Dagblaðið Vísir - DV - 03.03.1999, Blaðsíða 2

BÍLAR
Árið í fyrra metár hjá Brimborg:
Flytur í nýtt húsnæði
MIÐVIKUDAGUR 3. MARS 1999
í mánuðinum
Gísli Jón Bjarnason er sölustjóri
hjá Brimborg hf. sem selur bíla frá
Daihatsu, Ford og Voivo. Hann segir
að árið i fyrra hafi veriö metár hjá
Brimborg með afar góðri sölu í Dai-
hatsu, auk þess sem Ford og Volvo
hafi verið á svipuðu róli og árið þar
á undan.
„Mesta salan var í Daihatsu
Sirion sem við fengum ekki fyrr en í
ágúst. Hann fékk alveg ffábærar við-
tökur. Terios hefur gengið ákaflega
vel og Gran Move er á mikilli upp-
leið. Applause hefur haldið sínum
hlut en Charade hefur aðeins liðið
fyrir Sirion. Move erum við hættir
að hafa á lager en munum hugsan-
lega taka þráðinn upp aftur þegar
nýr Move kemur á þessu ári. í þess-
um mánuði eigum við svo von á nýj-
um Cuore, 5 dyra bíl, beinskiptum
og sjálfskiptum og mjög vel búnum.
Ég gæti trúað að sá bíll ætti eftir að
koma á óvart.
Heildarsalan í Ford var svipuð og
áður. Ka og Fiesta hafa gengið mjög
vel, Mondeo hefur verið mjög jafn en
frekar róleg sala í Explorer og ástæð-
an er sú að hann passar illa inn í
tollakerfið íslenska þar sem hann er
með öfluga vél og lendir því í 65%
vörugjaldi. Hann er ekki fáanlegur
með dísilvél. Við erum að fá nýjan
Explorer, aðeins breyttan og á góðu
verði. Svo er auðvitað bíllinn sem
við bindum miklar vonir viö, Ford
Focus, sem við ætlum að kynna um
næstu helgi. Sá bíll hefur farið sigur-
fór um heiminn og verður spennandi
að kynna hann hér á landi. Það hef-
ur háð okkur dálítið að við höfum
ekki verið með sjálfskiptan Ford fyr-
ir innan við tvær milljónir en við
fáum Focusinn síðar á árinu sjálf-
skiptan á mjög fínu verði.
Á síðasta ári kynntum við líka
nýjan F-series-bíl og hann hefur
gengið mjög vel. Við höfum ekki haft
hann á lager en sérpantað hann en í
apríl fáum við bíla á lager. Eftir sýn-
inguna í lok síðasta árs, þar sem við
kynntum þennan bíl, höfum við selt
21 bíl. Um mitt sumar fáum við svo
nýjan Ranger crew cab, fjögurra
dyra 5 manna skúffubíl með 2,5 lítra
turbo-dísilvél og verður hann á frá-
bæru verði.
Volvo stóð sig vel í fyrra. Við
kynntum nýjar vélar í 40-línunni,
„low pressure" og „high pressure"
160 og 200 hestafla turbovélar. Mjög
góð sala hefur einnig verið í fjór-
hjóladrifnu Volvo V70-bifreiðinni
enda sérlega vel búinn og skemmti-
legur bíll. í þessum mánuði ætlum
við að kynna hér flaggskipið Volvo
S80 sem hefur fengið gríðarlega góða
dóma í öllum bílablöðum bæði fyrir
útlit og aksturseiginleika, fyrir utan
allar þær öryggisnýjungar sem Vol-
vo kemur með í sífellu. Mikill áhugi
er á þessum bil og við erum þegar
búnir að selja tíu bíla að óséðu.
Hann er raunar á góðu verði, kostar
sjálfskiptur frá 3,7 milljónum."
Svo gerast stórir hlutir hjá ykkur
þegar þið flytjið upp á Bíldshöfða í
nýtt húsnæöi:
„Já, við tökum það húsnæði form-
lega í notkun 6. mars með kynning-
unni á Ford Focus en sennilega verð-
ur flutningum ekki lokið fyrr en í
lok mánaðarins. Stefnan er að vera
komin upp á Bíldshöfða fyrir mán-
aðamótin mars-apríl. Reyndar er
ekki endanlega ákveðið hvort Brim-
borg verður áfram með einhverja
starfsemi í Skeifunni, notaða bíla
kannski eða eitthvað enn annað. En
það munar miklu í samskiptum
milli deilda og þjónustu við við-
skiptavini að vera komin með allt í
sama húsið. Ég vonast til að við get-
um til dæmis söluskoðað bíla við-
skiptavinanna meðan þeir eru á
staðnum þegar starfsemin er öll
komin á Bíldshöfðann."
-SHH
„Nýtt húsnæði bætir samskiptin milli deilda og þjónustu við viðskiptavini," segir Gisli Jón Bjarnason, sölustjóri hjá Brimborg hf.
