Dagblaðið Vísir - DV - 04.03.1999, Blaðsíða 8

8
FIMMTUDAGUR 4. MARS 1999
Útlönd
Monica Lewinsky grætur í ameríska sjónvarpinu:
Clinton kynferðislegur
sálufélagi og kyssti vel
Monica Lewinsky felldi tár þegar
hún sagði frá ástarsambandi sínu
við Bill Clinton Bandaríkjaforseta í
sjónvarpsviðtali í gærkvöld. Eink-
um táraðist hún þó þegar hún
greindi frá því hversu allt umtalið
fékk á móður hennar.
í viðtalinu sagði Monica að sér
hefði fundist forsetinn vera að nota
hana og að fyrir kæmi núna að hún
hataði hann eins og pestina.
„Það hefur komið fyrir að ég hef
ekkert sofið heilu næturnar, heldur
bara grátið og velt því fyrir mér
hvernig líf mitt geti nokkum tíma
aftur orðið eðlilegt," sagði Monica í
viðtali við hina frægu sjónvarps-
konu Barböru Walters. Viðtalið var
tvær klukkustundir.
Monica var í dökkri dragt, með
hárið uppgreitt og með litla hringi í
eyrunum. Og það var ekki frá því að
George Bush
myndi sigra
varaforsetann
George Bush yngri, ríkisstjóri í
Texas, sem enn hefur ekki til-
kynnt opinberlega að hann vilji
verða frambjóðandi repúblikana í
forsetakosningunum í Bandaríkj-
unum á næsta ári, myndi sigra A1
Gore varaforseta ef kosið yrði nú.
Samkvæmt skoðanakönnun í
bandaríska dagblaöinu USA
Today fengi Bush 54 prósent at-
kvæða en Gore 43 prósent. Þetta
þykja slæmar fréttir fyrir Gore
sem er miklu þekktari en Bush.
Meðal demókrata þykir víst að
A1 Gore verði útnefndur fram-
bjóðandi flokks þeirra. Varafor-
setinn er þegar farinn að safna fé
til kosningabaráttunnar.
ísraelar skutu
Kúrda í bakið
Þingið í Berlín krefst þess að
rannsókn fari fram á því er ísra-
elskir öryggisverðir skutu fjóra
Kúrda sem réðust til inngöngu í
ísraelska sendiráðiö í Berlín fyrir
tveimur vikum. Tveir Kúrdanna
vom skotnir í höfuðið og bakið.
Öryggisverðimir kváðust hafa
miðað á fætur Kúrdanna en óvart
skotið svolitið hærra. Tveir Kúrd-
anna voru skotnir í magann og
brjóstið.
Dýfa túrtöppum
í vodka til að
komast í vímu
Táningsstúlkur í austurhluta
Finnlands vilja ekki að foreldrar
finni áfengislykt af þeim. í þeirri
von að vodkað komist í blóðrás-
ina á annan hátt en með því að
drekka það hafa stúlkumar dýft
túrtöppum í áfengið í þeirri von
að þær komist í vímu. Mikil
drykkja er meðal ungs fólks í
Finnlandi.
glampi kæmi í augu hennar þegar
hún ræddi um fyrstu daga sam-
bands hennar og forsetans. Hún bar
þó á móti því að hún væri enn ást-
fangin af Clinton.
„Mér er stundum hlýtt til hans,
stundum er ég enn stolt af honum
og stundum hata ég hann eins og
pestina. Mér býður við honum,“
sagði Monica.
Annað hljóð var í strokknum fyrr
í viðtalinu þegar Monica lýsti því
hvemig hún hefði flett upp um sig
svo Clinton gæti séð strengjanær-
buxurnar hennar. Þá lýsti hún hon-
um sem kynferðislegum sálufélaga.
„Okkur leið strax vel í návist
hvort annars. Hann kyssir vel,“
sagði lærlingurinn fyrrverandi.
Talsmenn forsetans vildu ekkert
tjá sig um viðtalið í gærkvöld og
sjálfur var Clinton á fjáröfhmar-
Monica Lewinsky sagöi frá ástaræv-
intýrum sínum í Hvíta húsinu í
umtöluöu sjónvarpsviötali.
fundi í New Jersey þegar viðtalinu
var sjónvarpað.
Monicu var greinilega brugðið
þegar Barbara Walters sýndi henni
upptöku af ávarpi Clintons til þjóð-
arinnar þegar hann viðurkenndi
loks sambandið. Þar kallaði hann
það óviðeigandi og bað þjóðina af-
sökunar, ekki Monicu.
„Mér leið eins og druslu. Mér
fannst eins og ég hefði verið notuð
og ég var vonsvikin," sagði hún.
Monica telur núna að Clinton sé
aðeins leiður yfir því að hafa verið
staðinn að verki.
Þótt Monica hafi fellt stöku tár í
viðtalinu stóð hún sig alla jafna vel,
bar höfuðið hátt þegar á móti blés
og flissaði af og til.
Bók um Monicu og ævintýri
hennar í Hvíta húsinu kemur í
bókabúðir víða um heiminn í dag.
