Dagblaðið Vísir - DV - 25.03.1999, Blaðsíða 10
10
FIMMTUDAGUR 25. MARS 1999
Spurningin
Hverju tekur þú fyrst
eftir í fari fólks?
(Spurt á Suðurnesjum)
Ólafur Þór Eiríksson rithöfund-
xu:: Klæðnaði og fasi og síðan hvem-
ig fólk ber sig.
Kristín Sumarliðadóttir hótel-
starfsmaður: Augum fólks. Þau
segja allt sem þarf að segja. Síðan tek
ég eftir því hvemig fólk kemur fyrir.
Guðbjörg Glóð Logadóttir ráð-
gjafi: Ég tek fyrst eftir framkomu og
öryggi fólks og hvernig það ber sig.
Skúli Thoroddsen forstöðumað-
ur: Ég tek fyrst eftir fegurðinni. Feg-
urðin liggur í augum þess sem á horfir.
Ómar Ingimarsson, slökkviliðs-
og sjúkraflutningamaður: Það er
mjög misjafnt. Við fyrstu sýn tek ég
eftir ytra útliti.
Hjörleifur Ingólfsson varðstjóri:
Ég tek eftir höfuðfati fólks ef það er
fyrir hendi. Síðan tek ég eftir
klæðnaði fólks og hvort það er
snyrtilegt.
Lesendur
Dulbúið atvinnuleysi
í Borgarfjarðarsveit
Sveitarstjórn beini sjónum sínum að starfsemi á þéttbýlisstöðum sveitarfélagsins til
að freista þess að styrkja atvinnulíf. - Svipmynd frá Húsafelli í Borgarfjarðarsýslu.
íbúi í Borgarnesi skrifar:
Á síðasta fundi hrepps-
nefndar Borgarfjarðarsveit-
ar lagði Magnús Magnús-
son atvinnuráðgjafi fram
skýrslu um atvinnulífs-
könnun, er gerð var fyrir
sveitarfélagið að frum-
kvæði Atvinnuþróunar-
nefndar sveitarfélagsins.
Var þar gerð grein fyrir
helstu niðurstöðum könn-
unarinnar. Nettósvöran
var 32,5% en seðlar vora
sendir inn á 200 heimili. í
skýrslunni er reynt að
varpa ljósi á ástand at-
vinnu- og búsetumála í
þessu sveitarfélagi. Dulið
atvinnuleysi er í sveitar-
félaginu og þörf á fleiri
atvinnutækifæram.
Fram kemur hins vegar
að sveitarfélagið á býsna
marga möguleika í atvinnu-
legu tilliti. Fyrst og fremst
hefur héraðið yfir að ráða miklum
mannauði sem virkja má til ýmissa
verka. Landbúnaður stendur á göml-
um granni í héraðinu, enda veður-
sæld mikil og frjósemi jarðvegs með
ágætum. Öflug skólastofnun á
Hvanneyri, sem vafið hefur utan á
sig tengdum stofnunum landbúnað-
argeirans imdanfarin ár, er meðal
styrkleika sveitarfélagsins. Ahnennt
aðgengi að heitu vatni til húshitunar
er talinn vera einn af styrkleikun-
um, svo og ástand dagvistunar- og
grunnskólamála.
Möguleikar í ferðaþjónustu eru
talsvert góðir og ber í því sambandi
að tengja aukna þjónustu sögu- og
bókmenntaarfi héraðsins, t.d. í
Reykholti. Meðal veikleika í grein-
ingu á svörun era vegasamgöngur.
Deilur undanfarinna ára á þeim
vettvangi setja ákveðinn svip á sam-
félagið. Þá era ýmsir aðrir þættir
nefndir, svo sem vöntun á hluta-
störfum, fækkun íbúa undanfarin
ár og skörð í aldurstré sveitarfélags-
ins; fjarskipti og símaþjónusta,
verslun og þjónusta, skortur á fram-
boði símenntunar/endurmenntunar
og veik staða landbúnaðar.
í skýrslunni er svo m.a. lagt til að
sveitarstjóm beini sjónum sínum
að starfsemi á þéttbýlisstöðum
sveitarfélagsins til að freista þess að
styrkja atvinnulíf. í því sambandi
era nefndir til sögunnar þéttbýlis-
staðirnir Reykholt, Hvanneyri,
Kleppjámsreykir og Bæjarhverfið.
Þama má eflaust virkja meiri og
fiölbreyttari starfsemi á ýmsum
sviðmn og ekkert síður en í þéttbýl-
iskjömum út frá höfuðborginni.
