Dagblaðið Vísir - DV - 07.01.1999, Blaðsíða 10
10
FIMMTUDAGUR 7. JANÚAR 1999
Spurningin
Ætlarðu á janúar-
útsölur?
Auðunn Valsson matreiðslumað-
ur: Nei.
Brynja Guðnadóttir framreiðslu-
maður: Já, ég býst við því.
Elsa Jónsdóttir bankastarfsmað-
ur: Já.
Jón Þór Guðjohnsen nemi: Já.
Jón Ingi Gunnarsson nemi: Nei.
Hörður Guðlaugsson nemi: Nei,
hugsanlega ekki.
Lesendur
HIV-smita5ir
og fordómarnir
Börn hafa verið smituð af HlV-veirunni í 16 ár en ekkert dæmi um smitun frá þeim í
venjulegri umgengni á heimilum eða í leikskólum, fullyrðir bréfritari.
S. M. skrifar:
Mánudaginn 30. nóvem-
ber 1998 var lesendabréf í
DV frá Guðbjörgu með
fyrirsögninni „HlV-smit á
leikskóla?“. Þar var skrif-
að að fjölmiðlar stæðu sig
ekki með því að greina
ekki frá nafni skóla þess
sem hýsti eina HlV-smit-
aða barnið sem greindist
hér á landi á árinu.
Hvernig það smitaðist,
o.s.frv., til þess að það
smitaði nú ekki önnur
börn sem það kæmi til
með að umgangast. Látið
var að því liggja að. þetta
smit væri svona eins og
hver annar lúsafaraldur
sem reynt væri að hylma
yfir og fela. Pistill þessi
var auðvitað ritaður af
mikilli fáfræði og var
ekki laus við fordóma.
Börn hafa verið smituð af HIV-
veirunni í um sextán ár. Það er ekk-
ert dæmi til enn um smitun frá
þeim í venjulegri umgengni á heim-
ilum og leikskólum. Þetta HlV-smit-
aða barn er alls ekki hættulegt öðr-
um börnum eða fullorðnum sem
það kemur til með að umgangast á
leikskóla og í daglegu lífi. Það er
margt vitað um sjúkdóminn í dag,
t.d. smitleiðir og hvernig hægt er að
halda honum niðri með lyfjagjöf og
er þar stöðug framþróun. Þetta HIV-
smitaða barn hefur því möguleika á
að lifa eðlilegu lífi, þrátt fyrir sjúk-
dóminn og nota lyf til að halda hon-
um niðri en ekki lækna hann.
Það ber vitni um skilning og
mannlega virðingu hjá þeim sem
stjóma íslenskum fjölmiðlum að
láta þetta HlV-smitaða bam og að-
standendur þess afskiptalaus. Það
græðir enginn á að brennimerkja
þetta HlV-smitaða bam með því að
birta myndir og greina frá nafni
þess til að það þekkist sem slíkt.
Svona rétt til að seðja forvitnina,
búa til fréttir og velta sér upp úr
þessu í stuttan tíma á eftir.
ísland er of lítið og fordómar
gagnvart þessum sjúkdómi eru enn
miklir, eins og áður nefnt lesenda-
bréf ber skýrt vitni um. Leyfum
barninu að fá möguleika á að lifa líf-
inu eins eðlilegu og það getur gert,
með þessa dapurlegu vöggugjöf.
Þegar barnið eldist og fær skiln-
ing á ástandi sínu verður nógu sárt
að sætta sig við að vera HlV-smit-
að. Forðum því frá því að verða
líka útskúfað og sniðgengið, sem
HlV-smitaður einstaklingur, sem
allir forðast og fordæma á bama- og
unglingaaldursskeiðunum.
Við fullorðna fólkið verðum að
gefa þessum ólánsömu einstakling-
um, sem fæðast með HlV-smit,
tækifæri til að ákveða sjálflr þegar
nægu viti og þroska er náð hvort
þeir upplýsa þjóðina um sjúkdóm
sinn.
