Dagblaðið Vísir - DV - 05.06.1996, Blaðsíða 17

16
MIÐVIKUDAGUR 5. JÚNÍ 1996
MIÐVIKUDAGUR 5. JÚNÍ 1996
33
g

íþróttir
íþróttir
NÚMERUÐS
NAFN
VERÐ
VERÐ
Michael Jordan hefur átt hvern stórleikinn af öörum fyrir liö Chicago Bulls í vetur og það er ekki síst honum aö þakka aö
Chlcago er komiö í úrslit. Margir eru á því aö lið Chicago muni eiga greiöa ieiö aö NBA-titlinum. Símamynd Reuter
Úrslitarimma Chicago og Seattle hefst í kvöld í NBA:
„Förum langt á
sterkri liðsheild"
- segir Michael Jordan hjáChicago Bulls
Chicago Bulls og Seattle SuperSonics
mætast í fyrsta leiknum um banda-
ríska meistaratitilinn í körfuknattleik
í United Center í Chicago í nótt. íbúar
Chicago eru búnir að biða óþreyjufull-
ir eftir þessum leik og munu um 25
þúsund áhorfendur troðfylla hina stór-
glæsilegu íþróttahöll hogarinnar.
Lið Chicago hefur ekki leikið í níu
daga á meðan beðið var úrslitanna í
viðureign Seattle og Utah Jazz. Körfu-
boltasérfræðingar vestra segja að þetta
geti riðið baggamuninn í komandi
viðureignum. Leikmenn Chicago eru
úthvíldir en því er öfugt farið með liðs-
menn Seattle.
í blöðum í Chicago í gær er krafan
að titillinn komi að nýju til borgarinn-
ar eftir þriggja ára fjarveru. Ekki
kæmi á óvart þó að það tækist hjá
Chicago. Hvergi er að finna veikan
hlekk í keðju liðsins, valinn maður í
hverju rúmi og liöið hefur liklega
aldrei verið sterkara. Staðreyndir frá
tímabilinu segja sína sögu;
Chicago vann 72 leiki í vetur, sem er
met í NBA'ög í úrslitakeppninni sem
nú stendur yflr hefur liðið leikið 16
leiki og tapað aðeins einum þeirra.
Michael Jordan er ekki í nokkrum
vafa um að fyrir höndum er spennandi
úrslitakeppni við Seattle.
„Við erum klárir í slaginn"
„Við erum í það minnsta klárir í
slaginn. Síðustu dagar hafo verið nýtt-
ir vel og við þekkjum orðið vel Seattle-
liðið, kosti þess og galla. Reynslan í
keppni sem þessari er besti skólinn.
Við eigum á að skipa góðu liði og það
er mín sannfæring að við förum langt
á sterkri liðsheild," sagði Michael Jor-
dan.
Jordan er í feiknlega góðu formi
þessa dagana, skoraði 45 stig í síðasta
leiknum gegn Orlando í undanúrslitun-
um. Hvað gerir kappinn í kvöld?
„Liðið betra núna en fyrir
þremur árum“
Scottie Pippen tekur undir orð Jord-
ans en segir þó liðið betra í dag en það
var fyrir þremur árum þegar það
sigraði.
„Dennis Rodman hefur styrkt okkur
mikið. Það munar um fráköstin sem
hann tekur og meira en margan grun-
ar,“ sagði Pippen.
Phil Jackson, þjálfari Chicago Bulls,
telur að reynslan sem hans menn hafa
fram yfir Seattle eigi eftir að vega
þungt þegar upp er staðið.
Gary Payton, sem kosinn var besti
varnafmaðurinn í NBA í vetur, var
varkár þegar hann var inntur eftir
leikjunum við Chicago
„Verðum að finna leiðir til að
stööva Pippen og Jordan"
„Ef við finnum leiðir til að stöðva
Jordan og Pippen er aldrei að vita hvað
gerist. Vömin hjá okkur er sú besta í
NBA og hún er kannski sú eina sem
getur stöðvað hið geysisterka lið
Chicago," sagði Payton.
Enginn leikmaður Seattle, fyrir utan
Sam Perkins, hefur tekið þátt í úrslita-
leik í NBA fyrr. Sam Perkins tók þátt í
úrslitaleikjunum 1991 með Los Angeles
Lakers sem þá beið lægri hlut fyrir
Chicago. Það mun mikið mæða á þeim
Perkins og Payton og gott er fyrir þá að
vita af Þjóðverjanum Detlef Shrempf í
nálægð við sig. Schrempf hefur sýnt
óhemju mikinn styrk í vetur og í leikj-
unum sem að baki eru 1 úrslitum NBA.
