Dagblaðið Vísir - DV - 07.05.1996, Blaðsíða 16
16
ÞRIÐJUDAGUR 7. MAÍ 1996 JL>V
tilveran
Friðrik Þ. Stefánsson segir sex ára son sinn, Elvar Örn, hafa æft fluguköst
af kappi síðustu misserin. Strákur fékk græjurnar í jólagjöf og ætlar með
pabba að veiða í sumar. DV-myndir ÞÖK
Stangaveiðitíminn er byrjaður í vötnunum
Þetta er mikið
fjölskyldusport
segir Friðrik Þ. Stefánsson
„Til þess að veiðin verði
skemmtilegri þurfa ákveðnir þættir
að vera í lagi. Menn verða að fara
með því hugarfari að þeir ætli að
fara að veiða en ekki á fiskirí, að
þeir séu að kaupa veiðileyfi en ekki
ávísun á fisk, og síðan er grundvall-
aratriði að gera þetta með vinum og
félögum og ekki síst fjölskyldunni.
Ef þessir þættir eru í lagi verður
alltaf gaman," segir Friðrik Þ. Stef-
ánsson, stjórnarformaður Stanga-
veiðifélags Reykjavíkur, en veiði-
menn bleyttu í græjunum í síðustu
viku í fyrsta skipti frá því í haust.
Fjölskyldusport
Friðrik segir að allt of lítil
áhersla sé lögð á veiðimennskuna
sem fjölskyldusport og að að ein-
hverju leyti sé hún misskilin sem
eitthvert stórlaxasport.
„Að vísu má segja að yfir aðaltím-
ann sé það kannski ekki á færi allra
að veiða en silungsveiði er upp til
hópa mjög ódýr. Þar erum við að
tala um veiðileyfi sem kosta eitt til
tvö þúsund krónur. í mínum huga
er þetta fyrst og fremst íþrótt sem
byggist upp á vinatengslum, fjöl-
skyldu og góðum félagsskap," segir
Friðrik.
Ekki mjög dýrt
Að sögn Friðriks er veiði alls
ekki svo dýr á svæðum þar sem
vonin er meiri um silung en lax.
Þetta eigi t.d. við í efra svæði í Hít-
ará þar sem dagur með húsi kostar
um 4.000 krónur.
„Gegnumsneitt er laxveiði í raun
heldur ekki mjög dýr. í Soginu,
Stóru-Laxá, Miðá í Dölum, Gljúfurá
og fleiri ám er stöngin boðin á um
10.000 krónur með húsi með öllum
þægindum fyrir daginn. Þarna get-
ur fjölskyldan fengið fyrirtaks úti-
veru og hús fyrir tiltölulega lítinn
pening.“
Góðar horfur
fyrir sumarið
Aðspurður um búnaðinn sem til
þarf segir Friðrik að menn komist
vel af með lítinn búnað i byrjun.
Fæstir byrji í fluguveiði og að hægt
sé að fá þokkalegan veiðibúnað sem
dugi í silungs- og laxveiði í smærri
ár fyrir innan við 10 þúsund krón-
ur. Síðan sé vitaskuld hægt að fara
hátt upp í verði fyrir þá sem það
vilja.
„Horfurnar fyrir sumárið eru
mjög góðar og það ásamt snjóleysi
að undanfórnu og björtu og góðu
veðri síðustu daga hefur orðið til
þess að menn er mjög farið að klæja
í fingurna að geta farið að byrja,“
segir Friðrik. Hann segir inntöku-
gjöld í Stangavéiðifélagið hafa verið
lækkuð til þess að laða ungt fólk að
og hvetja feður t.d. til þess að taka
börnin með í félagið. Inni í árgjaldi
félagsins er ókeypis aðgangur að El-
liðavatni og Reynisvatni.
-sv
Best að veiða
í góðu veðri
- segir Þráinn Agnarsson
„Það veit hver maður sem þetta
hefur prófað að það er sérlega nota-
legt í góðu veðri. Það er erfltt að
segja hvað maður fær út úr þessu
en fyrst og fremst er þetta hvíld og
útivera og síðan ákveðið sport. Ég
hef veitt síðan ég var lítill strákur og
mér finnst þetta eiginlega alltaf jafn
garnan," sagði Þráinn Agnarsson
sem sat á bakka Elliðavatns og var
að velja sér flugu við hæfi þegar Til-
veran rakst á hann fyrir helgina.
Þráinn segir aðalmálið við
stangaveiðina vera að verða var en
alls ekki að fá einhverja veiði að
ráði. Hann segir sérvisku, og hugs-
anlega nokkra reynslu, ráða því
hvaða flugu hann velji.
„Mér finnst best að veiða í góðu
veðri og það truflar a.m.k. ekki sil-
ungsveiði þótt það sé svolítið bjart.
