Dagblaðið Vísir - DV - 11.02.1999, Blaðsíða 4
4
FIMMTUDAGUR 11. FEBRÚAR 1999
Fréttir
Eimskip og ÍSAL höföuðu mál á hendur Sjómannafélagi Reykjavikur:
„ Þ vi ngu naraðgerði r “
dæmdar ólögmætar
- lestun og losun á hundraða milljóna farmi ekki nægilega tryggð
Héraðsdómur Reykjaness hefur
dæmt „þvingunaraðgerðir Sjó-
mannafélags Reykjavíkur" gegn
Eimskip í alla staði ólögmætar -
það þegar félagsmenn hindruðu los-
un og lestun á vörum íslenska álfé-
lagsins úr og í leiguskipið Hanseduo
á hafnarbakkaniun í Straumsvík í
lok október síðastliðins. íslenska ál-
félagið og Eimskip höfðuðu málið til
staðfestingar á lögbanni sem Sýslu-
maðurinn í Hafnarfirði lagði á eftir
að lögreglan hafði stöðvað félaga i
Sjómannafélaginu í Straumsvík.
Sjómannafélagið hélt því fram í
málinu að það ætti í vinnudeilu við
þýskan útgerðaraðila, Hanseduo,
sem var mannað erlendri áhöfn.
MiUi þeirra væri deilt um hvaða
kjarasamningur ætti að gilda fyrir
áhöfn skipsins. Tilgangur aðgerða í
Straumsvík hefði verið að knýja á
um gerð nýs kjarasamnings við út-
gerðarfélagið - kjarasamningur frá
24. apríl 1998 hefði verið útrunninn.
í dómnum kemur m.a. fram að er-
lendur samningsaðili fyrir hönd
áhafnarinnar (ÖTV) gagnvart út-
gerðarfélagi skipsins ytra hefði ekki
sagt upp kjarasamningi áhafharinn-
ar fyrr en 14. desember. Því hafi
framsal á samningsumboði ÖTV til
Sjómannafélagsins engu breytt.
Félagar í Sjómannafélagi Reykjavíkur stöðvuðu vinnu starfsmanna ÍSAL við leiguskip Eimskips sem siglir undir fána
ríkisins Antígva.
DV-mynd Teitur
Dómurinn segir jafnframt að for-
gangsréttur félaga í Sjómannafé-
lagi Reykjavíkur á skipum Eim-
skips komi ekki til álita í málinu -
Raufarhöfn:
Loðnubræðsla hafin
DV, Raufarhöfn:
Loðnubræðsla er hafin af
krafti á Raufarhöfh og hefur þeg-
ar verið landað um 5000 tonnum
á vertíðinni. Loðnuskipið Björg
frá Húsavík landaði fyrsta
loðnufarminum á laugardaginn
en hún hafði áður landað síldar-
farmi í byrjun janúar.
Sunnubergið landaði 800 tonn-
um aðfaranótt miðvikudags og
von var á einum til tveimur bát-
um í gær.
Öllu máli skiptir fyrir löndun
til SR-mjöls á Raufarhöfn að gott
sé í sjóinn þegar siglt er með
hráefnið alla leið frá Ingólfs-
höfðasvæðinu. Að undanfórnu
hefur verið hægviðri og þægilegt
að sigla þessa löngu leið sem létt-
ir undir meö því aö hráefni ber-
ist til verksmiðjunnar.
Á vertíðinni í fyrravetur bár-
ust einungis um 3000 tonn tO
verksmiðjunnar sem helgaðist
að mestu leyti af afar óhag-
stæðu veðri á meðan aðalvertíð-
in stóð yfir. Miklu máli skiptir
fyrir afkomu verksmiðjunnar
og starfsfólksins sem hjá henni
vinnur að aðstæður séu hag-
stæðar þann tíma sem vertíðin
stendur yfir.
-GJ
enda héldi félagið því ekki fram að
Eimskip hefði verið útgerðaraðili
skipsins Hanseduo. Félagið og
Eimskip væru í raun sammála um
að mUli þeirra stóð heldur engin
kjaradeila. Friðarskylda hafi ríkt
milli ÍSAL og starfsmanna þess og
hins vegar innbyrðis milli Eim-
skips og Sjómannafélagsins.
