Dagblaðið Vísir - DV - 23.05.1996, Blaðsíða 10
10
FIMMTUDAGUR 23. MAÍ 1996
Spurningin
Áttu reiðhjól?
Kristín Rós Egilsdóttir í skóla
lífsins: Nei, ég á það ekki lengur,
litli bróðir minn fékk það.
Ásdís Hallgrímsdóttir nemi: Já,
en ég nota það ekkert, það er bilað.
Sigurður Rafn Gunnarsson, nemi
í VÍ. Já, en ég nota það ekki lengur.
Ég keypti mér línuskauta og fer
minna ferða á þeim síðan.
Elín Ólafsdóttir húsmóðir. Jahá,
og ég hjóla mikið og hef gert í 20 til
30 ár.
Elías Atlason, kennari eins og er:
Já, ég nota það daglega, til þess er
það.
Lesendur
Ríkisútvarpið
- breytingar í vændum?
Rök mæla með því að ríkið taki alfarið við rekstrinum á eign sinni, segir bréf-
ritari.
Konráð Friðfinnsson skrifar:
Frá upphafsárum ríkisútvarps-
ins hefur mikið vatn runnið til sjáv-
ar og tækninni fleygt fram á sviði
þessarar miðlunar. - í fyrstu var
einungis sent út fáeinar stundir á
dag en nú óma þessar stöðvar allar
sólarhringinn. Reykjavíkursvæðið
og nágrenni hefur úr a.m.k. 10
stöðvum að velja, sem flestar flytja
þó áþekkt efni, nefnilega létttónlist.
Og ein stöðin flytur aðallega kristi-
legt efni í tali og tónum.
Á dögunum var skýrsla gerð
heyrinkunnug og fjallaði hún m.a.
um að rétt væri að gera breytingar
á fjáröflun ríkisútvarpsins. Leggur
nefndin til að afnotagjöld verði lögð
niður en þess í stað tekinn upp nef-
skattur. Ér einnig bent á í skýrslu
þessari að kippa megi ríkisútvarp-
inu út af auglýsingamarkaðinum. -
Ég er sammála tillögunum í skýrsl-
unni. Einkum vegna þess að nú
blasir við annað umhverfi en þekkt-
ist fyrir svo sem 10-15 árum. Og
varla er hægt að tala um ríkisrekið
útvarp á meðan 30% tekna þess
koma frá auglýsingum og svo annað
eins í formi skylduáskriftar.
í skýrslunni er bent á nefskatt. -
Ég teldi hyggilegra að setja útvarp-
ið á bein fjárlög og láta þar með
þessa ríkisstofnun lúta sömu lög-
málum og flestar aðrar stofnanir
sem heyra undir íslensk stjórnvöld
og þurfa að sætta sig við. En með
þessu, segja menn, er verið að
svipta stofnunina ákveðnu frelsi.
Sem er kannski rétt. En þá má fólk
ekki gleyma þvi að hér er verið að
fjalla um stofnun sem ríkið á, og
þær stofnanir bera ákveðinn bagga
sem ekki er lagður á aðra í sam-
bærilegum rekstri. Og er bara eðli
ríkisapparata.
Að mínu mati eru rök sem mæla
með því að ríkið taki alfarið við
rekstrinum á eign sinni. - Reyndar
vil ég ganga þarna lengra og selja
Rás 2. Án þess að ég hafi svo sem
eitthvað á móti henni. En málið er
að ríkinu nægir að eiga og reka Rás
1 og Sjónvarpið. Þessar stöðvar eru
fullfærar um að sinna þeim öryggis-
þáttum sem ætlast er til af þeim -
náttúruhamförum og öðru álíka,
sem upp kann að koma.
Þetta segi ég vegna þess að nú
þegar er búið að breyta lögunum
sem vernda rekstur ríkisút-
varps/sjónvarps. Enginn neitar því,
held ég, með sanngirni að ríkis-
reknu ljósvakamiðlarnir hafi ekki
yfirburðaaðstöðu í dag. Þarna er því
um sanngirnismál að ræða. Og við
stöndum frammi fyrir gerðum hlut
- sem er afnám einokunarlaganna.
