Dagblaðið Vísir - DV - 24.02.1999, Blaðsíða 9

MIÐVIKUDAGUR 24. FEBRÚAR 1999
9
i>v Stuttar fréttir
Útlönd
Ákærður fyrir Omagh
írska lögreglan greindi frá því í
gær að maður yrði ákærður í dag
fyrir sprengjutilræðið í Omagh á
Norður-írlandi í fyrra þar sem 29
manns fórust og hundruð slösuð-
ust.
Allt í góðu gengi
Alan Greenspan, seðlabanka-
stjóri í Bandaríkjunum, sagði í
gær að efna-
hagslíf landsins
væri svo kröft-
ugt og blómlegt
að nýleg vaxta-
lækkun yrði
hugsanlega tek-
in til endur-
skoðunar. Hann
varaði þó við
því að ólga í útlöndum kynni að
koma niður á hagvexti vestra.
Ræningi tekinn
Norska lögreglan hefur hand-
sarnað manninn sem rændi Óp-
inu, málverki Edvards Munchs,
þar sem hann var að laumast um
borð í lest til Kaupmannahafnar.
Útlendingar meösekir
írösk stjórnvöld vísuðu í gær á
bug fréttum um að ólga væri með-
al shítamúslíma í suðri vegna
morðsins á helsta klerki þeirra og
sögðust gruna Bandaríkin um að
vera flækt í morðið. *
Buchanan í framboð
Búist er við að Pat Buchanan,
fyrrverandi forsetaframbjóðandi
repúblikana í Bandarikjunum,
tilkynni i næstu viku um fram-
boð sitt til forsetakosninganna
árið 2000.
Lifði af 140 m fall
Átján mánaða stúlka lifði af er
bíll foreldra hennar hrapaði 140
metra fram af kletti. Var telpan
fastspennt í barnabílstól. Foreldr-
arnir, sem ekki voru í bílbeltum,
létust.
Frestar yfirlýsingu
Yasser Arafat, leiðtogi Palest-
ínu, tilkynnti í gær að hann ætl-
aði að lýsa yfír
stofnun palest-
ínsks ríkis um
næstu áramót
en ekki í maí
eins og fyrir-
hugað var. Ara-
fat kvaðst hafa
fengið ráð frá
vinum. Margir
höfðu bent á að yrði slík yfirlýs-
ing gefin út rétt fyrir kosningax- í
ísrael yrði hún vatn á myllu frið-
arandstæðinga.
12 ára elt af löggu
Lögreglan í Manassas í Virgin-
iu í Bandaríkjunum elti um götur
borgarinnar bíl sem hún taldi
drukkinn bílstjóra aka. Undir
stýri var hins vegar tólf ára
stelpa.
Kynþáttahöturum fjölgar
Samtökum kynþáttahatara í
Bandaríkjunum ijölgar ört og eru
þau nú á sjötta hundrað. Ein af
ástæðunum er talin vera hversu
auðvelt er að ná i félaga á Net-
inu.
114 ára vill giftast
Áttræður Egypti hefur beðið
lögregluna um að koma í veg fyr-
ir að 114 ára gamall faðir hans
kvænist 17 ára stúlku.
Nauðgunarsaga í loftið
Bandaríska sjónvarpsstöðin
NBC ætlar að senda út í kvöld
fyrsta sjón-
varpsviðtalið
við Juanitu
Broadrick sem
fullyrðir að Bill
Clinton Banda-
ríkjaforseti hafi
nauðgað sér
fyrir 21 ári.
NBC hikaði við
að sjónvarpa viðtalinu og var þá
sjónvarpsstöðin sökuð um að hafa
látið undan þrýstingi frá Hvita
húsinu í Washington.
17 daga fundahöld um Kosovo til lítils:
Helstu deilumál
eru enn óleyst
Bill Clinton Bandaríkjaforseti
reyndi í gær að gera það besta úr
bráðabirgðafriðarsamkomulaginu á
ráðstefnunni um framtíð Kosovo-
héraðs. Hann kallaði það „mikil-
vægt skref fram á við“ í leitinni að
friði og hvatti deilendur til að und-
irrita það í næsta mánuði.
Stórveldin tilkynntu síðdegis í
gær, eftir sautján daga linnulaus
fundahöld, að Serbar og fulltrúar al-
banska meirihlutans, sem berst fyr-
ir sjálfstæði Kosovo, hefðu náð sam-
komulagi um umtalsverða sjálf-
stjórn til handa héraðinu. Mörg
helstu ágreiningsefnin eru þó enn
óleyst.
í yfirlýsingu stórveldanna eru
deilendur hvattir til að halda að sér
höndum. Þá er þeim hótað sem eiga
upptök að ofbeldisverkum að þeir
Utanríkisráðherrar Frakklands og
Bandaríkjanna greina frá niðurstöð-
um Kosovo-fundanna.
verði látnir svara til saka. Loks lofa
stórveldin því að meiri árangur
muni nást í annarri umferð friðar-
viðræðnanna sem áformað er að
hefja í Frakklandi 15. mars.
Albönsku fulltrúarnir féllust á
samkomulagið með skilyrðum,
sögðust þurfa hálfan mánuð til að
ráðfæra sig við heimamenn og
skæruliðana uppi í fiöllum.
Serbar sögðust geta fallist á sjálf-
stjórn í Kosovo en þeir útilokuðu
fullt sjálfstæði héraðsins. Þá gáfu
þeir ekkert eftir í andstöðu sinni
við nærveru friðargæslusveita
NATO. Hvorki Albanir né Serbar
undirrituðu samkomulagið.
