Dagblaðið Vísir - DV - 15.02.1999, Blaðsíða 2

2
MÁNUDAGUR 15. FEBRÚAR 1999
Fréttir
Sigbjörn sigraði með 10 atkvæða mun á Norðurlandi eystra:
Ekki eining um Sig-
björn í fyrsta sætinu
- , jarðarfararstemning“ á kosningavöku hjá Svanfríöi
Prófkjör Samfylkingar á Norðurlandi-eystra
Skipting atkvæða
Sigbjörn Gunnarsson 1. sæti 961 1.-2. sæti 1.353 1.-3. sæti 1.765 1.-4. sæti 2.079 2.316 j Röðin: 1. Sigbjöm Gunnarsson A.
Svanfríður Jónasdóttir 951 1.537 1.984 2. Örlygur Hnefill Jónsson Abl
Örlygur Hnefill Jónsson 840 1.400 1.766 2.089 J 3. Svanfríður Jónasdóttir A.
Kristín Sigursveinsdóttir 173 940 1.532 2.122 | 4. Kristín Sigursveinsdóttir Abl
Finnur Birgisson 96 507 1.144 1.882 I 5. Finnur Birgisson A.
Pétur Bjarnason 43 391 1.001 1.768 6. Pétur Bjarnason A.
Kosning í fjögur efstu sætin er bindandi.
DV, Akureyri:
Æsispennandi kosninganótt hjá
Samfylkingarmönnum á Norður-
landi eystra lauk á fjórða timanum
aðfaranótt sunnudags þegar síð-
ustu utankjörstaðaatkvæðin höfðu
verið talin. Geysileg barátta um 1.
sætið var á milli Sigbjöms Gunn-
arssonar, fyrrverandi alþingis-
manns og sveitarstjóra í Mývatns-
sveit, og Svanfríðar Jónasdóttur al-
þingismanns og lauk þeirri baráttu
þannig að Sigbjörn hlaut 961 at-
kvæði í 1. sætið en Svanfríður 10
atkvæðum minna eða 951. Þau
óvæntu úrslit urðu því að sitjandi
þingmaður missti forustusætið en
Sigbjörn á óvænta og glæsilega
endurkomu inn í forystusveit Sam-
fylkingarinnar.
Eftir að fyrstu tölur birtust var
lítil gleði ríkjandi í húsi aldraðra á
Akureyri þar sem kosningavaka
fylkingarinnar á Akureyri var til
húsa. í húsinu var reyndar aldrei
fjölmenni, mest um 40 manns, og
Sigbjörn átti þar engan stuðnings-
mann. Sjálfur var hann á öðrum
stað í bænum í hópi fjölskyldu
sinnar og nánustu stuðnings-
manna.
Mikil andstaða
Ekki er ofmælt þegar ástandið á
kosningavökunni er túlkað svo að
mikil andstaða sé gegn Sigbirni,
bæði innan Alþýðuflokksins og
ekki síður meðal alþýðubandalags-
manna. Ýmsir forustumenn þess-
ara flokka á Akureyri fóru ekkert
leynt með þá skoðun sína strax
þegar fyrstu tölur komu sem bentu
til hvernig myndi fara, og ræddu
menn m.a. um að það yrði að finna
leið fram hjá þessum úrslitum. Al-
talað er að þessi úrslit séu mjög
hagstæð fyrir Steingrím J. Sigfíis-
son og græna vinstraframboðið i
kjördæminu.
Eftir fyrstu tölur hafði Sigbjöm
148 atkvæði umfram Svanfríði en
þá hafði þriðjungur atkvæða verið
talinn. Eftir næstu tölur var þessi
munur komin niður í 34 atkvæði
en þá hafði rúmur helmingur at-
kvæða verið talinn. Eftir þriðju
tölur var munurinn 26 atkvæði og
einungis eftir að telja utankjör-
fundaratkvæði sem voru reyndar
á sjöunda hundrað. Og loks þegar
úrslitin lágu fyrir var Jarðarfar-
arstemning" á kosningavökunni í
húsi aldraðra en fagnað á öðrum
stað í bænum.
