Dagblaðið Vísir - DV - 04.06.1996, Blaðsíða 26
30
ÞRIÐJUDAGUR 4. JÚNÍ 1996
Fréttir
DV
Landsbankinn tapaöi 600 milljónum á fjármögnunarfyrirtækinu Lind:
Hver ber ábyrgð á út-
lánatöpum bankans?
- spurði Ásta R. Jóhannesdóttir á Alþingi í gær
í fyrirspurnartíma á Alþingi í
gær spurði Ásta R. Jóhannesdóttir
Finnlngólfsson viðskiptaráðherra
hver eða hverjir bæru ábyrgð á út-
lánatöpum Landsbankans og þá
ekki síst 600 milljóna króna tapi
bankans á fjármögnunarfyrirtæk-
inu Lind. Hún riflaði upp að bank-
inn hefði orðið að fá hvert víkjandi
stórlánið á fætur öðru að undan-
fornu vegna útlánatapa.
Ásta Ragnheiður spurði hvað
hefði orsakað þetta tap, hvort ráð-
herra teldi ástæðu til að láta kanna
hina ýmsu þætti þessa máls, þar
sem hér væri um að ræða meðferð á
almannafé.
Finnur Ingólfsson sagðist ekki
þekkja tap bankans á einstökum
eignarfyrirtækjum hans eða ein-
stökum viðskiptamönnum. Hann
sagði að tap Landsbankans hefði oft
komið til umræðu í sölum Alþingis.
Allar upplýsingar þar um lægju því
fyrir í þingskjölum.
„Bankaráð Landsbankans er að
fjalla um útlánatöp bankans á liðn-
um árum. Ég býst fastlega við því
að málefni Lindar, sem og töp ann-
arra aðila sem Landsbankanum
tengjast, verði skoðuð í því sam-
hengi,“ sagði Finnur Ingólfsson.
„Það er merkilegt að heyra það af
vörum bankamálaráðherrans að
hann þekki ekki tap Landsbankans
vegna Lindar, sem er eitt stærsta
tap Landsbankans frá upphafi
vegna eins fyrirtækis. Það er krafa
almennings að svör fáist við þeim
spurningum sem ég bar fram.
Hverjir bera ábyrgðina? Á að láta
þá sæta ábyrgð eða á að láta þá sitja
áfram í toppstöðum í bankanum?"
sagði Ásta Ragnheiður
Finnur Ingólfsson endurtók að
þessi mál hefðu oft verið rædd á Al-
þingi. Hann sagði að hins vegar
vissi hann ekki til þess að það hefði
verið sundurgreint hvað bankinn
hefði tapað miklu, hvorki á einstök-
um fyrirtækjum né á einstaklingum
sem hefðu verið í viðskiptum við
bankann. Hann sagðist enda telja að
þar væri um trúnaðarmál að ræða.
„Það er auðvitað bankaráð bank-
ans sem ber ábyrgð á rekstri hans
og bankastjórarnir bera ábyrgð á
rekstri hans gagnvart bankaráð-
inu,“ sagði Finnur Ingólfsson.
Hann sagði að áður en menn færu
að tala um mistök í starfi eða á
menn væri lögð ákveðin ábyrgð
teldi hann rétt að fá það upplýst
hver sú ábyrgð væri sem menn ættu
að sæta. Þess vegna væri ekki hægt
að ræða málið á þeim nótum sem
hefði verið í þessari fyrirspum.
-S.dór
Dönsku konurnar ásamt starfsfólki. Frá vinstri Ásdís Jónsdóttir hjúkrunarframkvæmdastjóri, Eva Maardt og Ingelise
Ramby frá Danmörku, Arndís Finnsson, hjúkrunarfræöingur hjá Pharmaco, Ása Brynjólfsdóttir, lyfjafræðingur Bláa
lónsins, og Stefanía Jónsdóttir hjúkrunarfræöingur göngudeildarinnar. DV-mynd ÆMK
Göngudeild Bláa lónsins:
Danir hrifnir af meðferð
á psoriasis-sjúklingum
„Þær eru rosalega ánægðar og
þeim finnst alveg stórkostleg með-
ferð sem hér fer fram á psoriasis-
sjúklingum. Þær voru hér eingöngu
að skoða aðstöðuna sem við höfum
og ætla að vinna að því að senda
okkur psoriasis-sjúklinga frá Dan-
mörku,“ sagði Ásdís Jónsdóttir,
'hjúkrunarframkvæmdarstjóri
göngudeildar við Bláa lónið, við DV.
Fyrir skömmu voru danskir húð-
sjúkdómafræðingar frá húðsjúk-
dómadeild Kaupmannahafnar að
skoða aðstöðu göngudeildarinnar
við Bláa lónið sem hefur vakið
mikla athygli fyrir árangur i með-
ferð psoriasis-sjúklinga.
„Þær fóru heim með myndir og
gefa síðan skýrslu um starfsemina.
Næsti áfangi er að vinna með þeirra
yfirlækni. Á sjúkrahúsinu sem þær
vinna hjá eru 100 psoriasis-sjúkling-
ar sendir til ísraels á ári. Það er ósk
okkar að fá helminginn hingað til
okkar. Eins og aðstaðan er í dag get-
um við ekki tekið á móti nema 20
manns í einu í einn mánuð. Hótelið
og deildin anna ekki meira til við-
bótar við íslendingana sem hér
eru,“ sagði Ásdís Jónsdóttir.
