Dagblaðið Vísir - DV - 30.12.1998, Síða 30

30
MIÐVIKUDAGUR 30. DESEMBER 1998
Miruússtæðustu atburðir á árinu 1998 DV

Jón Ólafur Sigfússon:
Ánægja með
landsmótið
„Hjá mér stendur upp úr ánægja
með hvemig til tókst við fram-
kvæmd Landsmóts hestamanna á
Melgerðismelum í júlí. Við glímd-
um við óvissu vegna hrossasóttar-
innar sem gerði undirbúning móts-
ins erfiðan en allt gekk upp að lok-
um og ég varð ekki var við annað
en ánægju mótsgesta,“ segir Jón
Ólafur Sigfússon, framkvæmdastjóri
landsmóts hestamanna, í sumar.
„Annar ánægjulegur viðburður í
mínu lífi á árinu var að eignast nýtt
barnabam sem er auðvitað fagnað-
arefni. Ársins mun ég einnig minn-
ast sem ársins þegar ég gleymdi að
taka sumarfrí." -gk
1 úák
k
Kristinn Hugason:
Fertugur og frjáls
„Sú atburoarás sem leiddi til þess
að loks er ég laus við að vera starfs-
maður Bændasamtakanna er eftir-
minnilegust," segir Kristinn Hugason
hrossaræktarráðunautur. „Ég hafði
margoft íhugað uppsögn, allt frá því
að núverandi stjómendur tóku við.
Ég fagna málalokunum þótt þau hafi
borið að með óvæntum hætti. Ég hygg
á nýtt háskólanám á næsta ári sem er
tilhlökkunarefni," sagði Kristinn
Hugason.
Kristinn átti 40 ára afmæli í byijun
desember og hélt upp á það í hópi vina
og samstarfsmanna. Hestamót liðins
sumars gengu vel og góðar minningar
tengdar dómsstörfum þar. -JBP
Jónas Ingimundarson:
Nýtt tónlistarhús
fagnaðarefni
„Það var sérlega eftirminnilegt að
vera viðstaddur hljóðpróf í nýja tón-
listarhúsinu í Kópavogi. Það er ekki á
hverjum degi sem tónlistarhús fæðist
þar sem þjóðin á þess kost að sjá bæði
og heyra tónlistarflutning við kjör-
i. skilyrði," segir Jónas Ingimundarson
píanóleikari.
„Fæðing sonarsonar fyrir
skemmstu var ógleymanlegur atburð-
ur. Ég lenti á sjúkrahúsi í fyrsta
skipti á árinu þannig að þaö var alveg
ný reynsla fyrir mig.
Hvað næsta ár varðar verður vígsla
nýja tónlistarhússins 2. janúar vafalaust
. fyrsti merkilegi atburöur ársins." -aþ
Guðmundur Bjarnason:
Sakna
stjórnmálanna
„Þetta hefur verið gott ár en ætli
mér sé ekki efst í huga að vera að
hverfa úr pólitíkinni. Ég lét af starfi
varaformanns Framsóknarflokksins
í nóvember og ég kem sjálfsagt til
með að sakna stjómmálanna. Hins
vegar hlakka ég mikið til að takast
á við ný verkefni á nýju ári,“ segir
Guðmundur Bjamason, landbúnað-
ar- og umhverfisráðherra.
„Mér tókst sem betur fer að halda
í þá venju mína að fara í vikulanga
göngu bæði heima og í Ölpunum.
Aukinn áhugi manna á umhverf-
is- og náttúravernd er fagnaðarefni
og ég tel loftslagsráðstefnuna í Bu-
enos Aires fyrr á árinu hafa verið
áfanga í leið að betri samskiptum
þjóða í loftslagsmálum." -aþ
Kristín Ástgeirsdóttir:
Mun leita að
öðru starfí
„Mér em minnistæðust þau póli-
tisku átök sem staðið hafa yfir á ár-
inu og brottfor mín úr Kvennalist-
anum. Einnig em sigrar ÍBV í
knattspymunni sem bæði urðu
deildar- og bikarmeistarar mér ofar-
lega i huga. Þessu glöddumst við
Eyjamenn mikið yfir enda hef ég
tekið mikinn þátt i starfi Vest-
mannaeyingafélagsins," segir Krist-
ín Ástgeirsdóttir.
„Næsta ár verður viðburðaríkt í
mínu lífi því ég er að hætta á þingi
og þarf að leita mér að öðm starfi.
Það verður spennandi að upplifa
síðasta ár aldarinnar þótt ég sé
reyndar þeirrar skoðunar aö alda-
mótin verði ekki fyrr en áriö 2000 er
liðið. Við byrjum að telja á einum.
Á komandi ári verður margt
spennandi að gerast í pólitíkinni.
Það er spuming um hver úrslit
kosninganna verða og hvemig sam-
fylkingin og vinstri hreyfingin mun
þróast. Á næsta ári ætla ég einnig
að koma mér inn í sagnfræðina og
fara á norræna kvennasöguráð-
stefnu á sumri komanda."
-Ótt
Guðmundur Gunnarsson:
Glímt við emb-
ættismenn
„Deilan við Rússana er minnis-
stæðust frá síðasta ári. í raun var
það ekki framkoma Rússanna
sjálfra sem kom á óvart heldur vom
það viðbrögð íslenskra embættis-
manna sem komu flatt upp á mig.
Tregða þeirra til að bregðast við á
jákvæðan hátt ef bent er á eitthvað
sem betur má fara er ótrúlega mik-
il. Næsta ár kemur til með að verða
mjög annasamt. í lok næsta árs
verða allir kjarasamningar lausir
og fljótlega eftir áramót munu menn
því fara að undirbúa næstu samn-
inga. Jafnffamt er þing hjá okkur í
Rafiðnaðarsambandinu í vor og
mun það án efa kosta mikla vinnu.