Biskupsmálin enn í óvissu
Tómas Jónsson skrifar:
Ekki hefur betur til tekist í um-
flöllun málsaðila í svokölluðum
biskupsmálum en svo að þau eru
enn i fullkominni óvissu. Vígslu-
biskupinn Bolli Gústavsson hefur
nú komist að þeirri niðurstöðu að
trúnaðarbrot biskups sé alvarlegt
og því getur þjóðin auðvitað ekki
unað að látið sé þar við sitja. Tekur
enda vígslubiskup fram að hann
visi málinu á því stigi til ráðherra
til frekari ákvörðunar. Ráðherra
getur heldur ekki vísað málinu frá
sér á þeirri forsendu að niðurstaða
séra Bolla sé sú að „aðhafast ekki
frekar í málinu". Sem er heldur
ekki niðurstaða séra Bolla, því upp-
lýst er að í siðareglum presta sé
ekki ætlast til að alvarlegu broti sé
skotið til biskups - heldur ráðherra.
Og enn er svo beðið niðurstöðu
ríkissaksóknara vegna hins hluta
biskupsmálsins, kæru tveggja
kvenna sem saka biskup um kyn-
ferðislega áreitni. Allt er því bisk-
upsmálið í hinni mestu klemmu fyr-
ir stjórnsýsluna eins og einhver
orðaði það í lesendadálkum ykkar á
dögunum.
Embættti forseta íslands
- endanlega eyðilagt
Hvern ætlar þú að kjósa
- f kosningum til forseta íslands -
Niöurstööur viðamikillar skoöanakönnunar Stúdentablaösins nýlega
í skoðanakönnun Stúdentablaðsins um miðjan maí um forsetakjörið voru
óákveðnir óvenjumargir.
Guðmundur Stefánsson skrifar:
Með því að nú hefur skapast al-
veg sérstakt og að flestu leyti óvið-
undandi umhverfi í kringum kom-
andi forsetakosningar, hef ég tekið
þá ákvörðun að ganga ekki að kjör-
borði í þessum kosningum. Ég
reikna með að svo verði um fleiri,
því samkvæmt skoðanakönnunum
hafa frá 25-43% aöspurðra verið óá-
kveðin. Það segir sína sögu.
Það hefur smám saman verið að
kvarnast utan af þessu æðsta emb-
ætti okkar íslendinga. Eitt með
öðru er það aga- og eftirlitsleysi sem
ríkir í fjárveitingum til embættisins
og fréttum um að ár hvert sé farið
verulega fram úr fjárveitingu til
þess, án þess að viðurlögum eða
áminningu sé beitt. Þetta embætti
hlýtur að verða að þola aðhald eins
og önnur opinber embætti. Og eftir
höfðinu dansa limirnir, því önnur
embætti í stjórnsýslunni hafa talið
sig örugg í skjóli þessa eftirlitsleys-
is.
Nú virðast komnir fram sérstakir
hópar í þjóðfélaginu sem ætla að
koma „sínum manni“ í forsetaemb-
ættið. Það er líka áberandi hve þess-
ir hópar virðast ganga fast að veikri
siðferðiskennd almennings til að ná
sínu fram. - Ég tel hins vegar að
embætti forseta íslands hafi nú ver-
ið endanlega eyðilagt. Það á því að
leggja niður í núverandi mynd og
sameina það embætti forsætisráð-
herra eða forseta Alþingis.
Hvernig sem þessar forsetakosn-
ingar fara að lokum verður það að
öllum líkindum í síðasta sinn sem
þær fara fram, því nauðsyn ber til
að láta ekki aðra umferð slíkrar
kosningabaráttu eiga sér stað að
fjórum árum liðnum. Ég skora á
alla heilbrigða landa mína að láta
forsetakosningar lönd og leið að
þessu sinni. Best verður það gert
með því að sitja heima, en til vara -
að skila auðum kjörseðlinum.
