Dagblaðið Vísir - DV - 11.02.1999, Blaðsíða 12

12
FIMMTUDAGUR 11. FEBRÚAR 1999
Spurningin
Lest þú Vísi á veraldarvefn
um og hvernig líst þér á?
(Spurt á Akranesi)
Kristinn Reimarsson íþróttafull-
trúi: Já, ég skoða íþróttasiðuna
mikið og líst vel á.
Kári Daníelsson nemi: Ég fer oft
inn á vefinn til að leita að getraun-
um og smáauglýsingum.
Birgir Birgisson súndlaugarvörð-
ur: Ég á ekki tölvu. Það er þó á dag-
skrá og þá fer ég að skoða visir.is.
Björn S. Lárusson, markaðs- og
ferðamálafulltrúi: Ég les hann
daglega og líst vel á hann.
Arinbjörn Kúld þjónustufulltrúi:
Ég les hann stöku sinnum. Þetta er
flottur vefur og ég les mest fféttimar.
Sævar H. Böðvarsson fram-
kvæmdastjóri: Ég les hann stund-
um og þá aðallega fréttir og íþróttir.
Lesendur
Hafskipahofn
Þorlákshöfn
- fyrir erlend sem innlend skipafélög
i
„Það myndi gleðja marga íslendinga sem og fjölda erlendra ferðamanna að
eiga þess kost að sigla til og frá landinu," segir m.a. í bréfinu.
Björn Bjömssson skrifar:
Ég sendi DV stuttan pistil er birt-
ist í blaðinu 23. nóv. sl. Hann var
eins konar hvatning til að hefja
millilandasiglingar héðan frá Þor-
lákshöfn, ekki síst með farþega, svo
að við hér á þéttbýlissvæðinu á
sunnan- og vestanverðu landinu
ættum þess kost að komast frá land-
inu með öðrum hætti en flugleiðis. -
Síðan hafa menn komið að máli við
mig og þakkað þá ábendingu sem
þeir telja meira en tímabæra.
Nýlega var svo lögð fram þings-
ályktunartillaga á Alþingi um að
láta kanna kosti þess að gera vöm-
skipahöfn í Þorlákshöfn. Varla hef-
ur það verið gert út í bláinn. Mönn-
um þykir líklega að góð hafskipa-
höfn eigi rétt á sér á suðurströnd-
inni. Það munar um þessar klukku-
stundir í siglingu fyrir Reykjanesið
(hvort sem þær eru 6, 8 eða 12 - allt
eftir stærð og hraða skipanna), sér-
staklega ef miðað er við siglingu til
næstu nágrannalanda, svo sem
Bretlands, eða Frakklands, svo að
dæmi séu tekin.
En fleira kemur til. - Portúgalskt
skipafélag hefur hug á að sigla með
saltfiskferma frá íslandi til Portú-
gals og Spánar og fleiri staða og tek-
ur mið af Þorlákshöfn sem við-
komustað hér á landi.
í Morgunblaðinu í dag (9.2.) er
frétt sem greinir frá þvi að einn
talsmanna Eimskipafélags íslands
hf. sé „ekki trúaður á gildi vöru-
hafnar í Þorlákshöfn". í lok fréttar-
innar i Mbl. segir svo talsmaðurinn:
„Fyrir Eimskip er þetta ekki raun-
hæfur möguleiki því fyrir utan
þennan kostnað verður að taka með
þá aðstöðu sem er fyrir hendi í
Reykjavík, tækjabúnað o.s.frv." Og
dregur í efa að þetta hentaði erlend-
um skipafélögum vegna beinteng-
ingar við inn- og útflutningsmark-
aðinn í Reykjavík og nágrenni.
Þetta eru ofur eðlileg viðbrögð
Eimskipafélagsins. En þetta er hins
vegar mjög raunhæfur möguleiki
fyrir erlend skipafélög og líklega
innlend líka (önnur en þá Eimskip).
Vonandi stuðlar ofannefnd þings-
ályktunartillaga að byggingu við-
unandi hafskipahafnar í Þorláks-
höfn fyrir erlend sem innlend skip
til vöru- og farþegaflutninga, jafnvel
samtengdra eins og erlend skipa-
félög eru farin að bjóða í skipum
sínum.
