Dagblaðið Vísir - DV - 26.06.1997, Blaðsíða 2

2
FIMMTUDAGUR 26. JÚNÍ 1997
Fréttir
^ Ofbeldisgengi í Garðabæ:
Atta piltar kærðir fyrir
hrottalegar líkamsárásir
- þremur fórnarlömbum misþyrmt á hálfum mánuði
Átta piltar á aldrinum 15-19 ára
hafa verið kærðir fyrir hrottalegar
líkamsárásir og skemmdarverk í
Gcirðabæ að undanfornu.
Aðfaranótt sl. sunnudags fóru
piltamir, átta saman, að húsi í Há-
hæð í Garðabæ og börðu þar að
dyrum. Húsráðandinn, maður á sex-
tugsaldri, kom til dyra. Piitamir
sögðust komnir til að gera upp sak-
ir við son hans. Þeir hótuðu öllu illu
og m.a. að drepa soninn. Húsráð-
andinn reyndi að verjast en piltanir
réðust á hann í anddyrinu og mis-
þyrmdu honum þar. Þeir fóru því
næst út fyrir og frömdu skemmdar-
verk á bíl húsráðanda.
Árásin og skemmdarverkin vom
kærð. Piltamir vom yfirheyrðir í
kjölfarið en síðan sleppt. Húsráð-
andinn hlaut töluverða áverka í
andliti, á hálsi og á baki.
Fleiri ofbeldisverk
Þrír piltanna réðust síðan í fyrra-
kvöld á 16 ára gamlan pilt fyrir utan
þrekmiðstöðina á Garðatorgi. Þeir
slógu hann í götuna og spörkuðu í
hann liggjandi. Lögreglan handtók
árásarmennina síðar um kvöldið.
Fjöldi vitna var að árásinni. Fómar-
lambið hlaut töluverða áverka.
Árásarpiltamir gáfu þá skýringu
við yflrheyrslur hjá lögreglunni að
þeir hefðu átt sökótt við báöa
piltana þar sem þeir hefðu vísað
þeim öllum út úr samkvæmi að
kvöldi sl. laugardags.
Þar með er ekki öll saga piltanna
sögð. Fyrir hálfum mánuði réðust
tveir þeirra á húsvörð á Garðatorgi,
lömdu hann og spörkuðu í kynfæri
hans. Maðurinn hlaut slæma
áverka af völdum árásarinnar.
Auk þess hafa þeir fengið fleiri
kærur á sig vegna líkamsárása og
margar vegna skemmdarverka. Þeir
frömdu meðal annars stórfelld
eignaspjöll um síðustu áramót á
Garðatorgi. Flest afbrot sín hafa
piltarnir unnið á Garðatorgi og í ná-
grenni þess.
Sá yngsti 15 ára
Piltamir em flestir 17-19 ára en
sá yngsti er aðeins 15 ára gamall.
Samkvæmt upplýsingum frá lög-
reglu hefur hann komið við sögu í
þremur áðumeftidum líkamsárás-
um. Sex piltanna em búsettir í
Garðabæ, einn er með lögheimili í
Reykjavík og einn í Hafnarfirði.
Hrottalegar árásir
„Það er ekki hægt að kalla þetta
annað en hrottalegar og tilefnislaus-
ar árásir. Þessir piltar hafa vaðið
uppi i Garðabæ með ofbeldi, líkams-
meiðingum og skemmdarverkum.
Þeir em með nokkrar kærur á bak-
inu, bæði fyrir líkamsárásir og
skemmdarverk. Þeir em átta saman
í þessu gengi en 4-5 þeirra virðast
aðallega hafa gengið fram í þessum
ofbeldisverkum," segir Eðvarö Ól-
afsson, rannsóknarlögreglumaður í
Hafnarfirði.
Fólk er hrætt viö þá
„Það gerist ekki annað en piltun-
um verður sleppt aftur út á götuna.