Um eitt þúsund íslamskir námsmenn hrópuöu á heilagt stríö í mótmælaaögeröum fyrir utan aöalstöövar indónesíska
hersins í Jakarta. Námsmennirnir voru aö mótmæla drápum á múslímum í óeiröum á eyjunni Ambon aö undanförnu.
Þar hafa múslímar átt i höggi viö kristna menn og hafa um 200 falliö í þeim átökum.
Fjögur hundruö þúsund
hafa flúiö heimili sín
Fjögur hundruð þúsund manns
hafa hrakist frá heimilum sínum í
Kosovo frá því að bardagar hófust
þar fyrir ári. Síðustu tíu vikumar
hafa sextíu þúsund lagt á flótta,
samkvæmt upplýsingum Flótta-
mannahjálpar Sameinuðu þjóðanna.
Um tuttugu þúsund hafa snúið aftur
til heimkynna sinna en ástand
hinna er mjög alvarlegt.
Það eru ekki bara Albanar sem
neyðast til að flýja. Vegna árása
uppreisnarhers Albana í Kosovo
hafa bæði Serbar og sígaunar orðið
að yfirgefa heimili sín.
Ýmislegt þótti benda til þess í gær
að Albanar i Kosovo myndu undir-
rita friðarsamninga, að því er
bandarískir embættismenn greindu
frá. Friðarviðræður hefjast á ný
þann 15. mars næstkomandi í
Frakklandi.
Albönsk fjölskylda frá Kacanik í Kosovo fyrir framan plasttjald sem hún
hefur reist í skógi nálægt heimabæ sínum. Símamynd Reuter
Stuttar fréttir i>v
Afmæli í Mexíkó
Stjórnarflokkurinn í Mexíkó
heldur upp á sjötíu ára afmæli sitt
í dag. Enginn flokkur hefur haldið
jafnlengi í stjómartaumana í
nokkru öðm landi. Stjórnmála-
skýrendur segja að flokkurinn sé
ekki dauður úr öllum æðum enn.
Stjórnin kynnt í dag
Jonathan Motzfeldt, formaður
grænlensku heimastjórnarinnar,
kynnir nýja
stjóm sína í dag.
Mikil leynd hef-
ur hvílt yfir því
hverjir sitja í
henni fyrir hönd
Siumut, flokks
Motzfeldts.
Danska frétta-
stofan Ritzau telur sig hafa heim-
ildir fyrir því að skipanin muni
koma á óvart. í stjóm með Siumut
er vinstriflokkurinn Inuit
Ataqatigiit.
Túlkur handtekinn
Túlkur eins sakbominganna í
málaferlunum gegn sænska stór-
bófanum Clark Olofsson var hand-
tekinn í gær og sakaður um að
brjóta lög um vopnaburð.
Loftbelg miðar áfram
Bresku loftbelgsfaramir tveir,
sem ætla að reyna að verða fyrstir
til að fljúga umhverfis heiminn án
viðkomu, flugu yfir Víetnam i gær.
ísraelar opna
ísraélsk yfirvöld ákváðu í gær
að opna á ný svæði Palestínu-
manna sem lokuð voru fyrir fjór-
um dögum vegna hátíðar gyðinga.
Hættuminni sígarettur
Tóbaksfyrirtæki gætu framleitt
hættuminni vindlinga en vflja það
ekki, að því er vísindamenn hjá
breska krabbameinssjóðnum full-
yrða.
Enginn arftaki
Talsmaður pólitísks vængs
kúrdísku samtakanna PKK vísaði í
gær á bug fregn-
um um að Cemil
Bayik hefði ver-
ið valinn arftaki
AbduUahs Öcal-
ans. Talsmaður-
inn, Mizgin Sen,
sagði að Bayik
væri í fram-
kvæmdanefnd samtakanna. Ekki
væru nein áform um að útnefna
nýjan leiðtoga. Bayek er náinn
samstarfsmaður Öcalans.
Misnotaði tíu börn
22 ára gamaU Svíi tók upp á
myndband kynferðislega misnotk-
un á tveimur stjúpbömum sínum
og að minnsta kosti átta öðrum
bömum á dagheimilum sem hann
starfaði á.
Saksóknarar reknir
Þrir pólskir saksóknarar vora í
gær reknir samkvæmt nýjum lög-
um sem þvinga háttsetta embættis-
menn að gera grein fyrir sambandi
sínu við fyrrverandi öryggislög-
reglu kommúnista.
85 bindishnútar
Vísindamenn við háskólann í
Cambridge á Englandi hafa eftir
margra mánaða rannsókn komist
að þeirri niðurstöðu að hægt er að
nota 85 aðferðir við að hnýta bindi.
Aðgerðir gegn spillingu
Forseti framkvæmdastjómar
Evrópusambandsins, Jacques
Santer, kynnti í
gær nýjar að-
gerðir sem eiga
að koma í veg
fyrir spUlingu
meðal nánustu
samstarfs-
manna hans.
Meðal annars
gefst nú möguleiki á að reka þá
sem era með óhreint mjöl í poka
sínum. Það eru einkum tveir full-
trúar framkvæmdastjómarinnar,
Edith Cresson og Manuel Marin,
sem hafa sætt gagnrýni vegna
spillingar.