Dagblaðið Vísir - DV - 09.02.1999, Blaðsíða 6

6
ÞRIÐJUDAGUR 9. FEBRÚAR 1999
Fréttir

$ /t 5"<'
Milljarðatjón vegna mistaka við byggingu nýja alþjóðaflugvallarins við Ósló:
Verra en nokkur
gat reiknað með
- segir stöðvarstjóri Flugleiða í Ósló um þrálátar tafir og lokanir
DV, Ósló:
„Ástandið er verra en nokkur gat
reiknað með. Við hjá Flugleiðum
erum bara með eina ferð um miðjan
daginn og höfum sloppið betur en
flestir aðrir en þetta er samt mjög
þreytandi og kemur illa við farþega
okkar,“ segir Knut Berge, stöðvar-
stjóri Flugleiða í Ósló, við DV um
langvarandi erfiðleika við rekstur
nýja alþjóðaflugvallarins á
Gardermoen við Ósló.
Nú eru fjórir mánuðir liðnir síð-
an völlurinn var opnaður. Norskum
yfirvöldum reiknast til að um miilj-
arður norskra króna hafi tapast á
þeim tíma vegna þess að hvað eftir
annað hefur orðið að loka flugvell-
inum og tafir eru daglegar vegna
erfiðleika við afisun og flutning á
farangri farþeganna.
Landsliðslykill kynntur
Sigurður Sæmundsson hefur ver-
ið ráðinn landsliðseinvaldur i hesta-
íþróttum.
Landslið fyrir heimsmeistaramót
í hestaíþróttum, sem verður haldið i
Þýskaiandi í ágústbyrjun, verður
valið eftir lykli sem verður kynntur
á almennum fundi í Félagsheimili
Gusts á bolludaginn 15. febrúar og
hefst fundurinn klukkan 20.
Á síðasta heimsmeistaramóti var
gengi íslendinga mjög gott undir ör-
uggri stjóm Sigurðar, en ekki er að
efa að Þjóðverjar ætla sér stóran
hlut af verðlaunabikaraborðinu á
heimavelli sínum.
Ágúst Sigurðsson landshrossa-
ræktarráðunautur verður einnig á
fundinum og mun kynna reglur um
val á kynbótahrossum.
Wolfgang Berg, formaður þýska
hestamannasambandsins, kemur til
íslands bráðlega og næstkomandi
Sigurður Sæmundsson valdi hjól-
hest til yfirferðar á heimsmeist-
aramótinu f Noregi 1997 og hér er
hann ásamt Sigurbirni Bárðarsyni
sem á öruggt sæti á HM í Þýska-
landi. DV-mynd E.J.
fóstudag sækir hann heim forseta
íslands, Ólaf R. Grímsson, að Bessa-
stöðum til að ganga formlega frá
boði á heimsmeistaramótið, en for-
setinn verður heiðursgestur móts-
ins.
Langvarandi erfiðleikar hafa verið við rekstur nýja alþjóðaflugvallarins á
Gardermoen við Ósló.
Frostþoka, frostrigning, ísing og
snjókoma hefur reynst tíðari á
Gardermoen er gert var ráð fyrir.
Til að bæta gráu ofan á svart virkar
blindflugsbúnaður ekki. Við opnun
vallarins var sagt að hverfandi lík-
ur væru á að hann gæti lokast
vegna veðurs.
Og útlitið er allt annað en bjart.
Efni til afísunar á flugbrautum hafa
mengað grunnvatnið og er nú bann-
að að nota þau. Ekki er heldur hægt
að skafa ís af brautunum vegna þess
að ljós í þeim standa vegna mistaka
upp úr malbikinu. Þannig rekur
einn vandinn annan og nú er verið
að spá í að rífa aðra nýju flugbraut-
ina upp í sumar vegna endurbóta.
„Við höfum ekki orðið fyrir telj-
andi fjárhagstjóni. Það versta fyrir
okkur er ef flugið héðan nær ekki
Ameríkufluginu frá Keflavík vegna
tafa hér. Það bitnar á farþegunum
og veldur því að því að fólk hættir
að treysta því að það komist á leið-
arenda á réttum tíma,“ segir Berge.
