Dagblaðið Vísir - DV - 16.01.1999, Blaðsíða 50
LAUGARDAGUR 16. JANÚAR 1999 I>"V
58 fjtyndbönd
*★ ★'------
MYItDBANDA
Hijacking Hollywood
Filmuræningjar
★ ★ ★ Þetta er léttlynd fantasía um yflrborðskennda gerviveröldina í
Hollywood og vægast sagt óhefðbundna aðferð ungs kvikmyndaáhuga-
manns til að komast áfram í henni. Kevin fær vinnu sem aðstoðar-
maður við myndina Moby Dick 2: The Revenge of Ahab, en yfirmaður
hans er latur harðstjóri sem lætur Kevin þræla allan daginn og öskrar
á hann þess á milli. Ekki er það til að mirmka stressið þegar kynóð
eiginkona framleiðandans fær augastað á Kevin og hann ákveður að
gripa til örþrifaráða. Hann og herbergisfélagi hans stela filmubútum
sem innihalda rándýrt atriði þar sem Moby Dick ræðst á Honolulu og
krefjast 150.000 dollara skilagjalds, svo að þeir geti gert mynd saman
eftir handriti sem Kevin hefur skrifað. Myndin er svolítið byrjendaleg,
enda fyrsta mynd leikstjórans, sem einnig leikur hlutverk herbergisfé-
lagans, en engu að síður skemmtileg og gerir vel heppnað grín að
kvikmyndaiðnaðinum í Hollywood. Leikarar eru lítið þekktir, en
standa sig nokkuð vel. Reyndar eiga sumir þeirra nokkum leikferil að
baki. Sá sem leikur Kevin lék Elliot i E.T. og sá sem leikur framleið-
andann lék Doug Neidermeyer í National Lampoon’s Animal House.
Myndform. Leikstjóri: Neil Mandt. Aðalhlutverk: Henry Thomas, Scott
Thompson, Mark Metcalf og Neil Mandt. Bandarísk, 1997. Lengd: 91 mín.
Öllum leyfð. -PJ
Six Days Seven Nights
Reitman drepur á Fordinum
★i Skötuhjúin Robin (Anne Heche) og Frank
(David Schwimmer) skella sér í vikufrí til suð-
rænnar paradísareyju. Sælan er þó skammvinn
því Robin þarf að fljúgja sakir vinnu sinnar til
Tahíti. Flugmaður rellunnar er hinn skapstirði
Quinn (Harrison Ford) og kemur þeim Robin illa
saman framan af. En hvað haldið þið að gerist þegar þau nauðlenda á
eyðieyju? Mikið rétt, ástin tekur að blómstra.
Ivan Reitman hefur sérhæft sig í gerð kvikmynda er blanda saman
fantasíu og raunveruleika. Tókst honum það ágætlega í myndum á borð
við Ghostbusters og Twins, en ekki hefur honum tekist vel upp að und-
anfornu. Six Days Seven Nights flokkast því miður með hinum arfa-
slöku og lítt fyndnu Fatherís Day og Junior. Ævintýraútlit myndarinn-
ar er með eindæmum klisjukennt og virkar sem veggur á miili áhorf-
enda og persóna myndarinnar, sem eru fullkomnar steríótýpur og erfitt
að skera úr um hver þeirra sé fáránlegust. Sjóræningjamir eru með ein-
dæmum afkárlegir en þó held ég að Schwimmer og hin brjóstgóða
Jacqueline Obroadors slái þá út. Meira að segja sjálfur Fordinn kemst
ekki í gang þótt hann hafi gengið snurðulaust í þrjá áratugi.
Útgefandi: Sam-myndbönd. Leikstjóri: Ivan Reitman. Aðalhlutverk: Harri-
son Ford og Anne Heche. Bandarísk, 1998. Lengd: 98 mín. Öllum leyfð.
-bæn
Overnight Delivery
Vonbrigði
i Ég hafði séð Reese Witherspoon í hinni stórkost-
legu Freeway og Paul Rudd í hinni næstum því
jafn stórkostlegu Clueless. Þessir leikarar og létt-
geggjaður söguþráðurinn vöktu með mér vonir um
að eitthvað væri varið í þessa mynd, en óhætt er
að segja aö ég hafi orðið fyrir vonbrigðum. Lúðinn Wyatt Tripps á
kærustu í skóla sem er í þúsund mílna fjarlægð frá skólanum hans.