Nýr Legacy og sterk jeppalína
Sjáum fram á aukningu á árinu, segir Sigþór Bragason
„Síðasta ár var mjög gott hjá
okkur í heild,“ segir Sigþór Braga-
son, sölustjóri hjá Ingvari Helga-
syni, sem selur Nissan og Subaru.
„Hvað Nissan varðar þá bættum
við stööu okkar á markaðnum og
jukum markaðshlutdeild okkar
um eitt og hálft prósent, sem var
jafnframt besta sókn á markaði í
Evrópu. Helgi Ingvarsson fram-
kvæmdastjóri veitti einmitt á dög-
unum viðtöku viðurkenningu fyrir
þetta á fundi með yfirstjórn sölu-
mála Nissan i Evrópu.
En það er einkum jeppasalan
sem stendur upp úr eftir síðasta
ár. Við kynntum nýjan Patrol í
byrjun ársins og það mynduðust
biðlistar strax og bíllinn kom og
eru enn, ári síðar. Þetta hefur þýtt
það að við höfum aldrei náð því að
eiga Patrol á lager. Það eru eink-
um dýrari gerðirnar, á verðbilinu
3,5 til 4 milljónir króna, sem hafa
selst best.
Patrol-jeppinn nýtur mikilla vin-
sælda meðal þeirra sem vilja
breyta bílnum og setja undir hann
stærri dekk. Þetta er einn af fáum
jeppum sem er enn eftir með heila
hásingu að framan. Við sjáum líka
aukna hlutdeild í breytingum, við
eigum í dag allt til sem þarf á lag-
er, drifhlutfoll og annað. Um 80 til
90% bílanna fara í einhverja breyt-
ingu.
Terrano kom með sjálfskiptingu
á liðnu hausti og þessa dagana er
hann í mikilli sókn.
Nissan Almera kom á liðnu ári
með betri búnaði og með minni
háttar útlitsbreytingu jafnframt
Við sjáum fram á gott ár, bjóðum góða og sterka jeppalinu, sterkustu jeppalinuna á markaðnum. Við sjáum þvi
fram á aukningu á þessu ári miðað við árið í fyrra," segir Sigþór Bragason, sölustjóri hjá Ingvari Helgasyni.
því að vera á betra verði.
Við kynntum líka nýjan pickup
frá Nissan á síðasta ári, bæði Dou-
bleCab og KingCab, vel búna bíla
með búnaði sem jafnast á við best
búnu fólksbíla.
Nissan Micra fékk líka minni
háttar andlitslyftingu á árinu.
Þetta er bUl sem heldur sér stöðugt
í sölu og við höfum ekki þurft að
auglýsa hann frá því að hann kom
fyrst á markað á árinu 1993, hann
selur sig einfaldlega sjálfur.“
Nýr Legacy
„Subaru hélt sinni sölu á síðasta
ári og við héldum enn „heims-
meistaratitli" okkar í sölu á
Subaru því ekkert land í heimin-
um hefur náð öðrum eins árangri í
sölu á þessum bíl og við,“ segir
Sigurþór, „en þessum titli höfum
við haldið í mörg ár.
í byrjun þessa árs kynntum við
nýjan Subaru Legacy, alveg nýjan
bíl frá grunni. Helstu nýjungamar
eru betri fjöðrun, ný og endurbætt
vél og síðast en ekki síst betri
hljóðeinangrun.
Legacy-eigendur hafa haft sam-
band við okkur og sagt þetta vera
mestu breytingu á bílnum frá upp-
hafi og ekki síðra að verðið hélst
nánast óbreytt. Þetta er bíll sem
hefur fengið feikigóðar viðtökur,
einkum sjálfskipti bíllinn.
Aflmeiri Impre
og Forester
Impreza kom með minni háttar
úlitsbreytingu, en meiri breytingu
hvað varðar öryggi og búnað al-
mennt. Hann er einnig með endur-
bætta vél, líkt og Legacy.
Forester turbo er ný útgáfa sem
er að koma á markað þessa dag-
ana. í þessari turbogerð er vélin
verulega aflmeiri eða 170 hestöfl á
móti 120 áður, ásamt því að bíllinn
er allur sportlegri og betur búinn.
Impreza turbo er einnig veru-
lega aflmeiri en sá bíll sem fram að
þessu hefur verið á markaði, núna
218 hestöfl og í þessari gerð er
Impreza ótrúlega vel búinn bíll,
enda verið valinn „bestu kaupin á
markaðnum" af fjölda erlendra
tímarita, enda stungið af sportbíla
á borð við Ferrari í erlendum próf-
unum.
Terrano kemur svo í Executive-
útgáfu í lok apríl. Þessi gerð verð-
ur aðeins framleidd í þrjá mánuði
í takmörkuðu upplagi, og mikið
lagt upp úr glæsileika í innrétt-
ingu, króm og ál verður þar áber-
andi.
í heild horfum við fram á gott
ár, bjóðum góða og sterka
jeppalínu, sterkustu jeppalínuna á
markaðnum. Við sjáum því fram á
aukningu á þessu ári miðað við
árið í fyrra," segir Sigþór Braga-
son. -JR