Dagblaðið Vísir - DV - 06.05.1996, Síða 4
4
MÁNUDAGUR 6. MAÍ1996
Fréttir
Ófriðsamlegt á skemmtistaðnum Vegas við Laugaveg aðfaranótt sunnudagins:
Ásakanir um þjófnað og
hótanir um líkamsmeiðingar
- deilan snýst um skiptingu á gróðanum, segir einn eigenda Vegas
„Kornið sem fyllti mælinn var
þegar bróðir eins eigandans hafði í
hótunum við starfsfólkið, sakaði
það um þjófnað og hótaði bæði mér
og einum dyravarðanna líkams-
meiðingum,“ segir Dan Morgan,
framkvæmdastjóri og einn fjögurra
eigenda skemmtistaðarins Vegas
viö Laugaveg, í samtali við DV.
Allir átján starfsmenn staðarins
gengu út í fyrrinótt eftir að upp úr
sauð milli tveggja eigendanna og
starfmannanna skömmu fyrir lokun
irni nóttina. Staður þessi hefur ver-
ið rekinn undanfarinn mánuð í
sama húsnæði og Tveir vinir voru
áður. Hann var stofnaður eftir
ósætti um rekstur skemmtistaðar-
ins Bóhem.
Aðalaðdráttarafl þessara tveggja
staða hafa verið nektarsýningar er-
lendra dansmeyja. Þær gengu út
með öðru starfsfólki í fyrrinótt.
Tvær þeirra fóru í gáer af landi
brott, fullsaddar af viðskiptum við
eigendur íslenskra skemmtistaða.
Starfsfólk Vegas segir að það eigi
' inni meginhluta launa frá síðasta
mánuði. Þegar ekkert hafði verið
greitt nú fyrir fimmta þessa mánað-
ar var ákveðið að ganga út enda var
starfsandinn orðinn óbærilegur
með nánu eftirliti tveggja eigend-
anna með peningakössunum og
ásökunum um þjófnað.
„Auðvitaö snýst þessi deila að
hluta um skiptingu á gróðanum.
Þetta snýst lika um að reka staðinn
á heiðarlegan hátt og að umgangast
starfsfólkið eins og það sé mann-
eskjur. Það hefur ekki verið gert,“
segir Dan Morgan.
í gær var reynt að koma á sáttum
um rekstur staðarins en án árang-
urs. Starfsfólkið vill ekki hefja störf
að nýju fyrr en það fær að fullu hor-
guð laun sín og að eigendumir, sem
ekki hafa framkvæmdastjórnina
með höndum, haldi sig fjarri dagleg-
um rekstri. Starfsfólkið fundaði síð-
degis í gær og var þar einhugur um
að hefja ekki störf að nýju að að-
stæðum óbreyttum.
Eftir að starfsfólkið gekk út létu
tveir eigendanna skipta um læsing-
ar á öllum hurðum. Övíst er því um
frekari rekstur á Vegas nema nýtt
fólk verði ráðið til starfa.
-GK
Starfsfólkið af skemmtistaðnum Vegas fundaði á kaffihúsi í gær. Þar var
samstaða um að hefja ekki starf að nýju nema tveir af eigendum staðarins
haldi sig fjarri daglegum rekstri. Upp úr sauð á Vegas aðfaranótt sunnudag-
ins og gekk þá allt starfsfólkið út. DV-mynd S
Ástþór Magnússon gefur út bókina Virkjum Bessastaði:
Vantar forsetaframbjóðanda
sem vinnur að friðarmálum
„Ég vil að íslenska þjóði geri átak
í friðarmálum og verði leiðandi á
því sviði,“ sagði Ástþór Magnússon
við útkomu bókarinnar Virkjum
Bessastaði, 130 blaðsíðna bókar í 90
þúsund eintökum sem var kynnt 2.
maí. Ástþór segir bókina sérútgáfu
af fréttabréfi samtakanna Friður
2000 sem hann stofnaði. Ætlunin er
að dreifa bókinni inn á hvert heim-
ili í landinu. Nafnið á henni hendir
til að ætlunin sé að hafa áhrif á for-
setaframboðið.
Ástþór segir að islensk stjómvöld
hafi ekkert gert í friðarmálum og
forseti landsins ekki heldur. Hann
gæti hins vegar beitt sér í friðarmál-
um og þjóðin verið leiðandi á því
sviði í heiminum. Ekki segist Ást-
þór eins og er hugsa sér að fara í
framboð til forseta en vill að þeir
frambjóðendur sem vilja vinna að
friði hafí samband við sig. Ef eng-
inn geri það hins vegar segist hann
tilbúinn að íhuga framboð til for-
seta sjálfur. Hann sagði að þó aö
hann „þyrfti að dúsa á Bessastöð-
um“ eins og hann orðaði það gerði
hann það ef það ætti sér hljóm-
grunn meðal þjóðarinnar. íslensku
þjóðina vantaði ekki skrautforseta.
