Dagblaðið Vísir - DV - 31.05.1996, Síða 14
14
FÖSTUDAGUR 31. MAÍ1996
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjóri: JÓNAS KRISTJÁNSSON
Aðstoðarritstjóri: ELÍAS SNÆLAND JÓNSSON
Fréttastjóri: JÓNAS HARALDSSON
Auglýsingastjóri: PÁLL STEFÁNSSON
Ritstjórn, skrifstofur, auglýsingar, smáauglýsingar: ÞVERHOLT111,
blaðaafgreiðsla, áskrift: ÞVERHOLT114,105 RVÍK, SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 6272. Áskrift: 800 6270
Stafræn útgáfa: Heimasíða: http://www.skyrr.is/dv/
Ritstjórn: dvritst@centrum.is - Auglýsingar: dvaugl@centrum.is. - Dreifing: dvdreif ©centrum.is
AKUREYRI: Strandgata 25, sími: 462 5013, blaðam.: 462 6613, fax: 461 1605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftanrerð á mánuði 1700 kr. m. vsk. Lausasöluverð 150 kr. m. vsk., helgarblað 200 kr. m. vsk.
DV áskilur sér rétt til að birta aðsent efni blaösins í stafrænu formi og í gagnabönkum án endurgjalds.
Könnun skýrir línur
Ný könnun DV um fylgi forsetaframbjóðendanna er
um margt athyglisverð. Könnunin var gerð réttum mán-
uði fyrir forsetakosningarnar. Ólafur Ragnar Grímsson
nýtur enn meirihlutafylgis meðal kjósenda en Pétur Haf-
stein er kominn með afgerandi stöðu í öðru sæti. Staða
Ólafs Ragnars er mjög sterk þótt fylgi hans hafa dalað
nokkuð frá því í könnun DV um miðjan síðasta mánuð.
Miðað við könnun blaðsins virðist það helst vera Pétur
Hafstein sem veitt getur Ólaíi Ragnari keppni.
Skoðanakönnun DV í apríl varð fyrst til að sýna mjög
sterka stöðu Ólafs Ragnars Grímssonar. Aðrar kannanir,
sem fylgdu í kjölfarið, sýndu svipaða niðurstöðu. Keppni
annarra frambjóðenda hefur því í raun snúist um það að
ná góðri stöðu í annað sæti áður en að lokasprettinum
kemur. Sá sem það gerir bætir mjög stöðu sína. Hann
verður valkostur þegar menn gera upp hug sinn í kjör-
klefanum. Pétur Hafstein náði þessari stöðu nú og það á
mikilvægu augnabliki. Stuðningsmenn eflast ef þeir
eygja von um sigur. Sumir hafa túlkað það svo að forvali
mótframbjóðenda Ólafs Ragnars sé lokið. Það ber þó að
taka það fram að enn er nær mánuður til kosninga og
margt getur gerst á þeim tíma.
Staða Guðrúnar Agnarsdóttur vænkaðist nokkuð í
skoðanakönnun DV. Samkvæmt henni hefur hún skotist
upp fyrir Guðrúnu Pétursdóttur. Útkoman hlýtur að telj-
ast áfall fyrir Guðrúnu Pétursdóttur og stuðningsmenn
hennar. í könnim DV í mars var Guðrún Pétursdóttir í
forystu með stuðning rúmlega þriðjungs kjósenda. Ást-
þór Magnússon var síðastur til þess að tilkynna um
framboð sitt. Hánn mælist með minnst fylgi.
Líklegast er því að baráttan standi helst milli Ólafs
Ragnárs Grímssonar og Péturs Hafsteins. Forskot Ólafs
er mikið. Þrátt fyrir að Pétur hafi bætt sig mjög milli
kannana er fylgi Ólafs Ragnars tvöfalt meira en Péturs.
