Dagblaðið Vísir - DV - 20.06.1996, Blaðsíða 10

10
FIMMTUDAGUR 20. JÚNÍ 1996
Spurningin
Finnst þér að ísland ætti að
taka upp sumartíma?
Ragna Björg Björnsdóttir hús-
freyja: Já, ég er hlynnt því.
Hrafn Hauksson, atvinnulaus: Já,
tvímælalaust.
Hugrún Reynisdóttir textílhönn-
uður: Mér fyndist ekkert að því.
Sighvatur Kristbjörnsson, fyrir
löngu hættur að vinna: Já, um að
gera að taka sumrinu létt.
Drífa Lárusdóttir póstsölufull-
trúi: Já, svo mögulegt sé að njóta
dagsins betur.
Lesendur
Vanmat á
íslensku þjóðinni
Sverrir Ólafsson skrifar:
Það er sorgleg staðreynd að ein-
hverjir einstaklingar skuli við
hverjar kosningar falla í þá gryfju
að telja sig vinna frambjóðendum
sínum fylgi með þvi að rógbera
keppinautana. Þessi kosningabar-
átta er að þessu leyti ekki óvenju-
leg, óhróðurinn hefur hins vegar að-
eins beinst gegn einum frambjóð-
anda, Ólafi Ragnari Grímssyni.
Hann einn frambjóðenda, nýtur
fylgis allra starfsstétta, jafnt ungra
sem gamalla af báðum kynjum og
úr öllum stjórnmálaflokkum, jafnt
til sjávar og sveita. Það er því und-
arlegt i meira lagi að nokkur skuli
telja skynsamlegt að halda uppi
rógsherferð gegn manni sem, sam-
kvæmt skoðanakönnunum, getur
einn frambjóðenda talist raunveru-
legt sameiningartákn breiðfylking-
ar þjóðarinnar.
Með þessu framferði eru eitur-
pennar að lítilsvirða þjóðina og gera
henni upp fávisku og aulahátt. Eng-
inn ætti að gera þau mistök, að van-
virða íslensku þjóðina. Hún lætur
ekki illar tungur yilla sér sýn. Það
hvarflar ekki að mér að halda, að
frambjóðendur leggi blessun sína
yfír óvönduð skrif stuðningsmanna
sinna. Einn frambjóðenda hefúr af
meiri festu og ákveðni staðið öflug-
an vörð en aðrir, um það, að illt um-
tal um meðframbjóðendur hans,
komi ekki frá stuðningsmönnum
hans. Hann hefur flutt þessi skila-
boð til allra sinna stuðningsmanna
á fundum um gjörvallt ísland. Það
er því öllum ljóst sem vita vilja, að
ekki eru nein dæmi um ómálefna-
legan málflutning af hálfu stuðn-
ingsmanna Ólafs Ragnars Grims-
sonar.
Ólafur Ragnar er ekki hafinn yfir
málefnalega gagnrýni, frekar en
nokkur hinna frambjóðendanna.
Hins vegar á engin maður skilið þá
rætni sem hellt hefur verið yfir
hann á undanförnum misserum.
Ólafur Ragnar hefur svo sannarlega
farið að leikreglum lýðræðisins.
Hann hefur lagt sérstaka áherslu á
rétt þjóðarinnar til að gera upp hug
sinn án afskipta áróðursvéla óskii-
greindra hagsmunaaðila. Þessar
staðreyndir, tel ég mikilvægt um-
hugsunarefni kjósenda.
Ólafur Ragnar Grímsson. - „ ...nýtur fylgis allra starfsstétta ...,“ segir bréfritari m.a.
DV-mynd Júlía Imsland
Skandall i Laugarnesinu
Ibúi við Laugarnesveg skrifar:
Mig langar til að vekja athygli
Laugarnesbúa, sem annarra, á þeim
vinnubrögðum sem viðhöfð eru í
byggingaframkvæmdum hér í borg.
Mikið rask er nú hafið við Kirkju-
sand. Það sem hneykslar okkur
mest er að þetta svæði er ekki
skipulagt sem íbúðarbyggð og ekk-
ert leyfi er fengið enn til að byggja
þarna en samt er hafist handa. Það
er meira en mánuður síðan farið
var að selja íbúðir í þessum húsum
og byrjað að grafa fyrir grunnum.
Laugamesbúar, eruð þið búnir að
gera ykkur grein fyrir að þarna er
meiningin að byggja 6, 7 og 9 hæða
blokkir, allt i allt 75 íbúða byggð?
Hæðin á húsunum er í hróplegu ós-
amræmi við þau hús sem fyrir eru í
nágrenninu. Þessir háu herrar, sem
era svona framkvæmdaglaðir, eru
líka að selja útsýni. Mér er spurn,
hvað um þá sem fyrir eru í hverf-
inu, eiga þeir ekki lengur rétt til að
horfa til hafs eða á sólarlagið án
þess að leggja á sig gönguferð niður
í flöru?
Laugarnesbúar, ég hvet ykkur til
að kynna ykkur hvað þarna fer
fram. Kynning fer fram í sal Borgar-
skipulags að Borgartúni 3, 1. hæð,
kl. 9-16 virka daga þar til í dag 20.
júní og geta menn gert skriflegar at-
hugasemdir til 4. júlí.
