Dagblaðið Vísir - DV - 09.04.1999, Blaðsíða 6
6
FÖSTUDAGUR 9. APRÍL 1999
Viðskipti
Þetta helst: .. ,Rólegheitin halda áfram á VÞÍ og viðskipti aðeins 240 m.kr. ,,, Mikil viðskipti með Samherja
sem hækkar um 0,5% KASK tapaði 118 m.kr. 1998 ,,, Kíló af þorski á 104,94 krónur ,,, Seðlabanki Evrópu
snarlækkar stýrivexti um 0,5% ,,, Dow Jones heldur áfram að hækka ,,, FBA spáir lækkun langtímavaxta ,,,
íslensk hlutabréf dýr
íslensk hlutabréf virðast vera al-
mennt dýr í verði miðað við afkomu
fyrirtækja. í nýrri skýrslu um stöðu
og horfur á innlendum og erlendum
mörkuðum, benda sérfræðingar
Fjárfestingarbankans á aö stöðugar
hækkanir á verði hlutabréfa í fyrir-
tækjum síðustu mánuði kunni að
vera áhyggjuefni.
í samantekt sérfræðinga Fjárfest-
ingarbanka atvinnulífsins kemur í
ljós að ef miðað er við svokallað
V/H-hlutfall eru fjárfestar tilbúnir
til að greiða allt að 66 ára hagnað
fyrir bréf einstakra fyrirtækja. V/H-
hlutfall (verð á móti hagnaði) er vís-
bending um hversu margra ára
hagnað fjárfestar eru tilbúnir til að
greiða fyrir viðkomandi hlutbréf.
Því hærra sem þetta hlutfall er því
dýrari eru hlutabréfin talin, og
öfugt. Mjög hátt hlutfall kann einnig
að benda til þess aö fjárfestar reikni
með að afkoma viðkomandi fyrir-
tækis batni mjög á komandi árum.
Lægsta V/H-hlutfallið er hjá ís-
landsbanka eða tæp 12 ár en hluta-
bréf samkeppnisaðilanna eru mun
dýrari sé miðað við þennan mæli-
kvarða. Sérfræðingar FBA benda
raunar á að verð hlutabréfa í ís-
lenskum bönkum sé almennt hátt,
sé miðað við það sem þekkist í ná-
grannalöndum. Fjárfestar virðast
réttlæta hátt verð með því að horfa
á þá hagræðingarmöguleika sem
kunna að felast í sameiningum inn-
an atvinnugreinarinnar og einnig
til þess að fyrstu mánuðir ársins
hafa verið bönkunum hagstæðir.
Vegna þessa er ekki talið ólíklegt að
hlutabréfln eigi eftir að hækka enn
frekar á komandi mánuðum, þrátt
fyrir hátt verð.
Það sem af er
þessu ári hefur
Úrvalsvísitala
Aðallista Verð-
bréfaþings hækk-
að um liðlega
10,3%, en mest
hafa hlutabréf
fyrirtækja í upp-
lýsingatækni
hækkað, eða um
nær 60%. Mikill
uppgangur er í
þessari grein, t.d.
jókst samanlögð
velta Nýherja,
Opinna kerfa og
Tæknivals um
45% á liðnu ári.
-BMG
Hvaða hlutabréf eru dýr?
—VH-hlutföll V/H af regl.
Félag V/H e.skatta
Eimskip 19,2 52,3
Rugleiöir 65,9 -72,9
Búnaöarbanki ísl. 22,2 22,2
FBA 22,2 22,2
íslandsbanki 11,7 11,7
Landsbanki ísl. 18,1 18,1
Grandi 20,5 31,1
HB 21,2 27,0
Hraöfrhús Eskifj. 15,8 23,6
Samherji hf. 20,1 34,8
Síldarvinnslan 32,5 275,0
SR-mjöl 17,4 16,6
ÚA 23,6 1973,0
Þormóöur rammi 30,8 28,8
Heimild: Fjárfestingarbanki atvinnulífsins
Yahoo! meö hagnað
- væntingar og vonir ráöa mestu
Miklar ál-
birgðir enn til
Verð á áli hefur lækkað mikið und-
anfarið ár. Við þau skilyrði hafa marg-
ir álframleiðendur dregið úr fram-
leiðslu í von um að birgðir minnki og
verð hækki. Það virðist hafa tekist að
einhverju leyti en verð á áli hefur
hækkað um 5% á síðustu tveim vik-
um. Samt sem áður eru birgðir af áli
enn miklar í heiminum og töluverð of-
framleiðsla er enn í gangi. Talið er að
álframleiðsla í ár verði 22,6 milljónir
en eftirspum aðeins 22 milljónir
tonna. Það er því líklegt að birgðir
aukist enn og þessi verðhækkun, sem
orðið hefur að undanfómu, hafi lítil
áhrif til lengri tíma litið.