Ólafur keppir að því að halda stöðu sinni en Pétur verð-
ur að höggva í hans raðir og þeirra sem óákveðnir eru. í
því ljósi er rétt að skoða útreikninga DV á fylgi frambjóð-
endanna eftir flokkum. Þar kemur í ljós að Ólafur Ragn-
ar hefur einn frambjóðenda stuðning úr öllum flokkum
en þó aðallega úr Sjálfstæðisflokki, Alþýðubandalaginu
og Framsóknarflokknum. Fylgi Péturs Hafsteins er hins
vegar aðaUega bundið við stuðningsmenn Sjálfstæðis-
flokksins. Óákveðnir eru tæplega 29 prósent samkvæmt
könmm DV.
Styrkur Ólafs Ragnars Grtmssonar felst í því að höfða
til stuðningsmanna alira flokka og um leið er það veik-
leiki Péturs Hafsteins að fylgi hans er einlitt. Barátta
þeirra hlýtur því að markast af þessu. Það er Ólafi Ragn-
ari í hag að halda ástandinu óbreyttu, styggja engan og í
raun að halda sig til hlés, líkt og hann hefur gert fram til
þessa. Keppikefli Péturs hlýtur hins vegar að ná eyrum
breiðari hóps en nú. í raun verður hann að særa kepp-
inaut sinn fram á vígvöllinn vegna þeirra yfirburða sem
hann hefur haft samkvæmt skoðanakönnunum.
Frambjóðendumir voru misþekktir þegar baráttan
hófst. Það er hlutverk fjölmiðla að kynna almenningi þá
sem í boði eru og stefnumál þeirra. Það hefur DV gert að
undanfömu. Ekki er að efa að fyrir fram var Ólafur
Ragnar Grímsson þekktastur frambjóðendanna. Mót-
frambjóðendur hans hafa gagnrýnt ríkissjónvarpið fyrir
takmarkaða og seina kynningu. í þeirri gagnrýni endur-
speglast mismunandi staða og hagsmunir keppinaut-
anna.
Jónas Haraldsson
UMHVERFIÐ í OKKAR HÖNDUM
„Ungmennafélagar hafa gegnum tíðina starfað ötullega að umhverfismálum,“ segir Þórir í greininni.
Flöggum hreinu landi 17. júní
í upphafi þessarar aldar, þegar
mikil vakning var hjá þjóðinni og
stofnuð voru mörg ungmennafé-
lög, var á stefnuskrá þeirra að
bæta og fegra umhverfíð. Því
markmiði hugðust ungmennafé-
lagar ná m.a. með því að rækta
skóg og vinna þannig að því að
skila til baka þeim skógi sem
landsmenn höfðu gengið á frá
landnámi.
Stór umhverfisverkefni
Ungmennafélagar hafa gegnum
tíðina starfað ötullega að umhverf-
ismálum. Þeir unnu víða um land
að stofnun skógræktarfélaga sem
tóku að verulegu leyti við skóg-
ræktarmálum um landið, þó að
verulegur fjöldi ungmennafélaga
hafi starfað að skógrækt allt fram
á þennan dag og munu eflaust
gera það um ókomna tíð. Þann
mikla áhuga sem ungmennafélög-
in hafa sýnt skógrækt má glöggt
sjá í skógarreitum ungmennafé-
laga vítt og breitt um landið.
Á seinni árum hafa ungmenna-
félögin staðið að nokkrum stórum
umhverfisverkefnum sem snúa að
hreinsun landsins. Fyrst vii ég
nefna að árið 1989 hreinsuðu ung-
mennafélögin í landinu meðfram
þjóðvegum landsins og var það
þarft verk. Ég tel að það verkefni
hafi vakið landsmenn til umhugs-
unar um þann sóðaskap sem ís-
lendingar hafa viðhaft með því að
nota vegkantana sem ruslatunnu
en í dag er það hreinn viðburður
að sjá slíkt.
Þá stóð Ungmennafélag íslands
fyrir verkefni er nefndist „Fóstur-
börnin“ sem stóð yfir í þrjú ár, þ.e.
1991 til 1993. Þá tóku félögin ákveð-
ið landsvæði í fóstur. Á síðasta ári
KjaUarinn
Þórir Jónsson
formaður UMFÍ
stóð Ungmennafélag íslands fyrir
verkefninu „Umhverfið í okkar
höndum". Því verkefni var ætlað
að bæta umgengni um hafið,
strendur, ár og vötn landsins. Þá
voru hreinsaöar strendur, vatns-
og árbakkar og vakti þetta verk-
efni verðskuldaða athygli.