Dag einn kemst hann á snoðir um framhjáhald hennar og drekkur sig
fullan á bar, þar sem hann hittir Ivy sem fær hann til að hefna sín á
kærustunni með því að skrifa uppsagnarbréf og senda með því mynd
af honum og Ivy hálfnöktum í faðmlögum. Síðan kemur í ljós að grun-
ur hans var ekki á rökum reistur og þau elta bréfið og reyna að ná
því áður en það kemst á leiðarenda. Myndin er algjörlega ófyndin, og
rómantíkin virkar ekki heldur, þvi persónumar eru alltof leiðinlegar
til að manni sé annt um þær. Reese Witherspoon veldur hlutverki
sínu reyndar vel, en stælamir í Paul Rudd verða mjög fljótt þreytandi
og sama má segja um myndina í heild.
Útgefandi: Myndform. Leikstjóri: Jason Bloom. Aðalhlutverk: Paul Rudd
og Reese Witherspoon. Bandarísk, 1996. Lengd: 84 mín. Bönnuð innan 12
ára. -PJ
The Ripper
Kobbi kuti enn á ferð
★★ Rannsóknarlögreglumaðurinn James Hanson
(Patrick Bergin) ólst upp í fátækrahverfi í Lundún-
um en hefur með elju og dugnaði komist til metorða.
Hann er orðinn tíður gestur í boðmn yfirboðara síns
Sir Charles Warren (Michael York) og kynnist þar
sjálfum Edwardi prins (Samuel West). Fljótlega fer þó
James að gruna að áhugi Edwards á honum tengist óhugnanlegum
morðum á vændiskonum. Svo virðist jafnvel sem að sjálfur prinsinn
kunni að vera sá seki. Samfara rannsókninni verða tengsl James og
helsta vitnisins, vændiskonunnar Florry (Gabrielle Anwar), sífellt nán-
ari. Spenna þessarar sjónvarpsmyndar beinist ekki að því hver sé
morðinginn, heldur fyrst og fremst hvort hægt verði að taka hann hönd-
um. Þá fer fram mikil úrvinnsla á baráttu stéttanna og ólíkum aðstæð-
um þeirra. Sú umfjöllun er þó, rétt eins og morðsagan hefðbimdin, en
ágæt sem slík. Bergin er einstaklega ósjarmerandi leikari og kemur ekki
á óvart að hann skuli þurfa að leita á náðir sjónvarpsins. York er aftur
á móti eðalleikari og synd hversu lítið hefur sést til hans á hvíta tjald-
inu. Þess í stað má jafnan sjá hann i misjöfnum sjónvarpsmyndum á
borð við The Ripper, sem er lítið meira en hefðbundinn sjónvarps-
reyfari.
Útgefandi: ClC-myndbönd. Leikstjóri: Janet Meyers. Aðalhlutverk: Patrick
Bergin, Michael York, Samuel West og Gabrielle Anwar. Áströlsk/banda-
rísk, 1997. Lengd: 86 mín. Bönnuð innan 16. -bæn
Skrímsli ýmiss konar eru með
mögnuðustu afurðum ímyndun-
araflsins og hafa fylgt mannskepn-
unni frá árdögum frásagnarlistarinn-
ar. Þrátt fyrir framandleikann eru
þau nátengd manninum og oft frjóar
útleggingar á eðli hans og hvötum.
Enda gegna þau títt táknrænu hlut-
verki frumsjálfsins og er t.d. King
Kong oft túlkaður sem dulin kynlífs-
þrá aðalkarlhetjunnar til ljóskunnar.
Skrímslin eru einnig oft táknræn
framsetning ótta mannsins, likt og
Godziila sem rekur uppruna sinn til
kjamorkunnar.
King Kong
í íjósi skyldleika skrímslanna og
mannsins er áhugavert að King Kong
myndin skuli eiga sér mjög svo raun-
sæislega fortíð. Leikstjórar myndar-
innar, Merian C. Cooper og Emest B.
Schoedsack, vom líkt og aðalkarlper-
sónan kunnir fyrir gerð náttúrulifs-
mynda jjarri vestrænni siðmenningu.
Myndir þeirra gerðust þó æ fantasíu-
kenndcni er á leið. Kvikmyndin
Chang (1927) var tekin í Síam
(Tælandi) og fjallaði um baráttu ætt-
bálks nokkurs við hlébarða, tígrisdýr,
fila og aðrar skepnur. Naut hún mik-
illa vinsælda og er gjaman talin for-
veri Tarzan the Ape Man (1932). Kvik-
myndamógúlar Hollywood vom þó
ekki á því að leggja formúur í hina
fjarstæðukenndu King Kong. Cooper
tókst þó að sannfæra fyrirtækið sem
hann starfaði hjá, RKO, um að íjár-
festa í gerð hennar. Sú áhætta skilaði
útlagðri upphæð tífalt og King Kong
varð frægasta skrímsli kvikmynda-
sögunnar.