í Ijósi þessarar þróunar er árangur
ísals á síðasta ári mjög áhugaverður.
Þrátt fyrir minnkandi eftirspum og
lækkandi verð var árið 1998 hið besta
í sögunni og hagnaður nam meira en
tveim milljörðum. -BMG
Yahoo-netfyrirtækið skilaði upp-
gjöri fyrir fyrsta ársfjórðung 1999.
Það vakti mikla athygli að fyrirtæk-
ið skilaði miklum hagnaði, eða 38%
meira en gert var ráð fýrir. Tekjur
félagsins voru 86,1 milljón dollara
fyrstu þrjá mánuði ársins saman-
boriö við 30,2 milljónir á sama tima
í fyrra. Tekjur fyrirtækisins eru af
auglýsingum á netsíðum þess en að
jafnaði fá síður Yahoo 235 milljónir
heimsókna á dag.
Þessar fréttir eru áhugaverðar í
ljósi þess að Yahoo er heldur betur
að stækka við sig. í janúar
tillkynnti fyrirtækið að það hygðist
kaupa GoeCities fyrir 3,6 milljarða
dollara. Sú upphæð nemur 120-
faldri veltu Yahoo og greiðist með
hlutabréfum í Yahoo. í framhaldi af
þessum viðskiptum tilkynnti Yahoo
að fyrirtækið hygðist líka kaupa
Broadcast.com en það fyrirtæki ætl-
ar að verða fjölmiðiU á Netinu.
Kaupverðið var hvorki meira né
minna en 5,7 milljarðar dollara. En
tekjur Broadcast.com á síðasta ári
voru aðeins 22 milljónir dollara á
meðan tapið var 16,4 milljónir og
greiðslumátinn sá sami og áður,
hlutabréf í Yahoo. Það virðast því
vera vonir og væntingar fjárfesta
sem halda uppi verði bréfanna en
ekki beinharðir peningar og raun-
verulegar afkomutölur.
Þrátt fyrir þessi sérstöku við-
skipti virðast fjárfesta hafa trú á
þessu en margir sérfræðingar telja
að verð bréfanna sé allt of hátt
skráð og fyrrum eigendur GoCites
og Broadcast.com hafi látið plata sig
með því að þiggja bréf í Yahoo sem
greiðslu.
-BMG
ið um að minnka olíuframleiðslu er
hægt að hækka verð með þessum
hætti.
Þetta er nákvæmlega það sem er
að gerast núna þvi að I fyrradag til-
kynnti ríkisstjóm Venesúela að hún
gæti ekki staðið við samkomulagið
um framleiðsluminnkun. Enn frem-
ur eru írakar óþægir og eru að auka
framleiðslu sína. Þessar fréttir gerðu
það að verkum að olíuverð féll á
mörkuðum í gær. í ljósi þessara
frétta er áframhaldandi verðþróun á
olíu óljós.
-BMG
Olíuverð lækkaði í gær
- framhaldið óljóst
I mars hækkaði verð á olíu
hækkað um 30%. Ástæðan er sú
að OPEC- ríkin hafa náð sam-
komulagi um að draga úr fram-
leiðslu til að hækka verð. Þrátt
fyrir þetta hafa einstök lönd
sterka tilhneigingu til að brjóta
samkomulagið og framleiða
meira. Þannig njóta þau fram-
leiðsluminnkunar hjá öðrum
löndum og hækkandi verðs á
heimsmarkaði. Þannig auka þau
hagnað sinn umfram aðra olíu-
framleiðendur. En þetta sætta
þeir sig ekki við sem halda samkomu-
lagið og þeir auka framleiðslu sína.
Aðeins ef öll lönd halda samkomulag-
Uppbygging hjá Stálsmiðjunni
Markviss uppbygging hefur
átt sér stað hjá Stálsmiðjunni
hf. undanfarin ár. Þrátt fyrir að
afkoman á síðasta ári hafi ver-
ið nokkur vonbrigði þá er ljóst
að á undanfómum fjórum
árum hefur rekstrinum verið
snúið til hins betra. Til dæmis
var eiginfjárhlutfall árið 1994
aðeins 12,6% en á síðasta ári
var það komið í 41,5%. Hagnað-
ur hefur aukist jaftit og þétt og
eiginfjárstaðan er orðin sterk.
Hagnaður og eigið fé Stálsmiðjunar
- tölur í milljónum kr. 210 228
CZ3 Hagnaöur r
EUEigiöfé [i 1 jm Á
Í
1994 1995 1996 1997 1998
BXS3
BiU Gates ekki á flæðiskeri:
Verðmæti mælt 112 tölustöfum
Bill Gates er fyrsti maöur heims
sem getur státað af því aö auður
hans verði ekki mældur nema meö
12 tölustöfum. Verðmæti eigna hans
er nú talið vera yfir 100.000.000.000
dollurum (100 miÚjarðar dollara).
