Dagblaðið Vísir - DV - 02.02.1999, Blaðsíða 6

Dagblaðið Vísir - DV - 02.02.1999, Blaðsíða 6
6 ÞRIÐJUDAGUR 2. FEBRUAR 1999 Fréttir Jóhanna Sigurðardóttir formannsefni Samfylkingarinnar: Ef fólkið vill, þá vil ég Margrét Frimannsdóttir hefur sagt aö Samfylkingin þurfi ekki for- ingja. Ertu sammála þessu? Hingað til hefur það ekki þvælst fyr- ir Samfylkingunni að hafa ekki leið- toga. Það er þó ljóst að Samfylkingin mun velja sér framtíðarleiðtoga fyrr en seinna. Ég held að það sé ekki komið að því enn. Ég er leiðtoginn í Reykjavík og það er ærið verkefni. Það er í raun og veru verið aö leggja niður gamla flokkakerflð á vinstri vængnum. Það er að koma til sögunnar nýr jafnaðar- manna- og félagshyggjuflokkur eins og við þekkjum þá á Norðurlöndum. Hann mun auðvitað eignast framtíðarleið- toga. Foringinn er kominn, þú sjálf? Ég ætla ekki að gera tilkall til þess að verða leiðtogi þessarar hreyfingar. Finnst þér þaö ekki eölilegt? Ég lít svo á að verkefnið núna sé að leiða Samfylkinguna til sigurs í Reykja- vík. Þar er ég leiðtogi. Síðan verðum við að sjá til með framhaldið. Það er ekkert ofarlega í mínum huga að gera kröfu til þess að ég sé leiðtoginn. Er ekki rökrétt aó leiötoginn i Reykjavik sé leiðtogi á landinu öllu? Nei - og dæmi um það er Halldór Ás- grímsson, formaður Framsóknarflokks- ins og þingmaður á Austurlandi. Það eru því dæmi um það að formenn flokka hafa komið úr öðrum kjördæm- um en Reykjavík. Er Halldór ekki undantekningin sem sannar regluna? Það mæðir auðvitað mjög mikið á þeim sem leiðir Samfylkinguna hér í Reykjavík. Það er ljóst að hann hefur veigamiklu hlutverki að gegna í þessari samfylkingu. Þú ert hann eins og staöan er núna. Þið fáið ekkert meira upp úr mér um þetta. Hefur hreyfingin ekki liðiö fyrir það hingaö til aó hún hefur haft allt of marga leiðtoga? Það er verið að steypa saman þrem- ur flokkum og alveg eðlilegt að það taki tíma að leiðtoginn komi fram. Kannski kemur hann bara af sjálfu sér. Hann kom af sjálfu sér um helg- ina. Þú talar eins og þessi brœöing- ur sé ennþá í gangi, en prófkjörið er búið. Þú ert sigurvegari. Þú ert for- inginn. Ég er ekkert sjálfkrafa foringi hreyf- ingarinnar þó ég hafi fengið góð úrslit í Reykjavík. Langlíklegust þó. Ég er ein af þeim sem er líkleg, já. Langar þig ekkert til aö vera for- inginn. Já eða nei? Ég sagði að ég væri mjög heppilegur leiðtogi til að leiða Samfylkinguna til sigurs í Reykjavík. Öðru ætla ég ekki að svara. Langar þig ekki til þess? Það er alltaf gaman að vera þar sem maður getur haft áhrif og ég hef áhrif sem leiðtogi í Reykjavík. Þig langar til þess, þú ert aö segja þaó? Við skulum sjá hvað fólkið segir. Ef fólkiö vill, þá vilt þú? Fólkið á að ráða. Þannig er það einmitt í Samfylkingunni. Fólkið á að ráða ferðinni og það hefur það gert, eins og hef- ur sýnt sig í þessu prófkjöri. Og nú ræði ég ekki meira um þetta. Var sigurinn sœtur? Ég hugsaði lítið um það. Það hafa aðrir en ég haldið þessu við. En úrslitin, þessi afger- andi niðurstaða, komu mér á óvart. Já, það var hann vissulega. Ég var að vísu farin að finna straumana á síðustu dögunum. Ég held að það sé alþýða fólks sem kom til liðs við þessa hreyfmgu, fólk sem vill sjá breytingu á stjómarstefnunni og er óánægt með þá stefnu sem ríkt hefur. Það em hópar sem ríkisstjórnin hefur skilið eftir, hópar sem hafa fengið nóg af þeirri stjómarstefnu þar sem auðgildið er sett ofar manngildinu. Ég held að úrslit- in séu krafa um það að velferð- armálin fái aukið vægi í þjóðfé- laginu. Þetta var ég farin að fmna alls staðar þar sem ég kom, úti á