Dagblaðið Vísir - DV - 27.01.1999, Blaðsíða 12
12
MIÐVIKUDAGUR 27. JANÚAR 1999
Spurningin
Stundar þú
vetraríþróttir?
Lárus Jóhannesson nemi: Já,
stundum.
Egill Sigurjónsson hárgreiðslu-
sveinn: Já, snóker, því hann er
bara spilaður á vetuma.
Amar Marvin Kristjánson, 10
ára: Nei.
Sólrún Melkorka Maggadóttir
nemi:Nei.
Hildur Helga Pétursdóttir, 7 ára:
Nei.
Lesendur
Þjónusta Lands-
símans í númer 118
- altæk og ódýr þjónusta
Guðbjörg Gunnarsdóttir, Upplýs-
inga- og kynningarmálum Lands-
símans, skrifar:
Föstudaginn 22. janúar sl. birtist í
DV kvörtun frá lesanda vegna þjón-
ustu 118. Lesandinn segir m.a. að
svarað sé seint í númerinu og þjón-
ustan hæg og dýr.
Svarað er í 118 á fjórum stöðum á
landinu: í Reykjavík, á Akureyri,
Isafirði og Egilsstöðum. Nú nýlega
ákvað Landssíminn að þær stöður
sem losnuðu í Reykjavík flyttust til
Akureyrar. Síðustu vikur hefur ver-
ið unnið að þessum breytingum og
húsnæði á Akureyri m.a. endur-
bætt. Því miður hafa óvænt vanda-
mál komið upp við flutninginn og
því hafa færri starfsmenn verið að
svara undanfarið en venja er. Eftir
þessu hafa viðskiptavinir tekið og
sýnir það e.t.v. best að þeir eru van-
ir fyrirtaks þjónustu í 118 og að þar
sé svarað fljótt.
Vonir standa til að málið leysist
fljótlega og þykir Landssímanum
leitt að vegna þessa tímabundna
ástands hefur þjónustan ekki verið
eins góð upp á síðkastið og
endranær. Þess má til gamans geta
að í 118 er um 2500 fyrirspurnum
svarað á klukkutíma yfir daginn og
stefnt er að því að meðalbiðtími sé
um 15 sekúndur en undanfarið hef-
ur hann verið um 40 sekúndur.
Landssíminn tekur aftur á móti
ekki taka undir þá gagnrýni lesand-
ans að þeir sem vinna í 118 fari sér
hægt. Hann vill í þessu sambandi
Á fullu við þjónustu í 118. - Þjónustan fellur undir svokallaða alþjónustu
sem fyrirtækinu er skylt að starfrækja þótt hún standi ekki fyllilega undir sér,
segir Guðbjörg m.a. í bréfinu.
nefna að í öllum könnunum sem
gerðar hafa verið hefur þjónusta 118
fengið háa einkunn og er Landssím-
inn stoltur af frammistöðu þessara
starfsmanna sinna.
Varðandi kostnað við að hringja í
118 má þess geta að þjónustan fellur
undir svokallaða alþjónustu sem
fyrirtækinu er skylt að starfrækja
þó hún standi ekki fyllilega undir
sér. Þjónustan hér á landi er með
þeim ódýrustu sem þekkjast í ná-
grannalöndum okkar.
Landssíminn leggur sig fram við
að bæta þjónustu sína og það skal
tekið fram að ábendingum um hvað
betur má fara er komið áfram til
þeirra er málið varðar.
Hærra verð á kassa en í hillum
Lýdía Jörgensen skrifar:
Ég bý héma rétt hjá einni 11-11
verslun, í Eddufelli. Þar hef ég versl-
að árum saman. En það er einn galli
þar - sem ég hef líka tekið eftir ann-
ars staðar - að verð á vöru sem mað-
ur er að kaupa og tekur úr hillum
eða annars staðar búðininni breytist
þegar komið er að kassanum, og er
þá oröið hærra en það sem skráð
var i hillunni. Mér finnst þetta mál
sem er þess eðlis að ætti að koma
fyrir sjónir almennra neytenda.