Héraðsdómur segir að Eimskip
og ÍSAL hafi sýnt fram á verulega
hagsmuni sina (tugi milljóna
króna) á því að lögbannsgerðin nái
fram að ganga. Röskim á hagsmun-
um tengdum lestun og losun á
farmi upp á hundruð milljóna
króna verði ekki nægilega tryggð
með réttarreglum um skaðabætur.
Lögbannið var því staðfest.
Jónas Jóhannsson, héraðsdóm-
ari á Reykjanesi, kvað upp dóm-
inn.
-Ótt
Marklausar skoðanakannanir
Eins og rakið hefur
verið hér og rökstutt í
þessum pistlum er ekk-
ert að marka prófkjör.
Fólk er ýmist kosið
sem á að kjósa hvort
sem er, eða þá að fólk
er kosið sem ella hefði
ekki verið kosið og end-
urspeglar engan vegin
vilja flokksins eða
fólksins eða vina fram-
bjóðenda. Svo er nátt-
úrlega ekkert að marka
prófkjör þegar sá sem
kosinn er í þriðja sæti
lendir í því fimmta og
sá sem er í sjötta sæti
kemst upp í það þriðja.
Þessa sögu þekkjum
við úr girðingunum hjá
Samfylkingunni og frá
Guðnýju Guðbjörns-
dóttur, sem ætlaði að
taka mark á prófkjör-
inu og hætta, en hætti við að hætta vegna þess að
hún tók meira mark á vinum sínum eftir að úrslit
lágu fyrir.
Enda sjáum við að Sjálfstæöisflokkurinn í
Reykjavík tekur ekki mark á prófkjörum og still-
ir upp eins og flokkurinn telur sig best vita hvað
fólkið vilji og fólkið veit náttúrlega ekkert hverja
það vill í framboð þegar flokkurinn velur sjálfur
fólk í framboðið af því að það er hvort sem er ekk-
ert að marka prófkjör.
Nú hefur komið í ljós að það eru ekki bara próf-
kjörin sem eru marklaus. Skoðanakannanir eru
líka algjörlega marklausar. Þannig var DV að
birta niðurstöður úr skoðanakönnunum blaðsins,
þar sem tölur um fylgi flokkanna eru allt aðrar en
þær tölur sem skoðanakannanir hafa mælt að
undanfómu. Sjálfstæöisflokkurinn fer illa út úr
þesari nýjustu könnun og bendir á að ekki sé að
marka hana, því hún sé tekin um það leyti sem
prófkosningar fara fram hjá Samfylkingunni.
Steingrímur Sigfússon með rauðgræna framboðið
segir heldur ekkert að marka þessa könnun vegna
þess að hún hafi verið tekin á sama tíma og hann
hélt stofnfúnd síns flokks. Flokkurinn hans mæld-
ist með rúmlega þrjú prósent fylgi og verður ekki
önnur ályktun dregin af orðum Steingríms en að
athyglin hafi beinst of mikiö að flokknum hans og
þess vegna mælist fylgið of mikið.
Þá má ekki heldur gleyma því að Davíð Odds-
son var í Mexíkó þegar könnunin fór fram og
óhætt að fullyrða að fólk hafi leyft sér að flippa í
könmminni vegna þess að Davíð var ekki heima
og fylgdist ekki með könnuninni og þess vegna er
ekkert að marka könnun meðan Davíð er ekki
heima.
Skoðanakönnun er góð svo langt sem hún nær.
En hún nær ekki lengra en til þess tíma þegar
hún er tekin. Svo er heldur ekki talað við sama
fólkið og siöast, og næst verður heldur ekki talað
við það fólk sem nú var talað við og þannig er
ekkert að marka skoðanakönnun sem er tekin á
mismunandi tíma við mismunandi fólk við mis-
munandi aðstæður. Hvað um alla hina sem ekki
er talað við?
Nei, það er ekkert aö marka þetta. Alls ekkert.