Godzilla
Þótt górillan ógurlega sé stór að
vöxtum stendur hún ekki jafnfætis
hinni japönsku Godzillu. Það ferlíki
er 50 metrar á hæð, 105 metrar á lengd
og vegur um 20.000.000 kíló. Það má
þvi líta á hana sem fyrstu ögrun Jap-
ana af mörgum í garð Bandaríkjanna
síðustu áratugi. Fyrsta kvikmyndin
var gerð árið 1954 og hét upp á
japönsku Gojira. Ólíkt King Kong (þar
sem stellingu ófreskjunnar var breytt
í Alien Resurrection er Ripley (Sigourney Wever) farin að samlagast skrímslinu.
I Klassísk myndbönd | King Kong (1933) ★★★★
Áttunda undur veraldar
Carl Denham (Robert Armstrong)
er frægur fyrir náttúrulífsmyndir
sínar og fer hann jafhan ótroðnar
slóðir við gerð þeirra. Þegar þessi
mikli ævintýramaður fréttir af
óþekktri eyju, þar sem innfæddir
dýrka skrímsli er þeir nefha Kong,
halda honum engin bönd. Hann
ræður til starfa þrefalda áhöfn en
heldur ákvörðunarstaðnum leynd-
um fyrir henni. Auk þess fær hin
undurfagra Ann Darrow (Fay Wray)
að fljóta með því þema myndar hans
á að vera Fríða og dýrið (the Beauty
and the Beast).
Þegar áhöfnin ratar loks að
ströndum fyrirheitna landsins taka
eyjaskeggjar ófriðlega á móti þeim.
Þeir ræna Ann og færa Kong hana
sem fóm. Hann gleypir hana þó
ekki í sig líkt og önnur fómarlömb
sín því hann kollfellur fyrir fegurð
ljóskunnar. Áhöfnin heldur inn í
framskóginn í von um að koma
henni til bjargar. Reynist það vera
hin mesta svaðilfor því hann er
uppfullur af risaeðlum í drápshug.
Margar þeirra hafa einnig hug á
Ann en Kong verndar hana með
kjafti og klóm og leggur meðal ann-
ars Tyrannosaurus rex að velli i
mögnuðum bardaga. Hið ótrúlega
gerist þó og eftirlifandi áhafharmeð-
limir svæfa skrímslið og halda með
það heim til Nýju Jórvíkur. Ætlar
þá allt um koll að keyra.
King Kong er um margt ólíkur
skrímslum kvikmyndasögunnar,
því jafnan hefur hann hlotið samúð
áhorfenda þrátt fyrir að tæta í sig
ófáar manneskjumar á dýrslegan
máta. Það er nefnilega eitthvað
harmrænt við örlög Kongs. Hann er
konungur sem fluttur er úr eigin
ríki og gerður að sýningargrip í
annarlegri „siðmenningu". Ást
hans er óendurgoldin og Ann gerir
ekki minnstu tilraun til að útskýra
gerðir hans, jafnvel þótt hann hugsi
fyrst og fremst um öryggi hennar er
flugvélar ráðast að honum með mik-
illi skothríð á toppi Empire State
byggingarinnar. Og það er einmitt
vegna þess sem hann lýtur í lægra
haldi. Áhorfendur geta ekki annað
en fengið samúð með þessum ein-
staka einstæðingi sem uppfyllir öll
helstu skilyrði dramatiskrar hetju.
King Kong viðheldur sjarma sín-
um þrátt fyrir að vera komin á elli-
lífeyrisaldur. Vissulega hafa tækni-
brellur þróast og tölvutæknin verið
óspart nýtt í myndum á borð við Ju-
rassic Park og Godzilla. Það er engu
að síður meiri nautn að fylgjast með
hinum sígildu brellum King Kong
sem koma sífellt á óvart. Kong er
einfaldlega flottastur og vei þeim
(Peter Jackson?) er reyna að troða
honum í tölvubúning.
Fæst í Aðalvídeóleigunni. Leik-
stjórar: Merian C. Cooper og
Ernest B. Schoedsack. Aðalhlut-
verk: Robert Armstrong og Fay
Wray. Bandarísk, 1933. Lengd: 110
mín. -Björn Æ. Norðfjörð