Dagblaðið Vísir - DV - 29.03.1999, Blaðsíða 7
MÁNUDAGUR 29. MARS 1999
27
íþróttir
Steinar Adolfsson um ræöu Guöjóns:
„Bannað innan 18“
DV, Andorra:
„Það var mjög ánægjulegt að ná að skora sitt fyrsta landsliðsmark, ekki sist
á þessum tímapunkti því þetta mark gerði út um leikinn fyrir okkur. Þetta var
klafs í markteignum, Heigi tók boltann fyrst og ég náði að sópa honum yfir
marklínuna," sagði Steinar Adolfsson við DV eftir leikinn í Andorra.
„Fyrri hálfleikm’inn var arfaslakur og hreint ekki boðlegur, satt best að
segja. Ég veit ekki hvort þetta var einbeitingarleysi eða eitthvað annað en
menn voru að klúðra grunnatriðmn og leikurinn flaut aldrei eðlOega. Við
tókum okkur saman í andlitinu i hálfleik og fórum að spila eins og fyrir okkur
var lagt. Eftir að við fórum að láta boltann ganga hraðar, flnna opnu svæðin
og hreyfa okkur meira í átt að bolta fór þetta allt að ganga eins og það átti að
gera. Seinni hálfleikurinn var allt í lagi hjá okkur.“
- Hvað sagði Guðjón eiginlega við ykkur í leikhléinu?
„Það er ekki hægt að hafa það eftir, það er bannað innan átján, að minnsta
kosti. En hann sagði það sem þurfti að segja, menn tóku það til sín og gerðu
það sem þurfti að gera,“ sagði Steinar Adolfsson. -VS
ísland er nú í
þriðja sæti 4.
riðils í for-
keppni EM í
knattspyrnu.
Myndirnar hér
til hiiðar og að
neðan voru
teknar á leik
íslands og
Andorra á
laugardag.
Hér til hliðar
er Rúnar
Kristinsson,
einn besti
maður ís-
ienska iðsins
í leiknum í
baráttu um
knöttinn. Á
neðri mynd-
inni er Stefán
Þórðarson í
baráttu en
hann varð 24
ára á laugar-
dag.
Gjörsamlega
misboðið
- sagði Guðjón Þórðarson eftir leikinn gegn Andorra
DV, Andorra:
„Leikurinn var feiknalega kaflaskiptur og ég verð að segja
það alveg eins og er að ég átta mig ekki alveg á því hvað það
er sem leiðir til þess að menn spila eins og kjánar framan af
leik. Við hefðum hæglega getað verið 2-0 undir eftir 20 mínút-
ur og þar með þurft þrjú mörk til að vinna leikinn. Sennilega
hafa menn haldið að þetta myndi ganga auðveldlegar en það
gerði. Bláköld staðreynd fótboltans er sú að menn verða að
leggja sig fram, sama á móti hverjum þeir spila. Ef þeir gera
það ekki, kalla þeir yfir sig vandræði, og það eiga einhverjir í
þessum hópi eftir að fá töluverða lesningu hjá mér,“ sagði Guð-
jón Þórðarson, landsliðsþjálfari, við DV eftir 2-0 sigurinn í
Andorra á laugardagskvöldið.
„Mér var gjörsamlega misboðið í hálfleik og ég sagði við
strákana að það væri klárt mál að allir þyrftu að leggja sig
fram. Ef einhverjir gerðu það ekki, hefðu þeir ekkert að gera í
landsliðinu. Þetta eru skilaboðin sem þeir fengu og það var
ekki annað að gera en fara hvasst í málið. Þetta bar tilætlaðan
árangur því á fyrstu þremur mínútum seinni hálfleiks áttum
við þrjár marktilraunir. Þannig ætlaði ég að byrja leikinn,
þannig var uppstillingin, en menn héldu greinilega eitthvað
allt annað. Flestir þessarra leikmenna eiga að vera komnir
með það mikla reynslu að þeir eiga að vita að framgangan eins
og hún var í fyrri hálfleik var ekki viðunandi."
- Þú sendir varamenn til að hita eftir aðeins 10 mínút-
ur. Varstu þá strax farinn að hugleiða breytingar?
„Ég var að hugsa um að breyta iiðinu eftir 20-25 mínútur og
veit ekki alveg hvers vegna ég lét ekki verða af því. Það hefði
kannski þótt of mikil taugaveiklun. Ég tók þá ákvörðun að
biða því það er mjög slæmt að þurfa að breyta liðinu snemma
en menn vissu það í leikhléinu að þeir fengju ekki margar
minútur í seinni hálfleik til að sýna annað en þeir höfðu gert
fram að því. Nokkrir voru á síðasta séns eftir þennan hörmu-
lega fyrri hálfleik."