Framganga okkar ræðst af
vörninni
George Karl, þjálfari Seattle, viöur-
kennir að lið hans eigi erfitt en verðugt
verkefni fyrir höndum. „Framganga
okkar mun standa og falla með vörn-
inni. Hún er okkar sterkasta vopn sem
við verðum að nýta,“ segir hann.
-JKS
Framarar heyra
ekkert frá Arsenal
- vegna kaupanna á Val Fannari
Framarar hafa ekkert heyrt frá
enska liðinu Arsenal varðandi
kaupin á Val Fannari Gíslasyni.
Valur Fannar hefur gert þriggja ára
samning við Arsenal en ekki hefur
verið gengið frá málinu á milli fé-
laganna.
„Við höfum ekkert heyrt frá
Arsenal. Forráðamenn liðsins hafa
reyndar einu sinni talað við okkur
og sögðust þá ætla að senda okkur
pappíra. Við höfum hins vegar enga
pappíra séð enn þá. Það standa lík-
lega yfir sumarfrí hjá Arsenal svo
málið hefur tafist eitthvað af þeim
sökum.
Ég reikna með að þegar málin
verða komin á fulla ferð muni
samningar á milli Fram og Arsenal
ganga hratt fyrir sig,“ sagði Ólafur
Helgi Árnason, formaður Knatt-
spyrnudeildar Fram, í samtali við
DV í gær.
-JKS
Landsleikur í knattspyrnu:
ísland mætir
Kýpur á
Akranesi
- leikurinn hefst klukkan 20 í kvöld
íslendingar mæta Kýpverjum í
vináttulandsleik þjóðanna í knatt-
spyrnu á Akranesi. Þetta er annar
landsleikur liðanna en þau skildu
jöfn í fyrstu viðureigninni sem fram
fór á Kýpur, 1-1,- fyrir fimm árum.
Það var Þorvaldur Örlygsson sem
skoraði eina mark íslendinga í þeim
leik.
Nokkur breyting hefur orðið á
liðinu frá leiknum við Makedóníu
um síðustu helgi. Nokkrir fá nú að
spreyta sig með A-landsliðinu sem
ekki léku með gegn Makedóníu.
Fjórir leikmenn Skagamanna eru
í hópi íslenska liðsins í kvöld. Þórð-
ur Guðjónsson hjá Bochum og Lár-
us Orri Sigurðsson, Stoke City, eru
í hópnum en þeir léku, eins og allir
vita, í nokkur ár með Skagamönn-
um.
Þessa viðureign líta bæði liðin á
sem góðan undirbúning fyrir kom-
andi átök í riðlakeppni heimsmeist-
aramótsins.
Dómari í leiknum heitir Niklas á
Liðarenda og kemur frá Færeyjum.
Línuverðir verða Egill Már Markús-
son og Ólafur Ragnarsson. Eftirlits-
dómari verður Hannes Þ. Sigurðs-
son.
Verð aðgöngumiða aö leiknum er
1000 kr. í stúku, 800 kr. í stæði og
fyrir börn á aldrinum 11-16 ára
kostar miðinn 400 kr. Börn yngri en
10 ára frá frítt inn.
-JKS
Bochum styrkir sig
Bochum, lið Þórðar Guðjóns-
sonar, festi í gær kaup á tveimur
nýjum leikmönnum. Það eru búl-
görsku landsliðsmennirnir Ge-
orgi Dankov, 26 ára framherji,
og Engibar Andreas Engibarow,
24 ára varnarmaður, báðir frá
CSKA Sofia. Dankov spilar á
Evrópumótinu í Englandi en
Engibarow hefur spilað 4 A-
landsleiki og 20 U-21 landsleiki.
Þar með eru þeir orönir fjórir,
leikmennirnir sem Bochum fest-
ir kaup á fyrir átökin á næstu
leiktíö í Bundesligunni en í síð-
ustu viku keypti liðið Olaf
Schreiber frá Zwickau og Danny
Winkler frá Pfeddershein.
Annar íslendingur
með alþjóðaréttindi
Þorsteinn Þorsteinsson, gjald-
keri FRÍ, var eftirlitsdómari á
vegum Frjálsíþróttasambands
Evrópu (EAA) í Úrválsdeild Evr-
ópubikarkeppninnar sem fram
fór í Madríd á Spáni um síðustu
helgi. Þorsteinn sótti nýlega
námskeið á vegum Evrópusam-
bandsins á írlandi og í kjölfar
þess var hann valinn í þetta
áhyrgðarstarf. Hann er annar ís-
lendingurinn sem fær alþjóðar-
réttindi (ITO) en Birgir Guðjóns-
son, læknir, hefur haft þessi rétt-
indi í nokkur ár.