Karlar á mínum aldri fá að veiða
hér fyrir ekki neitt og því er alls
ekki dýrt að koma hingað. Hins veg-
ar er stangaveiði í ám ekki fyrir
venjulegt launafólk að stunda.
Menn eru kannski að fara einu
sinni á sumri í góða á og svo láta
þeir veiði á borð við þessa duga,“
segir Þráinn. -sv
bygginn á svip reyndi Þráinn Agnarsson að ginna silunginn til að bíta á í
Elliðavatni. Það hafði tekist einu sinni þegar Tilveran kvaddi.
Ingólfur Lekve setti í fisk á meðan hann var að spjalla við Tilveruna en því
miður kunni sá ekki við sig á önglinum og fór. Veiðin var engu að síður fjór-
ir regnbogasilungar eftir daginn.
Þeir stökkva
hér um allt
- segir veiðimaðurinn Ingólfur Lekve
„Ég kem hingað af því að mér
finnst svo gaman að veiða. Ég á
heima í Árbænum og mamma
keyrði mig hingað því það er svolít-
ið langt að hjóla,“ sagði Ingólfur
Lekve, 13 ára, sem naut starfsdags
kennara við Reynisvatn á fostudag-
inn.
Ingólfur segist vera að veiða í
fyrsta skipti í sumar og sjá mikið af
físki. „Þeir stökkva hér um allt og
ég er viss um að ég fer heim með
eitthvað af fiski,“ segir Ingólfur. Og
hvað gerir hann við aflann? „Ég bið
mömmu að sjóða hann handa mér.
Ég fæ bara silung en ég veit að hér
er lax og ég bíð spenntur eftir að fá
einn slíkan. Ég fer gjarna með
pabba að veiða og það er rosalega
gaman. Ég vona bara að við fórum
saman í einhverja á í sumar,“ segir
Ingólfur. Afrakstur hans eftir dag-
inn var fjórir regnbogasilungar.
-sv
Veiðimennska:
Mikil sókn
í vötnin
Tilveran brá sér í vöðlurnar
fyrir helgina og ók í stuttan
bíltúr út fyrir bæinn, nánar til-
tekið upp að Elliðavatni og
Reynisvatni. Bæði vötnin eru
mjög vinsæl hjá veiðimönnum
og umsjónarmenn vatnanna
segja sóknina i þau mjög mikla.
í Elliðavatni er villtur fiskur en
eldisfiski hefur verið sleppt í
Reynisvatn.
Elliðavatn:
Háskóli
veiðimannsins
„Elliðavatnið er sérlega
skemmtilegt vatn og sumir
segja það vera háskóla veiði-
mannsins vegna þess hversu
dyntótt bleikjan sé og menn
þurfi að huga vel að því hvaða
flugu þeir eigi að nota. Sá sem
nái góðri tækni í fluguveiði í
Elliðavatni sé í raun kominn
með háskólapróf í faginu,“ seg-
ir Vignir Sigurðsson, umsjónar-
maður Heiðmerkur. Hann segir
ís hafa tekið snemma af vatn-
inu, hitastigið í því sé orðið
hátt og mýlirfur verði því fyrr á
ferðinni en venjulega. Vatns-
hæðin sé góð og vatnið ekki
tært.
Veiðileyfi
Hálfs dags veiðileyfi kostar
580 kr„ heils dags leyfi kostar
830 kr. og síðan er sumarveiði-
leyfi sem gildir frá 1. maí til 15.
september. Það kostar 7.800 kr.
Félagar í Stangaveiðifélagi
Reykjavíkar fá afgreidd 600
veiðileyfi yfir sumarið án
greiðslu og unglingar, 12-16
ára, og öryrkjar og ellífeyris-
þegar úr Kópavogi og Reykja-
vík geta fengið frítt veiðileyfi í
vatninu. Yngri börn en 12 ára
verða að vera í fylgd með full-
orðnum til að fá veiðileyfi. Á
svæði Veiðifélags Elliðavatns
er hægt að veiða í Elliðavatni,
Helluvatni, Hólmsá og Suðurá.
Sama gjald er í öll svæðin.
Reynisvatn:
Eignakvóti
„Við erum með svokallaðan
eignakvóta þar sem greitt er
2.500 kr. fyrir fimm fiska. Þann
dag sem fimmti fiskurinn kem-
ur kostar hver fiskur umfram 5.
fiskinn 250 krónur. Þennan
eignakvóta getur fjölskyldan
sameinast um að taka,“ segir
Carlotta Rósa Guðmundsdóttir,
veiðivörður við Reynisvatn.
Carlotta segir að frá og með 15.
maí verði opið frá kl. átta á
morgnana og fram í myrkur.
Gera megi ráð fyrir að opið
verði tfl miðnættis í sumar.
Carlotta býður upp á kaffi og
samlokur, gos og sælgæti og all-
ar veiðivörur. -sv