Dagblaðið Vísir - DV - 02.02.1999, Blaðsíða 23
ÞRIÐJUDAGUR 2. FEBRÚAR 1999
27
Fréttir
Flugsamgöngur á milli Vesturbyggöar og ísafjarðar:
Útboð tekur minnst
3 til 4 mánuði
- segir Halldór Blöndal samgönguráðherra
Þrátt fyrir að samþykki sam-
göngunefndar Alþingis hafi legið
fyrir undir lok síðasta árs um að
veita fé til flugs á milli Vestur-
byggðar og ísafjarðar virðist enn
ósamið við flugrekstraraðila um að
sinna þessu flugi.
Halldór Blöndal samgönguráð-
herra sagði í samtali við blaðið að
þegar samið hefði verið um sam-
bærilegt flug til Raufarhafnar á sín-
um tíma hefði það ekki mælst vel
fyrir. Þá var því haldið fram að
bjóða bæri slíkt flug út á öllu evr-
ópska efnahagssvæðinu.
Halldór sagði að í ljósi þessa hefði
Samkeppnisstofnun verið skrifað
bréf þar sem óskað var eftir áliti
hennar á því hvort bjóða bæri þetta
út á evrópska efnahagssvæðinu og
hvort hún teldi að öll flugfélög á ís-
landi mættu þá bjóða i fyrirhugað
flug á milli Vesturbyggðar og ísa-
fjarðar. Reyndar hefur ráðuneytið
þegar ákveðið að fara í slíkt útboð.
Halldór sagði að ekki yrði samið
við neina flugrekstraraðila fyrr en
álit Samkeppnisstofnunar lægi fyrir
sem ætti þó að geta verið mjög fljót-
lega. Ef bjóða ætti flugið út sagði
Halldór að undirbúningur að slíku
útboöi tæki minnst 3-4 mánuði. Það
þýðir í raun að sá tími sem nýta átti
flugið á þessum vetri yrði útrunn-
inn. Þá sagði ráðherrann að einnig
kæmi til álita að bjóða út í leiðinni
aðrar flugleiðir hér á landi eins og á
Gjögur.
Aðspurður hvort hægt yrði að
semja til bráðabirgða við eitthvert
flugfélag vegna þess tíma sem eftir
væri af vetrinum sagði Halldór að
það hefði einmitt verið það sem gert
hefði verið varðandi Raufarhöfn en
r
það hefði ekki mælst vel fyrir.
Þrátt fyrir að Halldór hefði sagt að
ekki hefðu verið gerðir samningar við
neitt flugfélag um flug á milli áður-
nefndra svæða þá spurðist það út á
þriðjudag að íslandsflug væri að byrja
að fljúga á þessari leið. Þá hefur flug-
félagið Jórvík einnig sýnt áhuga á að
sinna þessu flugi en þar á bæ hefðu
menn beðið eftir svörum frá ráðuneyt-
inu um framhald málsins. -HKr.
Óvissa með
grásleppuveiðar
DV, Hólmavík:
Mikil óvissa er um hvort nokkuð
verður lagt fyrir grásleppu á vori
komanda hér um slóðir og yröi það
í fyrsta skipti í nokkra áratugi sem
slíkt gerðist. Verðið fyrir hrognin
var nánast í sögulegu lágmarki á
síðasta ári og mátti með réttu kall-
ast verðhnm frá því sem verið hafði
árið á undan.
Að sögn sjómanna var enginn
hagnaður af veiðunum á því ári,
frekar að menn bæru skarðan hlut
frá því borði og hefðu ekki fyrir
kostnaði. „Verð þarf að breytast
verulega til hins betra til þess að
menn hugsi sér til hreyfings,“ varð
einum sjómanninum að orði um
grásleppuveiðar vorsins. Þá er
mörgum óljúft að sjá á eftir jafnvel
tugum tonna af þorski verða að
engu í grásleppunetunum þegar
ekkert sést eftir nema haus og bein-
garður þegar vitjað er um eins og
nokkuð hefúr verið um hin allra
síðustu ár eftir að þorskgengd jókst
til mikilla muna.
