Dagblaðið Vísir - DV - 30.03.1999, Blaðsíða 7
ÞRIÐJUDAGUR 30. MARS 1999
7
pv_______________________________________________________________________Neytendur
Bragöprófun á páskaeggjum:
Nói-Síríus bestur
Páskahátíðin nálgast og þá munu
landsmenn innbyrða mikið af
súkkulaði í formi hinna vinsælu
páskaeggja sem fest hafa sig í sessi
hérlendis svo um munar.
Neytendasíða DV fékk þrjá mat-
gæðinga til liðs við sig til þess að
smakka súkkulaðiegg frá þremur
stærstu framleiðendunum á Islandi.
Smökkuð voru egg frá Mónu, Góu
og tvenns konar egg frá Nóa-Síri-
usi, bæði venjulegt egg og svokallað
Ópalegg úr dökku súkkulaði.
Matgæðingamir að þessu sinni
vora þau Dröfn Farestsveit hús-
stjómarkennari, Úlfar Eysteinsson
matreiðslumeistari og Þormar Þor-
bergsson konditorimeistari.
Eggin voru metin í svokallaðri
blindprófun þar sem hver matgæð-
ingur dæmdi eggin í einrúmi án
þess að vita frá hvaða framleiðanda
þau væru. Einnig var innihald eggj-
anna skoðað.
Eggjunum eru gefín stig frá 1-5
þar sem eitt stig þýðir að eggið sé
mjög vont, tvö stig að það sé vont,
þrjú stig að það sé sæmilegt, fjögur
stig að það sé gott og flmm stig að
það sé mjög gott.
Ópaleggið best
Hvert egg gat því mest fengið
samtals fimmtán stig. Ekkert egg
fékk hins vegar fullt húsa stiga að
þessu sinni. Ópaleggið frá Nóa-Sír-
íusi fékk flest stigin, samtals tólf
stig. Dröfn gaf egginu fullt hús eða
fimm stig og sagði m.a.: „Ágætis-
bragð en innihaldið ekkert sérstakt,
aðallega möndlur, karamellur og
kúlur.“ Úlfar gaf Ópalegginu þrjú
stig og sagði m.a.: „Bragðlítið og
frekar einfalt það sem er inni í
því.“ Þormar gaf egginu síðan fjög-
ur stig og sagði: „Gott egg og það
meina ég gott fyrir bömin en of
sætt fyrir „gourmet-ista“. Mikið
nammi í því og því sennilega bestu
kaupin í þessu eggi.“
Ríkulegt innihald
Næsthæstu einkunnina í þessari
bragðprófun fékk svo hefðbundið
egg frá Nóa-Síríusi. Dröfn og Úlfar
gáfu egginu bæði fjögur stig og
Þormar gaf þvi þrjú stig. Samtals
hlaut Nóa-Sírius-eggið því ellefu
stig.
Dröfn fannst bragð eggsins alveg
ágætt og innihald nokkuð gott líka.
Úlfar sagði m.a. um Nóa-Síríus-egg-
ið: „Bragðgott egg með ríkulegum
innmat, þ.e. sælgæti."
Þormar var ekki alveg jafná-
nægður með Nóa-Síríus-eggið og
sagði: „Sæmilegt egg sem gegnir
sínu hlutverki ágætlega. Lífgar upp
á daginn, sæmilegt á
bragðið en ekkert
meira en það.“
Aukabragð af
súkkulaðinu
Þá var komið að egg-
inu frá Góu sem fékk
samtals tíu stig. Dröfn
gaf Góu-egginu þrjú
stig og sagði: „Of mikið
fitubragð sem loðir við
góminn. Innihaldið
ekki spennandi, mest
af kúlum, rúsínum og hlaupkörl-
um.“
Úlfar var hins vegar mjög ánægð-
ur með eggið frá Góu og gaf því
hæstu einkunn eða fimm stig:
„Bragðgott súkkulaði og mikið inni
í því,“ sagði Úlfar um eggið frá
Góu.
Þormar var ekki ánægður með
eggið frá Góu og gaf því aðeins tvö
stig: Þormar gaf Góu-egginu þessa
umsögn: „Sætt súkkulíki með fullt
af hrískúlum. Ef ég væri fimm ára
og fengi svona egg yrði ég mjög
svekktur með móður mína og
myndi krefjast skýringa."
Úlfari fannst innihald eggjanna ekki
nógu spennandi. DV-myndir E.ÓI.
Samdóma álit
Matgæðingamir voru sammála í
einkunnagjöf sinni á egginu frá
Mónu. Mónueggið fékk samtals níu
stig, eða þrjú stig frá hverjum mat-
gæðingi.
Dröfn gaf egginu frá Mónu þessa
umsögn: „Skrautlegt innihald en
eitthvert aukabragð af súkkulaðinu
sem er ekki fyrir minn smekk."
Þormar sagði um Mónueggið.
„Mikið bragðbætt súkkulíki. Mjög
sætt og pinulitið væmið með sæl-
gæti sem gæti verið bland í poka
fyrir 150 krónur."
Þormari Þorbergssyni konditori-
meistara fannst Ópal-eggiö frá Nóa-
Síríusi best.
Úlfar var stuttorður um Mónu-
eggið og gaf því einungis þann dóm
að það væri bragðlítið.
í heildina séð vora matgæðing-
amir hins vegar sammála um að
innihald eggjanna væri ekki nógu
spennandi og það vantaði konfekt í
þau og að fætur eggjanna væru
orðnir of þunnir. Dröfn, Úlfar og
Þormar voru hins vegar ánægð með
málshættina í ár sem allir voru
lausir við útúrsnúninga og afbak-
anir. -GLM
Bragðprófun á páskaeggjum
Dröfn Úlfar Þormar Samt.
☆☆☆☆☆ ☆☆☆ ☆☆☆☆ 12
☆☆☆☆ ☆☆☆☆ ☆☆☆ 11
☆☆☆ ☆☆☆☆☆ ☆☆ 10
☆☆☆ ☆☆☆ ☆☆☆ 9
:
Kjúklingapylsur
Úrvalihráetjni,
gott bragð.
Kjúklingalifrarkæfa
Cimtakt Ijútmeti iem þú
verður að próþa!
Léttreyktar
kjúklingabringur
fJrvali heiliuþœði.
Atíbragði álegg.
Aðeim o. 7% fita.