götum og hvar sem ég hitti fólk. Þetta er krafan sem fólk gerir til Samfylking- arinnar. Nú er þinn tími augljós- lega komin. Hvarflaði ein- hvern tima aö þér, á þeim langa tima síöan þú sagðir hinfleygu orö, aö kœmi hann aldrei? Nei, það held ég að sé ekki rétt. Ég er alls ekki einfari. En ég var ráðherra i ríkisstjóm með Sjálfstæðisflokknum. Ég vildi að minn flokkur stæði við það sem hann hafði lofað í kosningabarátt- unni. Mér fannst að á það skorti. Flokk- urinn hefði færst of mikið til hægri. Þess vegna skildu leiðir um tima. Geturðu hugsaö þér aö vinna með Davið í ríkisstjórn? Þoliröu hann? Já, ég þoli hann vel. Við Davíð höf- um unnið ágætlega saman að ýmsu i fyrri ríkisstjóm. Ég hef ekkert út á hann að setja sem persónu, en við höf- um ekki sömu skoðun á því hvernig við viljum reka stjómarstefnuna í landinu. Bjóstu nokkurn tima viö því að þetta yröi svona glœsilegt. Reiknaðirðu nokkurn tíma með því aö þú fœrir í fararbroddi fyrir öllum vinstri flokkunum? Ég verð að viðurkenna að ég bjóst ekki við því þá að ég ætti eftir að leiða samfylkingu hér í höfuðborginni. Ekki í mínum villtustu draumum. En fólkið hefur tekið völdin. Þjóövaki hefur varla mœlst í könnunum undanfariö. Hvaöan kom þetta fylgi i prófkjörinu? Það er, eins og ég segi, fólk - venju- legt alþýðufólk með innan við 100 þús- und á mánuði, sem hefur ekki fengið réttlátan hlut af þjóðarkökunni. Það heimtar meira réttlæti og meiri jöfnuð. Það veit að það er nægjanlegt til skipt- anna. Þetta er gamla fólkið, öryrkjar, einstæðar mæður og líka unga fólkið. Þetta em hópar sem hafa verið skildir eftir og ég held að þeir séu að refsa rík- isstjórninni með þvi að fylkja sér um Samfylkinguna i Reykjavík. Helduröu að barátta þin gegn laxveiöunum, sem voru frœgt mál sem fólk skildi, hafi skipt sköpum fyrir þig? Það skipti ekki sköpum. Ég er búin að vera í pólitikinni í 20 ár. Fólk veit fyrir hvað ég stend. Varðandi það hvemig tekið var á laxveiðimálunum, risnunni og spillingunni þá hafði það sitt að segja, ég fann aðeins fyrir því, en það réð engum úrslitum. Það sem réð úrslitum er að fólk vill sjá þær breytingar sem ég hef veriö að boða. Þú varst ráöherra um árabil. Sú tilfinning sem kjósendur og kannski aörir samstarfsmenn hafa er sú aö þú sért einfari. Þú varst oft nokkuö einangruð sem ráöherra. Nú ertu aö fara aó leiða nýja hreyfingu. Áttu erfitt meö aö vinna meö öörum? Áttu gott meó aö vinna meö öðr- um? Ég tel það. Ég vil að það sé tekið til- lit til þess sem ég hef fram að færa og ég tek tillit til þess sem fólk hefur fram að færa. Ég vísa því á bug að ég sé ein- fari sem erfitt sé að vinna með. Nú blasir viö þér ráöherrastóll og því er rétt aö spyrja þig um höfuö- andstœöinginn, Daviö Oddsson. Hvaö finnst þér um hann? Hann er stjórnmálamaður sem fer fyrir hægri öflunum í þjóðfélaginu, sem er stefna sem ég kann ekki alveg aö meta. Davíð er harður í horn að taka og ég hlakka mjög til að takast á við hann VHBHEVBSIR Umsjón Stefán Ásgn'msson hér í Reykjavík í kosningunum. Mér finnst mjög líklegt að Sjálfstæð- isflokkurinn verði ekki í næstu ríkis- stjórn. Heldur hverjir? Mér finnst líklegt að Samfylkingin verði í næstu ríkisstjórn. Gœtuö þið unniö saman? Við höfum gert það. Gœtiröu þaö? Ég hugsa það. Það er þó ekki mín óskastaða að vinna með Sjálfstæðis- flokknum í ríkisstjóm. Hvers konar stjórnarsamstarf séröufyrir þér eftir kosningar? Það er allt of snemmt að spá því, en ég spái Samfylkingunni mjög góðu gengi í kosningunum. Ég held að hún hafi alla burði til að verða ef ekki stærsti, þá næststærsti stjómmála- flokkurinn