Dagblaðið Vísir - DV - 25.01.1999, Blaðsíða 12
12
MÁNUDAGUR 25. JANÚAR 1999
Spurmngin
Hvernig líta geimverur út?
Árni Freyr Ársælsson, 10 ára:
Þær eru hvítar og með skásett augu.
Margrét Jakobsdóttir, 10 ára:
Þær eru með breiðan haus, mjóan
háls, mjóa höku, þrjá putta og tvær
tær. Þær eru með mjóan búk og eru
slímugar.
Róbert Gústafsson, vinnur í bak-
arii: Ég hef ekkert pælt í þessu.
Brendan Weipel nemi: Þær eru
marglitar og litlar, með stórt höfuð,
tvö augu, þrjá fingur, tvo fætur og
þær eru með hala.
Rachel Hainer nemi: Þær eru með
egglaga haus og eru slimugar.
Lesendur__________
Skýrsla handa
gagnagrunni
Vinur okkar var einn af þeim sem ímyndunin hafði ítrekað lagt í rúmið og
læknirinn gefið honum sprautu með „óblönduðu" sem lækningu við „veik-
indum“ hans.
Konráð Friðfinnsson skrifar:
Það gerist á bestu bæjum að fólk
veikist og þarf á aðhlynningu lækn-
is að halda. Eftir að hugmyndir um
gagnagrunninn komu í umræðuna
er ef til vill brýnna en áður að menn
leiti á mið lækna og sérfræðinga til
þess að unnt sé að leggja inn
skýrslu í gagnagrunninn.
Þannig vill til að maður einn,
sem við getum bara nefnt „X“,
þurfti á þessari þjónustu að halda.
Hann er að vísu, að eigin mati, oft-
ar krankur en aðrir menn, en nú
var hann hreinlega veikur. Og í
maganum, af öllum stöðum líkam-
ans. Er X mætti hjá doktornum var
hann spurður hvað amaði að hon-
um. Læknirinn lét þess getið, svona
í framhjáhlaupi, að honum fyndist
X vera fólur á vangann og augun í
sljórra lagi. Sjúklingurinn játar því
og tekur til við að segja lækninum
hvað að sér ami.
Tekur þá doksi fram hlustunar-
pípu til að athuga hjartsláttinn, síð-
an tunguspýtuna til skoðunar á
kokinu. En vegna þess að X var
jafntíður gestur á stofunni og
skýrslur sönnuðu, lét læknirinn
hann segja B í stað A, er hann hafði
komið timbrinu fyrir í munni
mannsins. Rétt svona til að fá til-
breytingu í hlutina. Síðan var lyf-
seðill skrifaður og skýrsla gerð.
Líkt og nærri má geta var staflinn
sem tilheyrði X orðinn allvænn.
Gagnagrunnurinn er nú svo gott
sem kominn á laggirnar og störf þar
á fullum dampi. Og þennan grunn
hungrar í sjúkraskýrslur fólks.
Menn eru því sendir út af örkinni
til að þefa þær uppi hvar sem færi
gefst. Og er gagnagrunnssveinar
mættu á stofu læknis X urðu þeir í
hjarta sínu glaðir er þeir litu á einn
staflann, sem var töluvert hærri en
aðrir á þessum stað. Væntu þeir sér
mikils af lestrinum.
Mennirnir töldu sem sé stóru
stundina runna upp í starfi sínu. En
ljóminn hvarf smám saman úr aug-
um þeirra eftir því sem lengra leið
á lesturinn. Þeir komust nefnilega
að raun um að X, vinur okkar, var
einn af þeim sem ímyndunin hafði
ítrekað lagt í rúmið og læknirinn
hafði gefið honum sprautu með
„óblönduðu" sem lækningu við
„veikindum" hans. Og sem X hafði
orðið alheill af.
Mennimir stóðu því upp, þökk-
uðu fyrir sig og tóku langa kaffi-
pásu. Rétt til þess að komast aftur í
jarðsamband. Niðurstaðan í þessu
máli - eða lærdómurinn sem af
þessu má draga - er að fólk lætur
stundum ímyndun eina fljúga með
sig hvert sem hugurinn leitar.
