Dagblaðið Vísir - DV - 18.05.1998, Qupperneq 12

12
MÁNUDAGUR 18. MAÍ 1998
Spurningin
Hvernig tónlist líkar
þer best?
Róbert Einarsson nemi: Aðallega
jungle, drum’n’bass og rapp.
Gunnar Kjeld nemi: Djass og sin-
fóníur.
Ómar Öm Semali nemi: Helst
rokk og rapp.
Guðríður Steingrímsdóttir nemi:
Það er bara misjafnt.
Berglind Birgisdóttir nemi: Eig-
inlega bara allt.
Guðjón Gauti Pálsson nemi:
Grunsch.
Lesendur
Alþingi ekki mið-
stöð spillingar
- en spilling samt
Fólk lítur til Alþingis og treystir á að það taki sér tak, segir m.a. í bréfinu.
Magnús Sigurðsson skrifar:
I Morgunblaðinu sl. fimmtudag
skrifar Ingvar Gíslason, fyrrv. alþm.
og ráðherra, grein sem ber yfirskrift-
ina „Er Alþingi miðstöð spillingar?"
- Hér er um ágæta úttekt að ræða
hjá Ingvari sem þekkir vel til síns
fyrrverandi vinnustaðar um árabil.
Eftir þessa grein getur svo almenn-
ingur farið að leggja orð í belg. I
raun þurfti einhver sem til þekkti,
t.d. í þingmannaliðinu, að ríða á vað-
ið til að opna málið, ef svo má að
orði komast.
Staðreyndin er nefnilega sú að al-
menningur eða stór hluti þjóðarinn-
ar hefur trúað því að nokkur spilling
þrífist á Alþingi, a.m.k. óbeint. Á Al-
þingi er örugglega ekki miðstöð
spillingar í landinu, en spilling samt.
Það þarf ekki annað en aö fylgjast
með fréttum úr þjóðlífinu, deilum
um laun, hlunnindi og hvers konar
ffíðindi, sem þingmenn og margir
opinberir starfsmenn í efri embætt-
um og stjórnun opinberra fyrirtækja
hafa, til að draga þá ályktun að spill-
ing af ýmsu tagi sé á ferðinni.
Ekki þarf heldur annað en síðustu
uppákomur; uppsagnir þriggja
bankastjóra og ávirðingar sem á þá
eru bomar til að sjá að þetta hefur
allt viðgengist, og það með samþykki
Alþingis, sem í mörgum, stundum
öllum tilvikum, semur reglur og lög
til að fara eftir við ráðningu, starfs-
kjör og hlunnindi margra embættis-
manna í efri lögum stjómsýslukerfis-
ins. Ferðahvetjandi launakerfi hins
opinbera (þ.m.t. þingmanna, ráð-
herra, og stjómenda opinberra stofn-
ana) er kannski eitt stærsta hneyksl-
unarefni almennings og það með
réttu, því þar er jú engu upp logið.
Fréttir greina frá ofurháum upp-
hæðum sem þessir starfsmenn fá í
formi dagpeninga sem þeir þurfa svo
ekki að eyða þegar allt kemur til
alls, því hið opinbera greiðir obbann
af uppihaldskostnaðinum, t.d. hótel
og máltíðir, sem eru stærtu útgjalda-
liðirnir í reisum til útlanda.
Ef það er algilt dæmi að t.d. þing-
menn komi með þetta 60-70 þúsund
krónur í eigin vasa eftir vikudvöl er-
lendis á vegum hins opinbera þá er
pottur brotinn í þeim reglum sem
settar eru af Alþingi sjálfu. Þessi mál
ræðir almenningur sín í milli og
hneykslast sem vonlegt er. Þetta
flokkast ekki undir fjölmiðlafjas.
Þetta er spilling í kerfinu sem þarf
að uppræta. - Fólk lítur til Alþingis
og treystir á að það taki sér tak og
uppræti forsendur sem leiða til aug-
ljósrar spillingar.