Fyrirtæki firra sig ábyrgð
- hluthafar ekki kátir
T.R.Ó. skrifar:
Að undanförnu hefur verið mikið
ritað og rætt um rekstur á hinum
ýmsu fyrirtækjum og hvernig þau
koma undan síðasta rekstrarári.
Einkum á þetta við um þau stærstu
og þar sem hluthafar eru margir, en
líka eru minni fyrirtæki undir smá-
sjá Qölmiðla, því alltaf eru einhverjir
sem gerast órólegir gangi ekki undan
sfiórn og ábyrgum rekstraraðilum.
Það er oft löng leið á toppinn, jafnvel
fyrir harðduglega einstaklinga í fyr-
irtækjabransanum. En þaðan er líka
aldrei nema ein leið, því af toppnum
komast menn sjaldnast hærra, nema
á þann eina hátt sem við öll foram.
Mörgum er því fyrir bestu að komast
aldrei á toppinn.
Á það er nú lögð megináhersla að
fyrirtæki geri glögga grein fyrir sín-
um innri málum gagnvart hluthöf-
um og leyni aldrei stöðunni. Þetta
hefur Veröbréfaþing lagt mikla
áherslu á og gengið hart eftir ef
brögð era að þvi að fyrirtækin ætli
að firra sig ábyrgð. Þetta sýnir að
hér er að komast á sú regla að árs-
reikningar tilgreini stöðu fyrir-
tækja og milliuppgjöri megi treysta
milli aðalfunda - nokkuð sem fyrir-
tæki gátu trassað hér á áram áður.
Hluthafar verða líka miður kátir
þar sem þessi nýja regla er snið-
gengin að einhverju marki. Batn-
andi mönnum er best að lifa og það
á líka við um hinn vaxandi fiár-
málamarkað sem nú er að festast í
sessi hér á landi.
Engar endurbætur á
Reykjavíkurflugvelli
Endurbætur á Reykjavíkurflugvelli alls óþarfar,
segir hér m.a. - Fjögurra til fimm milljarða króna
kostnaður nær sanni áður en yfir lýkur.
Ásbjörn skrifar:
Legið hafa frammi gögn sem
snerta fyrirhugaðar endurbætur á
Reykjavíkurflugvelli. Þama gefst
fólki kostur á að lesa sér til um
þessar endurbætur á flugvellinum
og því sendi ég þessar línur þar sem
ég er þess fullviss að margir munu
mér sammála um að hér er verið að
fara út í framkvæmdir sem enginn
sér fyrir endann á kostnaðarlega og
tel ég þær auk þess alls óþarfar. Ég
tel að Keflavíkurflugvöllur, svo full-
kominn sem hann er, eigi aö vera sá
flugvöllur hér sunnanlands sem
nota á fyrir allt flug á þessu svæði,
innanlands sem utan.
í framkvæmdaáætlun við Reykja-
víkurflugvöll segir m.a. að brjóta
þurfi upp núverandi brautir og flug-
hlöð og skipta um efni niöur á klöpp
þar sem því er ekki lokið nú þegar
og byggja síðan brautir og hlöð upp
á nýtt. Uppbrot og yfirlögn malbiks
á brautum og flughlöðum, bara eitt
sér, er hundrað milljóna króna
kostnaður. - Ef einhver heldur að
1,5 milljarðar nægi til
endurbóta á Reykjavík-
urflugvelli þá er hann
ekki töluglöggur maður.
En þessa upphæð nefnir
samgönguráðherra sí-
fellt er hann minnist á
endurbætur á Reykja-
vikurflugvefli. Fjórir til
fimm milljarðar era
nær sanni. Og þá upp-
hæð þyrfti að nota strax
en ekki í áfongum, þvi
slíkt háttalag á fram-
kvæmdum væri auðvit-
að óþolandi fyrir flug-
rekendur.
Reykjavíkurflugvöllur
var byggður á stríðsár-
unum og enginn veit í
raun hve langt er „nið-
ur á klöpp“ þangað sem
byrja verður á uppbygg-
ingunni. Það væri ótrúleg skamm-
sýni íslenskra ráðamanna að leggja
í endurbætur á þessum löngu ónýta
og ólöglega flugvelli. Skattborgarar
svo og kjósendur allir myndu aldrei
fyrirgefa það frumhlaup. - Flugið
allt til Keflavíkur hlýtur að vera
takmark flugmálayfirvalda ef þau
þekkja sinn vitjunartíma.
