Dagblaðið Vísir - DV - 30.05.1996, Side 2
2
FIMMTUDAGUR 30. MAÍ 1996
Fréttir____________________________________________________________________________________________dv
Reykvíkingur ákærður í gríðarlega umfangsmiklu svikamáll sem teygir anga sína um allt höfuðborgarsvæðið:
Margmilljónafjársvik
gegn á fimmta tug aðila
- keypti vörur í fyrirtækjum fyrir milljónir meö því að gefa út ógrynni tiltölulega hárra geymslutékka
Ríkissaksóknari hefur gefið út
umfangsmikla ákæru á hendur tæp-
lega þrítugum Reykvíkingi fyrir
stórfeUd og kerfisbundin fjársvik
gagnvart á fimmta tug verslana og
aðila á höfuðb'orgarsvæðinu með
því aðaUega að hafa keypt vörur og
þjónustu með innstæðulausum
tékkum en hagnýta sér það síðan
með því að selja það sem hann
keypti fyrir miklu lægra verð.
Tugir fyrirtækja töpuðu fé á við-
skiptum sínum við manninn - oftast
vegna þess að þau tóku geymslu-
tékka mannsins góða og gUda. 34 að-
ilar fara fram á samtals tæplega 8
milljónir króna í skaðabætur vegna
málsins. Ákæran nær hins vegar tU
43 tUvika og nema ætluð svik sam-
tals á níundu miUjón króna. Miðað
við sakargiftir tókst manninum
ótrauðum að svíkja út fé úr fyrir-
tækjum á 14 mánaða tímabUi - frá
aprU 1994 til júní 1995.
Sem dæmi tókst manninum sam-
kvæmt sakargiftum í eitt skiptið að
blekkja starfsmenn Rúmfatalagers-
ins í Hafnarfirði tU að selja sér hús-
búnað tU hótelrekstrar að andvirði
560 þúsund krónur. Vörurnar voru
afhentar þann 5. maí 1995 gegn
þremur geymslutékkum, einum upp
á 180 þúsund krónur dagsettum 1.
júní sama ár og tveimur upp á 190
þúsund dagsettum 1. júlí og 1. ágúst.
Manninum er síðan gefið að sök að
hafa vitað að tékkarnir yrðu inn-
stæðulausir á sýningardegi og hann
sjálfur ógjaldfær. Eins og í flestum
öðrum ákæruliðunum 43 er mann-
inum síðan gefið að sök að hafa end-
urselt húsbúnaðinn eða vörurnar og
hagnýtt sér andvirðið.
í öðrum ákæruliðum má nefna
kaup mannsins á bílum og vélsleð-
um upp á hundruð þúsunda, mál-
verkum, sjónvarpi, myndbands-
tæki, fjölmörgum gasgrillum, fatn-
aði, ógrynni húsgagna, farsímum,
flugfarseðli, tölvum, Gucci arm-
bandsúri, áfengi og ýmsu fleiru.
-Ótt
Forseti írlands:
Margt sameigin-
legt með íslandi
og írlandi
„Ég hef hlakkað mikið til íslands-
heimsóknarinnar. Forseti íslands,
Vigdis Finnbogadóttir, var fyrsti
þjóðhöfðinginn sem heimsótti ír-
land eftir að ég var kjörin forseti og
ég minnist þess hversu vel hún var
að sér í sögu og menningu ira og
opin fyrir öllu sem varðaði land og
þjóð. Heimsókn mín hingað hefur
staðfest það sem ég vonaði að ég
myndi flnna hér, þjóð sem hefur
sterkar rætur í sögu og menningu
sem hún aðlagar nútímanum. Ég
hef komist að því að ísland og ír-
land eiga margt sameiginlegt,"
sagði Mary Robinson, forseti ír-
lands, á fundi með fréttamönnum í
gær.
Forsetinn gat þess að írar væru
ánægðir með innkaupaferðir íslend-
inga tU írlands en kvaðst vonast til
að menningarsamskipti landanna
styrktust einnig.
Mary Robinson, sem varð laga-
prófessor um 25 ára aldur, heimsótti
í gær lagadeild Háskóla íslands og
skoðaði listsýninguna Náttúra Is-
lands á Kjarvalsstöðum.
í gærkvöld héldu írsku forseta-
hjónin, Mary og Nicholas Robinson,
kvöldverðarboð tU heiðurs forseta
íslands á Hótel Borg. Á matseðlin-
um var apelsínu- og engifermariner-
að kalkúnasalat, hrár lax, sneiddur
í þunnar sneiðar, rósmarínsorbet,
nautalundir með vUlisveppum og
volg peruterta með vanillusósu og
kanUís.
í dag er fyrirhuguð skoðunarferð
til Gullfoss, Geysis og ÞingvaUa. Að
skoðunarferðinni lokinni halda
borgarstjórinn í Reykjavík, Ingi-
björg Sólrún Gísladóttir, og Hjörleif-
ur Sveinbjömsson hádegisverðar-
boð í Höfða til heiðurs írsku forseta-
hjónunum. Á matseðlinum er grafið
lamb, reykt hreindýrarúlla og heit-
reykt gæs með blönduðu salati og
rauðrófusósu í forrétt. I aðalrétt er
griUaður skötuselur með ólafssúru-
sósu, heitreykt bleikja með
sítrussósu og gufusoðin smálúða
með graslaukssósu. Eftirrétturinn
er pönnukökuterta, rabarbarabaka
með möndlu- og gráfíkjuís, blandað-
ir ávextir og beijasósa.
