Dagblaðið Vísir - DV - 05.06.1996, Blaðsíða 12

12
MIÐVIKUDAGUR 5. JÚNÍ 1996
Spurningin
Finnst þér hreinlæti íslend-
inga ábótavant?
Gestur Björgvinsson öryrki: Já,
hvað varðar rusl.
Árný Eyþórsdóttir nemi: Já, þeir
mættu tína meira upp ruslið.
Sigrún Jóhannsdóttir nemi: Já,
það mættu vera fleiri ruslatunnur.
Guðrún Freyja Jakobsdóttir: Já,
þeir mættu ganga betur um.
Lára Vilbergsdóttir nemi: Já.
Kristján Jóhannsson, öryrki eftir
slys: Nei, mér finnst það ekki, alla-
vega ekki á yfirborðinu.
Lesendur
Lánsfjaðrir Davíðs og
leiðir til kjarabóta
Guðbjörn Guðbjörnsson skrifar:
í vetur hefur mikið verið rætt um
launa- og lífskjaramun í Dan-
mmörku og á íslandi. Ýmsar tölur
hafa verið í umræðunni og forystu-
menn verkalýðsfélaga, hagfræðing-
ar og blaðamenn hafa velt fyrir sér
orsökum þess að launamunurinn
getur verið 50-100% eftir starfs-
greinum, vinnutíma og fleiru.
Samanburður af þessu tagi er erf-
iður en afskaplega nauðsynlegur.
Nú erum við orðin hluti af Evr-
ópska efnahagssvæðinu og sömu
reglur eiga að gilda um viðskipti og
atvinnurekstur á öllu svæðinu.
Launafólk hefur þar fyrir utan hald-
ið aftur af kröfum sínum um árabil
til þess að gefa útflutningsatvinnu-
vegunum færi á að rétta úr kútnum.
Meðan fyrirtækin hafa fengið evr-
ópsk skilyrði hefur kaupmáttarstig-
ið hér dregist aftur úr því sem
tíðkast í grannlöndum okkar. Það
þýðir ekki að minna á atvinnuleys-
ið sérstaklega í því samhengi vegna
þess að kaupmáttur atvinnulausra í
nágrannalöndunum er hærri en
þeirra sem hafa vinnu hér.
Bréfritari telur nauðsynlegt að bera saman launakjör á Islandi og í Dan-
mörku.
Við þurfum einhverjar viðhlít-
andi skýringar á lífskjaramuninum
hér og í Danmörku. Þess vegna er
ítarlegur samanburður á vegum
óvilhalls aðila nauðsynlegur. Þing-
flokkur Alþýðubandalagsins og
óháðra lagði í febrúar síðastliðnum
fram beiðni á Alþingi um skýrslu
þar sem skýringa væri leitað á fjöl-
mörgum atriðum sem upp voru tal-
in.
Nú kemur Davíð Oddsson forsæt-
isráðherra fram á völlinn þegar
komið er fram í lok maí og upplýsir
alþjóð um að honum hafi dottið í
hug að fela Þjóðhagsstofnun að gera
ítarlegan samanburð á lífskjara-
muninum. Þetta kallar maður að
skreyta sig lánsfjöðrum en það er
svo sem sama þótt ráðherrann vilji
eigna sér hugmyndir Margrétar Frí-
mannsdóttur og félaga hennar. Að-
alatriðið er að skýrslan líti sem
fyrst dagsins ljós þannig að hægt
vérði að ræða á grundvelli hennar
leiðir til kjarabóta.
Mikið fuglalíf í þjóðgarðinum á Þingvöllum
Jóhanna Gunnarsdóttir skrifar:
Ótrúlega mikil breyting til batn-
aðar hefur orðið á fuglalífi í þjóð-
garðinum á Þingvöllum í vor miðað
við undanfarin ár.
Ég hef haft fyrir sið á hverju vori
í maí nú í fjöldamörg ár að fara
austur i þjóðgarðinn til þess að
komast í samband við vorið. Þá hef
ég oftast gengið sömu leiðina - frá
Þingvallabæ, með fram vatninu og
austur fyrir Vatnsvík.
Ég fór þessa leið með fyrra móti í
vor og átti ekki von á miklu en
þarna hefur skipt alveg yfir til hins
betra. Ég taldi milli 15 og 20 fugla-
tegundir á leið minni og annað var
að fuglarnir voru miklu spakari en
þeir hafa verið. Ekki veit ég hvað
hefur gerst þarna en held þó að
minkurinn sé að mestu horfinn.
Þetta er í fyrsta sinn í mörg ár sem
ég sá ekki mink á þessu rölti mínu.
Vilja menn nú frekar Peres?
Þeir púuðu á Peres í heimsókn hans til íslands. - Frá komu Simonar Peres
til íslands.
Ámi Sigurðsson skrifar:
Mikið mega sumir íslenskir fyrir-
menn skammast sín fyrir fram-
komu sína. Þeir flúðu hver um ann-
an þveran, ýmist úr landi eða
mættu hreinlega ekki til að hitta
Simon Peres, þáverandi næstráð-
anda ísraels, er hann heimsótti ís-
land í tíð síðustu ríkisstjórnar. Lið
mótmælenda safnaðist saman við
Lækjartorg til að sýna Peresi lítils-
virðingu vegna afstöðu hans í garð
nágrannaríkja ísraels.