DV
Misskilið veiöi-
leyfagjald
Torfi skrifar:
Ég verð nú að taka undir með
sjávarútvegsráðherra, Þorsteini
Pálssyni, að margir virðast misskilja
eða vilja ekki vita að í dag er greitt
gjald af öllum aflaheimildum. Það er
eins og menn vilji ekki vita af þessu.
Þegar fólk er að kjósa eða segja álit
sitt í könnunum um veiðileyfagjald,
kemur það aldrei skýrt fram í svör-
um fólks hvort það meinar núver-
andi gjald og þá óbreytt eða hvort
það er að mæla með því að það gjald
sé hækkað. Sama gfldir um núver-
andi kerfi í sjávarútvegi. Aflur al-
menningur virðist því vera veralega
úti á þekju um málefni sjávarútvegs.
Ég held að núverandi kerfi sé það
skásta sem þekkist og við getum
ekki aflagt það nema stórskaða alla
landsmenn í leiðinni.
Samfylkingin hef-
ur skaöast
Gunnar G. Guðbrandsson hringdi:
Mér finnst óhugnanlegt hvemig
staðið hefur verið að því að þvinga
okkar ágæta Sigbjöm Gunnarsson af
lista Samfylkingar í kjördæmi mínu
norðanlands. Þama standa saman
aðilar í bæði Alþýðuflokki og Al-
þýðubandalagi, sem ekki hefðu átt
að fá að ráða fór. Ég sé ekki að þetta
verði til framdráttar Samfylking-
unni í komandi kosningum. Ég trúi
því ekki að Svanfríður Jónasdóttir
taki fyrsta sætið, því það verður
bullandi óánægja með listann
þannig skipaðan. Héðan af verður
þungur róöur fyrir Samfylkinguna á
Norðurlandi eystra, það sjá allir
stuöningsmenn listans. Dómgreind-
arleysið hefur verið í fyrirrúmi.
Launahækkun til
meðalbóndans
L.M. skrifar:
Bændur berja sér mjög á brjóst og
bera við slæmum kjöram, um leið og
þeir bera sig saman við aðrar stéttir.
Taka þeir gjarnan sem dæmi sauð-
fiárbóndann með 120 kindumar, en
kotbóndi er ekki það sama og meðal-
bóndi. Kúabóndi með 120.000 lítra
framleiðslu á mjólk (sem telst meðal-
bóndi í mjókurframleiðslu) fékk 3
kr. hækkun á lítra um síðustu ára-
mót, sem neytendasamtök eða launa-
fólk mótmæltu ekki. En skoðum
dæmið: 3 x 120.000 lítrar gera 360.000
kr. hækkun á ári, eða 30 þús. kr.
hækkun á mánuði til meðalbóndans.
- Ég er launamaður sem þarf að
kaupa mjólk og fékk 3% launahækk-
un um áramót og er í máttlausum
neytendasamtökum. Hugsið um
þetta gott fólk.
Sólveig sem dóms-
málaráðherra
Sigurður Finnsson skrifar:
Sé það satt að Sjálfstæðisflokkur-
inn ætli að velja Sólveigu Péturs-
dóttur sem næsta dómsmálaráð-
herra (fari núverandi flokkar áfram
með völd), finnst mér það talsverð
sárabót eflir meðferöina á henni á
síðasta landsfundi flokksins. Sólveig
er eini lögfræðingurinn sem er í
boði hjá flokknum og ekki í ráð-
herrastöðu sem gæti tekið þetta
starf. Á timum vaxandi eiturlyfia og
afbrota væri þetta vænlegur kostur í
næstu stjórnarmyndun.
Góð kjallaragrein
Gunnars
Vilhjálmur skrifar:
Þann 19. mars sl. birtist í DV
prýðileg kjallaragrein eftir Gunnar
Eyþórsson blaðamann, undir heit-
inu „Loftkenndar loftárásir". Ég tek
undir hans orð sem voru vel ígrund-
uð að mínu mati. Ég furða mig á því
ef ráðamenn íslensku þjóðarinnar
gera sér ekki grein fyrir því að ef
ráðist yrði á Júgóslavíu nú, þá væri
NÁTO orðið árásarbandalag, en ekki
lengur vamarbandalag. Erum við
tilbúin að taka þátt í að ráðast á full-
valda ríki? Eða halda menn að
Serbar gefist upp? Aldeilis ekki.
Kósovo er í þeirra augum eins og
Þingvellir era okkur.