Dagblaðið Vísir - DV - 30.04.1996, Blaðsíða 18

18
ÞRIÐJUDAGUR 30. APRÍL 1996
ÞRIÐJUDAGUR 30. APRIL 1996
23

íþróttir
Deildabikarinn:
12 liða úrslit
á morgun
Tólf liða úrslitin í deildabikar-
keppninni í knattspyrnu fara
fram á morgun, 1. maí. ÍA og
Leiftur leika á Akranesi klukkan
14-45. Klukkan 16 leika FH og
Grindavík á Ásvöllum, ÍBV og
Keflavík í Helgafellsvelli í Vest-
mannaeyjum og Fylkir og
Stjarnan eigast við á nýjum velli
Stjörnunnar við Hofsstaðaskóla í
Garðabæ. Klukkan 18 leika
Breiðablik og ÍR á Kópavogsvelli
og klukkan 18.30 eigast við Fram
og Valur á Ásvöllum í Hafnar-
firði.
Sigurliðin í þessum leikjum
komast áfram og fara í tvo
þriggja liöa riðla en tapliðin eru
úr leik. -GH
Bröndby efst
í Danmörku
Bröndby er í efsta sæti í
dönsku úrvalsdeildinni í knatt-
spyrnu eftir leiki helgarinnar.
Úrslitin urðu þannig:
AaB-AGF .....................2-1
OB-Bröndby ..................2-0
Lyngby-FC Köbenhavn .........4-0
Næstved-Ikast................0-2
Silkeborg-Herfólge...........1-0
Vejle-Viborg.................0-1
Bröndby er með 56 stig, AGF
54, OB 46, Lyngby 45.
Lilleström og
Bodö á toppnum
Það stefnir í spennandi keppni
í norsku 1. deildinni í knatt-
spyrnu í ár og einhver lið ættu
að geta veitt Rosenborg ein-
hverja keppni en liðið hefur haft
umtalsverða yfirburði undanfar-
in ár. Úrslitin um helgina urðu
þessi:
Start-Molde.......’..........4-2
Lilleström-Brann..............3-3
Moss-Tromsö ..................0-1
Rosenborg-Stabæk..............4-2
Skeid-Bodö/Glimt..............1-3
Strömsgoðset-Kongsvinger .... 1-1
Viking-VIF....................2-1
Lilletröm og Bodö/Glimt eru
með 7 stig eftir þrjá leiki, Rosen-
berg 6 stig eftir tvo leiki, Viking
5 stig, Start, Brann og Tromsö 4
stig hver.
Gazza bestur
í Skotlandi
Paul Gascoigne var kjörinn
knattspyrnumaður ársins í
Skotlandi í fyrradag, eftir að
Rangers hafði tryggt sér 8. meist-
aratitil sinn í röð. Gazza, sem
keyptur var til Rangers frá Lazio
fyrir tímabilið fyrir 4,3 milljónir
punda, hefur leikið mjög vel á
leiktíðinni og hefur skorað 19
mörk fyrir Rangers. Hann verð-
ur áfram með liðinu næstu tvö
árin.
Zidane bestur í
Frakklandi
Zinedine Zidane, miðvallar-
leikmaður Bordeaux, var út-
nefhdur knattspyrnumaður árs-
ins í Frakklandi um helgia.
Hann var lykilmaður í franska
landsliðinu sem vann sér sæti í
úrslitum Evrópumótsins og átti
stóran þátt I að koma Bordeaux í
úrslit UEFA-keppninnar. Júrí
Djorkaff varð annar í kjörinu og
Daniel Bravo þriðji en þeir leika
báðir með París SG.
Leiðrétting
I DV í gær var haft eftir Ás-
laugu Evu Björnsdóttur frá Ak-
ureyri að hún hefði aldrei áður
unnið til gullverðlauna á Andr-
ésar andar leikunum. Hið rétta
er að hún vann gullverðlaun í
svigi 1993 og 1994. Beöist er vel-
virðingar á mistökunum.
Fer Kluivert
í steininn?