Umhverfissjóður
verslunarinnar
Nú í vor hófst svo samstarf
milli Umhverfissjóðs verslunar-
innar og Ungmennafélags íslands.
Verkefnið hefur hlotið nafnið
„Flöggum hreinu landi 17. júní“.
Eins og nafnið bendir til er
markmið verkefnisins að lands-
menn taki nú höndum saman og
hreinsi til fyrir þjóðhátíðardag ís-
lendinga 17. júní.
Ég vil hér með koma á framfæri
þökkum til Umhverfissjóðs versl-
unarinnar fyrir það að velja Ung-
mennafélag íslands til samstarfs
við sig í sumar. Þetta er fyrsta um-
hverfisverkefni sem Umhverfis-
sjóður verslunarinnar beitir sér
fyrir en örugglega ekki það síð-
asta.
Það er okkur hjá UMFÍ mikill
heiður og hvatning að verslunin
styðji svo vel við bakið á okkur í
baráttu okkar fyrir bættri um-
gengni um landið.
Ég vil hvetja ungmennafélaga
sem og landsmenn alla að taka nú
höndum saman og leggja okkur
hjá UMFÍ og Umhverfissjóði versl-
unarinnar lið og taka virkan þátt í
hreinsun landsins. Ég tel það eina
bestu fjárfestingu íslendinga að
gæta vel að náttúru landsins og
bæta umgengni okkar við landið,
það mun skila þjóðinni margfalt í
framtíðinni. Flöggum hreinu iandi
17. júní.
Þórir Jónsson
„Ég tel það eina bestu fjárfestingu íslend-
inga að gæta vel að náttúru landsins og
bæta umgengni okkar við landið, það mun
skila þjóðinni margfalt í framtíðinni.“
Skoðanir annarra
Kaupmáttaraukning
„Þegar þróun kaupmáttar hér er borin saman við
kaupmáttaraukningu í Evrópulöndum, sem eiga að-
ild að OECD, kemur í ljós, að kaupmáttaraukning
síðustu tveggja ára er u.þ.b. tvöfalt meiri en í þeim
löndum ... Verkalýðshreyfingin hlýtur að taka mið
af þessari þróun í kröfugerð sinni fyrir næstu kjara-
samninga. Sú stefna, sem fylgt hefur verið í kjara-
málum sameiginlega af verkalýðsfélögum, vinnu-
veitendum og ríkisvaldi hefur sannað giidi sitt.“
Úr forystugrein Mbl. 29. maí.
Horft til framtíðar
„Sú sýn sem lesendur skýrslna frá Efnahags- og
framfarastofnuninni, OECD, fá af Islandi er ekki allt-
af glæsileg. í Viðskiptablaðinu í dag kemur annars
vegar fram að erlend fjárfesting hér á landi er með
þvi minnsta sem þekkist hjá aðildarríkjum OECD og
hins vegar kemur fram í blaðinu að ísland er eftir-
bátur flestra OECD-ríkja hvað varðar framlög til
rannsókna og þróunar ... Ljóst er að úr þessu þarf að
bæta eigi ísland ekki að síga aftur úr öðrum þjóðum.
Örva þarf framlög til rannsókna og þróunar, sérstak-
lega hjá fyrirtækjum."
Úr forystugrein Viðskiptablaðsins 29. maí.
Landvinnsla - sjóvinnsla
„Landvinnslan þyrfti að búa við sömu kjör og sjó-
vinnslan. Þar eru þrír þættir ráðandi; hráefnið,
verðið og gæðin. Þá er allt, sem kemur í land til
vinnslu talið til kvóta, en aðeins þaö, sem unnið er
um borð. Nýtingu um borð er hægt að hafa áhrif á
og þar af leiðandi einnig þann stuðul, sem ræður út-
reikningi á kvótanum. Ekkert slíkt er fyrir hendi i
landi ... Verðmætasköpun er einnig meiri við full-
vinnslu afurðanna og þess ætti landvinnslan að
njóta.“
Eggert H. Kjartansson í Mbl. 29. maí.