Dagblaðið Vísir - DV - 09.04.1999, Blaðsíða 11
FÖSTUDAGUR 9. APRÍL 1999
11
Fréttir
Þak á greiðslur fyrir ferliverk:
Ríki og spítalar
borga brúsann
- segir sviðsstjóri kvenlækningasviðs Landspítala
„í þessum tilvikum tekur ríkið á
sig að greiða niður þessar aðgerðir,
hvort sem þær fara fram inni á
sjúkrahúsum eða á stofum úti í bæ.
Það þýðir að Tryggingastofnun þarf
að greiða mismuninn sem verður
hjá sérfræðingunum úti í bær en
spítalarnir verða fyrir tekjutapi,"
sagði Kristján Sigurðsson, sviðs-
stjóri kvenlækningasviðs Landspít-
alans um nýja reglugerð heilbrigðis-
ráðherra þar sem 5000 króna þak er
sett á gjald fyrir læknisverk,
svokölluð ferliverk. Samkvæmt
reglugerðinni munu böm hér eftir
greiða fyrir læknisverk samkvæmt
gjaldskrá lífeyrisþega.
Kristján sagði, að sjúkrahúsun-
um hefði verið uppálagt með reglu-
gerð nr. 68/1996 að hefja þessa inn-
heimtu fyrir ferliverk til að jafna
greiðslubyrðina milli sjúkrahúsa og
aðgerða á stofúm, þannig að sjúk-
lingar fengju læknisverk ekki
ókeypis á sjúkrahúsum en þyrftu að
greiða sama verð og á stofu hjá sér-
fræðingi úti í bæ. Útkoman hefði
verið sú að konur hefðu verið að
greiða mjög mismunandi upphæðir
eftir því hvaða aðgerðir þær hefðu
farið í.
Með tilkomu nýju reglugerðar-
innar væri komið á 5000 króna jafn-
aðargjald. Til viðbótar gæti fólk
þurft að greiða rannsóknargjöld,
fyrir t.d. blóðrannsókn, röntgen-
myndatökur og hjartalinurit,
þannig að heildargjaldið gæti farið
upp í 8000 krónur.
„Þetta þak er spor í rétta átt. En
það kemur þó ekki í veg fyrir mis-
ræmi I greiðslum sem bundið er í
reglugerð. Konur hafa legið hlið við
hlið á stofu og önnur hefur getað
þurft að greiða fullt ferliverkagjald
vegna þess að þar var um útskaf að
ræða vegna blæðinga meðan konan
við hliðina á henni hafði misst fóst-
ur og þurfti ekki að greiða neitt.
Þetta misræmi verður áfram en í
mun minna mæli. Ég tel að það
væri meira réttlætismál að láta alla
greiða visst innritunargjald á
sjúkrahús sem gæti þá jafnvel verið
lægra. Þá mætti taka til athugunar
að setja hámark á rannsóknargjöld-
in þannig að ekki sé hægt að taka
fyrir nema 2 rannsóknir í stað fleiri
eins og nú er.“
-JSS
Norðurland:
Ellefu sam-
eiginlegir
kosninga-
fundir
DV, Akureyri:
Stjórnmálaflokkarnir hafa
ákveðið að halda ellefu sameig-
inlega kosningafundi á Norður-
landi vegna alþingiskosning-
anna 8. maí. Verða 6 fundanna á
Norðurlandi vestra en 5 á Norð-
urlandi eystra.
Fundirnir á Norðurlandi
vestra verða á Sauðárkróki 19.
apríl, Siglufirði 20. apríl,
Hvammstanga 26. apríl, Blöndu-
ósi 27. apríl, Skagaströnd 28.
april og á Hofsósi 29. apríl.
Á Norðurlandi eystra verða
fundir á Þórshöfn og Raufar-
höfn 25. apríl, Húsavík 26. apríl,
Dalvik 27. apríl og á Ólafsflrði
28. apríl. Það vekur athygli að
ekki er fyrirhugaður sameigin-
legur fundur flokkanna á Akur-
eyri. -gk
B&L fluttar í nýtt og glæsilegt hús:
Mikil ánægja
með húsið
„Gamla húsið var 5500 fermetrar
en þetta er átta þúsund fermetrar.
Þetta verður allt annað líf og mikil
ánægja með húsið,“ segir Guð-
mundur Gíslason, skrifstofustjóri
hjá Bifreiðum og landbúnaðarvél-
um, um flutning fyrirtækisins að
Krókhálsi 1 í nýtt og glæsilegt hús-
næði.
Fyrirtækið hafði verið á Suður-
landsbraut svo lengi sem elstu
menn muna.
Hjá B&L starfa um 100 manns að
jafnaði en um páskana voru starf-
andi um 200 manns i húsinu við að
innrétta. Guðmundur segir að á
neðri hæðinni verði sala nýrra bif-
reiða en á efri hæðunum verði lag-
er, verslun, skrifstofur og plan fyr-
ir notaða bfla. -rt/S
Hópurinn ásamt Pétri Björnssyni fyrir framan Isberg House, húsnæði Isberg
Ltd í Hull.
Útgerðarmenn
í kynnisferð
DV, Eskifírði:
Nýlega bauð ísfell ehf. - innflutn-
ingsfyrirtæki í veiðarfærum -15 að-
ilum sem vinna við útgerð i 6 daga
kynnisferð til Bretlands. Fararstjór-
ar voru Pétur Bjömsson og Páll
Gestsson. Flogið var til Glasgow og
farið með rútu til Newcastle og víra-
verksmiðja Bridon skoðuð.
Þá voru lása- og keðjuverksmiðj-
ur Parsons skoðaðar svo og fisk-
markaðirnir í Hull og Grimsby
ásamt meiri háttar sjóminjasafni í
Grimsby. Enn fremur sýndi Pétur
umboðssölufyrirtækið Isberg Ltd í
Hull, sem Pétur á og rekur af glæsi-
brag, en fjölmargir íslenskir sjó-
menn og útgerðir hafa notið góðrar
þjónustu Péturs í gegnum árin.
Seinni hluta ferðarinnar eyddi
svo hópurinn í Glasgow og skoðaði
sjávarútvegssýningu sem þá stóð
yfir. -E.Th.
Guðmundur Gíslason er hæstánægður með nýja húsið að Krókhálsi.
DV-mynd S
Dreifing:
Heildverslun Dalrós,
Garðaflöt 16-18,
pöntunarsími 544 8400,
fax 544 8402.
Hin vinsælu
brjóstahöld
eru komin í
hvítu og svörtu.