Laugardagar á
Aðalstöðinni
R.J. skrifar:
Mig langar tU að vekja athygli
á mjög skemmtilegri laugardags-
dagskrá á Aðalstöðinni. Frá því
fyrir hádegi og fram á kvöld er
úrvalsefni í boði. Gallinn er þó
sá að Aðalstöðin næst ekki á Ak-
ureyri, en þangað fer ég stund-
um um helgar og finnst slæmt að
missa af fjörinu. - KafFi-Gurrí,
sem er eftir hádegi þessa daga,
kemur mér alltaf í gott skap, hún
er ein sú fyndnasta í útvarpi í
dag og spUar mjög góð lög. Get-
raunin hjá henni er líka afar
skemmtUeg. Hún mætti vera oft-
ar í útvarpinu með bjartsýnina
sína. Uppáhaldið mitt er svo
Kári Waage, sem er eftir kl. 4 á
laugardögum. Fundvís á gamla
tónlist og skemmtilega sem mað-
ur var búinn að gleyma að væri
tU. Ég þakka Aðalstöðinni fyrir
þessa skemmtilegu laugardaga.
Þið berið af hinum stöðvunum.
Gengilbeina -
ambátt eða
förukona
Þorsteinn hringdi:
Mánudaginn 20. þ.m. vitnar
Ósk tU útvarpsþáttar þar sem
viðmælandi sagðist ekki vita
tvær konur sem líktust minna
gengUbeinum en konu sína og
Bryndísi Schram. Ósk er stjörf af
tilhugsuninni og spyr hvort kon-
ur sendiherra og ráðherra þurfi
ekki oft að bregða sér í gervi
gengilbeinu, sem hún viröist ein-
dregið ætla að sé hið sama og
þerna eða framreiðslustúlka.
Ósk virðist hins vegar ekki vita
frummerkingu orðsins gengil-
beina: fórukona, beiningakona
og jafnvel ambátt og því raunar
líklegt að neöidur viðmælandi í
útvarpinu teldi ekki þessa sam-
líkingu viðunandi likingu við
konu sína eða Bryndísi Schram.
Bílastæði fýrir
fatlaða
Þórður skrifar:
Einhverjir hafa verið að kvarta
yfir því, m.a. í Víkveija Mbl., að
æ algengara sé að ökumenn leggi
bUum sínum í bUastæði merkt
fotiuðum. Auðvitað á fullfrískt
fólk ekki að misnota þessi bUa-
stæði. Ég er þó ekki alveg viss
um að öU þau merktu bUastæði
fyrir fatlaöa séu sannleikanum
samkvæm, engu að síður verður
maður að ætia að svo sé. Hitt er
verra, að alltof margir íslending-
ar hafa lagst svo lágt að gera sér
upp örorku af litlu sem engu til-
efni. Og það er mikU lágkúra.
Ruslið við Vest-
urberg
Jón Magnússon hringdi:
Það er orðið áberandi mikið
rusl sem safnast hefur saman
inni á milli runna og trjáa hér
við Vesturbergið, einkum í
grennd við sundlaugina, skólann
og íþróttahúsið. Þarna hefur
borgin ekki hreinsað í þrjú ár. í
fyrra voru krakkar látnir sópa
það mesta burtu af stéttum og
stæðum, en ruslið hefur ekki
verið hreyft. Orðið mjög áber-
andi og lýti á umhverfinu.
Herskip um all-
an heim
F.P.H. skrifar:
Engin ástæða er til að ör-
vænta þótt ekki verði keyptur
Vædderen af Dönum fyrir Land-
helgisgæsluna. Það er aUtof dýrt
skip þótt gott sé. Nóg er til af
herskipum (tundurspillum og
hraðskreiðum freigátum) sem
væru mjög heppileg skip fyrir
okkur. Og það sem best er; verð-
ið er hreint ótrúlega lágt.