Dagblaðið Vísir - DV - 22.02.1999, Blaðsíða 3
MÁNUDAGUR 22. FEBRÚAR 1999
23
Stúdínur gátu ekki leynt gleöi sinni og féllust í faðma þegar fjórði bikarmeistaratitillinn í röð var orðinn staðreynt á
laugardaginn. DV-mynd ÞÖK
Fjorði i roð
hjá Stúdínum
- ÍS bikarmeistari eftir æsispennandi leik gegn Víkingum
íþróttafélag stúdenta varð bikar-
meistari í blaki kvenna í fjóröa skipt-
ið í röð eftir stórskemmtilegan bar-
áttuleik gegn Víkingum í Austurbergi
á laugardaginn. Oddahrinu þurfti til
að skera úr um sigurvegará og Stúd-
ínur tryggðu sér sigurinn með því að
skora tvö síðustu stigin í henni og
sigruðu þar með í hrinunni, 13-14.
Þar með var bikarinn þeirra.
Leikið var eftir nýjum reglum í bik-
arkeppninni i vetur þar sem alltaf
voru gefln stig en ekki bara til liðsins
sem átti sendiréttinn. Leikið er upp í
25 nema í oddahrinu þar sem 15 stig
þarf til að sigra. Enn fremur er reglan
um að vinna þurfi með tveimur stig-
um í fullu gildi.
í fyrstu hrinunni var ÍS með yfir-
höndina ffaman af en í stöðunni 15-11
hrökk allt í baklás hjá þeim og Vík-
ingsstúlkur skoruðu 11 stig gegn einu
og breyttu stöðunni í 22-16 sér í hag.
Þær náðu síðan að vinna hrinuna
25-422.
Önnur hrinan var jöfh framan af en
í stöðunni 5-4 gerði ÍS fimm stig í röð
og þessari forystu hélt liðið út hrin-
una. Lokastaðan var 25-18 ÍS í vil.
Víkingsstúlkur höfðu hins vegar yf-
irhöndina allan tímann í þriðju hrin-
unni og voru ekki í teljandi vandræð-
um með að vinna sigur. Lokatölur þar
urðu 25-21 Víkingi í vil.
Stúdínur byijuðu fjórðu hrinu hins
vegar af krafti og komust í 5-1 og
héldu forystunni út leikinn. Lokatöl-
urnar urðu 25-18 þeim í vil.
Æsispennandi oddahrina
Oddahrinan varð síðan æsispenn-
andi og þar munaði aldrei meira en
tveimur stigum á liðunum. í stöðunni
14-14 gerðu Víkingsstúlkur sig hins
vegar sekar um slæm mistök og Stúd-
ínur gerðu tvö síðustu stigin eins og
áður sagði.
Þessi úrslitaleikur var eins og úr-
slitaleikir eiga að vera. Bæði lið
sýndu skemmtileg tilþrif bæði í sókn
og vöm Leikurinn í heild var stór-
skemmtilegur á að horfa og þeir tæp-
lega 100 áhorfendur sem lögðu leið
sína í Austurberg fengu mikið fyrir
aurana. Víkingamir gerðu hins vegar
fleiri mistök í lokahrinunni og það
réð úrslitum.
Ingibjörg besti maður vallar-
ins
Ingibjörg Gunnarsdóttir, fyrirliði ÍS,
var að öðrum ólöstuðum besti maður
vallarins. Auk þess að eiga mörg góð
smöss var hún geysilega sterk í vöm-
inni. Einnig áttu Maglena Apostolova
og Elísabet Jónsdóttir góðan leik.
Hjá Víkingum lék Bima Hallsdóttir
best og auk þess sýndu Ragnhildur
Einarsdóttir og Metta Helgadóttir góð
tilþrif.
Ingibjörg Gunnarsdóttir, fyrirliði ÍS
og jafnframt besti maður vallarins,
var ánægð í leikslok.
Ekki stressaðar
„Þetta var hörkuleikur. Við vorum
með taugamar í lagi í síðustu hrin-
unni. Við komum ákveðnar til leiks
en ekki stressaðar. Ég sá smástress
hjá Víkingsliðinu. Við ætluðum okk-
ur alla leið og gerðum vel í lokin.“
Ingibjörgu finnst nýju reglurnar
koma vel út. „Þetta er skemmtilegra
fyrir áhorfendur, leikurinn gengur
hratt og staðan getur breyst á skömm-
um tíma. Mér finnst þetta hafa mjög
góð áhrif.“
Stutt á milli taps og sigurs
Hildur Grétarsdóttir, fyrirliði Vík-
inga, var að vonum vonsvikin eftir
leikinn.
