Dagblaðið Vísir - DV - 18.03.1999, Blaðsíða 4

Dagblaðið Vísir - DV - 18.03.1999, Blaðsíða 4
FIMMTUDAGUR 18. MARS 1999 Fréttir Stuttar fréttir Uppbótarkvóti sem veittur var aðkrepptum útgerðum á Bíldudal leigður burt: Milljónir fyrir ríkiskvóta - eins gott að senda þeim ávísun, segir verkalýðsfélagsformaður Mikil óánægja er meðal Bílddæl- inga vegna uppbótarkvóta frá Jöfhun- arsjóði sem úthlutað var á nokkra báta á staðnum í upphafi fiskveiðiárs- ins. Kvótanum var úthlutað á skip undir 250 tonnum, en upphaflega hug- myndafræðin að baki kvótanum var sú að hann kæmi einnig til góða byggðarlögum. Flestar útgerðirnar á staðnum höfðu þann hátt á að leigja kvótann fyrir 95 tillOO krónur kílóið. Þannig högnuðust eigendur bátanna á ríkiskvótanum um allt að rúmlega milljón krónur hver án þess að skila svo mikið sem ugga á land til vinnslu. Listi með nöfhum 6 báta sem leigt hafa frá sér kvóta sinn gengur manna á milli í héraði, þar sem reiknað er út hversu mikið útgerðirnar hafi hagn- ast á kvótasölunni. Tilgreint er að þrír bátar hafi fengið milljón krónur hver fyrir þau 10 tonn sem þeim var úthlutað af þorski undir merkjum byggðastefhu og uppbóta. Aðrir þrír hafi fengið á bilinu 500 þúsund til 750 þúsund krónur fyrir sín tonn. Allir þessir bátar eiga sammerkt að hafa leigt burt kvóta og þannig hagnast um verulegar fjárhæðir. Rétt er að taka fram að fleiri Bíldudalsbátar fengu Jöfnunarsjóðskvóta sem þeir hafa veitt upp í. „Það er alveg eins gott að senda mönnum ávísun í pósti eins og að vera að úthluta þessum kvóta," segir Haukur Már Kristinsson, formaður Verkalýðsfélagsins Varnar á Bíldudal, aðspurður hvort verkalýðsfélagið hefði ekkert að athuga við það að út- gerðir sætu einar að kvótanum sem ætlaður var til að rétta hlut bág- staddra. Hann segir mikið leigt af kvóta til Bíldudals og þeir sjómenn sem leggja þurfi út háar fjárhæðir í því skyni séu reiðir. „Þessi útfærsla á byggðakvótanum er handónýt og þjónar engum til- gangi," segir Haukur Már. Hann segir að vísu að sumir þeirra báta sem fái þorskkvóta undir þessum formerkjum veiði skiljanlega ekki upp í hann. „Þarna er um að ræða rækjubáta sem eðlilega skipta ekki um veiðar- færi til að veiða þennan þorsk. Það liggur beinast við að leigja burt kvót- ann. Þá er ástandið ekki bundið við Bíldudal einan heldur er þetta svona um allt land," segir hann. Alls nemur umræddur rikiskvóti 5 þúsund tonnum og er honum dreift Frá Bíldudal þar sem útgerðir dafna vel af sölu ríkiskvóta. Uppbótarkvótinn hefur gefið einstökum útgerðum allt að milljón krónur. um landið. Lög um þerman kvóta voru sett á sínum tíma til að tryggja að atvinna héldist í byggðarlögum sem ætru erfitt vegna kvótasamdrátt- ar. Kvótinn, sem reyndar kallast Jöfh- unarsjóðskvóti, varð m.a. á sínum tíma til að tryggja stuðning þeirra þingmanna sem ekki vildu samþykkja kvótakerfið án þess aö þessi varnagli væri til staðar. Sjómenn sem DV ræddi við lýstu málinu sem siðleysi og hneyksli. DV óskaði í siðustu viku eftir upp- lýsingum frá Fiskistofu um viðskipti umræddra báta á Kvótaþingi. Gísli Rúnar Gíslason, lögfræðingur Fiski- stofu, treysti sér þá ekki til að veita upplýsingarnar að svo stöddu. Því boðsendi DV Fiskistofu bréf með ósk um upplýsingarnar með vísan til upp- lýsingalaga. Fiskistofa svaraði síðan