Dagblaðið Vísir - DV - 14.06.1996, Blaðsíða 4
4
Fréttir
FÖSTUDAGUR 14. JÚNÍ 1996
DV
Óvissa um hvort Sophia Hansen fær að sjá dæturnar:
Treysti þvi að yfirvold
láti framfylgja dóminum
- segir Ólafur Egilsson sendiherra sem var í réttarsalnum í gærmorgun
„Ég er þess fullviss að fram-
kvæmdavaldið muni beita sér fyrir
að Halim A1 fari eftir dóminum og
sjá til þess að hann verði ekki bara
dauður bókstafur," segir Ólafur Eg-
ilsson sendiherra en hann var í rétt-
inum í Istanbúl í gærmorgun.
„Einnig má kannski vænta þess
að upp renni fyrir föður telpnanna
aö það mun skemma mjög fyrir mál-
stað hans þegar málið kemur fyrir
hæstarétt Tyrklands ef hann heldur
áfram að þráast við í andófi sínu
gegn umgengnisrétti Sophiu og
dætranna. Þegar hæstiréttur tjáði
sig um málið fyrr á þessu ári kom
skýrt fram að það foreldrið sem
ekki fengi forræði telpnanna ætti að
njóta umgengnisréttar við þær,“
segir Ólafur. Sophia Hansen hefur
sjálf efasemdir um að Halim virði
dóminn og hefur fulla ástæðu til að
efast í ljósi fyrri reynslu.
„Þau samtöl sem ég hef átt við
stjórnvöld hér gera mig bjartsýnan
á að lög verði ekki brotin á Sophiu
og dætrunum og þær fái að hittast
og vera saman. Alþjóðlegar skuld-
bindingar hníga og í þessa átt,“
sagði Ólafur þótt hann viðurkenndi
einnig í ljósi fyrri reynslu af Halim
að hann gæti svikist um að fara eft-
Ólafur Egilsson.
ir úrskurði dómara.
Ólafur sagði að vissulega hefði
náðst mikilvægur áfangi með úr-
skurðinum í gær. Áður hefði Sophia
aðeins fengið rétt til að hitta dæt-
umar tvisvar i viku. Það væri í
reynd nær útilokað. Nú væri gert
ráð fyrir tveggja mánaða samfelld-
um tíma og þá gætu Sophia og dæt-
umar náð að kynnast að nýju.
Ólafur sagði einnig að ekki væri
ástæða til að óttast að þessi áfangi
væri í hættu þótt dóminum yrði
áfrýjað. Áfrýjun þýddi ekki að úr-
skurðurinn frá í gær félli úr gildi.
Lögfræðingur Sophiu hefði rætt
þessa hlið málsins og segði að ekk-
ert væri að óttast.
Ólafur sagði að sér hefði þótt rétt-
arhöldin taka skamman tíma. Þó
hefði sér verið sagt að lögfræðingur
Sophiu hefði fengið rúman tíma, eft-
ir því sem gerðist i Tyrklandi, til að
skýra málið frá sinni hlið.
„Þetta fór fram á svipaðan hátt og
mér hafði verið sagt um réttarhöld
hér en það er einstakt að böm skuli
látin koma fyrir rétt eftir meira en
fjögurra ára einangrun hjá föðurn-
um, vitandi það að verða að fara
þangað aftur,“ sagði Ólafur.
-GK
Sophia Hansen ákveöin í að áfrýja dómi undirréttar:
Ottast aö
Halim stingi af
- segir Sophia sem sá dæturnar eftir fjögurra ára bið
„Ég er satt að segja ekki mjög trú-
uð á að Halim muni koma með
börnin og fari eftir dóminum. Ég
óttast að hann stingi af eins og áður
en verð þó að trúa þvi og treysta að
nú gangi þetta eftir,“ sagði Sophia
Hansen í samtali við DV eftir réttar-
höldin i gær.
Hún viðurkennir að það sé áfall
að Halim hafi fengið sér dæmt for-
ræði dætranna, Dagbjartar og
Rúnu. Við því var þó að búast þar
sem grundvöllurinn var framburð-
ur þeirra.
„Eftir sex ár í heilaþvotti hjá hon-
um og vitandi að þær verði að fara
til hans aftur eftir réttarhöldin var
ekki von á öðru en að þær segðust
vilja vera hjá honum,“ segir Sophia.
Sophia segist ákveðin að áfrýja
dómi gærdagsins til hæstaréttar.
Þar verður framburður stúlknanna
ekki tekinn gildur enda mun það
ekki samrýmast tyrkneskum lögum
að kalla til vitnis yngra fólk en 18
ára fyrir rétti.
