Dagblaðið Vísir - DV - 03.06.1996, Blaðsíða 2
2
MÁNUDAGUR 3. JÚNÍ 1996
Fréttir
Samþykkt á vmnumálafrumvarpinu vekur gremju innan launþegahreyfingar:
Búið að ofbjóða
lýðræði í landinu
- segir Björn Grétar Sveinsson, formaður Verkamannasambandsins
„Þetta frumvarp er alveg maka-
laust og með ólíkindum hvernig
stjórnvöld gátu samþykkt það. Ég er
alveg klár á því að félagsmálaráð-
herra hefur ekki hugmynd um
hvernig á að framkvæma þau lög
sem hann er búinn að berja í gegn
með ofbeldi. Það er sorglegt að
horfa upp á það að ríkisstjórn ís-
lands, meirihluti á Alþingi, lætur
fjarstýra sér af atvinnurekendasam-
tökunum í landinu á móti launþega-
hreyfmgunni. Svona stjórnvöld eru
vond stjórnvöld," sagði Bjöm Grét-
ar Sveinsson, formaður Verka-
mannasambands íslands, í samtali
við DV í gær vegna vinnumálamála-
frumvarpsins sem samþykkt var
fyrir helgi.
„Stjómvöld hafa ekki getað svar-
að rökstuðningi okkar í málinu. Við
höfum setið í félagsmálanefnd þar
sem rökstuðningur okkar hefur
komið fram og líklega aldrei verið
rökstuddur jafn ítarlega á nokkum
hátt eins og nú. Þar hafa stjórnarlið-
ar ekki átt eitt einasta svar við rök-
um okkar. Það er algerlega búið að
ofbjóða lýðræðinu í landinu og þeg-
ar svona er komið hljótum við vísa
þessu inn í komandi kjarasamn-
inga. Stjómvöld hafa vitað það aUan
tímann enda hefur öll þeirra fram-
koma og hugsun, sem þama er á
bak við, byggst á að reyna að veikja
möguleika hreyfingarinnar til þess
að koma fram kröfum sinum í
næstu kjarasamningum. Þessi sömu
stjórnvöld höfðu að sjálfsögðu mikil
áhrif á hvernig Kjaradómur og
kjaranefnd útbýttu peningum til
þeirra sjálfra á síðasta ári. Það er
ekki gleymt og okkar viðbrögð
verða hörð í þessu máli. Ég tek það
fram að við lýsum ábyrgðinni á
hendur stjórnvöldum," sagði Björn
Grétar enn fremur. -RR
Viking-Konvoyen 1997:
Yfir 100 norskir
bátar til íslands
Siglingaklúbburinn Florö í V-
Noregi hefur ákveðið að efna til
mikillar siglingar til íslands í lok
júní á næsta ári sem ber nafnið Vik-
ing-Konvoyen 1997. Um verður að
ræða um 100 báta, bæði seglbáta og
mótorbáta. Auk þess mun fylgja
bátalestinni stórt farþegaskip,
skólaskip og björgimarsveitarbátur.
Þar að auki er búist við um 300-700
manns með flugvélum. Samvinna
mun verða milli Hafnar í Hornafirði
og Hafnarfjarðai' um þennan við-
burð þar sem allir bátarnir munu
sigla til Hafnar og þeir hraðskreið-
ustu áfram til Hafnarfjaröar.
„Þetta er í fullum gangi og þeim
er full alvara. Hér eru staddir for-
svarsmenn siglingarinnar að skoða
aðstæður en þeir búast við að allt að
2 þúsund Norðmenn komi til ís-
lands. Siglingin er í tengslum við
Víkingahátíðina í Hafnaríirði og yf-
irlýstur tilgangur ferðarinnar er að
minnast landnáms íslands frá V-
Noregi fyrir rúmlega 1100 árum. Þá
er ætlunin líka að styrkja menning-
ar- og vináttutengsl milli þessara
bræöraþjóða," sagði Rögnvaldur
Guðmundsson ferðamálafulltrúi í
samtali við DV í gærkvöld. -RR
í gær voru haldnir orgeltónleikar í Hallgrímskirkju til minningar um Karl Sighvatsson tónlistarmann sem lést í bílslysi
á Hellisheiði fyrir réttum fimm árum. Þá var og í gær reistur minnisvarði um Karl á þeim stað þar sem slysið varð.