Fyrst er þetta gerðist, fyrir um 3
árum, fór ég til verslunarstjórans og
sýndi honum dæmi um þetta. Hann
var allur af vilja gerður til að leið-
rétta og afsakaði sig og sagði þetta
myndi lagfært. En ég hef bara rekist
á þetta aftur og aftur. Því fer ég ekki
í verslun þessa nema brýna nauð-
syn beri til.
Þama verslar mikið af eldra fólki
sem tekur margt hvert líklega ekki
eftir þessu. - í gær, sunnud. 17.1.
fómm við hjónin í verslunina þar
sem okkur vanhagaði um smáræði.
Ég sagði við manninn minn áður en
við fómm inn, að ég vonaði að þurfa
ekki að leiðrétta verðið viö kassann.
En viti menn; ég rak augun í rófúr
sem vom á mjög góðu verði, en þeg-
ar stimplað var inn á kassann kom
í ljós, að verðið var mun hærra. -
Sem betur fer leiðrétti maðurinn
minn þetta og stúlkan borgaði okk-
ur mismuninn.
Ég hef að vísu ávallt fengið leið-
réttingu minna mála hvað þetta
varðar, en það er afar hvimleitt að
þurfa sífellt að vera á varðbergi um
að ekki sé verið að hafa af manni.
Manni verður á aö hugsa, hve mik-
ið maður er búinn að borga gegnum
árin vegna þessa misræmis.
Eining um trausta forystu
Kristján Gunnarsson skrifar:
Rannveig Guðmundsdóttir al-
þingismaður hefur setið á Alþingi
lengst þeirra sem gefa kost á sér í
prófkjöri Samfylkingarinnar í
Reykjanesi. Hún hefur verið félags-
málaráðherra, varaformaður Al-
þýðuflokksins og er nú form. þing-
flokks Jafnaðarmanna. Hún sat i
bæjarstjóm Kópavogs í áratug. Hún
býr því yfir víðtækri og farsælli
reynslu í stjórnmálum.
Það hlýtur að vera keppikefli
þeirra sem styðja Samfylkinguna að
væntanlegt prófkjör .á Reykjanesi
skili sigurstranglegum framboðs-
lista. Þá skiptir máli að takist að
skapa einingu um þann sem leiðir
framboðiö. Það er mitt mat að
Rannveig Guðmundsdóttir sé eini
frambjóöandinn í prófkjörinu sem
að eining geti skapast um að veita
framboðinu forystu.
þjónusta
allan
Rannveig Guðmundsdóttir að störfum á Alþingi.
Fyrir því eru einkum þrjár ástæð-
ur: í fyrsta lagi verður að hafa í
huga að kratar hafa ætíð haft mun
meira kjörfylgi en Alþýðubandalag
og Kvennalisti kjördæminu og því
er skynsamlegast að tefla fram
krata í fyrsta sæti listans.
í öðru lagi er Rannveig oddviti
Alþýðuflokksins í Reykjanesi, sigr-
aði glæsilega í síðasta prófkjöri
flokksins, og allt sem bendir til að
hún hafi fremur styrkt stöðu sína í
stjómmálum síðan.
í þriðja lagi er Rannveig stjóm-
málamaður sem nýtm- virðingar hjá
öllum þeim sem að samfylkingunni
standa fyrir eljusemi og samstarfs-
hæfni. - Sýnum því einingu með
stuðningi við Rannveigu í fyrsta
sæti.
Samfylkingin ekki
til frambúðar?
Jóhann Gíslason skrifar:
í þættinum í vikulokin sl. laugar-
dag, þar sem rætt var m.a. um
framboð vinstri flokkanna í formi
samfylkingar, skaut þingmaðurinn
Svavar Gestsson inn þeirri skoðun
sinni að framboð samfylkingarinn-
ar þyrfti ekki endilega að vera til
frambúðar, það gæti breyst síðar.