„Við björguðum þvi sem við gát-
um. Þetta er ekki friður á vorum
dögum en ekki algjört klúður held-
ur,“ sagði breskur embættismaður.
CIA flæktari í
vopnaeftirlit en
hingað til talið
Tengsl bandarísku leyniþjón-
ustunnar við vopnaeftirlitsmenn
Sameinuðu þjóðanna í írak voru
meiri og hófust fyrr en hingað til
hefur verið greint frá. Þetta kem-
ur fram í bók sem bandaríski
fyrrum vopnaeftirlitsmaðurinn
Scott Ritter hefur skrifað.
Bandaríska dagblaðið New
York Times segir að í bók Ritters
komi fram að bandariskir njósn-
arar hafi byrjað að starfa með
vopnaeftirlitsmönnum aðeins ári
eftir að Persaflóastríðinu lauk
1991. Ritter hefur hins vegar neit-
að ásökunum íraskra stjórnvalda
um að hann hafi sjálfur verið
njósnari.
Ritter lætur einnig að því liggja
að CIA hafi átt þátt í aö tímasetja
valdaránstilraun í írak í júnímán-
uði 1996.
BIFREIÐASTILUNGAR
NIC0LAI
Félagar í Pegasus dansflokkinum kippa sér ekkert upp við það þótt vegfarendur gjói forvitnum augum á búninga
þeirra þar sem þeir ræða saman í helstu verslunarmiðstöð í Meibourne í Ástralíu. Danshópurinn skemmtir borgar-
búum á Andfætlingahátíðinni, einhverri stærstu og litríkustu hátíð Ástrala af grískum uppruna. í Melbourne er fjöl-
mennasta samféiag Grikkja í Ástralíu.
Abdullah Öcalan:
Ákærður fyrir landráð
Kúrdíski PKK-leiðtoginn
Abdullah Öcalan var í gær formlega
úrskurðaður í gæsluvarðhald og
ákærður um landráð viku eftir að
tyrkneskir sérsveitarmenn gripu
hann í Keníu og fluttu til Tyrk-
lands. Ákæruvaldið gaf í skyn í gær
að það myndi krefjast dauðarefsing-
ar yfir Öcalan.
Fjórir verjendur komu í gær tii
hafnarborgarinnar Mudanya við
Marmarahaf. Enginn þeirra fékk þó
leyfi til að fara til fangaeyjunnar og
vera viðstaddur gæsluvarðhaldsúr-
skurðinn. Osman Baydemir frá
óháðu mannréttindasamtökunum
IHD hafði þó verið sagt að hann
fengi að vera viðstaddur. Baydemir,
sem talaði við nokkra af saksóknur-
unum, óttaðist að beitt hefði verið
ólöglegum aðferðum við yfirheyrsl-
ur yfir Öcalan.
Tyrkneskir gölmiðlar hafa gefið í
skyn að Öcalan sé hjartveikur og
kunni að þurfa að gangast undir að-
gerð. Talsmenn Kúrda segja að leið-
togi þeirra hafi gengist undir læknis-
rannsókn á Ítalíu í nóvember síðast-
liðnum og þá hafi ekkert komið í ljós.
Tyrknesku sérsveitarmennirnir,
sem gripu Öcalan í Keniu, komu
þangað í einkaþotu tyrknesks iðn-
jöfurs 12. febrúar siðastliðinn. Var
þotan dulbúin sem malasísk flugvél,
samkvæmt frásögn franska blaðsins
Libération. í Herald Tribune er
greint frá því að eftir að Öcalan
kom til Grikklands 30. janúar síð-
astliðinn í flugvél fyrrverandi
grísks sjóliðsforingja hafi griskir
embættismenn orðið órólegir. Þeir
hafi ráðlagt Öcalan, sem verið hafði
á flakki síðan hann fór frá Ítalíu 16.
janúar, að fljúga til Hollands þar
sem hann vonaðist til að fá áheyrn
hjá Alþjóðadómstólnum. Yfirvöld i
Hollandi hleyptu Öcalan ekki inn í
landið og neyddist hann þá til að
snúa aftur til Grikklands.
Daginn eftir flaug hann með
grískum embættismanni og íjórum
aðstoðarmönnum til Nairóbi þar
sem hann fékk að dvelja i gríska
sendiráðinu.
Bandariska leyniþjónustan komst
fljótt á snoðir um dvalarstað Öcal-
ans og lét Tyrki vita, að því er
bandarískir embættismenn hafa
greint frá. Eftir tveggja vikna dvöl í
sendiráðinu var Öcalan tjáð að
hann gæti flogið til Amsterdam.
Kenískur öryggissveitarforingi átti
að aka Kúrdaleiðtoganum í jeppa út
á flugvöll en afhenti hann tyrk-
nesku sérsveitarmönnunum.
Aðalfundur 1999
Aðalfundur Félags fasteignasala og Ábyrgðarsjóðs Félags fasteignasala
ur t-eiags rasteignasaia og ADyrgoars|oos reiags tasti
verður haldinn í fundarsalnum Hvammi ó jarohæð
ó Grand Hótel Reykjavík
við Sigtún fimmtudaginn 25. febrúar 1999 kl. 17.00.
Venjuleg aðalfundarstörf samkvæmt 13. gr. laga félagsins.
Stjórnin