- mætir fyrir rétt í Amsterdam á morgun
Hollenski knattspyrnumaðurinn
Patrick Kluivert, framherji Evrópu-
og Hollandsmeistara Ajax, gæti
þurft að eyða næsta árinu í fangelsi.
Kluivert mætir í réttarsalinn í
Amsterdam á morgun og þá verður
kveðinn upp dómur í máli hans.
Kluivert, sem er 19 ára, varð vald-
ur að dauða manns i september síð-
astliðnum þegar hann ók bifreið
sinni, BMW, á aðra bifreið á götu í
Amsterdam með þeim afleiðingum
að ökumaðurinn lést og farþegi í
framsæti slasaðist. Kluivert er sak-
aður um glæfralegan akstur þegar
óhappið átti sér stað.
Ekki er þó víst að Kluivert verði
settur á bak við lás og slá þó svo að
hann verði dæmdur sekur. Há-
marksrefsing er eins árs fangelsi en
hann gæti einnig verið dæmdur til
að inna af hendi ákveðna vinnu fyr-
ir hollenska ríkið og er þá horft til
knattspyrnunnar.
„Það er engin ástæða til að loka
strákinn inni og ég yrði mjög hissa
ef dómarinn sendi hann í steininn.
Ég á alveg eins von á að hann verði
dæmdur sekur en verði skyldaður
til að vinna eitthvað gott í þágu
samfélagsins,” sagði Jacco Boek,
glæpasérfræðingur í viðtali við
fréttamenn í gær.
Kluivert er einn þeirra leik-
manna sem Hollendingar binda
mestar vonir við og frammistaða
hans með Ajax hefur vakið heimsat-
hygli. Hann hefur þegar unnið sér
sæti í hollenska landsliðinu og fang-
elsisdómur myndi þýða að hann
yrði ekki með Hollendingum í úr-
slitum Evrópukeppninnar í Eng-
landi í sumar.
-GH
Enska knattspyrnan:
Newcastle heföi
þurft fleiri mörk
j - vann Leeds, 1-0, og á enn möguleika
Newcastle er áfram með í bar-
áttunni um enska meistaratitilinn
; eftir 1-0 útisigur á Leeds í gær-
kvöld, og jafnframt öruggt með
annað sætið í úrvalsdeildinni.
Keith Gillespie skoraði sigur-
markið með skalla eftir 17 mín-
útna leik en áður höfðu leikmenn
Leeds átt skot og skalla í þverslá
og stöng.
Newcastle hefði þurfti fleiri
S mörk til að styrkja stöðu sína í
einvíginu við Manchester United.
Markatala United er sex mörkum
betri en Newcastle sækir heim
Nottingham Forest á fimmtudags-
kvöldið og þar verður Newcastle
að vinna, helst með nokkrum
mun.
Sigri Newcastle verða liðin jöfn
fyrir lokaumferðina en þá leikur
Newcastle á heimavelli við Totten-
ham en United á útivelli við Midd-
lesboro.
Staða efstu liða er þannig:
Man. Utd 37 24 7 6 70-35 79
Newcastle 36 24 4 8 64-35 76
Liverpool 36 20 9 7 68-32 69
Aston Villa 37 18 9 10 52-34 63
Arsenal 36 16 11 9 47-31 59 -vs
^ Þýska knattspyrnan:
Islendingarnir
fengu allir hrós
DVj Þýskalandi:
íslendingarnir í þýsku 2. deild-
inni í knattspyrnu fengu allir lof-
samlega dóma í íþróttablaðinu
Kicker í gær fyrir frammistöðu sína
í leikjum síðustu helgar. Lið þeirra
unnu öll og styrktu stöðu sína til
muna.
Eyjólfur Sverrisson átti stórleik í
vörn Herthu Berlín sem vann
Lúbeck, N0. Eyjólfur var valinn í
lið vikunnar en Hertha er komin í 8.
sætið eftir slakt gengi framan af
vetri.
Þórði Guðjónssyni er að stórum
hluta þakkaður sigur Bochum á
Fortuna Köln, 3-1. Þórður kom inn
á sem varamaður og kom liði sínu
yfir, 2-1. Þórður skoraði um fyrri
helgi sigurmark Bochum eftir að
hafa komið inn á og í Kicker er sagt
að vegna frammistöðu hans geti
Bochum-menn nú farið að kæla
kampavínið en þeir eru komnir með
11 stiga forystu og eiga 1. deildar-
sætið næsta víst.