Norska flugfélagið Braathens,
sem hefur drjúgan hluta af innan-
landsfluginu með höndum, tilkynnti
í gær að tap yrði á rekstrinum
vegna erflðleikanna á Gardermoen.
Sömu sögu er að segja hjá aðakeppi-
nautnum, SAS. Hjá ríkisjámbraut-
unum ríkir hins vegar gleði vegna
þess að þar fjölgar nú farþegum í
fyrsta sinn um langt árabil. -GK
Starfslið landlæknisembættis heimsótti Austurland:
Heilsugæsla til fyrirmyndar
- sagði Sigurður Guðmundsson landlæknir
F.v.: Stefán Þórarinsson, héraðslæknir á Austurlandi, Sigurður Guðmundsson landlæknir, Viiborg Ingólfsdóttir, yfir-
hjúkrunarfræðingur við Landlæknisembættið, og Matthías Halldórsson aðstoðarlandlæknir. DV-mynd SB
DV, Egilsstöðum:
Sigurður Guðmundsson land-
læknir var nýlega á ferð á Austur-
landi ásamt Matthíasi Halldórssyni
aðstoðarlandlækni og Vilborgu Ing-
ólfsdóttur, yfirhjúkrunarfræðingi
við Landlæknisembættið.
„Ég hef farið hér um firðina til að
kynna mér stöðuna og kynnast
starfsfólki og því hvar skórinn
kreppir. Ég verð að segja að sú skip-
an sem hér hefur verið komið á gef-
ur mikla möguleika og er öðrum
landshlutum til fyrirmyndar. Mér
virðist og fólk hér vera jákvætt og
bjartsýnt," sagði Sigurður.
Sú skipan sem landlæknir er hér
að vitna í, er sameining allra heil-
brigðisstofnana á Austurlandi norð-
an Djúpavogs undir eina stjórn, sem
átti sér stað nú um áramótin. Stefán
Þórarinsson, héraðslæknir á Aust-
urlandi, hreyfði þeirri hugmynd
fyrstur fyrir tveimur árum. Með
þessu næst fram traustari þjónusta
og samstilltari stjómun.
Landlæknir minntist á ýmsar
nýjungar í læknisþjónustu eystra
svo sem fjarlækningar, möguleika á
endurhæfingu á Fjórðungsjúkra-
húsinu í Neskaupstað og
Alzheimersdeild við Sjúkrahúsið á
Seyðisfirði.
Mikill læknaskortur hefur verið
á landsbyggðinni á undaníornum
árum og var landlæknir inntur eft-
ir horfum í þeim málum. Hann
sagði að ýmislegt væri í bígerð til
að bæta þar úr. M.a. yrðu heilsu-
gæslulækningar gerðar að skyldu á
kandidatsári og einnig kynntar bet-
ur í læknadeild. Það samstarf og
samhjálp sem tekist hefur mflli
heilsugæslustofnana á Austurlandi
myndi og stuðla að því að gera
starf þar eftirsóknarvert. Nú væra
í landinu 900 læknar - 500 íslensk-
ir læknar störfuðu erlendis og það
væri ekki raunhæft að gera ráð fyr-
ir að meira en þriðjungur þeirra
kæmi heim til starfa. Því yrði að
taka á málinu hér innanlands.
Lænisstarf úti á landsbyggðinni
hefði marga góða kosti, en það
þyrfti að sníða mestu agnúana af,
svo sem einangrun i starfl og of
mikið vinnuálag.
Stefán Þórarinsson héraðslæknir
sagði að menn hefðu of lengi ein-
blínt á erflðleikana hver i sínu
horni 1 stað þess að takast á við þá.
Nú væru að opnast möguleikar á
að færa nýja þjónustu inn í fjórð-
unginn og auka samstarf og
samnýtingu á starfsfólki milli
sjúkrastofnananna i fjórðungnum.