Fyrr á árum voru þetta aðallega
hlunnindi nokkurra sjávarjarða og
þeirra þéttbýlisbúa sem voru eig-
endur minni báta og sóttu skamman
sjóveg. Seinni árin hafa stórir og
hraðskreiðir bátar sem lagt geta á
djúpu vatni verið atkvæðamiklir í
veiðiskapnum, oft á kostnað þeirra
sem lítils eru megnugir í þeirri
hörðu samkeppni.
-Guðfinnur
Oddviti Stöðfirðinga, Björgvin Valur Guðmundsson, stendur fyrir framan gröfuna. Inni í henni er Kristmann Jóns-
son, 83 ára, sem tók fyrstu skóflustunguna. DV-mynd GH
Gamla kirkjan á Stöðvarfirði.
Gamla kirkjan á Stöðvarfirði:
Orðin endur-
StöðvarQörður:
íþróttahús í
burðarliðnum
DV, Stöðvarfiiði:
Sunnudaginn 24. janúar sl. var
fyrsta skóflustimgan tekin að nýju
íþróttahúsi á Stöðvarfirði, að við-
stöddum fjölda íbúa.
Kristmann Jónsson, 83 ára, tók
fyrstu skóflustunguna, en hann var
fýrsti íþróttakennari Stööfirðinga.
Kristmann kenndi tuttugu piltum
og tíu stúlkum íþróttir í tvískiptum
hópi, í nýreistum skóla og sam-
komuhúsi, er byggt var í sjálfboða-
vinnu árið 1937. Það var mikið verk
þar sem sigla þurfti með efni til
verksins innst úr firðinum og bera
það svo frá fjöru og til byggingar-
staðar, en húsið er steinsteypt. Það
hefur siðustu ár þjónað sem sam-
komuhús en einnig hafa verið
kenndar þar íþróttir.
Björgvin Valur Guðmundsson,
oddviti Stööfirðinga, ávarpaði gesti
og rakti meðal annars tilurð þess að
ákveðiö var að ráðast í byggingu
iþróttahúss. Hinn aldni fyrrum
íþróttakennari nýtti sér tæknina að
þessu sinni og tók skóflustunguna
með vélgröfu í frosna jörðina og á
eftir var öllum gestum boðið til
kaffisamsætis í grunnskólanum.
Húsiö verður 31x17 metrar, eða <
527 fermetrar, að stærð. Verktaki er
Ævar Ármannsson á Stöðvarfirði
en hann átti lægsta tilboð i verkið,
45.388.000 krónur. Húsið á að verða
tilbúið til notkunar 31. desember.
-GH
varpsstöð
Enn fækkar á Siglufirði
ÓV; Stöðvarfirði;
Nokkur ár eru síðan gamla kirkj-
an á Stöðvarfirði var afhelguð og nú
hefúr hún fengið nýtt hlutverk. Sím-
inn hefúr fengið þar aðstöðu fyrir
endurvarp sitt fyrir GSM og NMT
símakerfi sín á Stöðvarfirði, en það
var einn fárra staða sem eftir voru
án GSM símasambands á Austur-
landi. Einnig var erfitt að ná í NMT
kerfið, en slæmt samband hefur ver-
ið í því kerfi vegna staðsetningar
búnaðar hingað til.
Taka varð niður kross á turni
kirkjunnar og í stað hans er komið
loftnet auk þess sem annað er á
stafni hennar. Geta má þess að
kirkjan er komin í einkaeign.
-GH
DV, Siglufírði:
1. desember voru íbúar Siglu-
fiarðar 1605 en þeim hafði fækkaö
um 27 á árinu. Þetta er þó minni
fólksfækkun en árin á undan því
1996 fækkaði um 36 og árið áður um
57.
Ástæður fækkunarinnar á Siglu-
firði á síðasta ári eru ekki að öllu
leyti þær sömu og í Skagafirði, þar
sem að stórum hluta er erfiðu at-
vinnuástandi um að kenna. Á Siglu-
firði var atvinnuástand allgott á ný-
liðnu ári, eins og raunar síðustu ár.
Að margra áliti eru það ekki síst
hærri laun og í sumum tilfellum
meira atvinnuöryggi á suðvestur-
horni landsins sem verða til þess að *
fólk flytur frá áður nefndu svæði.
Einnig er nokkuð um að fólk
flytji búferlum með bömum sínum
sem fara til langskólanáms á höfúð-
borgarsvæðinu.
-ÖÞ