Reglur um sæti
Það var ekki nóg með að Svan-
fríður tapaði fyrir Sigbimi, hún
fékk heldur ekki 2. sætið þótt hún
fengi flest atkvæði í það sæti eða
1537, þar sem reglur prófkjörsins
sögðu að sami flokkur gæti ekki
fengið tvö efstu sætin. Þriðja sætið
kom því í hlut Örlygs Hnefils Jóns-
sonar, lögmanns á Húsavík, sem
fékk 1400 atkvæði í 1.-2. sæti en
hinn frambjóðandi Alþýðubanda-
lagsins, Kristín Sigursveinsdóttir,
fékk 940 atkvæði í sæti 1-2. Kristín
tekur hins vegcir 4. sætið og er röð
þeirra sem urðu í fjórum efstu sæt-
unum og fengu bindandi kosningu
því Sigbjöm, Örlygur Hnefill, Svan-
fríður og Kristín. Finnur Birgisson
arkitekt hafnaði í 5. sæti með 1882
atkvæði og Pétur Bjamason fram-
kvæmdastjóri í 5. sæti með 1768 at-
kvæði.
Geysigóð þátttaka var í prófkjör-
inu en alls kusu 3288 manns sem er
miklu meira en reiknað var með
fyrirfram. Athygli vakti að auðir
eða ógildir seðlar vom 224 talsins,
en þeir ógiltust flestir vegna þess að
merkt var við öll nöfnin á listanum,
en aðeins mátti merkja við fjögur
nöfn.
-gk
Ég mun leiða lista
Samfylkingar til sigurs
- segir Sigbjörn Gunnarsson
Svanfriði Jónasdóttur var ekki
skemmt. DV-mynd gk
Mikil vonbrigði
- sagði Svanfríður
DV, Akureyri:
„Það væri ekki heiðarlegt af
mér að segja annað en að þessi úr-
slit eru mér mikil vonbrigði. Það
var reiknaö með þvi fyrirfram að
ég væri örugg meö 1. sætið og því
hefur fylgt andvaraleysi sem m.a.
leiddi til þessarar niðurstöðu,"
sagði Svanfríður Jónasdóttir þegar
úrslit prófkjörsins á Norðurlandi
eystra lágu fyrir.
„Þessi niðurstaða er í mikilli
mótsögn við þau viðbrögð sem ég
fékk í kosningabaráttunni sjálfri
sem voru jákvæð og hvetjandi.
Mér hefur fundist að fólkið sem ég
hef hitt hafi metið mig og þaö sem
ég hef verið að starfa."
- Var kosningabaráttan heiðar-
leg:
„Eina svarið við því er að það
var farið eftir reglunum."
- Hvemig líst þér á listann með
ykkur þessi fjögur í þessari röð?
„Ef gengi framboðsins verður í
réttu hlutfalli við þann fjölda sem
tók þátt í prófkjörinu þarf ekki að
kvíða neinu."
- Fyrirfram var ákveðið aö nið-
urstaðan varðandi fjögur efstu
sætin væri bindandi, munt þú því
taka 3. sætið?
„Það voru ákveðnar reglur sem
unnið var eftir og ég hef virt þær
reglur.“ -gk
DV, Akureyri:
„Ég átti undir högg að sækja í
þessari prófkjörsbaráttu þar sem
sitjandi þingmaður hafði sterkari
stöðu en aðrir frambjóðendur. Það
sem réð hins vegar úrslitum var góð
vinna stuðningsmanna minna síð-
ustu dagana og sterk atvinnu- og
byggðapólitík sem ég hef barist fyr-
ir,“ sagði Sigbjörn Gunnarsson,
kampakátur sigurvegcu-i í prófkjöri
Samfylkingarinnar á Norðurlandi
eystra.
Vitað var um góða vinnu stuðn-
ingsmanna Sigbjöms síðustu dagana
fyrir prófkjörið en fáir töldu þó að
hann myndi sigra Svanfríði Jónas-
dóttur. „Ég vissi allan tímann að
þetta yrði jafnt og gæti farið á hvom
veginn sem var en baráttan var heið-
arleg,“ sagði Sigbjörn.
Nú er það altalað að þínir stuðn-
ingsmenn hafi staðið fyrir mikilli
smölun síðustu dagana og hafi t.d.
verið farið mikið inn í íþróttafélög
bæjarins, sérstaklega KA, og íþrótta-
menn sem kusu þig muni ekki endi-
lega að styðja Samfylkinguna.
„Þetta er af og frá. Ég er hins veg-
ar gamall keppnismaður úr íþróttim-
um og þar eru enn menn sem styðja
mig og hafa alltaf stutt mig. Ég segi
aftur að barátta mín í atvinnu- og
byggðamálum á þarna stærsta þátt-
inn.“
Forustufólk úr Samfylkingunni
hafði það á orði á kosningavöku fylk-
ingarinnar í nótt að listinn væri
ónýtur með þig í 1. sætinu, alþýðu-
bandalagsfólk myndi ekki flykkjast
um þig og þá væri langt frá því að
allir kratar væru hrifhir af endur-
komu þinni í pólitíkina.