Loks fékk Bjarki Gunnlaugsson
góða einkunn fyrir leik sinn með
Mannheim sem vann Zwickau, 3-1.
Bjarki fékk 2 í einkunn og öllum
þremur framlínumönnum Mann-
heim er hrósað fyrir góða frammi-
stöðu. -ÞS
Sænska knattspyrnan:
Markalaust hjá
Örgryte og Halmstad
DV Svíþjóð:
Rúnar Kristinsson og félagar í Ör-
gryte gerðu markalaust jafntefli við
Halmstad í sænsku úrvalsdeildinni
í gærkvöldi. Rúnar náði sér ekki á
strik frekar en flestir félaga hans og
var skipt út af á 60. mínútu.
Úrslitin í úrvalsdeildinni í gær:
Örgryte-Halmstad.................0-0
Öster-Oddevold...................0-1
Djurgárden-Norrköping ...........1-1
Trelleborg-AIK...................0-1
Nýliðar Oddevold hafa komið
mjög á óvart og eru efstir eftir tvær
umferðir ásamt Helsingborg með 6
stig.
-EH
Iþróttir
Það kemur í Ijós á morgun hvort Patrick Kluivert þarf að fara í fangelsi en
hann mætir fyrir rétt í Amsterdam grunaður um manndráp af gáleysi.
Birkir Kristinsson er að gera góða hluti með Brann:
Samkeppnin rosaleg
- var búinn að sætta mig við að byrja á bekknum, segir landsliðsmarkvörðurinn
Birkir Kristinsson, landsliðsmark-
vörður íslendinga í knattspyrnu, hef-
ur staðið sig mjög vel með Brann í
fyrstu tveimur leikjum liðsins í
norsku 1. deildinni. í 1. umferðinni,
þegar Brann lagði VIF á útvelli, varði
Birkir mark Brann nokkrum sinnum
meistaralega og var öðrum fremur
maðurinn á bak við sigur liðsins. Á
sunnudaginn var hann hetja Brann en
þá varði hann vítaspyrnu þegar liðið
gerði 3-3 jafntefli gegn Lilleström í
hörkuleik.
„Ég er mjög sáttur við mína
frammistöðu og liðsins i heild í þess-
um tveimur fyrstu leikjum. Ef taka á
mið af þeim þá held ég að við getum
verið í toppbaráttunni,” sagði Birkir í
spjalli við DV í gær.
„Samkeppnin um stöðurnar í liðinu
er rosaleg. Við erum þrír markverð-
irnir hjá liðinu svo maður má varla
taka feilspor ef maður ætlar ekki að
detta úr liðinu. Ég var eiginlega far-
inn að sætta mig við að byrja á bekkn-
um en í síðasta æfingaleiknum var ég
á bekknum og þjálfarinn hafði sagt að
liðið sem byrjaði inni á í þeim leik
yrði byrjunarliðið í fyrsta leiknum.
Það kom mér því nokkuð á óvart þeg-
ar hann tilkynnti mér að ég væri í
markinu í gegn VIF.”
Birkir sagði að leikurinn gegn Lil-
leström hefði verið hörkuleikur en
hann hefði á ferli sínum aldrei kynnst
annarri eins hörku í sinn garð.
Aldrei kynnst öðru eins
„Sóknarmenn Lilleström fengu
hvað eftir annað að brjóta á mér án
þess að það væri dæmt á það og ég var
orðinn mjög hræddur um að þeir ætl-
uðu hreinlega að ganga frá mér. Þó
svo að ég handsamaði boltann komu
þeir og spörkuðu í mig og þetta var
bara orðið fyndið og það versta sem ég
hef lent í. Það er i lagi að trufla mann
en þegar það er einblínt á að brjóta á
manni er það orðið fullmikið,” sagði
Birkir.