Það myndi gleðja marga íslend-
inga sem og fjölda erlenda ferða-
manna að eiga þess kost að sigla til
og frá landinu. Það hæfir eyþjóð að
eiga kost á fjölbreyttum samgöng-
um innanlands sem og til og frá
landinu. Sú er ekki raunin í dag.
Gróðurhúsaáhrif og kolsýringur
Björgvin skrifar:
Ég tel að gjalda verði varhug við
þeim spádómum og hræðsluáróðri
sem náttúrvemdarmenn hafa alið á
hér á landi um langt skeið. Ég er
ekki einn þeirra sem ber hatur í
huga til náttúruvemdarmanna en
mér finnst þeir hafa fengið að kom-
ast upp með allstífan áróður um
loftslagsbreytingar af mannavöld-
um og þar með rýrt orðstír sjálfra
sín gagnvart okkur íslendingum.
Og við því megum við ekki vegna
þess að við eigum að geta haft hin-
um færustu náttúrufræðingum á að
skipa, mönnum sem hægt er að
treysta og leita til og fá frá þeim
sannferðug svör við flestu sem
varðar náttúmnna. Ekki síst á
landi, legi og í lofti.
Það er engum til framdráttar að
heyra sífellt sönginn um að gróður-
húsaáhrif séu að leggja allt í rúst og
kolsýringurinn sé versta mengunin
í þéttbýli landsins.
Sannleikurinn er sá að hvomgt
er við hættumörk og varla nálægt
þeim. Við íslendingar þurfum því
ekki að vera í vamarstöðu gagn-
vart hættuáhrifum af þessum sök-
um. Sjálfseyðingarhvötin er okkur
mun hættulegri á flestum öðrum
sviðum.
Rafstöðin í Elliðaárdal
- og lífríki Elliöaánna
Þórarinn Jóhann Jónsson skrifar:
Ég vil beina orðum mínum til
Össurar Skarphéðinssonar alþingis-
manns og Stefáns Pálssonar, for-
stöðumanns Minjasafns Orkuveitu
Reykjavíkur, um ofangreind mál.
Össur telur að mengun í Elliðaán-
um sé það mikil að jafnvel álar, sem
hann segir lífseigustu vatnadýr sem
fyrirfinnast, gefi upp öndina. Þar eð
menn geta veitt ála í Rínarfljóti,
sem er eitt það mengaðasta í Évr-
ópu, þá er auðsætt að ástand Elliða-
áa er vægast sagt slæmt. - Vill Öss-
ur kenna gömlu Rafstöðinni um og
láta loka henni.
Forstöðumaður Minjasafns Orku-
veitu Reykjavikur segir hins vegar í
svargrein að rannsaka þurfi betur
áhrif Rafstöðvarinnar á lífríkið í ná-
[LÍ©ÍRQ®Æ\ þjónusta
allan sólarhringinn
Aðeliis 39,90 mínútan
- eða hringið í síma
5000
milli kl. 14 og 16
Gamla Rafstöðin við Elliðaárnar. - Er hún mengunarvaldur fyrir árnar? spyr
bréfritari.
grenni hennar og ef Rafstöðinni
verði lokað þýði það að Rafstöðin,
þetta fallega mannvirki, muni
smám saman grotna niður og eyði-
leggjast.
Nú langar mig sem áhugamaður
um lífriki Elliðaánna og um viðhald
og viðgang gömlu Rafstöðvarinnar
að fá að senda þessum tveimur heið-
ursmönnum eftirfarandi spurning-
ar:
1. Hver er notkun Rafstöðvarinn-
ar á ári í kW, og í dögum talið?
2. Hvers konar mengun framleið-
ir Rafstöðin sem valdið getur slík-
um skaða sem Össur lýsir?
3. Hví er hætta á að Rafstöðin
grotni niður ef til er Minjasafn
Orkuveitu Reykjavíkur?
4. Geta Össur og stangaveiði-
menn, og Stefán og orkuveitumenn
ekki náð samkomulagi sem bjargar
hæði lífríkinu sem og Rafstöðinni?
