Dagblaðið Vísir - DV - 04.06.1996, Blaðsíða 21

ÞRIÐJUDAGUR 4. JÚNÍ 1996
25
Menning
Drápa, margmiðlunarhátíö í Tunglinu á Listahátíð í Reykjavík þann 7. júní:
Hátt í 100 þúsund manns
farið inn á heimasíðuna
- ljóð, tónlist og tölvugjörningar af ýmsu tagi í boði
Fyrirgefning
syndanna til-
nefnd
Skáldsaga Ólafs Jóhanns Ólafs-
sonar. Fyrirgefning syndanna, hef-
ur verið lögð fram fyrir íslands
hönd þegar alþjóðlegu Dyflinnar-
verðlaunin verða afhent i fyrsta
sinn þann 15. júni næstkomandi.
Það eru borgarbókasöfn víða að úr
heiminum sem tilnefna skáldverkin
en skilyrðin eru að þau teljist gott
bókmenntaverk og hafi verið skrif-
uð eða þýdd á ensku. Verðlaunaféð
nemur um 10 milijónum íslenskra
króna.
Galdra-Loftur
í Óperublaðinu
Tíúnda tölublað Óperublaðsins er
komið út en það er Styrktarfélag ís-
lensku óperunnar sem stendur að
útgáfunni. Að þessu sinni er blaðið
helgaö óperunni Galdra-Lofti eftir
Jón Ásgeirsson en hún verður
frumsýnd þann 1. júní næstkom-
andi. Meðal annars efhis er í blað-
inu gagnrýni eftir Jón Viðar Jóns-
son, sagt er frá óperuferð tO New
York um páskana og tónlistarhátíð-
um í Evrópu í sumar.
Tökum á Djöfla-
eyjunni lokið
Tökum á kvikmynd Friðriks Þórs
Friðrikssonar, Djöflaeyjunni, er nú
lokið en þær hafa staðið frá því i
febrúar. Á kvikmyndahátíðinni i
Cannes var sýnd kynningarstikla
úr myndinni og hlaut hún góöar
viðtökur. Verið er að ljúka við nið-
urrif braggahverfis sem byggt var á
Seltjamarnesi vegna myndarinnar.
Meðal leikara eru Gísli Halldórs-
son, Baltasar Kormákur, Sigurveig
Jónsdóttir og Halldóra Geirharðs-
dóttir en alls koma 2000 manns
fram i myndinni og mun hún vera
dýrasta íslenska kvikmyndin sem
framleidd hefur veriö.
Málþing á vegum
Vöku-Helgafells
Vaka-Helgafell hefur tekið við út-
gáfurétti á bókum dr. Halldórs Hall-
dórssonar, fyrrverandi prófessors
við Háskóla íslands. í tilefni af því
og 85 ára afmæli Halldórs efnir
bókaforlagið til málþings þar sem
fjallað verður um fræðistörf hans.
Meðal verka Halldórs eru íslenskt
orðtakasafn og Stafsetningarorða-
bók en Halldór er einn mikil-
virkasti fræðimaður síðari ára á
sviði íslenskrar málfræði auk þess
sem ritsmíðar hans hafa vakið at-
hygli. -gga
Þjóðleikhúsið tók nýlega við hópum grunnskólabarna af höfuðborgarsvæð-
inu og sýndi þeim starfsemina sem þar fer fram. Krakkarnir fengu m.a. að
skoða leikmyndina í Kardemommubænum og aðstöðu leikara baksviðs.
Pálmi Gestsson leikari var meðal þeirra sem leiddu ungviðið í allan sannleik
um ævintýri leiklistarinnar og eins og sjá má skorti ekki athyglina.