Birkir sagði að áhuginn hjá stuðn-
ingsmönnum Brann væri mjög mikill
og þessi góða byrjun í tveimur fyrstu
leikjunum, sem báðir voru á útivelli,
gerðu það að verkum að reiknað væri
með 20.000 manns á fyrsta heimaleik-
inn sem er gegn Viking annað kvöld.
KR-lið Noregs
„Ég er mjög ánægður með dvölina
hjá Brann. Það er gaman á æfingun-
um. Mikið um spil og boltaæflngar og
það hefur komið mér á óvart hve mik-
ið spilað hefur verið á æfingunum í
stað syrktaræfinga. Ég sé sjálfur um
að æfa styrkinn og það er gert ráö fyr-
ir því að menn sjái sjálfir um þau mál
og lyfti reglulega. Þá hefur þessi mikla
samkeppni í liðinu komið mér á óvart.
Það er enginn öruggur í liðið og hver
leikur er úrslitaleikur fyrir mann. Það
hefur byggst upp mikil pressa hjá
Brann og maður er svolítið smeykur
við það. Menn eru að gera sér vonir
um að nú sé komið sterkt lið sém get-
ur barist um medalíu. Ég hef trú á að
það geti gerst. Maður hafði það á til-
finningunni að þetta væri svona KR-
lið Noregs - miklar væntingar fyrir
mót en síðan gerðist ekki neitt. Liðið
hefur ekki unnið meistaratitil síðan
1963 og ekki orðið bikarmeistari síðan
1980,”.
Eru vel þjálfaðir
- Merkir þú mikinn mun á norskri
knattspymu og þeirri íslensku?
„Já, ég fann sérstaklega mun þegar
við spiluðum gegn Lilleström. Hrað-
inn i leiknum var mjög mikill og leik-
menn almennt mjög vel þjálfaðir.
Toppliðin í Noregi eru vel mönnuð og
mannskapurinn vel þjálfaður. Þessi
lið hafa toppaðstöðu og geta komið vel
undirbúin til leiks þegar mótið byrjar.
Heima á íslandi er allt háð veðri því
aðstæðurnar yfir vetrartímann til að
stunda íþróttina er af skornum
skammti. Ég flnn sjálfur að ég er kom-
inn í toppform og það er ekki nema
apríl. Núna þegar tímabilið er byrjað
er ekki verið að keyra á fúllu á æfing-
um eins og heima því menn eiga að
vera koihnir í toppform og æfingarnar
fara því meira í að æfa leikskipulag
og spila fótbolta enda oft stutt á milli
leikja. Líkamlegt form hjá mér er í
standi en hjá markverði er þetta alltaf
spurning um andlegu hliðina,” sagði
Birkir.
Birkir sagði að Ágúst Gylfason
hefði staðið sig vel. Hann væri vinstri
bakvörður i fjögurra manna vörn og
hann yrði að lifa við það að vera varn-
armaður eins og Birkir orðaði það.
-GH
Birkir Kristinsson, landsliðsmarkvörður í knattspyrnu, hefur staðið sig
vel með Brann í fyrstu leikjunum í norsku 1. deildinni.
Nýr formaður tekur við hjá HSI eftir ársþing:
Tvö gefa kost á
sér til formanns
Ársþing Handknattleikssambands
íslands verður haldið um miðjan maí.
Ljóst er að nýr formaður verður kos-
inn á fundinum en Ólafur B. Schram
mun ekki gefa kost á sér áfram. Á þess-
ari stundu er öruggt að tveir aðilar
muni gefa kost á sér til formennsku,
Guðmundur Ingvarsson, framkvæmda-
stjóri hjá Ingvari Helgasyni hf. og for-
maður landsliðsnefndar
karla, og Ásgerður Hall-
dórsdóttir, stjórnarmað-
ur í Handknattleiks-
sambandinu.
„Ég ákvað um helg-
ina að gefa kost á mér
til formanns. Þetta verð-
ur mjög erfitt -starf og
númer eitt, tvö og þrjú
verður að leysa fjármál
sambandsins. Það er
ekkert hægt að gera
fýrr en fjámálin eru
komin á hreint. Það er
ljóst að HSÍ, eitt og sér,
hefur ekki bolmagn til
að leysa þessi mál og til
verður að koma stuðn-
ingur frá ríkisvaldinu,"
sagði Guðmundur Ingv-
arsson í samtali við DV í gær.