Flugleiðir svara ekki athugasemdum
Fugfarþegi skrifar:
Undanfarið hefur mátt lesa
fréttaumfjöllun í fjölmiðlum undan-
farið um bréf frá dönskum farþega
sem var á leið til landsins með Flug-
leiðavél í sept. sl. og varð fyrir
óþægindum er flugstjórinn hóf eins-
konar útsýnis- og lágflug fyrir lend-
ingu í Keflavík. Daninn sendi kvört-
unarbréf til Flugmálastjórnar og
Flugleiða hf. Flugmálastjóm þótti
ekki ástæða til að gera athugasemd-
ir við flugið en óskaði skýringa frá
flugrekstrardeid Flugleiða, sem
taldi ekki ástæðu til að svara far-
þeganum beint, en staöfesti að við-
komandi flugstjóri hefði farið í
„veikindafrí" að þessu flugi loknu,
en það sé alls óskylt þessu umrædda
flugi. - Stangast nú enn á svör Flug-
málastjómar og Flugleiða. Eru því
fréttir af þessu ólánsflugi ekki full-
nægjandi.
Þar sem ég lenti forðum daga í
svipuðum aðstæðum í flugvél Flug-
leiða ásamt öðrum farþegum fyrir
lendingu i Keflavík, þegar flugstjóri
skipti skyndilega um lendingar-
braut, þykir mér fróðlegt að fylgjast
með þessu máli nú. Vonandi svara
Flugleiðir hinum danska farþega
með fullnægjandi hætti og biðjast
afsökunar á hegðun flugmannsins
eða veita honum viðhlítandi bætur,
óski hann þess.
Ríkisútvarpið stöðvar umfjöllun
~—*±:—I—;—.
Útvarpshúsið við Efstaleiti. - Hjá Ríkisútvarpinu starfar
„menningarelíta" landsins, segir bréfritari m.a.
Einar Einarsson skrifar:
Útvarpsfréttir á íslandi hafa um
helmingi meiri hlustun en útvarps-
fréttir i nágrannalöndunum og því
augljóst hversu áhrifamiklar þær
era. En það er ekki síður mikilvægt
að þeir sem stýra fréttatímunum
axli þessa miklu ábyrgð með því að
draga ekki umfjöllun eða leggja
lykkju á leið sína til að framkvæma
eftir einkaskoðunum sínum.
Tökum málverkafölsunarmálið
sem dæmi. - í DV kom fram að bíll
vitnis var tekinn gjörsamlega i gegn
og myndir af honum sýndu hrotta-
leg orð skrifuð með verkfæri á bíl-
inn. Hvenær var minnst á þennan
atburð í Ríkisútvarpinu? Ég minn-
ist þess ekki. Fréttastofa Ríkisút-
varpsins hefur ekki haft undan að
flytja fréttir af
málverkafölsun-
armálinu og var
t.a.m. löng frétta-
skýring daginn
áður en vitna-
leiðslur hófust
fyrir rétti. - Já,
daginn áður! Og
alltaf sami frétta-
maðurinn.
En hvað veld-
ur því að núna
sér þessi menn-
ingarfréttastofa
enga ástæðu til
þess að fjalla um
málið? Því er ein-
falt að svara. Hjá
Ríkisútvarpinu
starfar „menn-
ingarelíta" lands-
ins. Hún gætir
þess að enginn
skemmi fyrir
listaelítunni. En
þegar eitthvað
kemur fram sem
gæti skemmt fyrir elítunni skal um-
fjöllun stöðvuð. Einmitt það gerist
þegar áðurnefndur bíli er skemmd-
ur í Kaupmannahöfn. Eigandinn er
maður sem hefur lýst því opinber-
lega hvernig höndla skuli með lista-
verk á markaðstorgi viðskiptanna.
Bilskemmdimar varpa því nýju
ljósi á málið.
Einhver öfundarklíka heldur að
réttarhöldin muni ganga þannig fyr-
ir sig að ákærði verði dæmdur. Þess
vegna má ekki segja frá einhverju
sem gæti varpað nýju ljósi á málið-
En RÚV segir ekki frá svoleiðis
hlutum. Það segir bara frá annarri
hlið málsins, en ekki hinni, svo
menningarelítan reiöist ekki.