Prófessor Gerhard Dickel lék á orgelið í Hallgrímskirkju. Með honum á myndinni er Rebekka dóttir hans og forseti
íslands, frú Vigdís Finnbogadóttir. Frú Vigdís afhenti feðginunum gjafir að tónleikunum loknum.
DV-mynd JAK
Vaxandi útflutningur á íslenskum dýrum:
Þrír hreinræktaðir hundar og 80 hross til Kanada
Hluti þeirra 80 hrossa sem fóru um borð í flutningavél á Keflavíkurflugvelli í
gærmorgun. Leiðin lá til Seattle og þaðan með flutningabílum til Kanada.
DV-mynd ÆMK
DV, Suðurnesjnm:
„Þessi hross, sem eru að fara til
Kanada, eru öll mjög litskrúðug.
Kaupendumir eru mjög hrifnir af
litunum á íslenska hestinum. Þetta
eru 28 unghross, eins til tveggja
vetra, og síðan eru þægileg reið-
hross, fjölskylduhross. Þá er grað-
hestur sem fékk fyrstu verðlaun fyr-
ir byggingu,“ sagði Ólöf Guðmunds-
dóttir, framkvæmdastjóri Edda
hesta, í samtali við DV á Keflavík-
urflugvelli í gærmorgun.
Edda hestar, sem er hlutafélag í
eigu 100 hrossabænda víðs vegar
um landið, fluttu 50 hesta til
Kanada í gærmorgun frá Keflavík-
urflugvelli meö DC-8 flutningavél.
Nokkrir graðhestar voru í hópnum
og mátti sjá níu vetra graðhestinn
Kjarnar frá Kjarnholtum sem seldur
var á 1,6 milljónir gegn stað-
greiðslu. Hestamir sem fóru utan
eru á verðbilinu frá 50 þúsundum
og alveg upp í stórar tölur þegar um
er að ræða góðan hest.
Það fóm ekki einungis hestar til
Kanada. Þrír hreinræktaðir íslensk-
ir hundar voru einnig með í för.
„Það em kaupendur í Kanada sem
vildu fá íslenska hundinn. Við erum
að prófa þetta með hestunum. Það
er ekki spurning að við gætum haf-
ið útflutning á íslenska hundinum
einnig,“ segir Ólöf.
Flogið var með hestana og
hundana til Seattle í Bandaríkjun-
um og þaðan átti að aka þeim til
Kanada og tekur ferðin frá íslandi
um 14 klukkutíma. Að sögn Ólafar
fóm 80 hross með vélinni og keypti
Axel Ómarsson, sem hefur flutt út
hross með Sigurbirni Bárðarsyni,
pláss af fyrirtækinu fyrir 30 hross
sem kona ein hafði keypt á einu
bretti þegar hún var stödd hér á
landi. Hún segir að þetta sé í annað
skiptið sem þau taka leiguflugvél til
útflutnings á hestum. í maí í fyrra
fóru 67 hross til Kanada.
„Við höfum það að markmiði að
flytja út fulla vél, 100 hesta, einu
sinni á ári. Þetta hefur gengið von-
um framar og gæti farið svo að viö
tökum leiguvél aftur í ágúst. Þessi
hross fara til Arnolds Faber sem er
umboðsmaður okkar i Kanada.
