Dagblaðið Vísir - DV - 24.10.1995, Blaðsíða 21

Dagblaðið Vísir - DV - 24.10.1995, Blaðsíða 21
ÞRIÐJUDAGUR 24. OKTÓBER 1995 Fulltrúar DV heimsóttu Borgnesinga í liðinni viku í tilefni 20 ára afmælishá- tíðar blaðsins. Margt var til gamans gert á hátiðinni sem fram fór í Óðali, félagsmiðstöð unglinganna í Borgarnesi. Tígri fór á kostum og vafði unga fólkinu um fingur sér. í boði voru veitingar af ýmsu tagi sem konurnar í Kvenfélagi Borgarness og Kvenfélagi Álftaneshrepps sáu um. DV-mynd Olgeir Helgi Ragnarsson Yngsta kynslóðin skemmti sér konunglega á afmælishátíð DV sem fram fór í Borgarnesi fyrir skömmu. Steinka Páls þandi nikkuna meðan börnin döns- uðu og sungu. Það var „kátt í höllinni" þennan dag og allir fóru heim sælir og glaðir. DV-mynd Olgeir Helgi Ragnarsson Strætisvagninn sem gengur um Borgarnes a.m.k. fram að áramótum. DV-mynd Olgeir Helgi. Strætó byijaöur að ganga í Borgamesi: Samtvinnað skólakeyrslunni Olgeir Helgi Ragnarsson, DV, Borgamesi: I I I Nú stendur yfir tilraun með rekst- ur á strætisvagni í Borgarnesi og stendur Borgarbyggð að þessari til- raun. íbúðabyggðin í Borgarnesi stendur á Digranesi við Borgaríjörð og vegna landfræðilegrar legu ness- ins er bærinn tiltölulega langúr og mjór. „Þetta tengist skólakeyrslunni, það er reynt að samræma tímann að hluta til,“ segir Sigurður Páll Harð- arson hjá Borgarbyggð en skólabíll hefur vefið rekinn fyrir grunnskóla- nemendur í Borgarnesi undanfarin ár. „Síðan er ferð, bæði áður en skól- inn byrjar og eins eftir að skóla lýk- ur. Þetta eru alls tólf ferðir yfir dag- inn. Fyrsta ferð er 6.50 og síðasta ferð er 18.25.“ Hringurinn, sem strætis- vagninn fer, er frá Brákarbraut í Borgamesi og upp á Sólbakka sem er iðnaðarhverfi skammt utan 'við íbúðabyggðina í Borgarnesi. Sigurður PáU segir reynsluna þá að strætisvagninn hafi verið frekar lítið notaður af fullorðnum, hverju sem um væri að kenna. Þetta hefði verið auglýst þó nokkuð vel, m.a. með dreifibréfi í hvert hús en þetta hefði samt farið hægt af staö. 25 Nf MÆí/ 0 Svæðismiðstöð Menntanetsins fyrir Intemetið á Bifröst: Vesturlandið komið á „vefinn“ Nemendur Samvinnuháskólans fá m.a. sérstaka kennslu í þvi hvernig þeir geti nýtt sér kosti Internetsins við rekstur fyrirtækja. Hér eru þeir Örn Haf- steinn Baldvinsson, Gunnar Óskarsson og Lúðvík Vilhelmsson í slíkri kennslustund en þeir stunda allir nám í rekstrarfræðadeild II. og stefna að því að Ijúka BS-prófi á komandi vori. DV-mynd Olgeir Helgi Olgeir Helgi Ragnarsson, DV, Borgamesi: Svæðismiðstöð fyrir íslenska menntanetið hefur verið tekin í notk- un á Bifröst í Norðurárdal og var það gert með dyggum stuðningi Samtaka sveitarfélaga á Vesturlandi. Nú geta íbúar á Vesturlandi því tengst Inter- netinu og öllum þess veraldarvefjum og komist þannig í sambönd úti um allan heim án þess að símakostnað- urinn sé meiri en sem svarar innan- bæjarsímtah. Eftir sameiningu sveitarfélaga fyr- ir rúmu ári eru Bifröst og Borgames komin í eina sæng, en eins og kunn- ugt er þá sameinuðust fjögur sveitar- félög í Mýrasýslu í Borgarbyggð: Borgames, Hraunhreppur, Noröur- árdalshreppur og Stafholtstungna- hreppur. Það vakti nokkra athygli að þessi sveitarfélög voru ekki öll samliggjandi, þannig að Borgar- byggö varð því í þremur einingum, klofrn af Álftaneshreppi og Borgar- hreppi. Það er ýmis önnur starfsemi sem stunduð er á Bifröst en rekstur svæðismiöstöðvar íslenska mennta- netsins. Þar er m.a. rekinn leikskóli fyrir börn í ofanverðri Borgarbyggð. A Bifröst er einnig að rísa vísir að þorpi, sem kalla má háskólaþorp, því gmnnurinn aö allri þessari uppbygg- ingu er rekstur Samvinnuháskólans á Bifröst. Jónas Guðmundsson tók-við stöðu rektors í sumar af Vésteini Bene- diktssyni. Jónas segir að ekki verði