„Þetta var mjög skemmtilegur leik-
ur og örugglega spennandi á að horfa.
Það skilja bara tvö stig að og þetta var
spenna alveg þangað til í lokin. Það er
stutt á milli taps og sigurs og það var
okkar hlutskipti að tapa í dag þannig
að maður verður bara að taka því,“
sagði hún við DV.
Úrslitaleik ÍS og KA í karlaflokki
var frestað vegna óveðurs og ófærðar.
-HI
íþróttir
Vernharð Þorleifsson júdókappi:
Tók Danann
ál
sekúndum
- eitt gull og 3 brons hjá íslenskum júdómönnum
íslenskir júdómenn gerðu það gott á sterku alþjóðlegu móti sem
fram fór í Kaupmannahöfn um helgina. Ein gullverðlaun og þrenn
bronsverðlaun voru uppskera íslensku júdókappanna.
Vernharð Þorleifsson vann til gullverðlauna í -100 kg flokki, Gísli
Jón Magnússon, Ármanni, fékk brons í +100 kg flokki, Þorvaldur
Blöndal, Ármanni, fékk brons í -90 kg flokki og Selfyssingurinn
Bjarni Skúlason hlaut bronsverðlaun sömuleiðis í -81 kg flokki.
Vemharð vann Danann Karsten Jansen í úrslitaglímunni með
glæsibrag en Vernharð lagði Danann á ippon eftir aðeins 10 sekúnd-
ur. Áður hafði Vernharð lagt tvo Japana að velli.
Vemharð, sem tók sér tveggja ára hvíld frá júdóinu, er greinilega
að komast í sitt besta form en um síðustu helgi náði hann frábærum
árangri á opna franska mótinu þegar hann hafnaði í 5. sæti.
„Þetta small saman og sigurinn gegn Jansen var virkilega sætur.
Úrslitaglíman tók ekki nema 10 sekúndur. Hún kom mér á óvart og
ég tók hann á'bragði sem ég hef ekki tekið áður. Viðureignimar við
Japanana vom miklu erfiðari enda gengur aldrei neitt sérstaklega vel
þegar ég glími við Japana. Þeir glíma flestir á vinstri hlið og það hent-
ar mér ekki eins vel,“ sagði Vernharð í samtali við DV í gær.
Tryggði sér sæti á Evrópumótið
„Besti árangur sem ég hef náð frá upphafi var um síðustu helgi á
opna franska mótinu sem er eiginlega óopinbert heimsmeist£u-amót.
Ég gerði mér engar vonir þegar ég lagði upp í þá ferð enda að mæta
bestu júdómönnum heims í dag. Mér gekk hins vegar mjög vel. Ég
komst í undanúrslitin og tapaði síðan glímunni um bronssætið. Ég
hef miðað allan minn undirbúning við að taka þátt í heimsmeistara-
mótinu sem fram fer í október. Á því móti get ég tryggt mér sæti á
ólympíuleikana og er auðvitað það sem ég stefni að,“ sagði Vemharð.
Er að ná mér á gott skrið
„Eftir tveggja ára hlé frá júdóinu er ég að ná mér á mjög gott skrið.
Ég er hættur að gera mistök og er farinn að glíma mjög örugglega aft-
ur. Nú get ég farið að einbeita mér að öðram hlutum. Ég þarf að
þyngja mig. Ég er 96 kg en þarf að koma mér upp í 102 kg. Ef ég hef
efni á mun ég keppa á móti í Tékklandi í næsta mánuði og svo er Evr-
ópumótið í maí sem ég hef tryggt mér sæti á en ég veit ekki hvort ég
keppi þar,“ sagði Vernharð.
10 íslenskir júdómenn kepptu á mótinu í Kaupmannahöfn um helg-
ina. Höskuldur Einarsson og Sævar Sigursteinsson töpuðu glímum
sínum um bronssætin en ekki gekk eins vel hjá Ingibergi Sigurðssyni,
Víði Guðmundssyni, Hilmari Harðarsyni og Jónasi Blöndal. Islensku
júdókappamir munu dvelja við æfingar í Kaupmannahöfn fram á
miðvikudag. -GH
Vernharð Þorleifsson,
júdókappi frá Akureyri,
er í mjög góðu formi
þessa dagana. Um síð-
ustu helgi varð hann 5. á
risamóti í Frakklandi og
um helgina sigraði hann
á sterku móti í Kaup-
mannahöfn þar sm ís-
lenskir júdómenn unnu
til fjögurra verðlauna.
ÞÍN FRÍSTUND
-OKKAR FAG
VINTER
SPORT
Bíldshöföa 20 • 112 Reykjavík • 510 8020
• www.intersport.is