Dagblaðið Vísir - DV - 13.03.1999, Blaðsíða 12
12
fólk
LAUGARDAGUR 13. mars 1999 TIV
í Lancaster í Bandaríkjunum
bjó hinn sautján ára gamli Ter-
rence Reineer ásamt íjölskyldu
sinni. Drengurinn þótti einstak-
lega efnilegur, gekk vel í námi og
hafði ákveðnar skoðanir á þvi
hvemig bæta mætti heiminn.
Honum entist þó ekki aldur til
þess að vinna nokkur þau verk,
þar sem voðaskot varð honum að
bana skömmu fyrir jól.
Þegar ég heyri af brœóravígum
ungra svartra manna þá verö ég
mjög reióur, því ég veit aö Malcolm
X og Martin Luther King dóu ekki
fyrir málstaöinn til þess aó við gœt-
um drepió hver annan.
Þetta skrifaði Terrence Reineer í
ritgerð skömmu áður en hann mætti
sínum sorglegu örlögum. Ritgerð
hans fjallaði um svertingja í Banda-
ríkjunum og gerði Terrence tvo
látna leiðtoga þeirra að umtalsefni
sínu. „Ef ég gæti hitt Martin Luther
King, þá segði ég honum að ég væri
lifandi sönnun þess að draumur
hans lifir enn. Ég er stoltur af sjálf-
um mér. Hvorki ég né vinir mínir
seljum eða notum eiturlyf. Ég drep
ekki fólk eða ber á mér vopn. Ég
hlakka til þess að klára menntaskól-
ann og fara í háskóla." Þetta segir
Terrence meðal annars í ritgerðinni.
Kaldhæðnislegt í ljósi þess sem gerö-
ist rétt fyrir síðustu jól.
Kreistu höndina á mér
Að kvöldi þess 13. desember sl. fór
Terrence Reineer ásamt kærustunni
sinni og vinum á heimili eins vinar-
ins. Þau höfðu ekki staldrað lengi við
þegar Keith Morgan, 17 ára, tók upp
38 kalibera skambyssu sem hann
vissi af í húsinu, tók skothylkið úr,
leit á það og setti það síðan aftur í
byssuna. Síðan beindi hann byss-
unni aö Terrence, sem sagði: „Farðu
varlega með þetta!“ en þá hljóp skot
úr byssunni og Keith Morgan flúði
út úr herberginu.
Skotið hafnaði í höfði Terrence.
Svo segir Kristel kærasta hans frá í
blaðaviðtali: „Terrence datt í gólfið
og blóðið fossaði úr enninu á honum.
Ég hljóp niður til að ná í handklæði,
reyndi að þurrka blóðíð, en hélt jafn-
framt í hönd hans og sagði: „Ef þú
heyrir í mér Terrence, kreistu þá
höndina á mér.“
Terrence kreisti ekki á henni
höndina.
Móðir hans fékk strax upphring-
ingu þar sem greint var frá því að
sonur hennar hefði verið skotinn.
Hún bað þess alla leiðina á sjúkra-
húsið að allt yrði í lagi, en þegar hún
sá hann, hvarf henni öll von: „Höfuð
hans var þrútið og það var allt í
blóði. Blóðið lak úr heilanum á hon-
um; það var hryllingur...hann leit
ekki út eins og drengurinn minn,“
sagði Pamela.
Terrence lést skömmu síðar.
Hver er sekur?
Engar sannanir eru fyrir því að
Keith Morgan hafi viljandi skotið
Terrence og reyndar þykir flestum
líklegt að um hörmulegt slys hafi
verið að ræða. Hann fór sjálfur til
lögreglunnar kvöldið sem Terrence
lést, en engu að síður var Morgan
ákærður fyrir manndráp og settur í
fangelsi í Lancaster. Tryggingar-
gjald var ákveðið 150.000 dollarar og
enn hefur ekki verið réttað í mál-
inu.
Tveir aðrir unglingar hafa einnig
verið kærðir vegna dauða Terrence.
Upp komst að hinn 18 ára gamli
Jason Leed, hafði stolið skammbyss-
unni sem varð Terrence að bana og
var hann ákærður fyrir þjófnað.
Sautján ára gamall piltur, sem bjó í
húsinu þar sem slysið átti sér stað,
var ákærður fyrir að hafa undir
höndum stolið vopn og fyrir að eyði-
leggja sönnunargögn, þar sem hann
faldi byssuna eftir voðaatburðinn.
Byssan hefur aldrei fundist.
Foreldrar Terrence segjast vera
hrædd um að málinu verði ýtt til
hliðar sem slysi. „Þegar byssu er
beint að höfði einhvers, þá er ekki
um slys að ræða,“ sagði móðir hans
í viðtali við Sunday News. „Sonur
okkar átti sér framtíð og við ætlum
Terrence Reineer, ásamt móður
sinni og systkinum, skömmu fyrir
hinn örlagaríka atburð.
ekki að taka dauða hans þegjandi.