„Ég svara þessu ekki öðruvísi en
þannig að ég hef meðal þessa for-
ustufólks verið veikari en meðal al-
mennings. Því fólki sem studdi mig
og þeim sem-tóku þátt í prófkjörinu
vil ég þakka fyrir baráttu sem var
heiðarleg og engan skugga bar á. Ég
mun leiða lista Samfylkingarinnar á
Norðurlandi eystra til sigurs í kosn-
ingunum í vor,“ sagði Sigbjörn.
-gk
Stuttar fréttir i>v
Sturla og Guðjón efstir
Birtur hefur verið framboðslisti
Sjálfstæðisflokksins á Vesturlandi.
í efstu tveimur
sætunum eru
sem fyrr alþing-
ismennirnir
Sturla Böðvars-
son og Guðjón
Guðmundsson. í
þriðja sæti er
Helga Halldórs-
dóttir, í því fjórða Skjöldur Orri
Skjaldarson og í fimmta Sigríður
Finsen.
Inflúensufaraldur
Inflúensufaraldurinn sem fyrst
varð vart skömmu eftir áramót er
nú talinn hafa náð hámarki og er
það von lækna að hann sé í rénun.
Ný pitsukeðja
Búast má við fjölgun pitsustaða
hér á landi á næstunni en ís-
lenska pizzugerðin hf. hefur feng-
ið einkaumboð á íslandi fyrir
bandarísku pitsukeðjuna Little
Caesars sem er sú næststærsta í
Bandaríkjunum.
Keikó sýnir framfarir
Að sögn þjálfara Keikós í Kletts-
vík í Vestmannaeyjum liður hvaln-
um vel í sínum nýju heimkynnum.
Þjálfarinn segir hann synda mikið,
éta vel og vera í góðu formi. Morg-
unblaðið sagði frá.
Gísli óánægður
Gísli S. Einarsson, alþingismað-
ur Alþýðuflokksins á Vesturlandi,
hefur lýst yfir
óánægju sinni
með framkvæmd
prófkjörs Sam-
fylkingarinnar á
Vesturlandi. Það
sem hann finnur
að er að aðeins
má setja atkvæði
við einn mann i hverju hólfi en
kjördæmisráð Alþýðuflokksins hef-
ur samþykkt prófkjörsreglumar.
Hugmyndir Björns
Miðstjórn Sjálfstæðisflokksins
hefur fjallað um hugmyndir Björns
Bjarnasonar menntamálaráðherra
um breytingar á skipulagi flokks-
ins, sem meðal annars lúta að því
að leggja niður embætti varafor-
manns. Ekki hefur verið upplýst á
hvern veg afgreiðsla miðstjórnar-
innar hefur verið.
Ingvar kynntur
Kvikmyndahátíðin í Berlín
stendur nú yfir. í þetta skiptið eiga
íslendingar enga mynd á hátíðinni
en fulltrúi okkar þar er leikarinn
Ingvar E. Sigurðsson sem er í hópi
evrópskra leikara sem kynntir eru
sérstaklega með það í huga að þeir
fái atvinnutilboð utan heimalands
síns.
Vill hefja túnfiskveiðar
Kristján Pálsson alþingismaður
vill að hætt verði tilraunveiðum á
túnflski og hafist
handa um tún-
fiskveiðar af
fullri alvöru.
Sagði hann i fyr-
irspurn sinni til
sjávarútvegsráð-
heiTa á Alþingi
að tilraunaveið-
amar hefðu staðið yfir i þrjú ár
með góðum árangri. Af svörum er
óljóst um framhaldið.
Fjölgar starfsmönnum
Ríkisstarfsmönnum hefur fjölgaö
mikið - en aðeins á höfuðborgar-
svæðinu. Á árunum 1994 til 1997
fjölgaði þeim um 455 á þessu svæði.
Á sama tíma fækkaði þeim um
rúmlega 30 á landsbyggðinni.
Hafsteinn fær verðlaun
Winsor- og Newton-verðlaun Nor-
rænu Akvarellsamtakanna 1998
hafa veriö veitt Hafsteini Aust-
mann myndlistarmanni. í greinar-
gerð nefhdarinnar segir meðal ann-
ars: „Nefndin er sammála um að
svipsterkar myndir Hafsteins búi
yfir óvenjulegum listrænum
krafti.“
-HK