nátt-
úrlega nautakjötið alltof dýrt hér til
Hvar eru sérpökkuðu nautasteikurnar fyrir fslenska neytendur? spyr bréfrit-
ari.
þess að almenningur kaupi þaö í
einhverjum mæli. Líkt og lamba-
kjötið í t.d. læram eða hryggjum.
Álagningin hlýtur að vera gríðar-
leg. Sagt er að verslunin hér leggi
frá 400—700 kr. á kg í lambalærum
og hryggjum. Gagnstætt því er ger-
ist um svínakjötið. Sé þetta rétt er
hér auðvitað um okurálagningu að
ræða og ekkert annað. Á þessu verð-
lagi verður engin aukning í sölu
þessara kjöttegunda. En hvar er nú
Samkeppnisráð og öll hin ráðin sem
hið opinbera heldur uppi? Hér er
ekki lengur um heilbrigða verslun-
arhætti að ræða heldur græðgi
veiðimannasamfélagsins í sinni
villtustu mynd.
Fleiri flóttamenn
til íslands
Axel skrifar:
Ég fagna framkvæði ísafjarð-
arkaupstaðar með því að bjóða
milli 20 og 30 flóttamönnum frá
stríðshrjáðum Júgósiavíuríkjum
að setjast aö hjá okkur í einum
faUegasta bæ landsins. Einnig
skal félagsmálaráðherra þakkað
hans framlag til málsins. En þörf
er á meiru. Nú ættu aðrir bæir
að fylgja í kjölfarið og bjóða öðr-
um flóttamönnum aösetur.
Reykjavík hafði frumkvæðið í
öndverðu, síðan isafjörður núna,
og þá gætu önnur bæjarfélög
fylgt á eftir. Hér vantar fólk og
miklu, miklu meira fólk. Við get-
um brauðfætt mun fleiri en hér
búa nú.
Eldriborgara-
flokkur
Páll hringdi:
Ég er þess fuliviss að sá aðili
eða þeir sem stofnuðu stjórn-
málaflokk sem hefði það að
markmiði að sinna eingöngu
málefhum eldri borgara í land-
inu fengju mikið og öruggt fylgi.
Ég er eiginlega undrandi á því aö
ekki skuli fyrir löngu vera búið
að stofna slíkan stjórnmálaflokk.
Engir flokkanna sinna málefnum
aldraðra tO neinnar hlítar svo
nú er lag að ríða á vaðið. Lífeyr-
ismálin brenna þama kannski
heitast. Ekki síst aldursmörkin
sem þarf að færa niður.
Þeir skara eld
að sínu
Hulda Svanlaugsdóttir skrif-
ar:
Ég er orðin fullorðin kona en
nú skammast ég mín fyrir að
vera íslendingur þegar ég heyri
að ráðamönnum hafi tekist að
skara svo eld að sinni köku að
laun þeirra eru orðin fjórföld á
við laun iðnaðarmanns. Ég hélt
þó að á Alþingi væri margur góð-
ur drengur. Og ég hafði alltaf
vonað að jöfnuöm- yrði aðals-
merki þessarar fámennu þjóðar.
En hvaö skal nú segja? — Hér er
kveöja tii þingmanna með þess-
ari gömlu vísu: Þótt þú berir fin-
ni flík/og fleiri í vösum lykla./
Okkar veröur lestin lík/á loka-
daginn mikla.
Grein Sverris
Stormskers
Bergur Halldórsson hringdi:
Ég þakka Sverri fyrir frábæra
kjailaragrein hans í DV 3. okt. sl.
Þessi grein Sverris er að mínu
mati beitt ádeila á tilgangsleysi
ráðstefnanna sem við íslending-
ar höfum heiliast svo af á síðustu
árum. „Ráðstefnusamþykktir
eru eitt, veruleikinn annað," seg-
ir Sverrir m.a. Skyldi honum rat-
ast rétt á munn? — Já, það vek-
ur ávalit athygli þegar þekktir
karlar og konur í þjóðfélaginu
taka sig til og segja meiningu
sína á mönnum og málefhum. Og
öll átti grein Sverris Stormsker
erindi við okkur.
Vigdísi áfram
sem forseta
Friðrik Friðriksson skrifar:
Ég tek undir með þeim sem
hafa ýjað að því að skora á nú-
verandi forseta, frú Vigdísi Finn-
bogadóttur, að endurskoða af-
stöðu sína og ljá máls á því að
gegna starfi sínu áfram enn eitt
kjörtímabil. Ég sé ekki annað en
annars hefjist hér nokkuð
hatrömm barátta og flokkadrætt-
ir. Við megum ekki við því nú,
ofan á alla aðra óáran sem virð-
ist í augsýn hér. Að öðrum kosti
ættum við að hreinlega að end-
urskoða þýðingu embættisins
fyrir þjóðina.