Landlæknir og fylgdarlið hans
hafði ætlað að hefja ferð sína á
Homafirði en sú ætlan fauk út i
veður og vind í bókstaflegri merk-
ingu. Þau munu á næstunni fara
álíka kynningarferð á Norðaustur-
land. -SB
Návígi
Stjórnmálaskýrendur, leikir og
lærðir, hafa verið önnum kafnir við
að leita skýringa á ákvörðun Bjöms
Bjarnasonar menntamálaráðherra
að gefa ekki kost á sér í varafor-
mannsembætti Sjálf-
stæðisflokksins.
Margar skýringar
eru á lofti, misgáfu-
legar eins og geng-
ur. Þeir sem
þekkja sögu
íhaldsins hafa
hins vegar leitað
skýringanna allt
aftur tfl þings Sam-
bands ungra sjálfstæðismanna á Eg-
flsstöðum 1971. Þar tókust Bjöm
Bjarnason og Friðrik Sophusson
harkalega á um formannsembætti
ungliðanna og hafði sá síðamefndi
betur. Slagurinn skfldi marga eftir
sára og sum sárin greru seint og illa.
Björn hefur því slæma reynslu af
hörðum kosningaslag sem háður er í
návígi og það réð nokkra um ákvörð-
un hans að etja ekki kappi við Geir
H. Haarde...
Hákarlaslagur
Fóstbræðurnir harðskeyttu, Logi
Bergmann Eiðsson, stjómandi
Gettu betur, og 111-
ugi Jökulsson dóm-
ari fá sannkallaða
hákarla í sjónvarps-
sal á fóstudags-
kvöld. Þá keppa
hið sigursæla lið
Menntaskólans í
Reykjavik og öfl-
ugt lið Verzlunar-
skóla íslands.
Mikfll titringur er fyrir keppnina
en hvorugt liðið getur hugsað sér að
tapa. Því veldur rótgróin spenna sem
verið hefur mflli skólanna tveggja.
Tískufrík segja MR-ingarnir gjaman
um Verslinga sem svara um hæl og
segja MR-ingana illa haldna af gáfu-
mannahroka...
Hefill
I fréttatilkynningu frá frambjóð-
endum Samfylkingar á Norðurlandi
eystra kennir margra skemmtilegra
grasa og munu tveir
frambjóðendur ætla
sér aö opna próf-
kjörsmiðstöð. Fram
kemur að þetta séu
þau Örlygur Heflll
Jónsson og Kristin
Sigursveinsdóttir.
Síðast þegar vitað
var var seinna
nafn Örlygs Hneffll en hugsan-
legt er að í tilefni stjómmálaþátttöku
sinnar hafi hann ákveðið að verða
heflaðari. Hvað óheflaðir kjósendur
gera í prófkjörinu er önnur saga. í
sömu tilkynningu kemur fram aö
Heimir Már Pétursson muni reyfa
málin, hvað sem það nú þýðir. Slag-
orð Örlygs gæti oröið Heflað og reyf-
að...
í faðmi Johnsens
í prófkjöri sjálfstæðismanna á
Suðurlandi stóð Vestmannaeyjajarl-
inn Ámi Johnsen uppi sem sigur-
vegari meðan Drífa Hjartardóttir
vermdi annaö sætið. Einhver um-
ræða fór fram um það fyrir prófkjör-
ið hvort aðrir karlframbjóðenur ættu
að sameinast gegn
Árna en metorða-
gimdin í þeirra
röðum mun hafa
komið í veg fyrir
slíkt. Hins vegar
virðist Ámi hafa
verið búinn að
koma ár sinni
vel fyrir borð í
þessum efnum. Þegar talið var
upp úr kjörkassanum frá Vest-
mannaeyjum fannst viðstöddum sem
Eyjamenn i talningarherberginu
yrðu svohtið kindarlegir í framan. Á
hverjum seðlinum á fætur öðrum
byrjaði lesturinn á „Ámi Johnsen og
Drífa Hjartardóttir'*. Árni sagði
menn vera að dæma sig af verkum
sínum í prófkjörinu. Víst þykir að
hann hefur látið hendur standa fram
úr ermum f kosningabaráttunni og
fangað Drífu i sinum stóra faðmi...
Umsjón Reynir Traustason
Netfang: sandkorn @ff. is