Mér fannst þessi ummæli þing-
mannsins í hæsta máta furðuleg
þar sem hann er nú einn þeirra
sem segjast standa að þessari sam-
fylkingu þótt hann sé ekki sjálfúr
þátttakandi. Hins vegar get ég fylli-
lega samsinnt Svavari um þetta at-
riði. Það er vafaatriði að svona
samfylking hafi erindi sem erfiði í
íslenskum stjórnmálum og eölilegt
að kjósendur hiki við að ljá henni
atkvæði í prófkjöri.
Kringlan lokuð
á sunnudögum
Sigrún hringdi:
Við hjónin fórum í Kringluna til
að skoða og gera innkaup í verslun-
um þar sunnudaginn 17. jan. sl. Við
vissum að þar stóð yfir útsala. En
þegar við komum á staðinn voru
allar verslanir harðlæstar. Ekki
einu sinni var opiö í kaffihúsinu
eða á litlu matsölustöðunum sem
eru orðnir vinsælir hjá gestum og
gangandi. Og þarna var urmull af
fólki sömu erinda og við, en sneri
við eftir frekari eftirgrennslan á
staðnum. Það stóð ekki á Kringl-
unni að auglýsa opnunartíma á
laugardögum og sunndögum í des-
ember, og raunar oftar. Og sunnu-
dagar eru einmitt tilvaldir fyrir
fjölskylduna til að skoða og versla
saman umfram aðra daga. - Mér
fmnst þessi háttur, að loka á
sunnudögum, vera fullkomið virð-
ingarleysi eigenda Kringluverslana
gagnvart viðskiptavinum.
Skattsvik
vínveitingahúsa
Helgi Sigurðsson hringdi:
í frétt í Mbl. alveg nýverið sagði
að borgarráð hefði sent erindi til
Lögreglustjórans í Reykjavík varð-
andi meint skattsvik einstakra vín-
veitingahúsa í borginni. í svari lög-
reglustjóra, Böðvars Bragasonar, til
borgarráðs vísar hann erindinu frá
sér, segir í fréttinni, og segir skatta-
og efnahagsbrot ekki lúta rannsókn
lögreglustjóraembættisins heldur
Ríkislögreglustjóra. Borgarráð
sendir erindið hins vegar til Lög-
reglunnar í Reykjavík, vegna þess
aö lögreglustjóri gefur út og aftur-
kallar vínveitingaleyfi til vínveit-
ingahúsanna. Annaðhvort þekkir
borgarráð ekki gang mála í borg
sinni hvað varðar brot á skattalög-
um eða lögreglustjóri er að koma
sér hjá að taka afstöðu til þessara
mála. Það væri líka jafnvandræða-
legt. - Hvort tveggja út í hött.
Fyrrverandi for-
seti á fjárlögum?
Guðjón Einarsson hringdi:
Nú hefur fyrrverandi forseti, frú
Vigdís Finnbogadóttir, veriö skip-
uð formaður heimsráðs um siðferði
í vísindalegri þekkingu, og er orðin
farandsendiherra UNESCO. Á fjár-
lögum sem giltu fyrir síöasta ár var
fyrrverandi forseta úthlutað ákveð-
inni fjárupphæð sem nýta mætti til
ferðalaga og ýmiss kostnaðar við
verkefni á vegum íslenska ríksins.
Fróðlegt væri að heyra um hvort
þessi upphæð hefði verið endumýj-
uð á nýjum fjárlögum fyrir yfir-
standandi ár og hvernig upphæðin
hefði nýst á þeim síðustu. - Hér er
jú um skattfé almennings að ræða
og ekki óeðlilegt að um sé spurt.
Lesendasíða DV fékk þær upp-
lýsingar hjá forsætisráðuneytinu að
á yfirstandandi fjárlögum væri end-
urnýjuð sú upphæð sem sett var inn
á síðustu fjárlögmn undir liðnum
„Ýmis verkefni“. Fjárhæðin er ætl-
uð til að mæta kostnaði fyrrverandi
forseta íslands, m.a. vegna ferðalaga
og útgjalda þar að lútandi.