eftir næstu kosningar. Ég vænti þess af Samfylkingunni að hún standi fyrir meiri jöfnuði og réttlæti í þjóðfélaginu og að velferðarmálin verði sett í öndvegi, almannahagsmunir verði í öndvegi en sérhagsmunir látnir víkja. Fólk hefur þurft að kyngja ýmsu á kjörtímabilinu, tekjuskiptingin er ójöfn og fólk vill sjá breytingar. Það er niðurstaða prófkjörsins. Ég vil sjá Sam- fylkinguna standa að þeim breytingum. Hvernig á aö fara aö þvi? Hvað œtlaróu t.d. að gera viö kvótann? Ég held að það þurfi að flnna leið til að breyta þeirri stefnu sem fylgt hefur verið. Við höfum unnið tillögu í því máli sem verður kynnt, væntanlega síðar í þessum mánuði. Hvaö um Evrópusambandið? Eig- um við aö ganga í þaö? Ég held að við þurfum að skoöa kosti og galla þess. Miðað við stöðuna nú sé ég ekki að við eigum að ganga í það. Sá tími er ekki í nánd. Nú ertu oröin foringi Samfylking- arinnar i Reykjavík og í reynd á landinu öllu. Fólk veltir fyrir sér högum forystumanna og því er spurt: Hverjir eru fjölskylduhagir þinir? Ég er einstæð móðir tveggja ungra manna og á tvö bamaböm. Eldri sonur- inn er fluttur að heiman en ég bý með drengnum mínum sem er 22ja ára. Þarf ekki aö vinda aö því bráöan bug aö stofna Samfylkinguna form- lega? Hvenœr verður það gert? Þetta er mikilvægt skref. Við erum að bjóða fram í einni samfylkingu. Næsta skrefið verður, hygg ég, að stofna nýtt stjómamálaafl, stóran jafn- aðar- og félagshyggjuflokk. Ég sé það fyrir mér að það verði þegar á næsta ári. Ekki á þessu ári? Ég þori ekkert um það að segja, en býst við að það verði fljótlega eftir kosningamar. Hvaö hefur núverandi rikisstjórn gert rangt í stuttu máli? Hún hefur haft 100 milljörðum meira úr að spfla en síðasta ríkisstjórn. Hún hefur stjómað á tíma góðæris og hag- stæðra ytri skilyrða en ekki skipt þeim mikla tekjuauka sem hún hefur haft réttlátlega. Ríkisstjóm Davíðs Oddsson- ar hefur einnig sýnt mikinn yflrgang. Ég nefni gagnagrunnsmálið og hálend- ismálið þar sem mðst var yfir skoðan- ir meirihluta þjóðarinnar. Ég nefni gíf- urlegar breytingar sem hún boðaði ekki í síðustu kosningum, svo sem að leggja niður félagslega íbúðakerfið. Hún hefur sýnt venjulegu fólki mikinn hroka og það er eins og þessir stjórnar- herrar átti sig ekki á því að á íslandi, hjá einni af ríkustu þjóðum heims, er töluvert mikil fátækt og misskipting. Rangindin em þau að ríkisstjómin hef- ur ekki skilað almenningi betri kjörum við þær góðu aðstæður sem ríkt hafa. Hvaö um einkavœðinguna. Viltu snúa henni allri viö aftur? Einkavæðing á rétt á sér, en þar verður fyrst og fremst að skoða al- mannahagsmuni. Það hefur ríkisstjóm- in ekki gert, t.d. í einkavæðingu ríkis- bankanna, heldur hugað að þvi fyrst og fremst hvemig peningaöflin í þjóðfélag- inu og Kolkrabbinn kæmu sem best út úr þessu. Það gerði hún líka varðandi fjármagnstekjuskattinn. Honum var breytt í þá vem að þeir sem eiga pen- ingana og einkafjármagnið í landinu högnuðust sem allra best á breyting- unni. Almennir sparifjáreigendur fengu að borga fjármagnstekjuskattinn. Fjárfestingarbankinn fór á verði langt undir raunvirði, þar sem verið var að gefa fé skattgreiðenda. Hvaö meó félagslega íbúöakerfiö? Ég tel að Samfylkingin muni beita sér fyrir því að félagslegir valkostir verði settir í öndvegi á nýjan leik. Þeir em ekki til lengur. Þeir hafa verið aflagðir og því verður breytt komist Samfylkingin til valda. Ef þú hefðir aðeins eitt kosninga- loforö til aö gefa, hvaö myndi þaó veröa? Jafna tekjuskiptinguna í þjóðfélag- inu.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.