í einkalífinu er það svo velgengni
bamanna minna á síðasta ári og
væntanlega á því næsta líka sem er
mér efst í huga.“ -KJA
Halldór J. Kristjánsson:
Bankastjóri við
erfiðar aðstæður
„Mér er efst í huga þakklæti til
starfsfólks Landsbankans þegar ég
tók við starfi bankastjóra við erfið-
ar aðstæður síðastliðið vor. Síðan
hafa verið unnin viðamikil verk-
efni, hlutafjárútboð, skráning bank-
ans á verðbréfaþingi, fyrsta skrefið
i fjármögnun erlendra verkefha og
stofnun stórra fasteigafélaga núna
undir lok árs. Ég tel víst að áfram-
haldandi uppbygging verði í at-
vinnulífinu, enn nánari samvinna
og samruni fyrirtækja. Uppbygging
fjármálaþjónustunnar heldur áfram
en samkeppnin mun án efa aukast.
Þetta verður gott ár.
Mér er minnisstæð ánægjuleg
ferð fjölskyldunnar um Austurland
á síðasta sumri. Ég gat þá bætt við
allmörgum sundlaugum í sund-
laugasafnið, ég hef heimsótt um 60
af um 100 sundlaugum landsins, að
ég held. Gott veður á Borgarfirði
eystri er sérlega minnisstætt og
ánægjuleg kynni af Landsbanka-
fólki eystra.
Valdimar Jóhannesson:
Sigurinn í kvóta-
málinu
„Það segir sig sjáift að það sem er
mér efst í huga frá árinu er sigurinn
í kvótamálinu. Síðan koma vonbrigð-
in með lágkúru Alþingis og rikis-
stjómarinnar," segir Valdimar Jó-
hannesson sem vann sigur í kvóta-
málinu fyrir Hæstarétti.
„Af persónulegum málum er
bjartasta myndin að hafa farið með
dóttur mína í fyrsta skipti á Löngufjör-
ur á Snæfellsnesi er við riðum þar inn
á þessar hvítu yndislegu fjörur á falleg-
um júlidegi. Það var stórkostlegt að
upplifa undrun og ánægju dótturinnar
yfir að slíkur staður skuli vera til.
Á nýju ári kemst þjóðin ekki hjá
því að það fari fram uppgjör milli
þeirra aðila sem vilja ýta undir sér-
réttindi fárra og þeirra sem trúa því
að við eigum öll að sitja við sama
veisluborðið." -gk
Móeiður Júníusdóttir:
Hlakka til
næstu aldar
„Þetta ár hefur verið annasamt
en umfram allt þroskandi. Þess
vegna er þetta eftirminnilegt ár. Ég
hef lítið gert annað en að vinna að
plötunni minni sem kom út samtim-
is hér á landi, í Bretlandi, Frakk-
landi og Þýskalandi fyrir fjórum
vikum,“ segir Móeiður Júníusdóttir
söngkona.
Af heimsmálunum finnst mér
mál Clintons Bandaríkjaforseta rísa
hæst. Það mál hefur vakið upp
margar siðferðisspumingar sem
ekki sér fyrir endann á.
Næsta ár er mjög spennandi fyrir
mig. Ég ætla að leggjast í tónleika-
ferðalög og búa í ferðatösku. Platan
mín kemur út í Bandaríkjunum í
mars og ég hlakka mikið til. Annars
hlakka ég líka mikið til næstu aldar
og er eiginlega komin með alda-
mótafyrirtíðarspennu. Ég er svo
spennt að sjá hvemig lífið verður á
nýrri öld.“ -aþ
Þórunn Sigurðardóttir:
Samstarf viö
listamenn
„Minnisstæðast frá síðastliðnu
ári er líklega Listahátíðin sl. vor,
einkum samstarfið og viðkynningin
við hina erlendu listamenn sem
komu langt að og vissu lítið sem
ekkert um landið. Það var ekki síð-
ur ánægjulegt að telja upp úr köss-
unum í lokin og sjá að aðgöngu-
miðasalan fór langt fram úr björt-
ustu vonum.
Ég vonast á nýju ári til að geta
unnið vel með öllu því góða fólki
sem nú þegar leggur dag við nótt
með mér við að undirbúa menning-
arborgarárið 2000. Ég ætla samt að
ná mér í eitthvert frí á árinu. Helst
vildi ég komast norður Sprengisand
í góðu veðri en í neyð að geta eytt
nokkmm dögum í fríi í hinni feg-
urstu menningarborganna níu árið
2000, Santiago de Compostela á
Spáni.“ -SÁ
Hallgrímur Helgason:
Sálver í stað
álvera
„í mínu lífi ber hæst að hafa tek-
ist að koma frá mér Ljóðmælum:
sjúkdómi sem ég hef gengið með í
tuttugu ár og hef undanfarið eitt og
hálft ár barist við 24 tíma á dag.
Þetta var því eins og að læknast af
krabbameini. Af heimsviðburðum
er það minnisstæðast þegar heims-
fréttir breyttust í klámfréttir. Vest-
rænn menningarheimur er ekki
samur eftir.
ísland er að springa af ungu hæfi-
leikafólki og ég vona að við getum
farið að gera eitthvað í því, koma
þessu í útflutning. Þjóðin stendur
bara ekki undir þessu lengur, hefur
hreinlega ekki tíma til að mæta á
alla þessa tónleika og upplestra og
sjá allt þetta leikhús. Kvikmynda-
iðnað í stað þungaiðnaðar. Virkjum
hæfileika í stað hálendis. Reisum
sálver í stað álvera." -Ótt
www.visir.is
FYRSTUR MEÐ FRÉTTIRNAR