Við getum ekki haldið þeim. Við
emm búnir að ljúka þessum málum
hér og þau fara til saksóknara. Nú
verður að bíða og vona að kerflð
taki á þessu sem það hreinlega verð-
ur að gera. Það verður að stöðva
þetta því hér er um að ræða alvar-
lega og hrottalega glæpi. Við vorum
að gæla við að geta sett þá í ein-
hverja brotagæslu en það var ekki
mögulegt. Sumir þeirra eru undir
lögaldri og það veitir þeim meiri
vemd. Yfirgangurinn og hrottaskap-
urinn í þeim er þvílíkur að fólk er
mjög hrætt við þá. Ég veit um fólk
sem hefur hreinlega ekki þorað að
kæra þá af ótta við hefnd,“ segir Eð-
varð.
-RR
16 ára krafinn
um tæpa milljón
fyrir líkamsárásir
Ríkissaksóknari hefur ákært 17
ára pilt fyrir tvær líkamsárásir,
eignarspjöÚ, þjófnað og skjalafals
þar sem hann er krafinn um á ní-
unda hundrað þúsund krónur í
skaða- og miskabætur. Við þinghald
í Héraðsdómi Reykjavíkur i gær
viðurkenndi hann að mestu það
sem honum er gefið að sök. Hann
mótmælti hins vegar stærstu bóta-
kröfunum sem ákæruvaldið lagði
fram fyrir hönd þolenda.
Flest brotin áttu sér stað á seinni
hluta síðasta árs þegar pilturinn
var 16 ára. 20. ágúst veittist hann að
14 ára pilti við inngang Tollstöðvar-
innar i Tryggvagötu, felldi hann í
jörðina og sparkaði í andlit hans.
Afleiöingamar urðu augnáverkar,
skuröir og fleiri höfúðmeiðsl fyrir
þolandann. Pilturinn krefst 797 þús-
unda króna í skaðabætur.
Rúmum mánuði eftir árásina í
Tryggvagötu veittist ákærði að karl-
manni á sjötugsaldri við Frostafold í
Grafarvogi, samkvæmt sakargiftum.
Eftir að hafa sparkað í framljós bíls
réðst hann á manninn með hnefa-
höggum og spörkum og henti honum
siðan á vélarhlíf bifreiðar. Hinn
roskni maður hlaut áverka á rif,
hrufl á hné og eymsl yfir rófubeini.
Sakborningurinn er jafnframt
ákærður fyrir að hafa í félagi við
annan pilt farið inn í tvo bíla í þeim
tilgangi að stela útvarpstækjum og
þjófnaö á skjalatösku. Hann er auk
þess ákærður fyrir viðskipti með
falsaða tékka. -Ótt
Hátt á fimmta þúsund tónleikagesta lögðu leiö sfna í Laugardalshöllina í gærkvöld til aö hlýöa á breska popparann Sting
flytja tónlist sína ásamt hljómsveit. Söngkonan Anna Halldórsdóttir hitaöi upp á sviöinu fyrir stórpopparann.
Tónieikagestir voru flestir komnir eitthvaö yfir tvftugt og ekki bar á ölvun eöa óspektum þrátt fyrir fjöldann. 70 manna
gæsla Væringja og fleiri mótorhljólaklúbba ásamt starfsmönnum ÍTR hélt uppi lögum og reglu á staönum. Þá var og 16
manna sjálfboöaliöasveit ungmennadeildar Rauöa kross Reykjavfkur f viöbragösstööu og sinntu þeir einu yfirliði f
þrengslunum viö sviöiö. Sting átti góöa tónleika f Höllinni f gærkvöld. DV-mynd Hilmar Þór
Ólafsflörður skuldar rúmar 400 milljónir króna:
Alvarleg skuldastaða
- erum þó ekki komin í gjörgæslu, segir Þorsteinn Ásgeirsson, forseti bæjarstjórnar
„Skuldastaða bæjarsjóðs er vissu-
lega mjög slæm, það er ekki hægt að
loka augunum fyrir því. Við ætlum
ekki að fela okkur á bak við eitt né
neitt hvað það varöar. Við ætlum að
taka á þessu máli af fullri einurð,“
sagöi Þorsteinn Ásgeirsson, forseti
bæjarstjórnar Ólafsfjarðar, í samtali
við DV. Reikningar bæjarins voru
kynntir á bæjarráðsfundi í vikunni.