Irsku forsetahjónin halda af landi
brott síðdegis í dag. Um næstu helgi
fer Mary Robinson í opinbera heim-
sókn til Bretlands. Hún er fyrsti
írski forsetinn sem boðið hefur ver-
ið í slíka heimsókn og segir hún það
tU marks um bætt samskipti land-
anna. -IBS
írsku forsetahjónin, Mary og Nicholas Robinson, á fundi með fréttamönnum
á Hótel Sögu í gær. DV-mynd GVA
Þorsteinn Pálsson kirkjumálaráöherra ætlar ekki að reka séra Flóka:
Prestur hugleiði hvernig
hann þjónar söfnuði best
„Miðað við það sem á undan er
gengið ætti presturinn að hugleiða
hvernig hann þjónar söfnuði sínum
best. Ég hef hins vegar svarað þvi
áður þegar mér voru afhentar und-
irskriftir gegn þessum presti að ég
tæki ekki ákvörðun eftir undir-
skriftarlistum. Ég geri ráð fyrir að
það sama verði uppi á teningnum
varðandi ályktun fúndarins," segir
Þorsteinn Pálsson kirkjumálaráð-
herra um áskorun safnaðarfundar í
Langholtssókn þess efnis að hann
víki séra Flóka Kristinssyni úr
embætti.
Á safnaðarfundinum í fyrrakvöld
var áskorunin til ráðherra sam-
þykkt með 228 atkvæðum gegn 25.
Áður höfðu um 1500 skrifað undir
áskorun sama efnis.
Þorsteinn sagði að sér hefði enn
ekki borist ályktun fundarins og að
hann hefði vegna anna ekki haft
tíma til að kynna sér nýjustu at-
burði. Því yrði að bíða með endan-
lega niðurstöðu af sinni hálfu.
Séra Flóki sagði í samtali við DV
í gær að hann ætlaði ekki að segja
af sér þrátt fyrir þessa niðurstöðu.
Hann sagði að það fólk sem var á
fundinum væri ekki það fólk sem
sækti messur að öllum jafnaði og
hann kannaðist ekki við það.
„Sannleikurinn er sá að það er
látið eins og fjandinn sé laus í
Langholtssöfnuði. En það er ekki
rétt. Kirkjusókn er ágæt og flestir
eru ánægðir," sagði séra Flóki.
Hann var spurður álits á þeim
orðum Þorsteins Pálssonar aö
„presturinn ætti að hugleiða hvern-
ig hann þjónaði söfnuði sínum
best“. Sagði séra Flóki að ráðherra
yrði að túlka þau orð sjálfur.
„Ég lít svo á að þjónusta mín við
söfnuðinn sé að boða trúna og
styðja fólk sem lendir í raunum.
Við þetta hef ég staðið og mun
reyna að gera það áfram,“ sagði
séra Flóki. -GK
Þú getur svaraö þessarí spurningu meö því aö hríngja í síma 904-1600. 39,90 kr. mínútan. Já 1 1 ,r ö d d \ FOLKSINS^
J Nei _2j 904-1600
Á ráðherra að víkja séra
Flóka úr prestsembætti?
Stuttar fréttir
Haraldur vanhæfur
Haraldur Blöndal, varamaður í
yfirkjörstjórn, hefur sakað Ólaf
Ragnar um að Ijúga fyrir rétti.
Haraldur telst vanhæfur í yfir-
kjörstjórn því hann og Guðrún
Pétursdóttir eru systkinabörn,
skv. RÚV.
Rússar hóta
Rússar hóta að senda 150 togara
til veiða skammt utan lögsögu ís-
lands veröi Smuguveiðum ekki
hætt. Þeir hafa velt fyrir sér að
senda herskip. Stöð 2 greindi frá.
Kennari bjargaði lífi
Stúlkan, sem slasaðist í fall-
hlífarstökki, telur að kennari
hennar hafi bjargað lífi þeirra
beggja, að sögn Stöðvar 2.
Afkoma versnaöi
Hagfræðistofnup telur að af-
koma bókaforlaga hafi versnað eft-
ir að virðisaukaskattur var lagður
á. Útvarpið greindi frá.
Órói og átók?
Frumvarp um réttindi og skyld-
ur opinberra starfsmanna varö að
lögum í gær, skv. RÚV. Stjómar-
andstaðan telur að ýtt sé undir
óróa og átök á vinnumarkaði.
Skemur á sjúkrahúsi
Sjúklingar liggja skemur á
sjúkrahúsum en áður. Sjúklingar
eru oftar lagðir inn aftur því þeir
voru útskrifaðir of snemma. RÚV
sagði frá.
Kennsludögum
ekki fjölgað
Lög um framhaldsskóla voru
samþykkt á Alþingi í gær.
Kennsludögum verður ekki fjölgað
fyrr en 1997Ú1998. RÚV greindi frá.
Bera ekki skaða
Tryggt verður aö sveitarfélög
beri ekki fjárhagsskaða af lögum
um fjármagnstekjuskatt, að sögn
Útvarps. Sveitarfélög óttast að
tapa 240 milljónum á ári.
Bensínverð lækkaði
Bensínverð lækkaði hjá Skelj-
ungi og Esso í gær. 95 oktana
bensín hjá Skeljungi og 98 oktana
hjá Esso lækkaöi um krónu. Út-
varpið sagði frá.
Hreindýr til sýnis
Bændur á Austurlandi halda
hreindýr til að sýna ferðafólki og
vonast til að geta tamið þau og
beitt fyrir sleða. Moggi sagði frá.
Samkeppni í símanum
Nýja íslenska símafélagið, dótt-
urfélag íslenska útvarpsfélagsins,
ætlar að reka símaþjónustu þegar
einkaleyfi Pósts og síma fellur úr
gildi 1998. Sjónvarpið sagði frá.
-GHS