Dagblaðið Vísir - DV - 13.06.1996, Blaðsíða 10

10
FIMMTUDAGUR 13. JÚNÍ 1996
Sþurningin
Lesendur
Telurðu mögulegt að lækka
skattana á íslandi?
Marta Gunnarsdóttir með Báru
Sæmundsdóttur: Ég vildi óska
þess að það væri hægt.
Bergþóra Ingimarsdóttir starfs-
stúlka: Já, ég held það.
Elsa Skúladóttir þroskaþjálfa-
nemi: Já, hiklaust.
Aðalsteinn Valgeirsson verkam-
aður: Já, það held ég að hljóti að
vera.
Þórleif Sigurðardóttir verslunar-
stjóri: Það hlýtur að vera hægt.
Halldóra Níelsdóttir húsmóðir.
Já, alveg hiklaust.
Svara spurningum bara
rétt fyrir kosningar
Lesandi skrifar:
Fyrir nokkru barst ríkissaksókn-
ara kæra frá Elíasi Davíðssyni tón-
skáldi vegna þess að utanríkisráð-
herra hafði greitt atkvæði með
áframhaldandi viðskiptabanni á ír-
ak, sem hafði í för með sér hrikaleg-
ar afleiðingar fyrir hinn saklausa
borgara, einkum og sér i lagi börn.
Hann hefur ekki fengið svar frá hin-
um háu herrum um það hvernig
slíkt gaty gerst. Þeir virðast hafa
skrúfað fyrir munn og eyru of límt
aftur augun.
Ástþór Magnússon hefur lent í
svipuðum málum. Davíð Oddsson
svarar ekki áríðandi spurningu
varðandi stuðningsyfirlýsingu nú-
verandi ríkisstjórnar við kjarnorku-
vopn. Núverandi borgarstjóri veitti
lengi vel Ástjóri Magnússyni ekki
viðtal. Tilefnið var í sambandi við
minnisvarða vegna þess að tíu ár
eru liðin frá leiðtogafundinum í
Höfða.
Það er einkennilegt hve margir af
núverandi valdhöfum þráðu að tala
við þig, lesandi góður, undir fjögur
augu rétt áður en þeir settust í
valdastólana. Svo þegar þeir hafa
setið og setið vilja þeir ekkert við
þig tala, kannski fer það eftir því
hver þú ert eða hvaða titil eða
starfsheiti þú berð. Allavega er leið-
in þyrnum stráð mena rétt fyrir
kosningar - þegar þeir þurfa á at-
kvæði þínu að halda.
Þegar spyrill Stöðvar tvö spurði
Ástþór Magnússon 5. júní síðastlið-
inn um hver laun forseta íslands
ættu að vera svaraði hann undan-
bragðalaust að hæfileg laun forseta
væru meðallaun íslenskrar fjöl-
skyldu. Lítið fór fyrir svörum hinna
frambjóðendanna varðandi það mál.
Þeirri spurningu er hér með komið
á framfæri. Greinagóð svör óskast.
Þorsteinn Pálsson og Davíð Oddsson. Bréfritara finnst erfitt fyrir fólk að ná sambandi við ráðamenn nema rétt fyrir
kosningar.
Er meira teflt við drengi en stúlkur?
Skákáhugamaður skrifar:
í viðtali við einn af kennururm
Skákskóla íslands og núverandi ís-
landsmeistara í skák kom fram að
hann teldi að skák lægi betur fyrir
körlum en konum. Fischer sagði
einhvern timann að hann treysti
sér til að vinna hvaða konu sem
væri í skák og gefa henni riddara í
forgjöf. En það er liðin tíð vegna
þess að konur hafa náð dágóðum ár-
angri í þessari hugaríþrótt. Ein-
hvern tímann spurði ég dóttur mína
hvers vegna hún tapaði svona oft
fyrir bróður sínum sem er yngri
svaraði hún: „Þú teflir alltaf miklu
meira við hann heldur en mig.“
Þarna held ég að hún hafi hitt
naglann á höfuðið. Stelpum er
minni gaumur gefrnn en drengjum
varðandi skák. Skák er talin karla-
íþrótt. Ég hef líka tekið eftir því að
þeir sem skrifa um skák minnast
sjaldan eða aldrei á íslenskar skák-
konur í greinum sínum.
Nú veit ég ekki hvort þeir sem
tefla skákir sem fjallað er um í blöð-
um fá greitt fyrir sín hugverk. Ef
svo er hlýtur þetta atriði að hafa
áhrif í þá átt að beina skákáhuga í
ákveðinn farveg.
Hæfileikar eða kynferði
Gunnar Sigtrygsson skrifar:
í skemmtilegri grein í DV 4. júní
sl. stingur Dagfari á þeim fordóm-
um sem gegnumsýrt hafa aðdrag-
anda þessara forsetakosninga. Á
sinn meinhæðna hátt segir hann:
„Nú er röðin komin að karli með
tippi og konur eiga að skilja þetta
og hafa vit á að vera ekki að keppa
að kosningu. Þeirra kvóti er búinn í
bili.“
Grínlaust þá má ætla að fjölmarg-
ir séu þessarar skoðunar án þess að
viðurkenna það. Það má jafnvel
ímynda sér að einhverjar konur séu
þessarar skoðunar. Ef vitund þjóð-
arinnar er gegnumsýrð þessari hug-
mynd ber okkur að þakka stuðn-
ingsmanni Péturs Hafstein fyrir að
opinbera fordóma sina og þess hluta
þjóðarinnar sem haldinn er þessari
kvenfyrirlitningu. Þessi skilaboð
hafa líka heyrst úr herbúðum Ólafs
í sfma
5000
i kl. 14 og 16
_____MM þjónusta
allan
„Virðuleiki, heiiindi, reynsla og þekking á innlendum og erlendum þjóðmál-
um...“ Þessa kosti telur bréfritari m.a. prýða Guðrúnu Agnarsdóttur.