Hann markaðssetur hrossin og kem-
ur þeim á framfæri. Þau verða fyrst
öll í einangrun á búgarði hans í
þrjár vikur,“ sagði Ólöf Guðmunds-
dóttir. -ÆMK
Þú getur svaraö þessari FÓLKSINSt)
spurningu meö því að hringja í síma 904-1600. 39,90 kr. mínútan. Já l|
N°'*} 904-1600
Á að hafa verslanir
opnará sunnudögum?
I>V
Burðardýr
í gæsluvarðhaldi
Grunur leikur á að hinn fimm-
tugi Breti, sem handtekinn var
við að reyna að smygla um einu
kílói af amfetamíni til landsins sl.
miðvikudag, sé það sem kallað er
burðardýr í bransanum. Maður-
inn er í gæsluvarðhaldi og bíður
dóms. Ekki er vitað hvort ein-
hverjir samferðamenn Bretans í
flugvélinni tengjast honum á ein-
hvern hátt en fíkniefnadeild lög-
reglunnar vinnur að rannsókn
málsins. -sv
Kærði nauðgun
Laust fyrir klukkan 7 á laugar-
dagsmorgun kærði kona karl-
mann fyrir nauðgun. Konan hafði
ásamt vinkonu sinni verið á veit-
ingastað í Reykjavík fram eftir
nóttu og karlmaðurinn farið með
þeim heim til vinkonunnar. Kon-
an var mjög drukkin að sögn lög-
reglu og var farið með hana í
neyðarmóttöku Sjúkrahúss
Reykjavíkur fyrir þá sem verða
fyrir kynferðisofbeldi. Maðurinn
lét sig hverfa áður en kæran var
borin fram en talið var að kon-
umar vissu hver hann væri. -sv
ísafjörður:
Tveir í klefa
Tveir menn yið skál slógust að
fomum sið á Isafiröi aðfaranótt
sunnudags. Þeim varð ekki alvar-
lega meint af bægslaganginum en
fengu fría gistingu í steininum.
Tveggja ára stúlka:
Féll fram
af svölum
Mildi var að ekki fór verr þeg-
ar tveggja og hálfs árs stúlkubarn
féll fram af svölum í blokk í Graf-
arvogi á laugardag. Fallið var um
þrír metrar og kom stúlkan niður
á grasflöt, alveg ómeidd, að því er
virtist við fyrstu sýn. Þaö fékkst
svo staðfest eftir heimsókn á
slysadeild. Lögreglunni var I gær
ekki kunnugt um með hvaða
hætti slysið bar að, þ.e. hvernig
bamið komst út af svölunum.
Þess eru dæmi svo langt sé á milli
rimla aö böm komist á milli. Rétt
er því fyrir fólk að huga að slíku.
-sv
Stuttar fréttir
Læknavakt lokað?
Skúli G. Johnsen héraðslæknir
segir heimilislæknum skylt að
sinna læknisþjónustu í Reykja-
vík verði læknavaktinni lokað,
eins og kunni að verða. Héraðs-
læknir segir að uppbygging hafi
ekki orðiö í heilbrigðisþjónustu
og það hafi skaðað. RÚV greindi
frá.
Meirihluti ekki í belti
í nýlegri skýrslu Umferðarráðs
kemur fram að meirihluti öku-
manna sem lenda í umferðaró-
höppum notar ekki öryggisbúnað
á borð við bílbelti.
459 alvarleg slys
Alls 459 alvarleg slys urðu um
borö í íslenskum skipum i fyrra.
Skólastjóri Slysavamaskóla sjó-
manna vill efla fræðslu um ör-
yggismál þeirra. RÚV greindi frá
þessu.
Fleiri kynferðisbrotamál
Fjórum sinnum fleiri kynferð-
isbrotamál komu til kasta ríkis-
saksóknara í fyrra en tíu áram
áður. RÚV greindi frá þessu. I
Aukin amfetamínneysla
Yfirlæknir á Vogi segir í við-
tali við RÚV að amfetamínneysla
hafi aukist gríðarlega undanfarið
eitt og hálft ár. .rr