Við viljum vita hvers vegna þetta
gerðist, af hverju þessi unglingur
var með byssu og hvers vegna móð-
ir hans vissi ekkert um að það væri
byssa í húsinu.“
Tíðni morða, sjálfsmorða og slysa
af völdum skotvopna meðal ung-
lingspilta á aldrinum 15-19 ára, hef-
ur meira en tvöfaldast í Bandaríkj-
unum hin síðari ár.
Stöðvum ofbeldið
Þegar Terrence var jarðaður var
snjófól yfir jörðu. Presturinn talaði
um persónu Terrence, dýptina og
hlýjuna sem einkenndu hann.
„Hann var djúpur eins og hafið og
persónuleiki hans var hlýr eins og
sólin sjálf. í fjarveru hans þurfum
við öll að endurskoða lífið.“
Fjölskylda Terrence hefur stofn-
að samtök sem bera nafnið Stop the
Violence, eða Stöðvum ofbeldið.
Fyrsta verkefni þeirra var að dreifa
stuttermabolum með mynd af Ter-
rence framan á, og slagorðinu
Stöðvum ofbeldið aftan á. Ágóðinn
af sölunni verður lagður í sjóð sem
veittur mun þeim sem vinnur upp-
byggjandi starf í þágu unglinga.
Þeim sem leggja sitt af mörkum svo
að ofbeldinu megi linna.
-þhs
Frændi Terrence Reineers:
Eiga byssur eins og við vasaljós
Guðmundur R. Karlsson, dóm-
vörður hjá Hæstarétti, er náskyld-
ur Terrence heitnum Reineer.
„Amma drengsins, Sigríður systir
mín, fór til Bandaríkjanna árið
1947. Frænka okkar hafði gifst
hermanni og flust með honum til
Bandaríkjanna í stríðslok. Sigga
fór að heimsækja hana en kom
ekki aftur til baka. Hún giftist í
Bandaríkjunum, eignaðist tjögur
börn og lést 1991.“
Ein dóttir Sigríðar heitinnar er
Pamela móðir Terrence, en fjöl-
skylda þeirra hefur alla tíð búið í
Bandaríkjunum. Guðmundur seg-
ist hafa haldið góðu sambandi við
skyldmenni sín og síðast heimsótt
’fjölskylduna i fyrrasumar. Þá hitti
hann líka Terrence.
„Ég heyrði síðan ekkert frá
þeim um jólin og þótti það skrýtið,
en það skýrðist auðvitað þegar
mér bárust þessar ömurlegu frétt-
ir. Fiölskyldan hafði orðið fyrir
því mikla áfalli að missa drenginn
og ekki haldið jól með venju-
bundnum hætti,“ segir Guðmund-
ur.
Þegar Guðmundur er spurður
hvernig atburðurinn komi honum
fyrir sjónir, segist hann sannfærð-
ur um að um slysaskot hafi verið
að ræða. „Terrence fór með kunn-
ingjum sínum í hús og einn
drengjanna fór að fíflast með
byssu. Hann ætlaði sennilega að
hræða kunningjana og spila sig
stóran karl, eins og strákar gera,
en allt fór á annan veg.“
Málið hefur fengið mikla athygli
fjölmiðla. Gerist svona lagað ekki
á hverjum degi í Bandaríkjunum?
„Þetta gerist víst allt of oft, en
engar kann ég skýringar á því
hvers vegna þetta mál vekur svo
mikla athygli. Ef til vill er það
vegna þess að Lancaster er fremur
lítil borg, eða svipuð Reykjavík að
stærð og „rólegur lítill bær“ á
bandaríska vísu, þó að mikið sé
um ofbeldi í hinum og þessum
stórborgum."
Guðmundur segir að íslenskum
ættingjum Terrence flnnist málið
allt hið hörmulegasta og játar að
hann hafi fengið áfall þegar frétt-
irnar bárust.
„Terrence var mjög efnilegur
piltur. Dauði hans var slys og slys-
in geta afls staðar gerst, en rót
vandans er auðvitað sú að byssur
eru til næstum á hverju einasta
heimili i Bandaríkjunum. Byssu-
eign er fyrir þeim eins og fyrir
okkur að eiga vasaljós. Maður hef-
ur séð þetta í amerískum bíó-
myndum; ef fólk heyrir þrusk að
kvöldlagi rífur það upp byssuna
og fer svo og gáir hvað er að ger-
ast. Nú höfum við fengið að kynn-
ast óþyrmilega hvað getur gerst ef
óvarlega er farið með þessi vopn.“
-þhs
Guðmundur R. Karlsson, dómvörður í Hæstarétti. Hann hitti Ter-
rence, foreldra hans og systkini í fyrrasumar. Öll fjölskyldan er
vitaskuld harmi slegin yfir atburðinum. DV-mynd Teitur