-ÆMK
Náttúruverndarráð gegn allri mannvirkjagerð
Dy Suðurnesjum:
Á fundi Náttúruverndarráðs fyrir
skömmu var ijallað um deiliskipu-
lag athafnasvæðis framtíðarsvæði
Bláa lónsins í Svartsengi. Um er að
ræða veitinga- og hótelbyggingu,
vegagerð, bílastæði, göngustíga, or-
lofshús, tjaldsvæði og áningarstað
fyrir hestamenn.
Náttúruverndarráð leggst fyrir
sitt leyti gegn deilisskipulagstillögu
sem Grindavíkurbær sendi ráðinu í
samvinnu við Bláa lónið hf., Hita-
veitu Suðurnesja og íslenska aðal-
verktaka sf. Byggingarsvæðinu er
að mestu leyti áætlaður staður á
lllahrauni og leggst Náttúruvernd-
arráð gegn allri mannvirkjagerð
þar.
í bréfi sem ráðið sendi Grindavík-
urbæ segir að hraunið sé sögulegt.
Rann að öllum líkindum 1226 eða
skömmu síðar. Söguleg hraun eru
tiltölulega fá á íslandi og mörgum
þeirra hefur verið raskað. Slík
hraun eru þó eitt af séreinkennum
íslands og hluti af því jarðeldalands-
lagi sem meðal annars vekur áhuga
ferðamanna á íslandi. Því er mikil-
vægt að sögulegum hraunum verði
ekki raskað meir en orðið er.
Ráðið telur að færa eigi bygging-
arsvæðið örlítið austar, niður af
hraunkantinum á Sundshnúks-
hraunið en því hrauni hefur nú þeg-
ar verið raskað. Þar munu bygging-
ar liggja lágt í landi og falla vel að
því landslagi sem er ríkjandi á
svæðinu.
„Náttúruverndaráð hefði getað
stöðvað þessar framkvæmdir ef
svæðið væri friðlýst. Framkvæmdir
verði í óbreyttri mynd eins og það
var lagt til í upphafi. Þetta svæði er
í jaðri Illahraunsins," sagði Jón Sig-
urðsson, byggingarfulltrúi Grinda-
víkurbæjar.
Framtíðarsvæði Bláa lónsins er í
lögsagnarumdæmi Grindavíkur og
samþykkti bæjarstjórn Grindavíkur
deiliskipulag eins og það var lagt til
í upphafi og var sent Náttúruvernd-
arráði. ÆMK.
Alþingi:
Póstur og sími hf.
Frumvarpið um stofnun hlutafé-
lags um rekstur Pósts og síma var
afgreitt til 3. umræðu undir mið-
nætti í nótt er leið. Þar með er að-
eins formsatriði að afgreiða málið
sem lög frá Alþingi og má búast við
að það verði í dag eða á morgun.
Þar með verður hér eftir talað um
Póst og síma hf.
Stjórnarandstaðan hefur gagn-
rýnt þetta frumvarp mjög harðlega í
umræðum undanfarna daga.
Enn var deilt á frumvarpið við at-
kvæðagreiðslu í gær. Kristín Hall-
dórsdóttir sagði þegar hún gerði
grein fyrir atkvæði sínu að málið
væri illa unnið, réttindi starfsfólks
Póst og síma væru í lausu lofti og
þess vegna bæri að vísa málinu til
ríkisstjórnarinnar til frekari
vinnslu.
í sama streng tók Ragnar Arnalds
sagði það vægt sagt furðulégt að
stofna hlutafélag með einu hluta-
bréfi sem samgönguráðherra réði
einn yfir. Fleiri tóku undir með
þeim Kristínu Halldórsdóttir og
Ragnari Arnalds þegar atkvæða-
greiðslan fór fram.
-S.dór
Björgunarhús á Flateyri:
Sjálfboðaliðar víða
af landinu byggja húsið
DV, Flateyri:
„Það hefur verið gamall draumur
björgunarsveitarmanna að byggja
yfir starfsemi félagsins hér á Flat-
eyri. Hús þetta mun nýtast björgun-
arsveitinni, unglingadeildinni og
kvennadeild slysavarnafélagsins
hér,“ sagði Jón Svanberg Hjartar-
son, formaður björgunarsveitarinn-
ar Sæbjargar á Flateyri.
Fyrsta skóflustungan að nýju
slysavarnahúsi á Flateyri var tekin
á sjómannadaginn. Stofnað hefur
verið til stórátaks björgunarsveita
og deilda SVFÍ hvaðanæva af land-
inu um byggingu björgunarhúss á
Flateyri. Ætlunin er að húsið rísi á
skömmum tíma þar sem mikill
fjöldi sjálfboðaliða úr hinum ýmsu
félögum SVFÍ víðs vegar af landinu
er væntanlegur til að leggja málinu
lið.
Það var Guðni A. Guðnason, einn
af stofnfélögum Sæbjargar, sem tók
fyrstu skóflustunguna að bygging-
unni. Sr. Gunnar Björnsson sóknar-
prestur bað blessunar öllum þeim
er að byggingunni kæmu og því
starfi sem þar á eftir að fara fram.
„Húsið verður liðlega 200 m2 að
stærð og verður öll vinna unnin í
sjálfboðavinnu. Það koma slysa-
varnadeildir og sveitir alls staðar af
landinu og byggja þetta með okkur.
Við eigum von á fyrsta hópnum
núna í júní og ætlar hann að vera
2-3 daga og henda upp fyrir sökklin-
um og steypa hann snöggvast og síð-
an verður þetta koll af kolli,“ sagði
Jón.
-GS
Bl