Innfæddum Reykvíkingum, og ef-
laust fleirum, er nefnilega mjög
annt um hvort tveggja. - í von um
svar á sama vettvangi, eftir hentug-
leikum þessara heiðursmanna.
DV
Ólöglegar
kattagildrur
Kristinn skrifar:
Ég var undrandi er sjónvarps-
fréttir greindu frá því að hér í
borginni væri starfandi maður
sem framleiddi kattagildrur og
veiddi m.a. heimilisketti í ein-
hvers konar gildru. Ég á varla orð
til að lýsa mannvonsku sem felst
í þessu athæfi. Og ekki síður að
talsmaður einn sem rætt var við
skyldi telja þetta gott mál. Fólk
gæti bara sótt sína ketti í viðkom-
andi athvarf kattanna. í fréttinni
kom og fram að meiðsl katta
væru umtalsverð er þeir reyndu
að komast úr gildrunni. Ég for-
dæmi þessa aðferð og mun hik-
laust eyðileggja slík búr verði þau
á vegi mínum..
Ónýtur flug-
völlur víki
Jón Sigurjónsson skrifar:
Er loks einhver kominn fram á
sjónarsviðið sem þorir að líta til
framtíðar með stórhug? Að færa
þennan ónýta flugvöll úr Vatns-
mýrinni út í Skerjafjörð er frábær
hugmynd og fá i staðinn verð-
mætt byggingarland í hjarta borg-
arinnar sem myndi styrkja hana
svo um munar og gera hana vist-
vænni. - Guðrún Ágústsdóttir,
formaður Skipulagsnefndar; til
hamingju. það standa þúsundir
Reykvíkinga með þér um að at-
huga þessa frábæru hugmynd
nánar.
Jóhanna leiði
Samfylkinguna
Kristján Ólafsson skrifar:
Ég er því hlynntur að Jóhönnu
Sigurðardóttur verði falið að leiða
lista Samfylkingar á landsvísu
fyrir kosningarnar í vor. Það er
ekki einasta að hún varð efst i
prófkjöri í Reykjavík heldur er
hún einn trúverðugasti stjóm-
málamaðurinn hér á landi í dag.
Ég vil ekki þessum nýju samtök-
um svo illt að sjá þau liðast í
sundur svo að segja í sömu andrá
og þau eru stofnuð. En það tel ég
verða raunina verði Jóhanna
ekki látin leiða listann. Þá yrði
mikill kurr í kjósendum um land
allt og á það er hreint ekki hætt-
andi. Það yrðu mistök sem ekki
væri hægt að fyrirgefa.
Skortir á við-
hald vélanna
Flugfarþegi hringdi:
Maður kemst ekki hjá því að
halda að eitthvað skorti á viðhald
Qugvéla Flugleiða eða eftirlit með
því þegar raðbilanir verða hjá fé-
laginu á farþegavélum sem eru í
miðri áæQun eins og kemur nú
fyrir svo að segja dag eftir dag. I
KeQavík urðu bilanir á tveimur
Qugvélum nýlega sama morgun-
inn og nú segja fréttir frá röskun
í miUQandaQugi frá Minneapolis í
Ameríku vegna bilunar einnar
þotunnar sem þaðan átti að
Qjúga. Þetta bætist ofan á bilana-
tíðni Qugvéla í innanlandsQugi
Flugfélags íslands sem hlýtur aö
sækja viðhaldsþjónustu sína til
móðurfélagsins, Flugleiða hf. -
Þetta eykur ekki traust Qugfar-
þega á þessu eina miUUandaQug-
félagi okkar íslendinga.
Hvar fást
skóhlífar?
Eysteinn hringdi:
Ég er einn þeirra sem hafa not-
að skóhlífar í bleytu og slabbi.
Þið vitið, þessar gömlu góðu sem
fengust hjá Hvannbergsbræðrum
og í Geysi þar til sú verslun lagði
upp laupana. Ég hef ekki séð
svona skóhlífar auglýstar í háa
herrans tíð. Er einhver sem Qyt-
ur þær inn eða getur upplýst
hvar þær fást? Gott væri að fá um
það upplýsingar ef DV vildi nú
taka við þeim. Með fyrirfram
þakklæti.