Handboltinn á aðstoð inni hjá
ríkinu /
„Handknattleikurinn er að mínu
mati þjóðaríþrótt íslendinga og í hand-
knattleik höfum við náð bestum ár-
angri. Heimsmeistarakeppnin gekk
mjög vel og þrátt fyrir breytta keppni
frá því áður skilaði hún tekjum. Það
vita allir hvert hagnaðurinn af keppn-
inni fór og því finnst mér handknatt-
leikurinn eiga það inni hjá ríkinu að
það komi íþróttinni til aðstoðar á þess-
um erfiðu tímum.“
- Hefur þú ákveðnar hugmyndir um
samstarfsfólk, verðir þú formaður?
„Ég hef verið að leita fyrir mér að
sterkum einstaklingum. Ég er ekki til-
búinn nefna nein nöfn á þessu stigi.“
- Ert þú bjartsýnn á sigur?
„Ég hef trú á því að hægt verði að
Guðmundur Ingvarsson.
Asgerður Halldórsdóttir.
bjarga íjárhag HSÍ, annars væri ég
ekki að bjóða mig fram til formennsku.
Annars ætla ég ekki í neinn for-
mannsslag. Það kemur bara í ljós á
þinginu hvort hreyfingin vill mig sem
næsta formann eða ekki,“ sagði Guð-
mundur.
Nýtt blóð nauðsynlegt
„Ég hef ákveðið að gefa kost á mér
til formennsku. Það er nokkur tími síð-
an ég ákvað framboð og ég hef orðið
vör við mikinn áhuga á mínu fram-
boði. Ákvörðunina tók ég í samráði við
þá sem þekkja mig,“ sagði Ásgerður i
samtali við DV í gær.
„Fólk benti mér á að að ég hefði sjálf
æft og leikið handknattleik og unnið að
félagsstörfum hjá Gróttu í yfir 20 ár.
Að auki hefði ég reynslu í stjórnunar-
störfum annars staðar frá. Þá var mér
bent á að nauðsynlegt væri að fá nýtt
blóð inn í þetta Qg þá
aðila sem hefði unnið
lengi í hreyfingunni.
Áhuginn á þessu starfi
er gríðarlegur hjá mér
og minni fjölskyldu.
Maðurinn minn, Krist-
ján Guðlaugsson, hefur
verið tengdur hand-
knattleiknum og sonur
minn er í unglinga-
landsliðinu. Það kom
því fjölskyldu minni
ekkert á óvart að ég
skyldi vera tilbúin að
verða formaður HSÍ.
- Verðir þú formaður
HSl hver eru að þínu
mati helstu verkefnin?
„Það eru auðvitað
fjármálin og þau þarf
að leysa. Það er ljóst að það getur eng-
inn einn aðili leyst fjárhagsvanda HSÍ.
Þar verður að koma til aðstoð frá rík-
isvaldinu og sveitarfélögum. Það tekur
enginn einstaklingur við þessu búi og
gerir eitthvert kraftaverk þótt hann sé
allur af vilja gerður. Það verður að
skoða þessi mál vel og fara í algjöra
naflaskoðun á fjármálunum. Þessi mál
þarf að leysa með hreyfingunni í
heild," sagði Ásgerður.
-SK
Beck til Boro
Dönsk blöð skýrðu frá því í
gær að enska knattspyrnufélagið
Middlesbro hefði fest kaup á
danska landsliðsmanninum
Mikkel Beck frá Fortuna Köln í
Þýskalandi fyrir um 400 milljón-
ir króna.
Ferguson til Milan?
Silvio Berlusconi, eigandi
ítölsku meistaranna AC Milan,
hefur lýst yfir áhuga á að fá Alex
Ferguson, framkvæmdastjóra
Manchester United, til starfa hjá
félagi sínu.
Frestað hjá KR
Stúkukvöldi KR, sem vera átti
í kvöld, hefur verið frestað til 15.
maí vegna bruna í Sexbaujunni.