Ragnars en þó hefur enginn náinn
stuðningsmaður slysast til að játa
þetta opinberlega.
Eina leiðin fyrir Islendinga, ef
þeir vilja vekja áhuga erlendra fjöl-
miðla, er að skera sig úr á einhvern
hátt í samfélagi þjóðanna.
Nú vill svo vel til að að í framboði
er kona sem uppfyllir öll þau skil-
yrði sem gera verður til forseta ís-
lands og stendur karlkyns frambjóð-
endum a.m.k. jafnfætis hvað varðar
hæfni auk þess að vera laus við allt
framapot. Guðrún Agnarsdóttir er
ekki bara hæf, hún hefur sýnt fram
á að umheimurinn hefur áhuga á
því sem hún hefur fram að færa.
Sjálfur ætla ég að kjósa hana, ein-
faldlega vegna þess að ég treysti
henni til að halda reisn sinni í sam-
skiptum við erlenda ráðamenn.
Frábær klipping
og þjónusta
Hafliði Helgason hringdi:
Mig langar að færa fram þakk-
ir vegna frábærrar þjónustu á
rakara- og hárgreiðslustofunni
Galtará í Breiðholti. Ég kem
þangað stundum. Ef maður er
ekki viss um hvemig klippingu
maður vill er sagt við mann:
„Við gerum þig bara fínan.“ Það
bregst ekki að ég er alltaf ánægð-
ur með árangurinn því að klipp-
ingin er nýtískuleg.
Ég hef farið á margar stofur og
hef ekki þessa sögu að segja það-
an. Á Galtará er auk þjónustunn-
ar þægilegt andrúmsloft.
Ferðamanna-
haftið
Guðrún Jóhannesdóttir
hringdi:
Ekki er ég ánægð með frammi-
stöðu Vegagerðarinnar í
Trostansfirði. Ég fór um daginn
vestur á Bíldudal af Norður-
landi. Vegirnir voru góðir þar til
ég kom í Trostansfjörð. Þar hef-
ur sennilega verið farið með veg-
hefil. Búið er að rífa upp steina
og holur eru ófylltar. Maður fer
ekki hraðar en á tuttugu kíló-
metra hraða. Frá afleggjaranum
á heiðinni og langleiðina með
firðinum er ástandið svona. ég
kalla þetta ferðamannahaftið. Ég
fór þarna um síðasta fimmtudag
og aftur á sunnudag og ástandið
haföi ekkert breyst. Mér finnst
of oft sem vegimir þarna eru
slæmir.
Dyrnar opnuð-
ust
Sigríður skrifar:
Sagt var frá því í fjölmiðlum í
vikunni að dyr hefðu opnast á
flugvél sem Pétur Hafstein for-
setaframbjóðandi var í ásamt
samferðafólki sínu. Reyndar var
einhvers staðar sagt að hurðin
hefði opnast en að sjálfsögðu
voru það dyrnar sem opnuðust
þegar hurðin rifnaði upp. Pétur
brá skjótt við og hélt hurðinni
þar til flugvélinni var lent. Það
er annað en gaman að lenda í
slíku. Hægt er að ímynda sér að
álagið sé ærið að standa í fram-
boðinu og fundahöldunum þó að
þetta bætist ekki við.
Viðamikil lista-
hátíð
Gunnar hringdi:
Ég var að lesa í DV að aðsókn-
in að Listahátíð 1 Reykjavík
væri misjöfn. Framkvæmda-
stjóri hátíðarinnar segir að verið
geti að dagskrárliöirnir séu held-
ur margir. Við íslendingar erum
kannski fullduglegir þegar við
erum að skipuleggja slíka hátíð.
Kannski mætti líka hafa hátíð-
ina sjaldnar.
Ekki trúi ég þó öðru en að
húsfyllir verði þegar Björk kem-
ur. Það yrði þjóðinni til skamm-
ar ef svo yrði ekki. Hún er búin
að sýna og sanna hve stórkost-
legur listamaður hún er.
Friðarbaráttan
hefur áhrif
Guðjón hringdi:
í sjónvarpsþættinum sl.
sunnudagskvöld, þar sem for-
setaframbjóðendumir sátu fyrir
svörum, þóttu mér sumir þeirra,
sérstaklega konumar og Astþór,
ætla sér að gera fullmikið eftir
að á Bessastaöi væri komið.
Greinilegt er að friðarbarátta
Ástþórs er farin að hafa áhrif
þar sem fleiri frambjóðendur
upplýstu bæði um hvað þeir
hefðu gert og hygðust gera í frið-
armálum. Einnig var minnst á
kjaramálin en ég held að erfitt
verði fyrir forsetann að beita sér
á því sviði.