Dagblaðið Vísir - DV - 10.04.1999, Blaðsíða 2

30
LAUGaRDAGUR 10. APRÍL 1999 JLlV
þílar
Reynsluakstur Honda HR-V Sport:
Fjölhæfur bíll fyrir íslenskar aðstæður
þægilegur fólksbíll og býsna knár jepplingur
Nýi HR-V bíllinn frá Honda flís-
fellur undir skilgreiningu jepplinga
(sjá meðfylgjandi rammagrein) og
er því fjölhæfur fólksbíll sem nýtist
vel við íslenskar aðstæður. Hann er
nettur um sig og aðeins til tveggja
dyra - eða þriggja dyra eins og
framleiðendum er títt að kalla bíla
með tvær hurðir og hlera aftan á.
Hann er með aldrifi, sams konar og
CR-V jepplingurinn: stöðugt drif á
framhjólunum en ef mishröðun
verður á þeim - þau fara að spóla -
skutlar seigjukúpling afturhjólun-
um inn.
Sumir segja að með þessum bún-
aði komi afturhjólin ekki inn fyrr
en of seint, t.d. þegar taka þarf af
stað í snjó eða lausum sandi. Vissu-
lega þurfa framhjólin að byrja að
spóla til þess að seigjukúplingin
taki við sér, en aðeins örlítiö. Sú
var a.m.k. reynslan á þessum bíl. Ég
renndi honum upp í mjúkan skafl
nokkuð brattan, stöðvaði hann þar
og reyndi síðan að taka af stað aft-
ur, upp i móti. Það tókst í öllum til-
vikum, jafnvel þó bíllinn sykki svo í
að snjórinn heyrðist strjúkast undir
botn. Já, bíllinn var á dekkjunum
sem hann kemur á, venjulegum
sumardekkjum, alls ekki snjódekkj-
um. Afturhjóladrifið kom svo fljótt
inn að áhorfendur greindu ekki
tímamismun milli fram- og aftur-
hjóla.
Stendur í öll sín hjól
í sjálfu sér er HR-V býsna knár
jepplingur. Vélin er 4 strokka, 105
ha., með handskiptum 5 gira kassa.
Einnig er fáanleg stiglaus sjálfskipt-
Topplúgan opnast aðeins að aftan en gefur góða loftræstingu. Hlera innan á
henni er hægt að taka frá ef maður vill fá góða ofanbirtu og hlerinn á sinn
samastað neðan á hillunni yfir farangursrýminu.

HR-V er fremur rúnnaður að framan en þver fyrir að aftan. Þetta er svokölluð „sport“-útgáfa af bílnum, á álfelgum,
með þakboga og vindkljúf yfir afturhlera. Myndin er tekin á Landmannaleið og sjá má að bíllinn hefur nokkuð
óhreinkast á akstri á blautum malarvegum. Mynd DV-bílar SHH
ing, CVT. Veghæð er 19 cm miðað
við fullsetinn bíl og hjólahafið 2350
mm. Bíllinn fer dável á vegi, með
frekar stinna fjöðrun og kastar sér
ekki þó holur verði krappar, ber
heldur ekki mikið á grjótkasti upp
undir hann þó ekið sé á óbundnu
slitlagi með lausri möl. Auto Motor
und Sport segir að hann sé ekki góð-
ur í elgsprófínu, en þó var þýski
ökumaðurinn það klárari en sá
sænski sem velti A-Benzinum forð-
um, að þessi lét sér nægja að aka
bílnum á tveimur hjólum nokkur
spöl en lenda honum svo á réttunni
heilu og höldnu. Raunar eru svipt-
ingar eins og í elgsprófinu tæplega
iðkaðar af venjulegum ökumönnum
með sæmilega greind.
Við alla eðlilega notkun á HR-V
er óhætt að fullyrða að hann stend-
ur í öll sín hjól. Hann er lipur og
snar í snúningum. Það er afar gott
að aka honum, vélin tekur vel við
þegar hún er komin upp undir þrjú
þúsund snúninga eða hærra, kúp-
lingin er létt og gírskiptingin lipur,
ratvís og liggur vel við. Hann er
þægilegur í stýri, rásfastur og legg-
ur þokkalega á. Það sér vel út úr
honum á flesta vegu; einna helst að
fyrirferðarmiklir útispeglar, sem
annars eru góðir til sins brúks,
skyggi að hluta á hliðarsýn til
hægri, svo sem við gatnamót. Bíll-
inn er sæmilega hljóðlátur og þó
þaklúgan sé höfð opin eykur hún
ekki vindhljóð að neinu marki.
Klaufalegur frágangur á
framsæti
Framsætin eru góð og halda ágæt-
lega við, aftursætin eru líka ágæt og
þokkalega rúmt þar um þá tvo sem
Vatnskassar • Vatnskassaviðgerðir
Millikælar • Iðnkælar • Skiptivatnskassar
Miðstöðvarelement • Okukælar
Fyrir
fólksbíla,
vörubíla,
vinnuvélar,
Tceki og báta.
YPnduö
S. 535 9063/535 9066