Tennis á uppleið
íslenska karlalandsliðið í
tennis er nýkomið heim eftir
fyrstu þátttöku í heimsmeistara-
keppni landsliða, Davis Cup,
sem haldin var í Istanbúl þann
20.-26. maí sl. íslenska liðið stóö
sig mjög vel, sérstaklega með til-
liti til þess að þetta er fyrsta al-
þjóðlega stórmótið sem landslið-
ið tekur þátt í og endaði íslenska
liðiö í 6. sæti í A-riðli.
Veðjað á England
Það er einhver viss um að
Englendingar sigri í Evrópu-
keppninni sem hefst á laugar-
daginn því það er komið upp
veðmál upp á 10.000 pund hjá
veöbönkum í Englandi og er
þetta stærsta veömálið enn sem
komið er. Líkurnar á að England
sigri keppnina eru taldar 7-1.
Veðbankar búast við að 80 millj-
ónum punda verði veðjað á leik-
ina og yrði þetta þá stærsti við-
burður veðmála í Englandi frá
upphafi en leikimir eru 31 tals-
ins.
Landsliðið á morgun
gegn Kýpurbúum
íslenska landsliðið í knatt-
spyrnu mætir Kýpurbúum í æf-
ingaleik á Akranesi í kvöld kl.
20.00.
Logi Ólafsson hefur valið liðið
og verður landsliðshópurinn
þannig skipaður:
Kristján Finnbogason, KR,
Þórður Þórðarson, ÍA, Guðni
Bergsson, Bolton, Ólafur Adolfs-
son, ÍA, Ólafur Þórðarson, ÍA,
Arnar Grétarsson, Breiðabliki,
Hlynur Stefánsson, ÍBV, Ólafur
Kristjánsson, KR, Þórður Guö-
jónsson, Bochum, Guðmundur
Benediktsson, KR, Lárus Orri
Sigurðsson, Stoke, Alexander
Högnason, ÍA, Hilmar Bjöms-
son, KR, Hermann Hreiðarsson,
ÍBV, Sverrir Sverrisson, Leiftri,
og Þórhallur Dan Jóhannsson,
Fylki.
-SK
DeBoer ekki með
Frank de Boer verður ekki
með Hollendingum í Evrópu-
keppninni sökum meiðsla. Göm-
ul ökklameiðsli tóku sig upp á
æflngu á mánudag. þetta er í
þriðja sinn á þessu tímabili sem
þetta gerist og því veröur þessi
25 ára gamli miðjumaður frá
Ajax ekki með.
d nmiAui - fÉicftwi
NAFN ÞÁTTTAKANDA__
/ 1
NAFN LIÐS- _
SEL LEIKMANN:
NÚMER_
KAUPI LEIKMANN:
NÚMER_____NAFN^
SENT TIL: DV - ÍÞRÓTTADEILD/DRAUMALIÐ, ÞVERHOLT 11 105 REYKJAVÍK
LEK-mót í golfi:
Keppni um sæti í
landsliði spennandi
LEK-mót í golfi fer fram á golf-
velli Oddfellowa í Heiðmörk á föstu-
daginn kemur. Keppt verður í flokk-
um 55 ára og eldri og 50-54 ára, auk
þess í flokki kvenna 50 ára og eldri.
Mótið er stigamót til landsliðs eldri
kylfinga, 55 ára og eldri, sem mun
keppa á Evrópumóti á Ítalíu í byrj-
un júlí.
Það er hart barist um landsliðs-
sæti en landsliðin eru tvö, hvört um
sig skipað sex kylfmgum. í A-liðinu
er keppt án forgjafar en í B—iðinu
með forgjöf. Stigamótin eru sex tals-
ins en fimm bestu hringirnir telja.
Mótið á fostudag er það fimmta í
rööinni. Keppni um landssætin er
mjög jöfn og spennandi. Á föstudag
verður ræst út frá klukkan 12-14 og
frá klukkan 17.30.
í A-liði er Sigurjón Gíslason, GK,
efstur, Sigurður Álbertsson, GS, er
annar en Baldvin Jóhannesson, GK,
er i þriðja sæti.
