Dagblaðið Vísir - DV - 07.05.1996, Page 14

ÞRIÐJUDAGUR 7. MAÍ 1996 JLlV
u jflveran
Margir sundhópar hafa myndast í
Laugardalslauginni og öörum laug-
um á höfuðborgarsvæðinu. Þessir
hópar hittast á morgnana, í hádeg-
inu og eftir vinnu. Sumir halda jafn-
vel þorrablót og hafa haldið þeim
sið að synda saman og setjast að því
loknu í heita pottinn og eiga nota-
lega spjallstund. Blaðamaður Til-
veru fór á stúfana í hádeginu á
fostudag og hitti þar fyrir fræga og
ófræga menn í Félagi íslenskra pott-
orma. „Strákarnir" hafa spjallað
saman í heita pottinum í nálægt
þrjátíu ár og hefur kjarni hópsins
lítið breyst á þeim tíma. Á föstudag
voru þeir að ræða forsetaframboð í
léttum tón og bentu á að tæpar tvær
vikur væru til stefnu og þeir gætu
þess vegna allir farið í framboð.
Steingrímur Hermannsson er
sem kunnugt er fullgildur meðlimur
í Félagi íslenskra pottorma. Hann
segist sjaldan hafa verið í betra
formi en nú enda hafi hann meiri
tíma til þess að stunda sundið og
aðra líkamsrækt.
„Ég klæði mig yfirleitt úr úti því
ég trúi því að geri maður það, taki
lýsi og fari í laugarnar fái maður
aldrei kvef. Það stenst í mínu til-
felli. Einu sinni lenti ég í roki og
rigningu og þurfti að fara í fötunum
blautum heim. Ég held mér í formi
Steingrímur Hermannsson fer með hinum pottormunum í sund fjórum sinn-
um í viku. DV-myndir ÞÖK
með því að synda 400-500 metra í
hvert sinn og reyni að komast fjór-
um sinnum í viku. Það tekst oftast
ef ég þarf ekki að fara á neina há-
degisfundi. Mér finnst þetta
ómissandi og einn af þeim lúxus
sem við íslendingar eigum. Það er
ómetanlegt að geta farið í stórar
laugar á hverjum degi. í London
þarf til dæmis að ganga í klúbb til
þess að geta komist í sund,“ segir
Steingrímur.
-em
Utiveran heillar
„Eg er hér aðallega fyrir útiver-
una. Það frískar mann mjög mikið
að synda. Ég fer mjög oft í sund og
syndi oftast nær í kringum 300
metra,“ segir Jónína Sigmarsdóttir
sem blaðamaður Tilveru hitti á
föstudag í Laugardalslauginni.
Jónína sagðist ekki eiga sér ein-
hvern sérstakan tíma sem hún
eyddi í sund. Hún er sönn líkams-
ræktarkona og stundar leikfimi
þrisvar til fjórum sinnum í viku
auk sundsins.
„Ég fer ekkert endilega í sund í
hádeginu heldur þess vegna á öðr-
um tímum dagsins. Ég fer stundum
ein en stundum fer maðurinn minn
með mér í sund. Ég reyni oftast nær
að synda tvisvar til fjórum sinnum
í viku. Þetta er ekki eina líkams-
ræktin sem ég stunda," segir Jón-
ína. -em
Margir stunda sundið vegna útiverunnar en aðrir hugsa meira um hollustu
hreyfingarinnar. Margir stunda aðra líkamsrækt samhliða sundinu en það er
þó ekki algilt. Það spillir ekki fyrir að þeir sem stunda sundið geta verið sól-
brúnir nánast allt árið. 'em
Omögulegur
án þess
að synda
„Ég hef komið hingað í laugarnar
síðan 1972. Það er nú misjafnt hvað
ég syndi mikið í hvert sinn en ég
reyni alltaf að synda eitthvað. Oft-
ast nær fer ég í laugarnar fimm
daga vikunnar því ég er alveg
ómögulegur ef ég fer ekki,“ segir
Einar Geir Þorsteinsson, fullgildur
meðlimur Félags íslenskra pott-
orma.
Einar segir að hreyfingin sem
sundið gefi sé holl og góð fyrir lík-
ama og sál svo ekki sé minnst á fé-
lagsskapinn.
-em