spurningum DV, þar sem upplýst er að Arnfirðingur BA, sem fékk 10 tonna þorskkvóta frá ríkinu hefði leigt frá sér 55 tonn af þorski á kvóta- árinu fyrir 92 til 104 krónur kilóið. Á móti leigði báturinn til sín 26 tonn af þorski á tæplega 96 krónur. Brynjar BA leigði frá sér rúmlega 30 tonn af þorski fyrir 93-103 krónur kílóið en ekkert til sin. Veltan í þeim viðskipt- um er langt á þriðju milljón króna. Driffell BA leigði frá sér 6,2 tonn af þorski fyrir 87 krónur kílóið en ekk- ert til sín. Jörundur Bjarnason BA leigði frá sér 7 tonn af þorski fyrir tæplega 105 krónur kílóið. Pétur Þór BA leigði frá sér rúmlega 36 tonn af þorski á rúmlega 100 krónur kilóið. Pílot BA leigði frá sér 44 tonn af porski fyrir 93-95 krónur hvert kíló eða sem samsvarar hagnaði upp á 4,1 milljón króna. Sjómannasamband Islands sendi Fiskistofu bréf í ársbyrjun þar sem farið var fram á að upplýsingar af þessu tagi yrðu gefnar, en hafa enn ekki fengið svar. Þá hafa útgerðar- menn einnig krafist þess sama. -rt Bönnum erótíkina vm Fjölgun erótískra dansstaða í Reykjavik veldur stjórnvöldum áhyggjum. Málið hefur verið rætt meðal borg- arstjóra og ráðuneyta. Raunar hafði engin tekið eftir þessari fjölg- un nema blessaðir ráðamennirnir, sem vaka og sofa yfir hags- munum okkar og heilsu. Svo ekki sé nú talað um erótíkina. Borgarstjóri og ráð- herra geta bókstaflega ekki sofið af áhyggjum vegna fjölgunar eró- tisku veitingastaðanna og allri erótikinni sem fylgir þeim. íslending- ar mega éta meira, þeir mega ferðast meira, þeir mega kaupa meira, en þegar kemur að ástarlifi og kynferðislega varhugaverðri lík- amsstarfsemi, er mælirinn fullur. Auðvitað getað ábyrg stjórnvöld ekki setið hjá þegar kynmök eru örvuð og reknir eru sérstakir staðir í Reykjavík, þar sem fram fer erótik, sem er meiri en búið er að samþykkja og leyfa. Þessa óheillaþróun verður að stöðva, og hafa eftirlit með „hvort þessir staðir séu starfræktir, hvar, hver fjöldi þeirra sé og fyrirkomulag starf- seminnar vegna heildarásýndar borgarinnar", eins og segir í fréttatilkynningu borgarrráðs. Skítt veri með einn og einn þótt hann falli fyrir erótíknni. En það er heildarásýndin sem skiptir máli, það setur blett á borgina og þjóðina og land- ið ef of margir verða erótískir á veitingastöðun- um. Borgin getur ekki leyft það. Hún verður að hafa eftirlitsmenn á hverjum stað, sem fylgist með því að erótíkin sé í hófi og eftirlitsmennirnir verða að hafa vald til að reka þá út af þessum stöðum, sem eru orðnir of eró- tískir. Eftirlitsmennirnir verða að hafa með sér hitamæla til að mæla erótíkina til að vernda heildarásýnd borgarinnar og fjarlægja þá sem skemma heildarásýndina. Siðferði borgarinnar og stjórnvalda er í veði. Ef erótikin heldur áfram að flæða yfir og ahnenn- ingur sækir þessa staði og stúlkunum fjölgar sem dansa nektardansa í erótískum stellingum, verða siðgæðisverðir heildarásýndarinnar að grípa í taumana. Fólk getur ekki leyft sér allt. Það verð- ur að hafa vit fyrir því og hamla gegn erótik, sem setur blett á þá heildarásýnd Reykjvíkurborgar, þar sem allt er með felldu á yfirborðinu. í raun og veru ættu borgarstjóri og ráðherrar í framhaldinu að setja reglugerð um samfarir í heimahúsum og hafa eftirlit með getnuðum, sem allir eiga sér uppruna í erótískum stellingum manns og