Miðstýring myntarinnar
Þór skrifar:
Allt virðist falla í þann farveg að
myntbreyting flestra Evrópurikja
geri þeim ríkjum sem utan standa
erfiðara fyrir hvað viðskipti snert-
ir og sérstaklega þeim sem eru háð
útflutningi að mestu til að afla
þjóðartekna. Sviss hefur þá sér-
stöðu að vera i miðri Evrópu með
mestar tekjur sínar af ferðafólki og
samgöngum annarra þjóða um
landið.
Hér á landi munu viðskipti verða
mun erfiðari en fyrr, einkum við
Evrópurikin, svo að viðskipti munu
beinast að mestu til Bandaríkjanna,
líkt og í síðari heimsstyrjöld.
Verst er þó að íslensk mynt er
verðlaus hvar sem er í heiminum
og miðstýring hennar með þeim
hætti að það eru nánast ráðherrar
og embættismenn sem taka allar
ákvarðanir i fjármálalegu tilliti,
þ.m.t. um vaxtastig og bankakostn-
að, svo og gengisbreytingu. Það er
illt að horfa upp á nærliggjandi
þjóðir renna inn í nýja öld fjármála
og viðskipta meðan við sitjum og
bíðum þess sem verða vill, svo til án
þess að geta nokkra björg sér veitt.
Hneykslanlegt athæfi
stjórnvalda
Garöar Björgvinsson skrifar:
Ég get ekki orða bundist um þær
ofsóknir sem Friður 2000 hefur
þurft að sæta undanfamar vikur frá
yfirvöldum hér. Það var forkastan-
legt að heyra af því í fjölmiðlum að
utanríkisráðuneytið hafi flokkað
þessi samtök sem óábyrg og reynt
að hindra fór jólasveinsins um þessi
jól. Ég hef lítillega kynnst störfum
Friðar 2000 undanfarið ár og svo
sannarlega hrifíst af þeim málefna-
legu og vönduðu vinnubrögðum
sem einkennt hafa starfsemina.
Það er aðdáunarvert hvernig
þessi samtök hafa safnað á undan-
förnum árum hundruðum þúsunda
jólagjafa handá bágstöddum börn-
um í stríðshrjáðum löndum og kom-
ið þessum gjöfum á leiðarenda, jafn-
þjónusta
AÓelns 39,90 mínútan
- eða hringld í síma
550 5000
milli kl. 14 og 16
Það er aðdáunarvert hvernig safnað hefur verið á
undanförnum árum hundruðum þúsunda jólagjafa
handa bágstöddum börnum í stríðshrjáöum lönd-
um
vel þangað sem engar venjulegar
flugsamgöngur eru vegna ófriðar.
Ég get heldur ekki flokkað þau um-
mæli jólasveins, sem flestir líta á
sem samnefnara allra barna, að
biðja stríðshrjáðum börnum griða
frá pólitískum hildarleik stórveld-
anna sem óábyrg eða pólitísk. Eru
það ekki frekar þeir sem styðja
svelti þessara barna sem eru óá-
byrgir? - Eða hvernig geta það talist
eðlilegar aðgerðir í
stjórnmálum að gera
þúsundir barna
hungurmorða í
hverjum mánuði?
Mér finnst mjög
eðlilegt að Friður
2000, sem margir
hafa litið á sem rödd
í eyðimörkinni, grípi
til þeirra aðgerða
sem nauðsynlegar
eru til að vekja okk-
ur af sinnuleysinu.
Ef ráðamenn þjóðar-
innar vilja ekkert
hlusta á málefnaleg
rök þessara samtaka,
er þá eitthvað að því
að slík samtök leiti
aðstoðar réttvísinnar
til að dæma um það hvort ráða-
menn hér eru orðnir samsekir um
glæpi gegn þessum börnum? Var
það ekki einmitt slíkt sinnuleysi
sem leiddi til þess að heimsstyrjald-
ir dundu yfír mannkynið fyrr á
þessari öld? - Mér finnst að Friður
2000 sé að vinna mikið og gott verk
með framlagi sínu til friðarmála og
að þröngsýni ráðamanna hér sé að
leiða þá í gönur.