í B-liði er Sverrir Einarsson, NK,
í efsta sæti, Ólafur A. Ólafsson, NK,
er annar og Friðrik Andrésson, GR,
í þriðja sæti. -JKS
Hneyksli í Englandi:
Skemmdarverk
og fyllirí á
enska landsliðinu
Þessa dagana er mikið rætt
um hegðun enska landsliðs-
ins í knattspymu og hefur
keppnisferð þeirra um Asíu
vakið mikla athygli hjá al-
menningi og ráðamönnum
Englands sökum skemmd-
arverka og fyllirís.
Þegar liðið var á leið
heim maö Cathay Pacific
flugfélaginu skemmdu ein-
hverjir leikmenn tvö sjón-
varpstæki og borð í vélínni.
Terry Venables, þjálfari
landsliðsins, vildi ekki
nefna skemmdarvargana.
„Liðið í heild sinni hefur
tekið sökina á sig og allir
leikmennirnir fá einhverja
sekt.” En margir eru ósam-
mála þessari ákvörðun
Venables og voru dagblöð
harðorð í hans garð og köll-
uðu þetta hvitþott af hans
hálfu og Daily Mail kallaði
þetta „aumingjaskap”.
Það sem gerði útslagið
hjá bresku þjóðinni voru
myndir af nokkrum leik-
mönnum blindfullum og
hálfnöktum á næturklúbbi í
Hong Kong sem birtust í
breskum dagblöðum. Vena-
bles gerði sitt besta tO að
vernda leikmennina. „Eftir
tvær og hálfa viku við und-
irbúning gaf ég þeim frí eitt
kvöld,” sagði hann. „Þeir
voru allir komnir heim á
réttum tíma og þó að.þessar
myndir séu ekki glæsilegar
voru engar skemmdir
unnar.”
Fyrirliði enska landsliðsins,
David Platt, sagði að þetta
hefði styrkt liðið og bætt
móralinn og voru þeir
Venables sammála um að
sameiginleg ábyrgð allra
leikmannanna á skemmdar-
verkunum hefði verið eina
rétta lausnin í þessu erfiða
máli. „Þetta sýnir bara að
við erum saman sem ein
heild og það er það sem
skiptir máli næstu 30 dag-
ana,” sagði fyrirliðinn.
„Hvers konar fyrirmynd-
ir eru þessi leikmenn ef
þeir eru ekki tilbúnir að
taka afleiðingum gjörða
sinna?” spurði Menzies
Campbell hjá Frjálslynda
flokknum. „Foreldrar
þeirra barna sem fylgjast
með enska liðinu í keppn-
inni verða allt annað en
ánægðir þegar þeir frétta af
því að enginn leikmaður sé
tilbúinn að játa á sig
skemmdirnir sem urðu á
vélinni,” bætti hann við.
íhaldsflokkurinn var á
sama máli, „Þetta er frábær
yfirhylming. Þeir ættu að
segja okkur hverjir sökudól-
garnir eru og hvað þeir
ættu nákvæmlega að borga
í sektir,” sagði David Wils-
hire flokksmaður. „Mér
finnst að þeir sem eiga sök-
ina ættu að vera útilokaðir
frá landsliðinu, sama hvaða
áhrif það hefði á gang mála
í keppninni.”
Daily Mirror hafði sitt að
segja um þetta umdeilda
mál; „Þetta er skammarlegt
fyrir okkur og gerir Eng-
land að aðhlátursefni í
heiminum fjórum dögum
fyrir Evrópukeppnina.”
í Hong Kong sagði flugfélag-
ið, Cathay Pacific, að sam-
komulag hefði náðst við
enska knattspyrnusam-
bandið vegna skemmdanna
á vélinni. „Cathay Pacific
getur staðfest að fullnægj-
andi samkomulag hefur
náðst,” sagði talsmaður
flugfélagsins, Kwan
Chuk-fai.
„Þetta hefur gert þá
ákveðnari,” sagði Venables
í gær á æfingasvæði liðsins
og sagðist hann hafa ákveð-
ið byrjunarliðið á laugar-
daginn og myndi hann
greina frá því á sjálfan
keppnisdaginn.
Enska liðið á fyrsta leik
mótsins á laugardaginn
kemur á móti Svisslending-
um og er gífurleg pressa á
enska landsliðinu að vinna
sökum þess að það hefur
ekki unnið stórmót ,síðan
Englendingar héldu Heims-
meistarakeppnina í knatt-
spyrnu árið 1966. „Það kem-
ur ekkert annað til greina
en að vinna mótið,” sagði
Platt. -JGG
Selfyssingar enn án þjálfara í handboltanum:
Akbachev hefur ekki
enn ákveðið sig
Selfyssingar eru enn
án þjálfara fyrir næsta
keppnistímabil hand-
knattleiksmanna.