Fjármögnun útgáfu bókarinnar
og auslýsingaherferðar, sem hefur
verið í gangi undanfarið, sagðist
Ástþór greiða úr eigin vasa. Hann
hefði búið erlendis í 12 ár og hagn-
ast á sölu á tölvuforritum og flug-
rekstri.
-ÞK
Ástþór Magnússon gefur út bókina Virkjum Bessastaði í 90 þúsund eintök-
um og hyggst dreifa henni til allra heimila á landinu. DV-mynd ÞÖK
Dagfari
Deleríum Búbónis
Á sínum tíma settu þeir Múla-
bræður fram þá snjöllu kenningu í
Delerium Búbonis að fresta jólun-
um. Ekki man Dagfari lengur
hvaða ástæða lá að baki þeirri
frestun en sjálfsagt hefur jólahald-
ið komið sér illa fyrir einhverja á
þeim tíma sem jól eru venjulega
haldin.
í Rússlandi standa forsetakosn-
ingar fýrir dyrum í lok maí og
skoðanakannanir benda til að
Jeltsín eigi undir högg að sækja.
Frambjóðandi kommúnista hefur
yflrburðafylgi samkvæmt þeim
könnunum sem gerðar eru meðal
kjósenda í Rússlandi. Nú eru góð
ráð dýr fyrir frelsisöflin í Rúss-
landi sem hafa skapað ringulreið í
landinu við það að koma gömlu
kommunum frá. Sú ringulreið er
kölluð frelsi og lýðræði og rúss-
neskur almenningur kann greini-
lega ekki gott að meta og vill fá
gamla góða alræðisvaldið aftur til
valda.
Þetta er að sjálfsögðu ógnvekj-
andi framtíð fyrir Jeltsín og hans
bandamenn enda til lítils að koma
gömlu kommunum frá ef nýir
kommar taka við.
Nema hvað, nú hefur Korsakov,
sem er sérlegur öryggisfulltrúi
Jeltsíns, lagt til að kosningunum
verði frestað. Hann fer í smiðju í
Delirium Búbonis. Rökin eru þau
að hvemig sem kosningin um for-
seta fari muni það leiða af sér upp-
lausn í landinu. Og auðvitað hljóta
öll ábyrg öfl í slíku þjóðfélagi að
taka undir með Korsakov öryggis-
fulltrúa að Rússland megi ekki við
neinni upplausn ofan í alla ringul-
reiðina. Þá er betra að viðhalda
ringulreiðinni og láta Jeltsín halda
áfram sem forseta, þangað til að
það er öruggt að hann verði aftur
kosinn forseti til að koma í veg fyr-
ir upplausn. Nú háttar svo til hér
uppi á ísaköldu landi að forseta-
kosningar standa líka fyrir dyrum
og þar em margir kallaðir en ekki
nema einn útvalinn. Samkvæmt
síðustu skoðanakönnunum blasir
það við að Ólafur Ragnar Gríms-
son er langefstur og líklegastur
sem forseti lýðveldisins. Þetta
finnst sumum kjósendum skrítin
niðurstaða í ljósi þess að Ólafur
Ragnar er fyrrverandi formaður
Alþýðubandalagsins og ekki allra
„cup of tea“.
Eins og allir vita eru kosningar
góðar til síns brúks en gallinn við
kosningar er sá að úrslit geta orðið
öðruvísi en skynsamlegast getur
talist að mati þeirra sem hafa hag
og öryggi lands og þjóðar að leiðar-
ljósi. Hér á landi eru margir örygg-
isfulltrúar til sem hafa sams konar
ábyrgðartilfínningu og Korsakov
og hafa sem sagt komist að þeirri
niðurstöðu að kjör Ólafs Ragnars
muni leiða af sér upplausn i lík-
ingu við upplausnina í Rússlandi
og velta nú fyrir sér hvað gera
skuli í stöðunni. Það er ekki hægt,
hér á landi, frekar en í Rússlandi,
að láta kjósendur ráða ferðinni og
kjósa gamla komma í æðstu emb-
ætti þegar öryggi lands og þjóðar
er í húfi.
Það er af þessum sökum sem
Dagfari bendir á að leiðin út úr
ógöngunum með forsetakjörið er
einfaldlega sú að fresta þessum
kosningum þangað til kjósendur
hafa áttað sig á að kosning Ólafs
Ragnars stríðir gegn öryggishags-
munum þjóðarinnar. Það verður
að fá einhvem islenskan Korsakov
til að kveða upp úr með þetta.
Síðan verður að nota tímann til
að koma vitinu fyrir kjósendur og
annaðhvort að láta Vigdísi sitja
áfram í fjögur kjörtímabil í viðbót
ellegar leggja niður almennar for-
setakosningar, eins og forsætisráð-
herra hefur raunar bent á. Það er
aldrei hægt aö treysta kosningaúr-
slitum sem geta skapað upplausn
og erfiðleika fyrir þá sem bera
ábyrgð á öryggi og hagsmunum
lands og þjóðar. Það eru nefnilega
takmörk fyrir því, jafnt í Rússlandi
sem íslandi, hvað hægt er aö bjóða
lýðræðinu. Delirium Búbonis er
svarið.
Dagfari