um neinar stórkostlegar stefnu- breytingar að ræða í skólanum á næstunni, enda sé nýlega búið að fara í gegnum stefnumótun skólans og samþykkja stefnuyfirlýsingu hans í skólanefnd. Þar hafi áherslur verið skerptar, horft fram á veginn og ákveðið hvernig skólastarfið yrði í stórum dráttum. Nú er boðið upp á fjögurra ára nám við Samvinnuháskólann á Bifröst. Grunnurinn í starfi skólans er rekstrarfræðadeild, en þar er um að ræða tveggja ára nám í rekstrarfræð- um á háskólastigi. í skólanum er einnig frumgreinadeild, en hún er ætluð þeim er áhuga hafa á að stunda nám í rekstrarfræðadeild en skortir á þekkingargrunninn og er því í raun undirbúningsdeild fyrir nám í rekstrarfræöum. Nýjasta deildin tók síðan til starfa við skólann síðastlið- inn vetur, rekstrarfræðadeild II., en þar eru nemendur útskrifaðir með BS-próf í rekstrarfræðum. Sam- vinnuháskólinn hefur notiö vaxandi álits og vinsælda allt frá því hann tók til starfa árið 1988 og leysti þá af hólmi gamla Samvinnuskólann sem starfað hafði á Bifröst í áratugi við mjög góðan orðstír. Ákveðin deyfð yfir starfi kvenfélaganna: Hlutverk konunnar breytt - segir María Jóna Einarsdóttir varaformaður María Jóna Einarsdóttir, varaformaður Kvenfélags Borgarness, á svölunum heima hjá sér en eins og glöggt má sjá hefur hún stórfenglega útsýn yfir Borgarfjörð og Hafnarfjall. DV-mynd Olgeir Helgi Olgeir Helgi Ragnarsson, DV, Borgamesi: Það voru konurnar í Kvenfélagi Borgamess og Kvenfélagi Álftanes- hrepps sem sáu um veitingarnar þeg- ar Dagblaðshátíðin var haldin í Borg- amesi á dögunum. María Jóna Ein- arsdóttir er varaformaður Kvenfé- lags Borgamess og bar hitann og þungann af skipulagi veitinganna en formaður félagsins, Herdís Guð- mundsdóttir, var erlendis. María sagði að það heföi gengið ágætlega að fá konurnar til að taka þátt í þessu, miðað við hvað það hefðu fáar verið heima. María hafði orð á því að fyrirvar- inn hefði veriö skammur en hún fékk fyrst veður af Dagblaðsheimsókninni viku áður en hún var haldin og þá var myndin sem hún fékk sú að fréttamenn frá Dagblaðinu væru á ferö um landið. En svo hefði þetta farið smám saman að skýrast þannig að fyrirvarinn hefði í raun verið eng- inn. „En það er nú allt í lagi með það, maður gleymir því bara,“ segir María. Um starfsemi kvenfélagsins sagði María aö það væri með það eins og fleiri félög að það virtist vera ákveð- in deyfð yfir starfinu og það hefði fækkað í félögunum. „Kvenfélögin eru ekki í tísku. Áður vom konur heimavinnandi og þá var þetta eina tilbreytingin, en nú spyrja börnin mann: „Hvenær verðurðu heima?" Hlutverk konunnar er bara breytt“ Fyrir fimmtán til tuttugu ámm var mjög líflegt starf í félaginu og m.a. mikið um námskeiðahald á vegum félagsins að sögn Maríu. „Þetta er eins og allt annað sem gengur í sveifl- um. Maður vonar að sagan endurtaki sig. Það eru kannski núna að koma aftur tímar þar sem konur eru meira heimavinnandi og kannski komast kvenfélögin í tísku aftur," segir Mar- ía. Félagar í Kvenfélagi Borgarness eru um tuttugu talsins og segir Mar- ía að þar af séu tólf virkir. Félagið var stofnað árið 1927 og á ámm áður var eitt helsta verkefni kvenfélagsins að rækta Skallagrímsgarð í Borgar- nesi, eða allt frá árinu 1933, en árið 1989 aíhenti kvenfélagið Borgar- nesbæ garðinn. „Áður var mikið um aðstoð viö fátæka og markmiö félags- ins hefur alltaf verið að vinna að líknarmálum og styðja við einstakl- inga sem eiga við erfiðleika að etja.“ 17. júní ár hvert er kvenfélagið með kaffisölu í Skallagrímsgarði. Áður rann ágóðinn í rekstur garðsins en nú fer hann í annað, t.d. hafa verið gefin sjúkrarúm og náttborð á dval- arheimih aldraðra og fleiri aðilar verið styrktir á ýmsan hátt.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.