Þorsteinn segir að heildarskuldir
bæjarsjóðs Ólafsfjarðar séu rúmar
400 milljónir króna. íbúar bæjarins
eru um 1200 þannig að skuld á
hvem íbúa nemur um 330 þúsund
krónum. Þetta er með því allra
hæsta sem gerist í landinu.
í Árbók sveitarfélaga 1991 kemur
fram að skuldir Ólafsfjarðarbæjar
voru þá 146 milljónir króna. Skuld-
imar hafa því vaxið um rúmar 250
milljónir króna síðan.
„Ég tel ekki að við séum komnir í
gjörgæslu þótt staðan sé þetta erfið
og þungt fyrir fæti hjá okkur," sagði
Þorsteinn.
Hann segir höfuðástæðuna fyrir
skuldaaukningunni vera byggingu
nýs íþróttahúss. Þá koma félagslegu
íbúðfrnar inn í reikningana nú þótt
sú skuld hafi verið fyrir hendi. Þar
hafi staðan verið verri en menn ætl-
uðu.
„Þá hafa tapast háar upphæðir
vegna framlaga til atvinnumála í
bænum. Þar er meðal annars um að
ræða ábyrgðir vegna Sævers og
einnig hafa tapast peningar vegna
Glits hf.,“ segir Þorsteinn.
Hann bendir hins vegar á að eftir
erfitt atvinnuástand um nokkum
tíma séu hjól atvinnulífsins farin að
snúast aftur af fullum krafti á Ólafs-
firöi. Það muni auka tekjur fólks og
fyrirtækja og um leið tekjur bæjar-
ins. Þess vegna sé útlitið nú bjart-
ara en oft áður, þrátt fyrir allt.
-S.dór
Fréttir
Dýrir matsmenn
Veiðifélögum laxveiðiáa finnst
að kostnaður við að meta verðmæti
ánna hafi hækkað verulega undan-
farin ár. Veiðifélag Norðurár vill
að dómstóll yfirfari reikninga fyrir
slíkt mat. RÚV sagði frá.
Klerkar í klípu
Prestastefnunni tókst ekki að
afgreiða tillögu um að prestar
vígðu sambúð samkynhneigðra.
Fresta varð málinu til næstu
stefnu. Skiptar skoðanir era um
málið. RÚV sagði frá.
Snakk fyrir Frakka
Snakk sem búiö er til úr fisk-
roði hefur fengið góðar viðtökur í
Frakklandi og víðar. Úlfar Ey-
steinsson matreiðslumaður,
framleiðandi þess, bindur vonir
við að markaðssetning takist vel,
en hráefni i það sé meira en nóg.
RÚV sagði frá.
Bíða kjaradóms
Forseti íslands, handhafar for-
setavalds, ráðherrar, þingmenn,
dómarar og nokkrir æðstu embætt-
ismenn ríkisins bíða nú úrskurðar
Kjaradóms um laun sín. Búist er við
að þau hækki í takt við almenna
kjarasamninga. RÚV sagði frá.
Jóni Bald. lagt
Grandi ætlar að hætta að gera
út ísfisktogarann Jón Baldvinsson
frá lokum júlímánaðar. Búið er að
segja áhöfninni upp. Ástæðan er
minni veiðiheimildir og að útgerð-
in er hætt að sigla utan með óunn-
inn ísaðan fisk. RÚV sagði frá.
Skjálfti vegna Jóhanns
Bæjarstjórnarmeirihlutinn f
Hafharfirði er ótraustur eftir aö
Jóhann Bergþórsson bæjarfull-
trúi keypti sjálfur atvinnúhús-
næði við Strandgötu, sem sam-
starfsaðilar hans í bæjarstjóm
ætluðu bænum að kaupa. Stöð 2
sagði frá.
Vextir lækkuðu
Vextir á spariskírteinum lækk-
uðu um fjórðung úr prósenti í út-
boði í gær og hafa ekki verið
lægri í tvö ár. Stöð 2 sagði frá.
Frelsi í fiugi
Öll sérleyfi á innanlandsflug-
leiðum falla úr gildi í næstu
viku og það stefhir í harða sam-
keppni, einkum milli Flugfélags
íslands og íslandsflugs, að sögn
Stöðvar 2. -SÁ