HR-V er skáeygur eins og nú tíðkast
gjarnan, með fjaðrandi plast„gleri“
yfir framljósum. Toppbogar liggja
langsum aftur eftir bílnum en vind-
kljúfur á milli þeirra aftast.
þar er ætlað að vera, en þetta er að-
eins fjögurra manna bíll. Farþega-
sætið frammi í rennur vel fram
þannig að tiltölulega auðvelt er að
komast í aftursæti þeim megin og
úr því aftur. Megingalli er að við
það fer framsætið í fremstu stöðu
með bakið i lóðréttustu stöðu, hefur
sem sagt ekki minni. Maður hefði
búist við að vandaður og metnaðar-
fullur framleiðandi leysti þetta bet-
ur. Ökumannsmegin fer enginn full-
orðinn í eða úr aftursæti.
Hliðarrými er ágætt, bæði í fram-
sætum og aftursætum, og bíllinn er
mörgum góðum hirslum búinn.
Meðal annars er netvasi á hliðinni á
sætisbaki farþegastóls frammi í.
Tvö hanskahólf eru fram af farþega-
sæti en líknarbelgnum er komið fyr-
ir þar ofan á. Tvö gróp fyrir drykkj-
arílát eru í armhvílu fyrir hægra
aftursæti, en ekkert hinum megin.
Hvemig ætli standi á því? Að vísu
tyllt íláti í gróp aftast á gírstokk og
fólkið í framsætunum á gróp fram-
an við gírstöng.
Sniðugur öskubakki
Sniðug nýjung í Honda HR-V er
að öskubakkinn er vönduð krús
sem passar í glasahaldarana, hvar
sem þá er að flnna. Þetta er sniðugt
að því leyti að sá sem þarf að reykja
getur haft öskubakkann hjá sér á
meðan, en því næst látið hann
ganga til þess sem næstur þarf. Eða,
ef enginn xeykir í bílnum, eins og
nú tíðkast æ meir, er hreinasti
óþarfi að hafa krúsina með. Þessi
lausn Honda er sniðugur millileikur
í stöðunni.
Aftan við aftursæti í HR-V er 285
lítra farangursrými. Yfir því er hilla
í hæð við efri brún á aftursætum,
liggur í grópum að framan en hengd
upp í hlera að aftan og lyftist með
honum þeim megin. Nokkuð bar á
því í reynslubílnum að þessi hilla
skrölti i grópum sínum þegar ekk-
ert var látið liggja á henni. Heldur
dró úr skröltinu þegar hlíf undan
topplúgu var fest neðan á hana, eins
og gert er ráð fyrir þegar menn vilja
njóta birtunnar um topplúguna.
Undir gólfi farangursrýmis er smá-
munabakki yfir varadekkskjallar-
anum. Aftursætisbökin má leggja
fram og verður þá ekki mikil mis-
hæð á gólflnu alveg fram að fram-
sætum. Þannig eykst farangursrými
til muna, enda bíllinn þá aðeins orð-
inn tveggja manna.
Honda HR-V hentar fólki á öllum
aldri sem hefur gaman af að aka og
nýtur möguleikans á að komast
meira en á venjulegum fólksbíl
sömu stærðar, en hefur í sjálfu sér
kannski ekki mikið við jeppa að
gera. Þeir sem að staðaldri þurfa að
nota aftursætið fyrir stálpaða
krakka eða fullorðið fólk myndu lík-
lega frekar fá sér bíl með fjórum
hliðarhurðum.
r
Agætlega búinn bíll
Honda HR-V er vel búinn. Topp-
lúgan hefur verið nefnd. Líknar-
belgir eru tveir, bremsur læsivarð-
ar. Allt byggingarlag bilsins er sam-
kvæmt kröfum nútímans um
krumpusvæði og styrkingar. Á bíla-
sýningunni í Genf var sérstök
áhersla lögð á að bíllinn væri