Ja hérna, Páll
H.Þ. skrifar:
Þessi yngissveinn, sem á hina frá-
bæru systur Diddú og fyrirgefst
þess vegna meira en flestum öðrum,
hann var fulltrúi íslands í
söngvakeppni sjónvarpsstöðva á
fyrra ári, ásamt fjórum hljóðlausum
píum. Hann vann það „afrek“ að
koma okkur niður í 21. sætið, og út
úr keppninni i ár a.m.k.
í ár verðlaunar Ríkisútvarpið
hann fyrir frammistöðuna árið 1997
með þvi að senda hann aftur til
keppninnar, og nú sem kynni. Og
hvílik kynning! Inni í miðjum vaðl-
inum og bla, bla, bla, komu ítrekað-
ar rokur og upphrópanir: Jesús
minn almáttugur, Jesús minn,
Jesús. - Og í lokin ofsagleði og fógn-
uður yflr því að nú færi hann í
partíiö hjá sigurvegaranum, kyn-
skiptingnum frá ísrael.
Jakob Frímann Magnússon hefur
verið kynnir okkar við svona
Óskar
keppnir áður. Hann hefur sagt frá
með fagmannlegri yfirvegun á góðu,
íslensku máli, sem allir hér heima
skildu.
Ég legg til að RÚV leyfi drengn-
um Páli Óskari að komast til meiri
þroska, áður en honum verður teflt
frekar fram hjá ríkissjónvarpinu. í
piltinum er efniviður eins og hann
á kyn til. En þjálfun og ögun skort-
ir hann enn. Útlitið hefur hann með
sér, en það er ekki nóg.
Hvenær koma undirgöngin?
Sigrún skrifar:
Á undanfómum árum hafa verið
reist mörg fjölbýlishús fyrir eldri
borgara. Amma og afi keyptu íbúð í
þannig fjölbýlishúsi við Árskóga i
Breiðholti. Þar eru tvær blokkir
tengdar saman með viðbyggingu.
Nýlega bættist við hjúkrunarheimili
fyrir aldraða, Skógarbær. Allt glæsi-
legar byggingar með vel hirtri lóð.
En það er galli á gjöf Njaröar. Þeg-
ar amma og afi keyptu íbúðina fyrir
sex árum fengu þau teikningu af
henni auk þess sem þau fengu í
hendur skipulag nánasta umhverfis.
Gert var ráð fyrir undirgöngum und-
ir Breiðholtsbraut yfir í Mjódd þar
sem eru þjónustufyrirtækin. En nú,
að sex árum liðnum, bólar ekkert á
göngunum. Því þurfa íbúar fjölbýlis-
húsanna að ganga malarstíg sem
liggur meðfram Breiðholtsbraut.
Umferð um Breiðholtsbraut er
þjónusta
sfma
kl. 14 og 16
Myndin sýnir kort sem íbúar við Árskóga fengu þegar þeir keyptu íbúð fyrir
sex árum. - Fyrirhuguð undirgöng sjást liggja undir Breiðholtsbraut.
mikil og aka tlestir mjög hratt. Og
yfir þessa götu þarf gamla fólkið að
fara. Ekið var t.d. á gamla konu sem
var að fara yfir götu á grænu ljósi.
Sem betur fer er hún að jafna sig. En
ég spyr: Er beðið eftir næsta slysi
sem verður kannski alvarlegra?
Það eru ekki einungis íbúamir við
Árskóga sem þurfa að fara yfir Breiö-
holtsbraut. íþróttavöllur ÍR, íþrótta-
félags hverfisins, er í næsta nágrenni
við Árskóga og mörg böm og ungl-
ingar þurfa að fara yfir Breiðholts-
braut. Og ekki minnkar umferðin.
Hvemig væri að gera eitthvað í mál-
unum áður en það verður of seint?