Uppgangur hlutabréfa síðustu
mánuði hefur aukið verðmæti eigna
Bill Gates og þar munar mestu um
hækkun hlutabréfa í Microsoff hug-
búnaðarrisanum. Gates á 20% hlut í
Microsoft.
Stykkishólmur:
Fosshótel yfirtaka
rekstur hotelsins
DV, Stykkishólim:
Gerður hefur verið leigusamning-
ur til tíu ára við Fosshótel um rekst-
ur á hótelinu í Stykkishólmi. Að sögn
Ólafs Hilmars Sverrissonar, bæjar-
stjóra í Stykkishólmi, hafa verið erf-
iðleikar í rekstri hótelsins, sem ekki
hefur tekist að bæta úr eins og þurft
hefði.
Fosshótel keðjan rekur nú sam-
kvæmt samningum heilsárshótel í
Stykkishólmi og er það tólfta hótelið
sem fyrirtækið rekur.
Ólafur Þorgeirsson, framkvæmda-
sfjóri Fosshótela, bindur miklar von-
ir við rekstur hótelsins í Stykkis-
hólmi. Hann segir að möguleikar séu
á auknum fjölda ferðamanna, einkum
Samningurinn handsalaður. Ólafur Þor-
geirsson, framkvæmdastjóri Fosshótela
og Ólafur Hilmar Sverrisson, bæjarstjóri
Stykkishólms. DV-mynd Birgitta
að vetri til en einnig yfir sumarmán-
uðina. -BB
Hanniba/
^ðmundsson.
Dv-">ynd s,griin
840 milljóna
króna halli
Vöruskipti við útlönd voru nei-
kvæð um 840 milljónir króna í febr-
úar síðastliðnum. Hallinn á vöru-
skiptum við útlönd nam því samtals
3,4 miUjörðum króna á fýrstu tveim-
ur mánuðum ársins, samanborið
við 7,2 milljarða halla á sama tíma-
bili í fyrra. í febrúar á þessu ári
voru fluttar út vörur fyrir rúmlega
10,7 milljarða króna og inn fýrir
tæp 11,6 milljarða króna fob, að því
er segir í frétt frá Hagstofunni.
Vöruskiptin voru því óhagstæð um
rúma 0,8 milljarða í mánuðinum en
í febrúar 1998 voru þau óhagstæð
uml,5 milljarða króna á fostu gengi.
Egilsstaöir:
Ný ferða-
skrifstofa
„Þegar séð var að Ferðamiðstöð
Austurlands myndi hætta rekstri
hér voru ræddir möguleikar á að
stofna aðra feröaskrifstofu á Egils-
stöðum. Niðurstaðan varð sú að
við Helgi Kjærnested myndum
stofna og reka eigin skrifstofu
hér,“ sagði Hannibal Guðmunds-
son, skrifstofustjóri
Ferðaskrifstofu
Austurlands.
Hannibal sagði að
þeir væru enn
fyrst og fremst
með umboðssölu
fyrir ferðaskrif-
stofur í Reykja-
vík og skipu-
lagningu á ferð-
um á Austur-
landi. Meðal
aimars hefðu
þeir umsjón með 100
manna ráðstefnu um atvinnu- og
byggðamál á jaðarsvæðum á Norð-
urlöndum. Sú ráðstefna verður á
Hótel Héraði í júni. Ferðaskrifstofa
Austurlands er til húsa í Níunni að
Miðvangi 1.
Mikiö atvinnuleysi
í Þýskalandi
Atvinnuleysi í Þýskalandi
mælist nú 11,1 %. Það er hálfu pró-
sentustigi lægra en í febrúar. Að
sögn forstjóra þýsku atvinnumála-
skrifstofunnar, Bemhards Jagoda,
þá er þessi minnkun af völdum árs-
tíðabundinna sveiflna en ekki
raunveruleg minnkun atvinnuleys-
is. Ekki era blikur á lofti um að at-
vinnuleysi minnki á næstunni
vegna þess á hve veikum fótum
þýskt efnhagslíf stendur.
Norska krónan
veikist
Norska krónan hefur veikst
nokkuð undanfarið vegna óróleika
á oliumörkuðum. í gær nam þessi
lækkun 0,8%. Búist er að við að
norski seðlabankinn lækki vexti
sína fljótlega til að örva fjárfesting-
ar og eftirspurn.
Gjaldeyrisforð-
inn eykst
Gjaldeyrisforði Seölabankans
jókst um 3,4 milljarða króna í
liðnum mánuði og nam í lok
mánaðarins 32,6 milljörðum, að
því er fram kemur í frétt frá
Seðlabankanum.
Erlendar skammtímaskuldir
bankans í lok mars voru hverf-
andi. Gengi krónunnar, mælt
með vísitölu gengisskráningar,
hækkaði í mánuðinum um 0,2%.