Dagblaðið Vísir - DV - 12.02.1999, Blaðsíða 13

FÖSTUDAGUR 12. FEBRÚAR 1999
13
DV
Fréttir
Ótryggt ástand er í atvinnumálum á Hofsósi.
Atvinnumál á Hofsósi:
Tvísýnt ástand
DV, Skagafirði:
Vinnsla í Höföa á Hofsósi er aft-
ur komin í gang eftir mjög stopula
vinnu síðustu mánuði liðins árs.
„Þetta var þokkalegt seinni hlut-
ann af janúar og lítur sæmilega út.
Svo framarlega sem verða gæftir þá
sýnist mér að okkur muni takast að
útvega hráefni," segir Árni Egils-
son, framkvæmdastjóri Höfða.
Nú vinna 25 manns í Höfða í 18
stöðugildum. í janúar voru söltuð
tæp 90 tonn af ufsa en til saman-
burðar voru þar unnin 20 tonn í
sama mánuði í fyrra.
Ámi Egilsson, framkvæmdastjóri
og þjónustufulltrúi Skagafjaröar á
Hofsósi, segir að engu að síður sé at-
vinnuástand erfitt á Hofsósi og und-
irstöðumar þurfti að tryggja. Um 25
manns eru nú á atvinnuleysisskrá á
Hofsósi en hluti þess fólks vinnur
þó hálfan dag hjá Höfða.
Að undanfórnu hefur verið kann-
aður möguleiki á sameiningu salt-
fiskvinnslunnar í Höfða og skel-
vinnslunnar hjá Rækjunesi. Eftir
því sem Feykir hefur fregnað stend-
ur það mál og fellur með kvótamál-
um í skelinni.
Rækjunes hefur kært að bát frá
Hofsósi var synjað um veiðileyfi á
miðum vestur með Ströndum þar
sem hann stundaði tilraunaveiðar.
Segja má að lyktir þess máls ráði
miklu um framhaldið en aðilar á
Hofsósi eru að kanna kaup á full-
búnum bát til skelveiða til að
tryggja vinnslunni hráefni. -ÞÁ
Kántríútvarp í
Skagafjörð
Hallbjörn Hjartarson færir enn út kvíarnar.
DV; Sauðárkróki:
Hallbjörn Hjart-
arson, kántríkóng-
ur á Skagaströnd,
er bjartsýnn á að
langþráð markmið
sé að nást með
stækkun á hlust-
endasvæði Kán-
tríútvarpsins á
Skagaströnd. Nú á
að leggja Skaga-
fjöröinn að fótum
sér.
„Ég hef trú á að
þetta fari að ganga
og ég verði farinn að útvarpa í
Skagaflrði með vorinu. Ætli þetta
verði ekki komið fyrir Sæluvikuna
þannig að ég geti þá kannski kynnt
lögin fyrir kvenfélagið í dægurlaga-
keppninni."
Hallbjöm segir að aðilar i Skaga-
firði hafl heitið sér stuðningi en
peningalega sé dæmið upp á eina og
hálfa milljón. Það sem hafi þó
þvælst mest fyrir sér sé að komast
að samkomulagi við STEF, samtök
höfundaréttarhafa, en þau mál séu
vonandi að leysast. Hallbjöm segist
hafa fengið leyfi til uppsetningar
sendis í svokölluðu Gerðakoti á
Höfðaströnd sunnan Hofsóss,
skammt frá Grafarkirkju. Þar þurfi
að reisa 10-15 metra hátt mastur og
Hallbjöm segir að þaðan eigi út-
varpið að nást um allan Skagafjörð.
„Ég hef orðið var við spenning og
áhuga fólks í Skagafirði. Viðbrögðin
varðandi útvarpið eru góð og nokk-
uð um að fólk hafi samband við
mig. Þetta er þó ákaflega misjafnt,
stundum hringja margir en stund-
um fáir,“ segir Hallbjöm.
Hann útvarpar alla daga allan sól-
arhringinn en tekur sér sjálfur al-
gjörlega frí frá kynningum á mánu-
dögum og þriðjudögum. Hallbjörn
segir að lítið sé um að fólk bjóði
fram aðstoð varðandi dagskrárgerð,
þó sé aðeins um að unglingar komi
með einn og einn þátt.
Borgarbyggö:
Hlutabréf seld
DV, Vesturlandi:
Bæjarstjóm Borgarbyggðar sam-
þykkti á síðasta fundi sínum að fela
bæjarstjóra að hefja undirbúning að
sölu hlutabréfa í eigu framkvæmda-
sjóðs Borgarbyggðar. Um er að
ræða sölu í nokkrum hlutafélögum,
svo sem Afurðasölunni, Hótel Borg-
amesi, Eðalfiski og Ferðaskrifstofu
Vesturlands. Þá samþykkti bæjar-
stjóm einnig að fela atvinnumála-
nefnd að standa fyrir kynningar-
fundum forráðamanna atvinnufyr-
irtækja í Borgarbyggð með forsvars-
mönnum háskóla í héraðinu sem
hafi það að markmiði að auka
tengsl þessara aðila og meðvitund
um það sem er að gerast í atvinnu-
og fræðslumálum. -DVÓ
✓
Hættu að blekkja sjálfan þig
Þaö þarf að æfa reglulega til að halda sér í formi. Það lifir enginn lengi á fornri frægð. Hreyfðu
þig, þér líður betur á eftir. Body pump - pallapuð - sund - skokk ... Það skiptir ekki máli
hvað þú gerir, svo lengi sem þú gerir það reglulega. Fáðu þér stimpilkort í næstu sundlaug
eða líkamsræktarstöð sem er í samstarfi við okkur, mættu tíu sinnum í holla hreyfingu í febrúar
og fáðu stimpil í hvert skipti. 5000 fyrstu sem skila inn stimpluðum kortum fá bókina Betri
línur eftir heilsuræktargúrúinn Covert Bailey að gjöf! Allir fara i heilsupottinn og gætu komist
ókeypis til London eða unnið einn af tugum glæsilegra vinninga frá samstarfsaðilum átaksins.
Átakið stendur út febrúar. Kortinu verður að skila fyrir 6. mars.
Fylgist með umfjöllun um holla lifnaðarhætti í DV og á Bylgjunni.