Kristín setti met
Sundkonan Kristín Rós Há-
konardóttir setti um helgina
heimsmet í 200 metra fjórsundi í
flokki hreyfihamlaðra á opna
hollenska meistaramótinu. Nafn
hennar misritaðist í DV i gær og
er beðist velvirðingar á því.
Iþróttir eru
einnig á
bis. 24-25
Keflvíkingar heppnir í Intertoto-keppninni:
Inter og Orebro
til Keflavíkur?
- heimaleikir við lið frá ítaliu og Svíþjóð
Utlit er fyrir að Keflvíkingar fái
ítalskt stórlið í heimsókn í Inter-
toto-keppninni í knattspyrnu í sum-
ar. Þeir eiga heimaleik gegn ítölsku
liöi og eins og staðan er þar í landi
I dag er ekki ólíklegt að það verði
Inter, Sampdoria eða Roma sem
sæki þá heim.
Þeir fá líka heimaleik gegn
sænsku liði og svo kann að fara að
það verði íslendingaliðið Örebro
með Arnór Guðjohnsen, Sigurð Jóns-
son og Hlyn Birgisson innanborðs.
Örebro bíður eftir bikarúrslita-
leiknum í Svíþjóð milli AIK og Mal-
mö sem fram fer 23. maí. Malmö er
öruggt með sæti í UEFA-bikarnum
en vinni liðið bikarinn fer það í
Evrópukeppni bikarhafa og þá fær
Örebro UEFA-sætið. Ef AIK verður
bikarmeistari fer Örebro hins vegar
í Intertoto-keppnina og þá bendir
allt til þess að liðið mæti Keflvíking-
um. Að öðrum kosti gætu Keflvík-
ingar mætt Djurgárden eða jafnvel
Rúnari Kristinssyni og félögum í
Örgryte.
Fara til Austurríkis og
Slóveníu
Útileikirnir verða við lið frá
Austurríki og Slóveníu en það
skýrist ekki fyrr en deildakeppn-
inni lýkur í þessum löndum hvaða
lið það verða.
„Mér líst ágætlega á þennan riðil
og það verður gaman að glíma við
ítalska liðið, eins og liðin frá hinum
þremur þjóðunum. Þau verða öll
þrælsterk, hér verða engin smálið á
ferðinni. Þetta eru skemmtileg
verkefni fyrir leikmennina og ég
vona að áhorfendur kunni vel að
meta það þegar liðin koma hingað,“
sagði Kjartan Másson, þjálfari
Keflvíkinga, í samtali við DV í
gærkvöldi.
Fyrsta umferðin í keppninni
verður leikin 22. eða 23. júní en þá
leika Keflvíkingar gegn félaginu frá
Svíþjóð. I 2. umferðinni, sem
verður 29. eða 30. júní, leika Kefl-
víkingar á heimavelli gegn slóv-
enska liðinu, í 3. umferð leikur
Keflavík á útvelli gegn félagi frá
Austurríki og fer leikurinn fram 6.
eða 7. júlí. Síðasti leikur Keflvík-
inga í keppninni er á heimavelli 20.
júlí en þá verður leikið gegn ítalska
félaginu.
Kjartan Másson, þjálfari Keflvík-
inga, er ánægður með riðil þeirra í
Intertoto-keppninni.
Jóhann til Danmerkur
Jóhann Samúelsson, handknattleiksmaður úr Aftureldingu, hefur
ákveðið að taka tilboði danska 1. deildar liðsins Bjærringbro um að leika
með því næsta vetur.
„Ég hef samið við liðið til eins árs og fer út í júlí. Þetta verður kær-
komin tilbreyting," sagði Jóhann í spjalli við DV í gærkvöldi. Hann hef-
ur leikið með Aftureldingu undanfarin ár en var áður með Þór á Akur-
eyri- -SK/VS
íþróttakennarar og áhuga-
fólk um líkamsrækt
Námskeið fyrir leiðbeinendur í þolfimi í vatni, water aerobic,
verður haldið 2., 3. og 4. maí í íþróttamiðstöðinni í Laugardal.
Fyrirlesari: Steph too good.
Uppl. og innritun í síma 587-5277.