Dagblaðið Vísir - DV - 15.02.1999, Blaðsíða 8
8
MÁNUDAGUR 15. FEBRÚAR 1999
Útlönd
Stuttar fréttir i>v
íbúar Rio de Janeiro í Brasilíu ætla ekki að láta efnahagskreppu og aðra óáran spilla gleðinni á kjötkveðjuhátíðinni
frægu. Sambaskólar borgarinnar hófu skrúðgöngur sínar um göturnar í gærkvöld og halda áfram í kvöld. Þessi
mynd var tekin á Scala-næturklúbbnum þar sem mjög heitt var í kolunum, svo vægt sé til orða tekið.
Madeleine Albright lét til sín taka á friðarfundi:
Sjarmeraði Serba
að samningaborði
í viöræðunum til þessa.
Tengslahópur stórveldanna sex
ákvað í gær að framlengja fundina
um eina viku. Um leið vöruðu
bandarísk stjómvöld Slobodan
Milosevic Júgóslaviuforseta og
stjóm hans við því að Atlantshafs-
bandalagið (NATO) væri reiðubúið
að grípa til loftárása ef Serbar
kæmu í veg fyrir friðarsamninga
við Albani í Kosovo.
Hubert Védrine, utanríkisráð-
herra Frakklands, sagði eftir fund
utanríkisráðherra tengslahópsríkj-
anna að gmnnur hefði verið lagður
að friðarsamkomulagi og að það
ætti að hafast fyrir næstu helgi.
Védrine sagði að deilendur hefðu
tíma til hádegis þann 20. febrúar að
ná samkomulagi.
Milan Milutinovic, forseti Serbíu,
hélt fast við þá afstöðu stjómvalda i
Belgrad að hafna alfarið þeirri
kröfu tengslahópsins að friðar-
gæslusveitir frá NATO sæju til þess
aö væntanlegum samningi um
aukna sjálfstjóm Kosovo yröi fram-
fyigt.
Madeleine Albright, utanríkisráð-
herra Bandaríkjanna, rifjaöi i gær
upp æskuár sín í Austur-Evrópu til
að reyna að lokka sendinefnd Serba
að samningaborðinu á friðarráð-
stefnunni um Kosovo í Rambouiilet-
höll utan við París.
Albright fæddist í Tékkóslóvakíu
en bjó um tíma í Belgrad þar sem
faðir hennar var diplómat. Hún skil-
ur serbó-króatísku.
Ráðherrann hafði erindi sem erf-
iði þar sem henni tókst að fá sendi-
nefndir Serba og Kosovo-Albana
saman til fundar í fyrsta sinn frá
því friðarviðræðumar hófust fyrir
rúmri viku.
En Albright beitti ekki bara per-
sónutöfrunum. Hún var ekkert að
skafa utan af hlutunum þegar hún
sagði sendinefndum Kosovo-Albana
og Serba að fram undan kvíslaðist
vegurinn í tvennt.
„Annar afleggjarinn er bein leið
til ringulreiðar, hörmunga og frek-
ari mannvíga. Hinn afleggjarinn er
leiö til skynsamlegrar lausnar sem
hefur í for með sér frið, lýðræði og
Madeleine Albright, utanríkisráðherra Bandaríkjanna, útskýrir fyrir frétta-
mönnum að hún hafi sett sendinefndum Kosovo-Albana og Serba úrslita-
kosti á friðarráðstefnunni í Frakklandi í gær.
mannréttindi fyrir alla íbúa
Kosovo," sagði Albright við frétta-
menn.
Albright dvaldi þrjár og hálfa
klukkustund í Rambouillet og á
þeim tíma tókst henni að koma
sendinefndum deilenda saman til
fundar í fyrsta sinn frá því friöar-
viðræðumar hófust fyrir rúmri
viku. Hvorki hefur gengið né rekið
Kristilegir dafna
Kristilegi demókrataflokkurinn
er nú orðinn þriðji stærsti flokkur
Svíþjóðar, að því er fram kemur í
nýrri skoðanakönnun. Jafhaðar-
menn eru enn stærsti flokkurinn.
Ekki í pestarbælið
Ekki er loku fyrir það skotiö að
læknar Borísar Jeltsíns Rúss-
landsforseta
muni ráðleggja
honum að tak-
marka mjög
heimsóknir sin-
ar til Kremlar-
hallar þar sem
skæður flensu-
faraldur hefur
lagst á þá sem þar starfa, þar á
meðal nokkra háttsetta menn i
stjórn Rússlands.