Dagfari
Stuttar fréttir i>v
Breytingar á Grímsvötnum
Langtímaáhrif gossins í Grím-
svötnum og aukins jarðhita i kjöl-
far þess kunna að
verða þau að
Grímsvötn stækki
og Grímsvatna-
hlaup verði meiri
næstu ár. Þetta
segir Magnús
Tumi Guðmundsson jarðeðlisfræð-
ingur. Rikisútvarpið greindi frá.
Veikara kynið
Konur í starfsliði Sjúkrahúss
Reykjavikur voru hlutfallslega
næstum þrisvar sinnum meira
frá störfum vegna veikinda árið
1997 heldur en karlamir. Dagur
greindi ffá.
Tölvukostur bættur
Nýlega barst Grunnskóla
Hveragerðis peningagjöf að upp-
hæð 690.000 krónur frá Sonju W.
Zorrilla, Núpum í Ölfusi. Pening-
arnir munu auðvelda skólastjórn-
endum að tölvuvæða skólann.
Dagskráin greindi frá.
39% bjartsýnir
Heldur lægra hlutfall íslend-
inga er bjartsýnt á eigin hag nú
en fyrir ári samkvæmt Gallup-
könnun sem gerð var í 58 löndum.
Samkvæmt niðurstöðum könnun-
arinnar hér á landi telja 39% að
hagur sinn verði betri á þessu ári
en hann hafi verið í fyrra. Morg-
unblaðið greindi frá.
Sendingum hætt
Breiðvarp Landssímans stöðv-
aði í gær dreifingu sex norrænna
sjónvarpsrása. Ástæðan er sögð
óvissa um höfundaréttarmál. Út-
sendingarnar hófust I tilrauna-
skyni í desember.
Sérþarfir nemenda
Ásta Kr. Ragnarsdóttir, for-
stöðumaður námsráðgjafar Há-
skóla íslands, hef-
ur um árabil unn-
ið að uppbyggingu
á stuðningskerfl
fyrir nemendur
með sérþarfir í
Háskólanum. Hún
segir að ekki nær allir háskólar í
Evrópu hafi slíka stefnu og því
veki stefna HÍ mikla athygli þegar
fréttist af henni í útlöndum. Morg-
unblaðið greindi frá.
Norræn ráöstefna
I sumar mun Norræna Atlants-
nefndin ásamt Lánasjóði Vestur-
Norðurlanda standa fyrir ráð-
stefnu á Egilsstööum undir yfir-
skriftinni „Nýsköpun og atvinnu-
líf á Norðuratlantshafssvæöinu".
Austurland greindi frá.
Fiskmarkaður Vestfjarða
Fiskmarkaðm- Vestfjarða seldi
samtals um 4000 tonn af fiski í
fyrra og er um að ræða um 1500
tonna söluaukningu frá 1997. Velt-
an var um 40 milljónir króna og
er um nær þrefoldum að ræða frá
fyrra ári þegar hún var um 14
milljónir króna. Morgunblaðið
greindi fi’á.
5,5% vextir af íbúðalánum
Vextir af ibúðalánum Lands-
bankans verða frá 5,5%. Sjö líf-
eyrissjóðfr hafa lýst vilja tií að
kaupa bréf fyrir 2 milljarða af
bankanum til að fjármagna lánin.
Ríkisútvarpiö greindi frá.
Vilja í Kópavog
Um 1.800 fleiri Reykvíkingar
hafa flutt í Kópavog sl. tvö ár en
borgin hefur feng-
ið til baka. Yfir
40% allrai’ fólks-
fjölgunar á ís-
landi sl. fimm ár
hefur verið í
Kópavogi. Sigurð-
ur Geirdal, bæjarstjóri Kópavogs,
segir að það sé ægileg ásókn hjá
fólki að koma í bæinn og alls ekk-
ert lát á uppsveiflunni. Dagur
gi-eindi frá.
Vöruskipti við útlönd
25 milljarða króna halli varð á
vöruskiptum við útlönd í fyrra.
Verðmæti útfiutnings var meiri
en árið áður en verðmæti inn-
flutnings var 33 milljörðum
króna meiri. Ríkisútvarpið
greindi frá. -SJ