Mikhael Akbachev,
sonur Borisar Ak-
bachevs aðstoðarlands-
liðsþjálfara, var sterk-
lega orðaður við félagið
en alls ekki er ákveðið að
hann taki við liðinu.
„Ég veit alls ekki hvað
ég tek mér fyrir hendur.
Ég hef ekki afskrifað Sel-
foss enn þá. Ég er lærður
íþróttakennari og tel
mjög mikilvægt fyrir mig
að fá slíkt starf. Ég neita
því ekki að þeir hjá Þór
hafa haft samband við
mig og geta útvegað mér
starf. Þá er konan mín að
hugsa um frekara nám
og það gæti vel komið til
greina að hún stundaði
þaö á Akureyri," sagði
Akbachev í samtali við
DV í gærkvöldi.
„Það er mjög erfitt að
taka ákvöröun í þessu
máli. Ég veit hreinlega
ekki hvaö ég geri en ég
held að ég þjálfl ekki á
Selfossi.
Annars er ég í fríi
núna og ætla ekki að
hugsa um handknattleik
næstu vikurnar," sagði
Akbachev enn fremur.
Samkvæmt heimildum
DV leita Selfyssingar að
þjálfara þessa dagana og
þeir sem nefndir hafa
verið tO sögunnar eru
Guðmundur Karlsson,
Theódór Guðfinnsson og
Ólafur Lárusson.
Þórsarar hafa sýnt
mikinn áhuga á að fá Ak-
bachev tU starfa hjá fé-
laginu og eru taldar yfir-
gnæfandi lýkur á að
hann taki við 2. deildar
liðinu. Það yrði mikUl
fengur í komu Rússans
til Akureyrar og að sama
skapi mikill missir fyrir
Selfyssinga að fá hann
ekki tU liðs við sig, fari
hann norður. -SK
Handbolti:
20 ára
karlaliðið í
riðlakeppni
í Danmörku
íslenska karlaliðið í hand-
knattleik, skipað leikmönnum 20
ára og yngri, tekur um helgina
þátt í riðlakeppni Evrópumóts-
ins í Danmörku. Liðið sem ber
sigur úr býtum kemst áfram í
úrslitakeppnina sem verður i
Rúmeníu 16.-25. ágúst í sumar.
Auk íslendinga taka Danir og
Finnar þátt í riðlakeppninni á
Lálandi um helgina. Möguleikar
íslenska liðsins verða að teljast
nokkuð góðir en baráttan mun
að öllum líkindum standa á milli
íslendinga og Dana.
Markasúpa
Þjóðverja
og Hollendinga
- í upphitunarleikjum fyrir Evróukeppnina í gærkvöldi
Landslið Þýska-
lands og HoUands, sem
af mörgum eru talin
sigurstrangleg í kom-
andi Evrópukeppni í
knattspyrnu, léku í
gærkvöld síðustu æf-
ingaleiki sína fyrir úr-
slitin í Englandi sem
hefjast um næstu
helgi.
Þjóðverjar unnu
Lichtenstein, 9-1, í
Mannheim. Andy
MöUer skoraði fyrsta
markið, Stefan Kuntz
annað markið og Oli-
ver Bierhof það þriðja.
Christian Ziege skor-
aði síðan síðasta mark
Þjóöverja fyrir leikhlé.
Matthias Sammer
skorað' fimmta mark
Þjóðverja beint úr
hornspyrnu í upphafl
síðari hálfleiks.
Jurgen Kohler skoraði
sjötta markið og Andy
Möller var aftur á ferð-
inni á 64. mínútu.
Jurgen Klinsmann
kom inn á sem vara-
maður og skoraði átt-
unda markið á 85.
mínútu og níunda og
síðasta mark Þjóð-
verjara skoraði Stefan
Kuntz.
Þrátt fyrir að mót-
spyrna Lichteinstein
hafi verið lítil sem
engin sýna þessi úrslit
að Þjóðverjar verða
ekki auðunnir í Evr-
ópukeppninni.
Litli
✓
Iþróttaskólinn
Laugarvatni
Stórkostlegt tækifæri fyrir 9 til 13 ára stelpur og
stráka fyrir aðeins 16.900,- krónur.
ATH. sérstakur systkina- og vinaafsláttur.
2. námskeið 9.-15. júní
3. námskeið 16.-22. júní
Upplýsingar og skráning milli kl. 10:00 og 16:00 í símum:
581-3377 (ÍSÍ) 486-1151 tax: 486-1255.
Ábyrgðaraðilar eru ÍSÍ og UMFÍ.
/'
íþróttamiðstöð íslandi
Laugarvatni