Stuttu síðar fékk Peres friðar-
verðlaun Nóbels og fáir hafa í raun
stutt friðarumleitanir milli ísraela
og arabaríkja meira en Peres, nema
ef vera skyldi forveri hans, Itshak
Rabin, sem var myrtur af öfgasinna
í ísrael. Nú hefur Peres misst völd-
in í hendur sterkum harðlínumanni
Likud-bandalagsins. Sá hefur ekki
verið talinn mikill friðarsinni til
þessa.
Nú hefur fordómafullum íslensk-
um stjórnmálamönnum og öðrum,
sem mótmæltu komu Peresar til is-
lands, orðið að ósk sinni. Nú þyrftu
íslenskir „friðarsinnar" að koma
saman og mótmæla kröftuglega, því
oft hefur verið þörf en nú nauðsyn -
ef þeir sem ekki vildu snæða hádeg-
isverðinn með Peres hér eru sjálf-
um sér samkvæmir.
En það skyldi þó ekki vera ósk
margra sem púuðu á Peres hér að
hann væri enn við völd í ísrael? Við
íslendingar höfum ekki aðeins átt
sjö dagana sæla, heldur alla daga
svo langt sem við munum. Hér er
engin ógn, engin örbirgð og engin
stríðshætta.
DV
Hvalveiðar ís-
lendinga
Margrét skrifar:
Ætli eitthvað sé að hjá hátt-
virtum alþingismönnum okkar?
Langar þá sárt í veiðitúra til
þess að veiða hvali? Okkar menn
ætla sér að græða tvo milljarða
króna árlega á veiöunum. Lík-
lega ætla þeir að nota peningana
til þess að hækka laun fisk-
vinnslukvennanna. Ekki kemur
tO greina að eyða svona feng í
flottar veislur eða í flakk til út-
landa þar sem fólk vill heldur sjá
hvali synda 1 sjónum en éta þá.
Það vOl heldur ekki kaupa fisk
af okkur þar sem það segir hann
ataðan í blóði hvada.
EES-samningurinn
uppsegjanlegur
Matthías Björnsson skrifar:
Samtökin Samstaða um óháð
ísland voru stofnuð í ágúst 1991.
Höfuðmarkmið þeirra er að berj-
ast gegn inngöngu í EES, Evr-
ópskt efnahagssvæði, og ESB,
Evrópusambandið. Við í samtök-
unum lítum svo á að samþykkt
EES-samningsins hafi verið
stjórnarskrárbrot og eigi því
skilyrðislaust að segja honum
upp nú þegar. Rétt er að hafa í
huga að EES- samningurinn er
uppsegjanlegur með tólf mánaða
fyrirvara samkvæmt 127 gr.
hans, sbr. einnig 50. gr. ESB-
samningsins og 12. gr. samnings-
ins um fastanefnd EFTA-ríkj-
anna. Við slíkar aðstæður fá þeir
tvíhliða samningar fuOt gildi
sem einstök EFTA-ríki hafa nú
við Efnahagsbandalagið.
Fokiö í flest
skjól
Steffý skrifar:
Nú er fokið í flest skjól hjá
íhaldinu. Fyrst þjóðin vOdi ekki
Davíð fyrir forseta var rokið til
og náð í Pétur Hafstein.
Af því að hann kemst ekki á
toppinn í könnunum er farið í að
níða einn frambjóðandann nið-
ur.
Blessað íhaldið veit bara ekki
að þjóðin sér í gegnum svona
lagað og heldur sínu striki.
Jafn dýrt að
tryggja gamlan
bíl og nýjan
Bíleigandi skrifar:
Hvernig má það vera að það sé
jafn dýrt að tryggja fimmtán tO
tuttugu ára gamlan bO og nýjan
bO? Það hlýtur að vera mjög
óeðlOegt og óréttlátt.
Ég skora á tryggingafélögin að
lagfæra þetta og láta þetta ekki
vera svartan blett á starfsemi
tryggingafélaga. Hvað segir for-
maður Neytendasamtakanna. Er
þetta hægt?
Hrákadallana í
notkun á ný
Ingibjörg hringdi:
Mikið finnst mér sorglegt og
leiðinlegt að sjá hvemig fólk -
aðallega ungt fólk af báðum
kynjum - lendir sífellt í vand-
ræðum með eigið munnvatn og
hráka.. Þetta finnst mér hafa
færst mjög í vöxt á undanfórnum
árum.
Þar sem tími hrákadaOanna
er liðinn hrækir fólkið í allar átt-
ir. Einkanlega hef ég tekið eftir
þessu á strætisvagnabiðstöðvum
svo sem á Hlemmi og víðar.
Það er vægast sagt ógeðslegt
fyrir vegfarendur að ganga í
hrákanum, en það er óhjá-
kvæmilegt fyrir þá sem eiga leið
um þessa staði.
Voru það ekki mistök að af-
nema hrákadaOana?