Dagblaðið Vísir - DV - 07.05.1996, Side 15

JjV ÞRIÐJUDAGUR 7. MAÍ 1996
tílveran ,5
Rússíbanahermir í Laugardalnum:
Tilraun til að skapa ánægju og bros
„Þetta er ákveðin tilraun til þess
að skapa ánægju og bros í þjóðfélag-
inu og auka þar með valkosti í afþr-
eyingu," segir Sigurður Kolbeins-
son, eigandi hermis sem staðsettur
er við Laugardalslaugina. Blaða-
maður og ljósmyndari Tilveru tóku
með sér nokkra unglinga á öllum
aldri í ferð í herminum við mikinn
fögnuð viðstaddra. Einn drengjanna
var mest hissa á að virðulegur
blaðamaðurinn skyldi öskra eins og
hinir. Ferðin í „rússíbananum“ tók
í kringum fimm mínútur og þá
höfðu viðstaddir farið í æsilega ferð
um háloftin. Stundum var eins og
engin braut væri framundan og rús-
síbaninn væri í lausu lofti. Það
þægilega við þessa ferð var að ef
hræðslan ætlaði að ná yfirhöndinni
var hægt að hugga sig við að þetta
væri ekki alvöru rússíbani heldur
hermir.
Hermirinn er framleiddur í Bret-
landi af fyrirtæki sem hefur fram-
leitt flugherma til flugkennslu í yfir
þrjátíu ár. Flestallir flugstjórar hér
á landi hafa farið þangað til þjálfun-
ar. Þegar leikur er búinn tO í svona
hermi er annaðhvort tekin mynd af
atburðinum eða hann er búinn til í
tölvu.
„Þetta er dýrasta leiktæki sem
flutt hefur verið til landsins en það
kostaði 25 milljónir. Fyrirtæki mitt,
Niko, stendur að þessu ásamt SP-
Fjármögnun. Tækið verður starf-
rækt tólf tíma á dag í allt sumar, frá
kl. 10-22. Tólf til fjórtán manns kom-
ast í tækið í einu og hver ferð tekur
4-5 mínútur," segir Sigurður.
Á laugardag var kynnt brun í
frönsku Ölpunum. Þar fékk fólk að
kynnast því að renna sér á 130 km
hraða á bruni. Einnig geta þeir sem
fara í herminn í sumar stokkið ofan
af Holmenkollen-pallinum í Ósló og
hins vegar brunað niður Ólympíu-
brautina í Lillehammer. 1 hermin-
um verður líka kappakstur á fólks-
bílum sem ekið er á tæplega 300 km
hraða. Myndavélin er staðsett inni í
bílnum. Loks verður boðið upp á
annan rússíbanaleik í sumar.
-em
Skemmtilegt fyrir ung-
linga á öllum aldri
„ Ég er örugglega aldursforsetinn
í þessum hópi. Þetta er bráð-
skemmtilegt fyrir unglinga á öllum
aldri. Ég fór í svipað tæki fyrir þrjá-
tíu árum og mér fannst mjög gaman
að endurnýja þetta. Ég fór i rússí-
bana þegar hann var hér á landi og
hef einnig farið í raunverulegan
rússíbana þegar ég hef verið erlend-
is. Ég gæti trúað að krakkarnir
hefðu mjög gaman af þessum rússí-
banahermi," segir Jóhanna Birnir
eftir ferðina í herminum.
Nafna hennar Þorkelsdóttir var
einnig hrifin og sagðist vera hissa á
því að þetta væri ekki alvöru rússí-
bani, svo eðlilegur fannst henni
hermirinn.
„Ég hef nokkrum sinnum farið í
rússíbana en ég væri alveg til í að
fara aftur í þennan hermi,“ segir Jó-
hanna Þorkelsdóttir.
-em
irSTIMHYtMUUUKK
Byrjunin
skemmtilegust
„Mér fannst byrjunin skemmti-
legust en alveg rosalega gaman í
rússíbanaherminum. Þetta er í ann-
að skipti sem ég fer í hann. Ég varð
að sjálfsögðu ekkert hræddur en ég
hef aldrei farið í alvöru rússíbana,"
segir Brynjar Gíslason, tíu ára.
Félaga hans, Baldri Páli Jónssyni
ellefu ára, þótti hermirinn mjög
raunverulegur en hann hefur próf-
að lítinn rússíbana í Danmörku.
Hannes Ragnar Ólafsson, tólf ára,
hafði einnig gaman af en hann hef-
ur vatnsrússíbana til viðmiðunar.
Alveg
geggjuð ferð
„Mér fannst þetta alveg geggjuð
ferð. Ég hef aldrei áður farið í svona
tæki en mér fannst þetta mjög raun-
verulegt þegar það fór sem hraðast.
Ég varð náttúrlega ekkert hræddur
'en manni brá stundum," segir
Magnús Fannar Sigurhansson sem
fór í hermiferð með blaðamanni og
ljósmyndara Tilveru.
Sigurður Steinar Ásgeirsson, fé-
lagi Magnúsar, fór einnig með og
honum fannst mikið stuð í ferðinni.
Hann hefur heldur aldrei farið í al-
vöru rússíbanaferð en segir að það
sé örugglega mjög líkt þessu.
-em
Nöfnurnar
skemmtu sér
konunglega
Nöfnurnar skemmtu sér konunglega í rússíbananum og aldursforsetinn
yngdist um nokkuð mörg ár. Tækið er, að sögn Jóhönnu eldri, fyrir unglinga
á öllum aldri. DV-myndir ÞÖK