Ekki kosninga-
réttur í heima-
landinu
190754-2439 skrifar:
Ég er íslenskur ríkisborgari en
hef ekki kosningarétt í heimaland-
inu. Ég er ekki skráður með lög-
heimili hér á landi heldur í Dan-
mörku þar sem ég hef stundað
vinnu undanfama 4 mánuði. Hefði
ég verið í námi hefði allt verið í
lagi og ég getað kosið utankjör-
staðakosningu. Reglan segir: Þú
skalt hafa lögheimili hér á landi
(íslandi) þann 2. maí fyrir kosning-
ar. Mér finnst vera brotið gróflega
á mannréttindum mínum. Ég má
borga skatta en ég má ekki kjósa!
Er ekki næsta skref að segja: Ég
má ekki borga skattana mína af
því ég má ekki kjósa?
Kokhreysti
Sverris
Ásbjöm hringdi:
Mér finnst fyrrverandi banka-
stjóri Landsbankans vera kok-
hraustur að mæla gegn hverri
þeirri ábendingu eða umræðu sem
um hann snýst eftir að hann varð
að láta af störfum. Hann skrifar
dag eftir dag ádrepu til þess síðasta
sem tjáir sig um mál Landsbank-
ans. Auðvitað er Sverri frjálst að
tjá sig, mikil ósköp. En þetta er
heldm' mikið af því góða hjá
Sverri. Hann á bara að höfða mál
gegn þeim sem hann telur sekan
um brottrekstur sinn úr bankan-
um. Vel má vera að hann vhmi það
mál. Hitt tefur bara fyrir honum.
Notaðir bílar
alltof dýrir
K.P.Ó. hringdi:
Með tilkomu hinna hagstæðu
lána sem bifreiðaumboöin sum
hver eru að bjóða þessa dagana er
ástæða til að athuga hvort notaðir
bílar, sem bíða hundruðum saman
eftir að seljast, eru ekki alltof hátt
verðlagðir. Ég tek dæmi af nýjum
bílum frá S-Kóreu sem bjóðast nú á
þetta 1100 til 1250 þúsund krónur.
Svipaðir bílar að stærð og útbún-
aði, en tveggja og þriggja ára gaml-
ir, eru svo verðlagðir á um milljón
eða 900 þúsund og eknir kannski
tugþúsundir kílómetra. Þetta nær
engri átt. Notaðir bílar verða að
lækka verulega ef þeir eiga að selj-
ast.
Reykjavíkur-
flugvöllur
óþarfur
K. B. hringdi:
Ég var að lesa í DV í dag (14.
maí) bréf um Reykjavíkurflugvöll
og hina nýju skýrslu frá Háskólan-
um um hversu mikil efnahagsáhrif
þessi gamli flugvöllur hefði á, að
því mér skildist, allt þjóðimð.
Manni blöskrar vitleysan í þessari
skýrslu, svo mikil endemisfjar-
stæða sem það er að telja ónýtan
flugvöll sama og gulls ígildi. Þaö
eina sem ætti að gera er að leggja
flugvöllinn niður því hann er all-
sendis óþarfur. Við höfum full-
kominn tlugvöll við bæjardyrnar,
þ.e. Keflavíkurflugvöll, og hann
nægir okkur fyrir allt farþegaflug.
Gróðinn af
laxveiðiánum
Friðjón hringdi:
í allri umræðunni um laxveiði-
ævintýrið í kringum Landsban-
kann og dýr veiðileyfi, sem geta
orðið allt að 200 þúsund krónur fyr-
ir eina stöng á sólarhring - eða
dag, er aldrei spurt hvert þessi
gróði af laxveiðinni, þ.e. leigu
ánna, fari. Nú eru það ekki bændur
sem fá þessa peninga heldur þeir
sem leigja réttinn af bændum.
Hvaða prelátar leigja og hvar
greiða þeir skatta? Ef til vill erlend-
ir aðilar eða erlendir aðilar sem
leppa leiguna fyrir íslenska leigu-
taka. Eru hér á ferð nýir kvótakarl-
ar? Hvað segir skatteftirlitið?