Sophia sagði að stúlkunum hefði
greinilega liðið illa við réttarhaldið.
Stöðugt var haldið að þeim að segja
eins og faðir þeirra vildi. Sophiu
virtust þær spenntar og undir
miklu álagi.
„Þeim leið mjög illa og ekki betur
en þegar ég sá þær síðast árið 1992.
Þær titruðu og svipbrigðin á andlit-
inu lýstu vanlíðan,“ segii' Sophia.
Systurnar sátu ekki saman við
réttarhaldið og náði Sophia aðeins
að koma við Rúnu og strjúka henni
um vangann. Dagbjörtu sá hún bara
en gat ekki heilsað henni.
Sophia segir að hún ætli að láta
reyna á að Halim fari eftir niður-
stöðu dómsins og láti hana fá dæt-
urnar í júlí og ágúst í sumar. Sophia
hefur íbúð á leigu í Istanbúl og þar
geta þær verið í sumar.
„Ég geri fastlega ráð fyrir að
þetta verði erfitt í fyrstu. Það verð-
ur bara að koma í ljós hver við-
brögð þeirra verða eftir svo langan
tíma í heilaþvotti. Ég veit ekki
hvernig þær eru stemmdar," segir
Sophia.
Sophia sagði að mikil spenna
hefði verið í kringum réttarhöldin
og háreysti fyrir utan réttarsalinn.
Það hefði þó lítið komið við hana og
hún nyti öryggisgæslu. Lætin nú
hefðu heldur ekki verið verri en oft
áður þannig að þau hefðu ekki
hrætt hana.
-GK
Sophia Hansen reiknar með að fá að vera með Dagbjörtu og Rúnu í sumar þótt hún óttist að Halim Al fari ekki aö
niöurstööu dómsins í gærmorgun og heimili henni umgengni við dæturnar.
Halim Al fékk forræði yfir dætrum sínum, Dagbjörtu og Rúnu. Ekkert er vit-
aö um hvort hann ætlar að fara að úrskurði dómarans og heimila Sophiu að
fá þær í sumar.
Vitnisburður Dagbjartar og Rúnu:
Á íslandi fáum við
ekki að tilbiðja Allah
- Halim minnti þær á framburðinn
„Við viljum ekki fara til íslands
því þar getum við ekki tilbeðið
Allcih,“ var ein af mótbárunum sem
Dagbjört og Rúna, dætur Sophiu
Hansen og Halims Als, töldu til þeg-
ar þær báru vitni í réttinum í Istan-
búl í gærmorgun.
Þær lýstu þar þeirri skoðun að
þær vildu bara vera hjá fóður sín-
um. Þetta varð til þess að dómurinn
úrskurðaði að forræði systranna
yrði hjá Halim en Sophia fengi að
hafa þær í tvo mánuði í sumar í
Tyrklandi.
Lögmaður Sophiu leiðrétti það að
á ísland gætu stúlkumar ekki iðkað
trú sína enda ríkti þar trúfrelsi.
Þær Dagbjört og Rúna voru
skamma stund í réttinum og þær
vildu m.a. ekki svara spurningum
um hvar þær væru í skóla.
Hópur kvenna fylgdi og systrun-
um inn i réttarsalinn. Þær brýndu
fyrir þeim að gefast ekki upp og að
gera eins og faðir þeirra vildi. Svör
þeirra við spurningum dómarans
urðu og Halim í hag.
Bókstafstrúarmenn i Tyrklandi
nýta sér þetta mál til að styrkja
stöðu sína. í fjölmiðlum, hlynntum
trúuðum, er hamrað á að Sophia
ætli að flytja stúlkurnar til íslands
til að kristna þær.
Þá segja þeir sem voru við réttar-
höldin að þjóðernismál blandist og
inn í tilfinningar fólk. Þannig voru
tyrkneskir fánar á bílnum sem Ha-
lim kom á til réttarins með dæturn-
ar.
Aðrir fjölmiðlar reyna að líta af
meira hlutleysi á málið sem vakið
hefur gríðarlega athygli. Sjónvarp-
að var viðtali við Sophiu í gærkvöld
en áður höfðu verið viðtöl við
Halim á nokkrum sjónvarpsstöðv-
um.
Dagbjört og Rúna eru áfram hjá
föður sínum og er ekkert vitað um
hvort hann ætlar að fara að úr-
skurði dómarans og heimila Sophiu
að fá þær í sumar. Síðustu íjögur ár
hafa allir fyrri úrskurðir í þá veru
verið til einskis.
-GK