konu, sem hlýtur að serja blett á heild- arásýnd borgarinnar. Það eru takmörk fyrir því hvað fólk má og það er borgarsrjórnar að halda uppi röð og reglu á veitingastöðum sem kunna að stuðla að erótísku hátterni, sem setur blett á ásýnd borgarinnar, sem setur blett á borgarstjórn, sem setur blett á hið flekklausa samfélag. Dagfari Gómaöur Karlmaður um þrítugt var í gær handtekinn vegna gruns um að hafa ásamt félaga sínum misþyrmt tæp- lega fimmtugum manni aðfaranótt sunnudags, þvingað manninn til að afsala sér bil sínum og numið hann á brott frá heimili hans. Enginn handbolti Ríkissjónvarpið mun ekki sýna neina leiki frá yfir- standandi heims- bikarmóti í hand- knattleik í Sviþjóð og er skýringa að leita í miklum kostnaði, að sögn Ingólfs Hannesson- ar, fOrstöðumanns íþróttadeildar Sjónvarpsins við Netfréttir Morgun- blaðsins. Lögfræðingar til Kína Lögfræðingafélag íslands efhir til hópferðar til Kína 19. apríl til að kynnast kinverskum dómsmálum og kinverska dómskerfinu. Hópur- inn mun 21. apríl heimsækja dóms- málaráðuneytið, þingið og hæstarétt landsins og snæða kvóldverð í boði félags kinverska lögfræðingafélags- ins. Visir.is sagði frá. Meira borað Borgarráð hefur samþykkt að semja við Jarðboranir hf. um borun tveggja háhitahola áríð 1999 á Nesja- völlum fyrir 237,2 milljónir. Morgun- blaðið sagði frá. Ferðamönnum fjölgar Erlendum ferðamönnum á ís- landi, ekki síst breskum, fjölgaði um 2.800, eða um 31%, í febrúar frá sama mánuði í fyrra en alls komu 11.659 ferðamenn til landsins í þeim mánuði. Morgunblaðið sagði frá. Ný heimasíða Framsóknar- flokkurinn á Vesturlandi hefur opnað heimasíðu. Á síðunni gefur að lita upplýsing- ar um frambjóð- endur Framsókn- arflokksins á Vesturlandi auk annars. I efsta sæti listans í kjör- dæminu er Ingibjörg Pálmadóttir heilbrigðisráðherra. Urðuaðflýja Hópur íslendinga, sem staddur er á Alþjóðlegu sjávarútvegssýningunni í Boston, varð að yfirgefa hótel sitt með hraði um miðjan dag í fyrradag þegar eldur kom upp í þvottahúsi í kjallara þess. Morgunblaðið sagði frá. Margir vinna í Reykjavík Akurnesingum sem sækja vinnu á höfuðborgarsvæðið hefur fjölgað úr 1% af vinnuafii í bænum eða um 20 manns í 8% af vinnuaflinu (u.þ.b. 180 manns) frá því í október 1997. Morgunblaðið sagði frá. Gasleki í togara Gasleka varð vart í portúgölskum togara í Hamarfjarðarhöfh í gær. ís- lenskir löndunarmenn, sem voru að landa úr togaranum, sluppu við eitr- un heilir á húfi en portúgalskur skip- verji, sem andaði að sér gasinu í lok- uðu rými, var fluttur á slysadeild í al- varlegu ástandi. Vísir.is sagði frá. Krani féll Byggingakrani féll niður á gang- stétt við Vesturbæjarskólann í Reykjavík í hádeginu í gær. Kran- inn var mannlaus og sömuleiðis gangstéttin. Enginn slasaðist. Frétta- vefur Morgunblaðsins sagði frá. Karlar langlífir ísland er í 10.-11. sæti í heiminum hvað varðar lífslikur kvenna og í fjórða sæti hvað lífslíkur karla áhrærir, að því er fram kemur í ný- útkominni mannfræðiárbók Sam- einuðu þjóðanna fyrir árið 1997. Nýr formaður Halldór Sævar Guðbergsson var kosinn formaður Blindrafélagsins á aðalfundi þess þann 13. mars. Halldór tekur viö starfinu af Helga Hjörvar borgar- fulltrúa, sem gaf ekki kost á sér til endurkjörs. -SÁ

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.