Nýjar Bítlaplötur
Konráð Friðfinnsson skrifar:
Fyrir nokkrum árum fór það að
hvisast að til stæði að gefa út með
Bítlunum áður óútgefið efni. Ævin-
týrið hófst 1994 er tvöfold geisla-
plata, sem innihélt lög sem sveitin
flutti í útvarpsþáttum BBC, leit
dagsins ljós. 1995 komu svo út tvær
og tvær 1996 af sex þar sem fjallað er
um sögu Bítlanna frá upphafi og til
þjónusta
allan sólarhringii
sima
>0 5000
kl. 14 og 16
Bítlarnir. -...vandvirkir og gagn-
rýnir á eigið handbragð," að mati
bréfritara.
þess tíma er hljómsveitin hætti 1970.
Ég tel að margir hafi orðið fyrir
vonbrigðum með efnisvalið á þess-
um plötum. Flest laganna er að
finna á gömlu útgáfunum en nú
bara í öðrum útsetningum. Hafa ber
í huga að er einhver tekur að sér að
skrá sögu manns, hljómsveitar eða
annarra er það í hæsta máta eðlilegt
að viðfangsefnið sé fyrst og fremst
það sem viðkomandi er þekktur fyr-
ir. Lögin sem gömlu Bítlaplöturnar
hafa að geyma gerðu þessa menn
framar öðru að því sem þeir eru í
dag.
Sjálfur hef ég haft gaman af þess-
um útfærslum laganna á Anthology-
safninu. Þær sanna að hver maður
sem vill ná árangri með listsköpun
og tekur sig alvarlega verður að
leggja á sig mikla vinnu og yfirlegu,
strika út og bæta inn í, auka eða
minnka hraðann o.s.frv.
Efnið á Beatles Anthology fjallar
einmitt um þetta og sýnir okkur
ágætlega hvernig þessi lög tóku
breytingum frá einni upptöku til
annarrar uns endanlegu formi var
náð. Hlusti menn þannig fá þeir
heilmikla innsýn í vinnubrögð Bitl-
anna og hve þeir voru vandvirkir
og gagnrýnir á eigið handbragð.
Geislar af
mennsku
Barði Friðriksson skrifar:
Guörún Pétursdótth geislar af
mennsku, mannkostum og
þokka. Hún mun sem forseti
hvarvetna verða til gagns og
sæmdar þjóðinni. Ég óska og
vona að íslendingar beri gæfu til
að kjósa hana sem næsta forseta
landsins. Ekki spillir að maki
Guðrúnar, Ólafur Hannibalsson,
er stórgáfað valmenni og mann-
vinur.
Þau eiga bæði til þeirra að
telja sem hvað best hafa reynst
þjó sinni. Eplið fellur sjaldan
langt frá eikinni.
Vonbrigði
með 17. júní
hátíðahöld
Hans A. Clausen hringdi:
Ég tók þátt í hátíðahöldunum
17. júní á Rútstúni í Kópavogi og
varð fyrir sárum vonbrigðum
með þau. Skipulagið virtist allt í
molum og sviðið stóð autt tímun-
um saman. Mér fannst þó taka út
yfir þegar enskumælandi maður
talaði áreiðanlega í þrjá stundar-
fjórðunga, átti víst að vera trúð-
ur. Mér datt í hug að komið væri
árið 2050 þegar við hefðum
gleymt móðurmálinu. Þetta
finnst mér ekki við hæfi á sjálf-
an þjóðhátíðardaginn. Það voru
fleiri en ég sem ekki voru
ánægðir með framkvæmd þess-
ara hátíðahalda, það heyrði ég. í
lokin komu þeir Kasper, Jesper
og Jónatan og ég trúi að það hafi
verið eina skemmtun krakk-
anna.
Skemmtilegur
kúrekadans
Þórunn skrifar:
Eins og margh lagði ég leið
mína niður í miðbæ á þjóöhátíð-
ardaginn. Þar var margt um
manninn og margvísleg
skemmtiatriði. Auðvitað sá ég
ekki nem brot af þeim. Mig lang-
ar þó að minnast á kúrekadans
sem stiginn var á Ingólfstorgi.
Þar dansaði saman fólk á öllum
aldri. Það jók mér bjartsýni að
sjá venjulegt fólk sýna dans. Mér
fannst að ég, sem er á miðjum
aldri, gæti tekið þátt í þessu sjálf
og hef reyndar hug á að skrá mig
í kúrekadans, svo hrifin varð ég.
Kjötútflutnmg-
ur til Belgíu
Guðjón Jónsson skrifar:
Vegna kúariðufársins í Bret-
landi hafa Belgar sýnt áhuga á
að kaupa kindakjöt frá íslandi.
Komið hefur fram í fjölmiðlum
að breytingar hafi orðið á kjöt-
markaði í Evrópu vegna kúarið-
unnar. Að vísu er þetta mál á
frumstigi. Bretar eiga samúð
mína alla vegna uppþotanna sem
kúariðan þar hefur valdið en
svona er lífið, eins dauði ér ann-
ars brauð.
Ljósmyndir
af látnum
Sigríður Guðmundsdóttir
skrifar:
Með tilkomu sjúkrahúsa hefur
dauðinn sífellt orðið fjarlægari
okkur. Nú ér til fólk komið á
fullorðinsár sem aldrei hefur séð
lik. Mér finnst ég einnig verða
vör við mikla hræðslu fólks við
dauðann. Þetta er fremur óæski-
legt þar sem dauðinn er það eina
sem hver manneskja á víst.
Mjög athyglisverðar finnast
mér sýningarnar á ljósmyndum
af látnu fólki sem nú standa yfir
í tengslum við Listahátíð í
Reykjavík á Mokka og Sjónar-
hóli.
Ég held að hollt sé fyrir fólk
að sjá þær, allavega fannst mér
það hafa góð áhrif á mig.