Rekinn fyrir handaband
Samfylking róttækra samtaka
Palestínumanna, sem em andvíg
friðargerð við ísrael, ráku einn
hópinn og leiðtoga hans þar sem
umræddur leiðtogi tók í höndina á
forseta ísraels við útfór Husseins
Jórdaníukonungs.
Ökuhraði á niðurleið
Dönskum ökumönnum virðist
ekki liggja eins mikið á nú og oft
áður þegar þeir aka um borgir
Danmerkur og bæi. Ökuhraðinn í
þéttbýli hefur lækkað annað árið í
röð, að sögn dansks dagblaös.
Leynilegur samningur
Rússar hafa undirritað vopna-
sölusamning við íraka, að því er
breska blaðið Sunday Telegraph
greindi frá i gær. Samningurinn
stríðir gegn viðskiptabanni SÞ á
írak.
Drápu Alsírbúa
Tveir ungir hægriöfgamenn í
Þýskalandi hafa verið ákærðir
fyrir að verða alsírskum flótta-
manni að bana. Maðurinn henti
sér í gegn um glerhurð á flótta
undan tvímenningunum, skar í
stmdur slagæð og blæddi til ólífis.
Nágrannarnir berjast
Stjórnvöld í Eþíópíu sögðu í
gær að hersveitir þeirra hefðu
höggvið stórt skarð í herlið Erí-
treumanna í bardögum suðvestur
af hafnarbænum Assab við Rauða
hafið.
Engin miskunn
íranskir harðlínumenn héldu
upp á tíu ára afmæli dauöadóms
klerkastjómar-
innar yfir
breska rithöf-
undinum Salm-
an Rushdie um
helgina með því
að ítreka þá ætl-
an sína að fram-
fylgja honum.
Rushdie var dæmdur til dauða
fyrir guðlast í bók sinni Söngvum
satans.
Þúsundir kyssast
Talið er að sex þúsund Hvít-
Rússar hafi haldið upp á Valent-
ínusardaginn í gær með því aö
kyssast samtímis. Skipuleggjend-
umir gera sér vonir um að kom-
ast í heimsmetabók Guinness.
Norrænt átak
gegn nasistum
Norræn samtök sem berjast
gegn nýnasistum og kynþáttafor-
dómum hafa boðað til ráðstefnu í
Ósló í haust til að sameina krafta
sina gegn ógnunúm sem stafa af
rasisma og nýnasisma.
Ákvörðun um þetta var tekin á
fundi norskra og danskra nasista-
andstæðinga í Kaupmannahöfn
um helgina.
Til pústra kom á laugardag í
danska bænum Norresundby þeg-
ar andstæðingar nýnasista mót-
mæltu nýjum samkomustað nas-
ista í bænum.
Karl og Camilla
á refaveiðum
Karl Bretaprins og ástkona
hans, Camilla Parker Bowles,
héldu til refaveiða ásamt fimmtíu
öðrum vöskum mönnum og kon-
um í austurhluta Jórvíkurskíris á
laugardag. Veður var kalt við
veiðamar.
Prinsinn sást ríða gráum hesti
á herragarði einum á laugardag
þar sem talið er að þau Camilla
hafi gist þá um nóttina.
Karl og Camilla eru bæði reið-
menn góðir þótt þau hafi ekki lagt
í vana sinn að ríöa út saman. Þeir
sem sáu til skötuhjúanna á laug-
ardag sögðu að þau hefðu greini-
lega verið afslöppuð þar sem þau
riðu um snæviþakta akrana.
FERÐIR ERLENDIS
Miðvikudaginn 24. febrúar mun aukablað
um ferðir erlendis fýlgja DV.
Umsjón efnis:
Eva Magnúsdóttir, sími 566 8759.
Auglýsendury athugið!
Síðasti pöntunardagur auglýsinga
er 18. febrúar.
Fram undan er spennandi ferðasumar og í
aukablaðinu verður fjallað um þá fjölbreyttu
möguleika sem ferðaþyrstum íslendingum
bjóðast á næstunni.
Umsjón auglýsinga:
Selma Rut Magnúsdóttir, sími 550 5720.