DV-mynd BG
Ný útgáfa á tón-
list Sigfúsar
Út er kom-
inn tvöfaldur
geisladiskur og
tvöföld snælda
með tónlist Sig-
fúsar Halldórs-
sonar. Á síðast-
liðnu ári var
efnt til tónleika
þar sem Sigfús var heiðraður og um
leið gerður að heiðursborgara Kópa-
vogsbæjar. Tónleikamir þóttu
heppnast það vel að þeir voru end-
urteknir 11 sinnum auk þess sem
þeir voru hljóðritaðir. Á öðrum
diskinum er upptaka frá hljómleik-
unum þar sem 10 einsöngvarar
flytja lög Sigfúsar við undirleik
Jónasar Ingimundarsonar en á hin-
um diskinum syngur Friðbjörn G.
Jónsson við undirleik höfundar.
Tímarit Máls og
menningar komið
Tímarit Máls og menningar er
komið út, í annað sinn á þessu ári.
Efnið er að mestu tengt bókmennt-
um en einnig er grein um-tónskáld
af yngri kynslóðinni. I tímaritinu er
að finna ljóð og smásögur eftir ýmis
innlend og erlend skáld auk greina,
bókaumsagna og ítarlegs viðtals við
Steinunni Sigurðardóttur.
Sigríður Bachmann Ijósmyndari er um þessar mundir með sýningu á 25 por-
trett-ljósmyndum í verslun Hans Petersen í Austurveri. Sýningin nefnist
Augnablik og stendur fram að helgi. Þetta er fyrsta einkasýning Sigríðar en
hún hefur starfrækt Ijósmyndastofu að Garðastræti 17 undanfarin sjö ár og
unnið við Ijósmyndun í samtals 35 ár. Myndirnar á sýningunni eru teknar á
síðustu fimm árum. Myndefnið er fólk á öllum aldri, m.a. fyrstu glasaþrf-
burarnir hér á landi og Benjamín H. J. Eiríksson hagfræðingur, sem kominn
er á efri ár. DV-mynd BG
Margmiðlunarhátíð sem nefnist
Drápa fer fram í Tunglinu nk. fóstu-
dagskvöld. Drápa er liður í Listahá-
tíð í Reykjavík og er sennilega sá
viðburður sem vakið hefur mesta
athygli erlendis. Heimasíða á Inter-
netinu hefur verið í gangi frá byrj-
un maí og inn á hana hafa farið hátt
í 100 þúsund manns. Síðan hefur
hlotið tvenn virt verðlaun frá al-
þjóðlegum netþjónustufyrirtækjun-
um í Bandaríkjunum og Evrópu.
Nokkrir áhugasamir einstaklingar,
sem hafa brennandi áhuga á Inter-
netinu og óteljandi möguleikum
sem það bíður upp á, standa að
Drápu en þar koma fram listamenn
af ýmsu tagi með ljóð, tónlist, tölvu-
hreyfimyndum, myndböndum og
annan gjörning. Aðeins verður um
þetta eina kvöld að ræða.
Birgitta Jónsdóttir hefur síðustu
þrjá mánuði unnið að hönnun
heimasíðunnar í samstarfi við
nokkra aðila, einkum Braga Hall-
dórsson og Kristrúnu Gunnarsdótt-
ur. Grunnhönnun hefur verið í
höndum Birgittu, sem jafnframt á
ljóðagjörning inn á vefnum. Alls
hafa um 30 manns unnið að undir-
búningu Drápu.
„Ég lagði til graflk á heimasíðuna
og safnaði efninu saman. Ég hef
einnig haldið dagbók þar sem allar
nýjustu upplýsingar eru settar inn á
vefinn. Við erum í stöðugri þróun
og vefurinn er mjög lifandi. Senni-
lega vekur það mestan áhuga á hon-
Hluti af heimasíðunni úr Drápu sem hátt í 100 þúsund manns víðs vegar um
heim hafa skoðað undanfarnar vikur.
Kristrún Gunnarsdóttir (t.v.), Bragi Halldórsson og Birgitta Jónsdóttir eru
meðal þeirra sem standa að margmiðlunarhátíðinni Drápu í Tunglinu 7. júnf
nk. Drápa er liður í Listahátfð í Reykjavík og er farinn að vekja mikla athygli
tölvunotenda um allan heim. DV-mynd GS
um,“ sagði Birgitta.