Fáir þekktir
í framboði
Kjósandi A-flokkanna skrifar:
Mér blöskrar hve fáir þekktir
aðilar vir.ðast ætla að verða í fram-
boði hjá samfylkingunni í næstu
kosningum. Eftir að Svavar Gests-
son hverfur af vettvangi eru það
aðeins tvö nöfn sem maður kann-
ast við Alþýðubandalagsmegin hér
í Reykjavík og sama gildir um Al-
þýðuflokkinn. Þetta eru þau Bryn-
dís Hlöðversdóttir og Heimir Már
annars vegar og svo Össur Skarp-
héðinsson og Jóhanna Sigurðar-
dóttir hins vegar. Þá er allt talið.
Ég veit ekki hvað ég geri sem kjós-
andi jafnaðarmanna með ekki
meira mannval í boði. Og fari svo
að Kvennalistinn verði nú með eft-
ir allt þá er öllu lokið, að margra
mati. En ákvörðun um framboð og
frambjóðendur verður að liggja
fyrir sem allra fyrst.
Einokun á
mjólkurvörum
Héðinn skrifar:
Ég er einn þeirra sem er ekki
ánægður með þá einokun sem hér
er enn á mjólkurvörum og sölu
þeirra. Ég las fréttina um Bónus og
eigendur sem ætluðu að sækja
ostana sér til hægðarauka og til að
geta haldið útsöluverði í skefjum
en var neitað af Osta- og smjörsöl-
unni. Þessari einokun verður að
linna. Meira að segja einokar
Mjólkursamsalan umbúðir hér í
Reykjavík. Alls staðar annars stað-
ar er hægt að kaupa mjólk í lítra-
femum sem passa mun betur í ís-
skápinn. Þetta ástand er orðið
óþolandi og full þörf á að einka-
væða þennan verslunargeira.
Óvarðar
bílasölur
Ásgeir hringdi:
Ég hef lengi furðað mig á því að
bilasölur með notaða bíla skuli
ekki hugsa betur um sína vöru
sem þeir hafa í umboðssölu, nefni-
lega alla notuðu bílana. Ég man að
eitt sinn var stolið úr mínum bil
sem stóð næturlangt á svona úti-
bílasölu og það var talsvert tjón
sem ég varð að bera. Auðvitað á að
vera girt í kringum söluplan með
notaða bíla. Ég var í Keflavík ný-
lega og sá þar bílasölu þar sem vel
var búið um bílana að þessu leyti
og þeir stóðu á læstu svæði nætur-
langt. Ég veit ekki til að nokkur
ábyrgð sé tekin á geymslu notaðra
bíla sem standa úti. Þessu fyrir-
komulagi verður að breyta sem
allra fyrst.
Útigangsmenn
í Reykjavík
Steindór Elnarsson skrifar:
Hvernig er það með þessa bless-
aða útigangsmenn sem víða sjást í
Reykjavík, einkum og sér í lagi við
Hlemm og þar í nágrenninu, og
betla, er ekki hægt að hjálpa þess-
um mönnum og a.m.k. útvega þeim
einhvern samastaö svo að þeir
verði ekki til óþæginda? Eins og er
eiga þeir hvergi nægilega góðan
samastað. Það er eflaust erfitt að
hjálpa svona ógæfumönnum en
kannski lumar einhver á góðum
hugmyndum til að leysa þennan
vanda mannanna og um leið borg-
arinnar og okkar allra, samferða-
mannanna.
Guð hjálpi
okkur
Guðjón V. Guðmundsson skrifar:
„Allt er betra en íhaldið", sagði
maðurinn forðum. Stórkostleg
setning, enda felst í þessum fáu
orðum allt sem segja þarf um þessa
skelfilegu stjómmálastefnu. Nú er
svo komið að tæpur helmingur ís-
lensku þjóðarinnar aðhyllist þenn-
an hrylling, og þúsundir láglauna-
manna þar á meðal kijúpa með
glýju í augum af aðdáun sinni á
leiðtoganum, Davíð Oddssyni. Þeg-
ar svona er komið fyrir íslenskri
þjóð þá er svo sannarlega kominn
tími til að biðja Guð að hjálpa sér.