- Mark Eyjólfs hlýtur að hafa verið mikiU léttir fyrir
þig-
„Framganga Eyjólfs í þessum leik, eins og svo oft áður, var
til mikillar fyrirmyndar. Hann var meiddur og það var hrein-
lega verið að þræla honum út með því að láta hann halda
áfram í seinni hálfleik, enda skipti ég honum út af strax eftir
markið. Hann var búinn að gera það sem til þurfti, skora mark
og létta af okkur pressunni. Eyjólfur er mjög skynugur leik-
maður og það er furðulegt að félagar hans í landsliðinu skuli
ekki draga þann lærdóm sem þeir geta af hans framgöngu. Þeir
eru margir sem geta lært mikið af honum, þolinmæði, þraut-
seigju, yfirvegun og öryggi í öllum sínum athöfnum á vellin-
um. Það hafa margir í gegnum árin verið að hnýta í bakið á
Eyjólfi en það ætti að sjást núna hvað hann er okkur mikil-
vægur.“
- Hverjir til viðbótar stóðu undir væntingum?
„Rúnar náði sér ágætlega í gang og var að reyna lengstum
að spila og halda þessu gangandi. Steinar var öruggur og yfir-
vegaður í vörninni, en vörnin í heild var ekki nógu samstiga
framan af leiknum. Miðjumennirnir og sóknarmennirnir
trufluðu ekki varnarmenn Andorra framarlega á vellinum eins
og þeir áttu að gera. Þeir fengu þar með að spila út úr vörn-
inni og ég var búinn að benda mönnum á það að þeir væru
flinkir og gætu spilað ef þeir fengju frið til þess. Þar með var
erfiðara fyrir vörnina að sinna sínu
hlutverki. Ég hef alltcif lagt
áherslu á að um leið og bolt-
inn tapast eru allir í vörn,
og það þurfa allir að vinna
fyrir því að ná honum aftur,
sama i hvaða stöðu þeir
eru. Einmitt þetta atriði gaf
manni fyrirheit um það
hverjum væri hægt að
treysta fyrir því að spila í
Úkrainu og hverjum
ekki.“
- Má búast við mikl-
um breytingum fyrir
leikinn í Kiev á miðviku-
dag?
„Það verður allt öðruvísi
leikur og ég mun gera tals-
verðar breytingar. Ég ætla að
sofa á þeim fram yfir æfmgam-
ar i Barcelona á sunnudag og
mánudag, og eftir þær ætla ég
að vera búinn að ákveða mig. í
Kiev á þriðjudag ætla ég aðeins
að nota tímann til að þreifa á vell-
inum og skynja birtuna og þess
háttar. Ég veit heldur ekki fyrr en i
mánudag hvernig Eyjólfi og Stefáru
reiðir af og hvort ég get notað þá. Það
yrði sérstaklega slæmt að missa Eyjólf
út, hann er algjör lykilmaður i svona
leik eins og gegn Úkraínu “
- En úrslitin þýða að ísland er kom
ið í toppbaráttu í riðlinum.
„Já, þetta er toppslagur í riðlin
um og það er nokkuð sem
menn sáu ekki fyrir að ga
gerst. Það er að koma á das
inn sem maður hafði að
eins gælt við en var varla
raunhæft að stefna á, að
leikurinn í Úkraínu er
nánast úrslitaleikur fyr-
ir okkur. Fyrirfram
geta menn náttúrlega
ekki gert kröfur um að
við fáum stig þar,
það er til of mikils
ætlast og sjálfsr"*-
ekkert hægt a
segja við því þí
við töpum þar.
En bæði ég og
allavega ein-
hver hluti
leikmann-
anna hefur
áhuga á því
að standa sig vel í Kiev. Aflt of margir þeirra sýndu þó
ekki slíkan áhuga hér í Andorra og það þarf allt
annað hugarfar til að ná árangri gegn Úkraínu,
ef ekki á ifla að fara. Ef við spilum svona illa í
fyrri hálfleik í Úkraínu verður búið að jarða
okkur áður en flautað verður til leikhlés.
Við höfum fengið áminningar hér í And-
orra og í Lúxemborg en það er eins og
þegar viö þurfum að fara að stjórna
leikjunum fari menn að ofmetnast og
geri annað en þeir eiga að sér. Þeir
hljóta að geta spilað með landsliðinu
eins og þeir spila með sínu félagsliði.
Ef við ætlum að þróa okkur í framtíð-
inni sem landslið er ekki nóg að spila
agaðan varnarleik gegn sterku þjóðun-
um. Við þurfum líka að ná að vinna
milliþjóðirnar sem eru fleiri og fjöl-
mennari. Ef jákvæð þróun á að eiga
sér stað í landsliðinu verða menn að
hlíta þeim fyrirmælum sem gefin
eru. Menn þurfa að líta sér nær eft-
ir þennan leik í Andorra og það
getur vel farið svo að ég verði
að líta betur í kringmn mig
eftir leikmönnum í lands-
liðið á næstunni," sagði
Guðjón Þórðarson.
-VS