Þeir listamenn sem taka þátt í
Drápu, auk Birgittu og Kristrúnu,
eru Elísabet Jökulsdóttir, Sigurður
Pálsson, Hallgrímur Helgason,
Laura Valentino, Berglind Ágústs-
dóttir, Sjón, Bragi Ólafsson, Birgir
Örn Thoroddsen, Signý Hafsteins-
dóttir, Kristinn Gunnar Blöndal,
Hilmar Þórðarson og hljómsveitirn-
ar Reptilicus, Vindva Mei og Harm-
onics of Frequency Modulation.
Birgitta sagði að við framsetningu
texta og myndar væri lögð áhersla á
samræmi þar á milli.
Sigurður úti í haga undir
ferskjutré!
Sjón, Sigurður Pálsson og Hall-
grímur Helgason verða ekki í
Tunglinu heldur staðsettir víðs veg-
ar í Evrópu í tölvusímsambandi.
Þannig verður Sjón staddur í
London, Hallgrímur í París og Sig-
urður einhvers staðar í Suður-
Frakklandi.
„Sigurður verður einhvers staðar
úti í haga. Hann sagði mér að hann
ætlaði að vera undir stóru ferskju-
tré og nota farsíma til að stjórna
leikurum í Tunglinu samkvæmt
kvóta sem tengist afmælisdeginum.
Meira er ekki vitað um hans fram-
lag. Þess vegna getur allt gerst,“
sagði Birgitta.
Birgitta sagði að ýmsar uppákom-
ur væru fyrirhugaðar í Tunglinu
sem ekki væri hægt að skýra frá.
Fólk yrði að koma á staðinn og upp-
lifa kvöldið af eigin raun. Hún lagði
áherslu á að fólk yrði að vera mætt
stundvíslega klukkan 21, dagskráin
hæfist á mínútunni af miklum
þunga. -bjb
Nýir heiðursfé-
lagar Rithöfunda-
sambandsins
Á aðalfundi Rithöfundasambands íslands, sem haldinn var 18. maí síð-
astliðinn, tilkynnti Ólafur Haukur Símonarson, varaformaður RSÍ, að
Svava Jakobsdóttir og Stefán Júlíusson hefðu verið kjörin heiðursfélag-
ar. Rithöfundasambandið var stofnað árið 1974 og frá þeim tíma hefur 16
rithöfundum hlotnast þessi heiður.
Ný stjórn FTT
Á aðalfundi Félags tónskálda og textahöfunda, sem haldinn var ný-
lega, var ný stjórn félagsins kosin. Þar sitja nú Þórir Baldursson formað-
ur, Helgi Björnsson varaformaður og Magnúsi Kjartansson, Stefán Hilm-
arsson og Stefán S. Stefánsson meðstjórnendur. Á fundinum voru jafn-
framt Ingibjörg Þorbergs, Jón Múli Árnason og Jónas Árnason kosin
fyrstu heiðursfélagar FTT. í Félagi tónskálda og textahöfunda eru nú um
90 félagsmenn.
Úthlutun styrkja
lokið
Nítjándu úthlutun styrkja úr Þjóðhátíðarstjóði er lokið. Tilgangur
sjóðsins er að veita styrki til þeirra aðila er vinna að varðveislu og
vernd menningar og lands. Fjórðungur rennur til Friðlýsingarsjóðs til
náttúruverndar, fjórðungur til varðveislu menningarverðmæta en að
öðru leyti er-úthlutun í höndum sjóðsstjórnar. Alls bárust 77 umsóknir
um styrki að íjárhæð um 35 milljónir króna en helming úthlutunarfjár,
eða um 2,5 milljónum króna, var veitt til styrkja samkvæmt umsóknum.
-gga