Heildarlaun
þingmanna
Árni Einarsson skrifar:
Um áramótin hækkuðu laun
æðstu embættismanna ríkisins um
3,65% líkt og annarra launamanna.
Þingmenn þykjast nú afskiptir
launalega og hugsa sér til hreyfmgs.
Það má m.a. marka af ummælum
forseta Sameinaðs Alþingis um að
hæfileikafólk fáist ekki til þingsetu
með núverandi launum. Þingmenn
flagga því ákaft að laun þeirra séu
aðeins rúm 228 þús. kr. á mánuði.
En við hin gleymum ekki 40 þúsund
kallinum sem þeir úrskurðuðu sér
sjálfir fyrir ekki löngu siðan. Nær
væri að laun alþingismanna séu nú
um 260 þús. kr - Engin ofsalaun, al-
veg rétt, en góð laun samt þegar allt
annað er meðtalið.
Nóg komið af
týndu tíkinni
H.K. skrifar:
Eru fjölmiðlar að ganga af göflun-
um eða hvað? Lítill hundur týnist og
það er eins og heimurinn sé að far-
ast! Fyrst er hvarfmu gerð góð skil í
báðum fréttatímum Stöðvar 2, líkt og
um mannshvarfi og daginn eftir eru
dagblöð með allt að hálfri síðu undir
málið. Þvi voru hjálparsveitir skáta
ekki kallaðar út? Og hvers vegna
gengur þetta hundshvarf svona út í
öfgar, kannski vegna verðsins á dýr-
inu sem talið er vera um hálf milljón
króna? Ekki fengi trausti heim-
ilskötturinn minn svona umfjöllun
væri hann týndur. Nær væri að gera
gangskör að þvi að finna kisukvalar-
ann sem lét heimilisketti i Sundun-
um hverfa í fyrra.
Betlistafir í
gjafaöskjum
Sigurión hringdi:
Mér hefur oft dottið í hug þegar ég
les stjómmálagreinar eða heyri við-
töl við stjómmálamenn eða aðra
sem koma nálægt okkar stjórnkerfi
og þeir taka sér í munn orðið „betli-
stafur", að gera mætti alvöm úr
þessu vinsæla orði - eða stoðtæki.
Getur ekki einhver hugmyndaríkur
hafið framleiðslu á „betlistöfum"?
Þeim mætti pakka haganlega í þar
til gerða og smekklega öskju. Þetta
yrði áreiðanlega vinsæl tækifæris-
gjöf, seld við hæfilegu veröi. Eilítið
dýrara væri stafurinn sérmerktur.
En „betlistafur" gæti verið, í alvöru
talað, öflugt stuðningstæki mörgum
hér á landi. Ekki síst þeim sem biðja
um fund með ráðherrum og öðrum
sem sjá um að deila út skattfé okkar.
Læknar þora
ekki aö hætta
Svanhildur hringdi:
Maður heyrir að læknar séu
orðnir hundfúlir yfir velgengni
Gagnlindar og ganga sumir svo
langt að hóta hætta samstarfi með
því aö stöðva flæði sjúkragagna frá
sér. Aðrir læknar taka skynsaman
pól i hæðina og gera ekki athuga-
semdir. Það er sem ég sjái lækna
hætta samstarfi um sjúkragögnin.
Allt er þetta spuming um peninga
og læknar kasta ekki frá sér lifi-
brauðinu þegar á reynir. Ekki frek-
ar en aðrir.
Áfellisdómur yfir
þingmönnum
H.J. hringdi:
Á meðan láglaunastefnan er við
lýði og lægstu laun em í kringum
70 þús. kr. á mánuði, ættu þing-
menn með hátt í 300 þús. kr. á mán-
uði ekki að fara fram á kauphækk-
un. Þeir ættu fremur að sjá til þess
að lágtekjumenn hækkuðu í laun-
um. Það vita allir aö ekki er hægt
að reka hemili fyrir minna en 150
til 200 þúsund krónur á mánuði.
Skattamörk ættu þvi að vera við 150
þús. kr. mörkin. - Þessi lágu laun
era fyrst og fremst áfellisdómur
yfir þeim þingmönnum sem hafa
setið lengi á þingi.