Dagblaðið Vísir - DV - 27.04.1999, Blaðsíða 12
12
ÞRIÐJUDAGUR 27. APRÍL 1999
Útgáfufélag: FRJÁLS FJÖLMIÐLUN HF.
Stjórnarformaöur og útgáfustjóri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjórar: JÓNAS KRISTJÁNSSON og ÓLI BJÖRN KÁRASON
Aðstoðarritstjóri: JÓNAS HARALDSSON
Auglýsingastjóri: PÁLL ÞORSTEINSSON
Ritstjórn, skrifstofur, auglýsingar, smáauglýsingar, blaðaafgreiðsla, áskrift: ÞVERHOLTI11, 105 RVÍK,
SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Vísir, netútgáfa Frjálsrar fjölmiðlunar: http://www.visir.is
Ritstjórn: dvritst@ff.is - Auglýsingar: auglysingar@ff.is. - Dreifing: dvdreif@ff.is
AKUREYRI: Strandgata 25, sfmi: 462 5013, blaöam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1900 kr. m. vsk. Lausasöluverð 170 kr. m. vsk., Helgarblað 230 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgialds.
50 milljónir króna á flokk
Þegar tveir stjómmálaflokkar eru farnir að auglýsa
vikum saman fyrir milljón krónur á dag hvor um sig, er
eðlilegt, að spurt sé, hver borgi þessi ósköp og hvað hann
vilji fá í staðinn. Auglýsingarnar eru hluti herkostnaðar,
sem fer í fimmtíu milljónir á hvorn flokk
Augljóst er, að það er ekki litli maðurinn í þjóðfélag-
inu eða aðrir stuðningsmenn flokkanna, sem leggja fram
slíkar upphæðir. Ennfremur er augljóst, að íjársterkir
aðilar leggja ekki fram milljónir króna hver fyrir sig án
þess að vilja fá eitthvað fyrir sinn snúð.
DV hefur löngum mælt með, að fjárreiður flokkanna
verði gerðar sýnilegar almenningi, svo að hann geti dreg-
ið af því ályktanir, ef hann kærir sig um. Þannig eru
gerðar sýnilegar fjárreiður fyrirtækja á hlutabréfamark-
aði, svo að íjárfestar fái betri innsýn í reksturinn.
Ekki er verið að ræða um að banna eitt eða neitt eða
setja þak á upphæðir. Krafan felst aðeins í, að reikning-
ar stjórnmálaflokkanna séu birtir og ennfremur listar yf-
ir þá, sem leggja flokknum til meira en ákveðna lág-
marksupphæð, t.d. tuttugu þúsund krónur.
Með framlögum er átt við beinharða peninga og
óbeina, svo sem magnkaup á happdrættismiðum, við-
skiptaafslátt umfram markaðsafslátt, svo og aðstöðu af
ýmsu tagi, svo sem húsnæði og síma. Kjósendur eiga rétt
á að vita, hverjir séu helztu vildarvinir flokkanna.
Stjórnmálaflokkarnir njóta þeirra sérstöku fríðinda,
að vera ekki skattskyldir. Eðlilegt mótvægi við þessa að-
stöðu þeirra er, að þeir séu látnir gera fjárreiður sínar
gegnsæjar. Slíkur sýnileiki er einmitt eitt af því helzta,
sem greinir lýðræðisríki frá öðrum ríkjum.
Velgengni lýðræðisríkja byggist á leikreglum og gagn-
kvæmu trausti, rétt eins og markaðs- og viðskiptahag-
kerfið byggist á leikreglum og gagnkvæmu trausti. Þetta
traust verður ekki til úr lausu lofti, heldur afla menn
þess með því að leggja spilin á borðið.
Marklaus er sú krafa framkvæmdastjóra stærsta
stjómmálaflokksins, að kjósendur eigi að treysta honum
af því bara. Kjósendur treysta því, sem þeir sjá og eiga
ekki að þurfa að sætta sig við að treysta því, sem logið
er að þeim, ekki frekar en fjárfestar treysta slíku.
Krafan um opnar fjárreiður stjórnmálaflokka er engin
sérvizka í DV. Þannig er málum hagað í Bandaríkjunum,
Þýzkalandi og ýmsum öðrum nágrannalöndum okkar.
Þetta er líka krafa, sem nokkrir íslenzkir háskólakennar-
ar settu fram fyrir rúmlega hálfum áratug.
Það er þeim mun brýnna að setja slíkar reglur hér á
landi en annars staðar, að stjórnmálaflokkarnir leika hér
á landi í meira mæli hlutverk skömmtunarstjóra lífsins
gæða en flokkar í nágrannalöndunum. Okkar hagkerfi er
frumstæðara og byggist meira á fyrirgreiðslum.
Þess vegna er rétt, að kjósendur fái að vita, hvaða
hagsmunaaðilum er annt um þennan eða hinn stjórn-
málaflokkinn. Þvergirðingur ráðamanna flokkanna gegn
þessari sjálfsögðu kröfu sýnir í raun, að þar loga fjár-
hagsleg ástarsambönd, sem ekki þola dagsbirtu.
Þegar tveir stjórnmálaflokkar eru farnir að verja hvor
um sig fimmtíu milljónum króna til einnar kosningabar-
áttu, er leyndarstefnan orðin óverjandi. Margir hljóta að
glata trausti á viðkomandi aðilum, af því að þeir átta sig
á, að þetta eru í hæsta máta óeðlilegar fjárreiður.
Engin leið til aukins framgangs og ijárhagslegrar vel-
gengni lýðræðis er betri en aukið traust milli aðila og
það traust fæst helzt, þegar kerfið er gert gegnsætt.
Jónas Kristjánsson
IÍp1™Il * fr* : ’l iirT i ...
Tekjujafnandi fjölþrepa tekjuskattur, eins og Samfylkingin kallar það, mun fyrst bitna á þeim sem vinna mest,
ungu fólki með stórar fjölskyldur og húsnæðisskuldir, segir m.a. í greininni.
Skattar og
lífskjör
svo að fyirtækin hafi
minna svigrúm til þess
að greiða hærri laun.
Fjármagnstekjuskatt-
inn til þess að eldri
borgarar greiði nú ör-
ugglega sitt, og ekki
bara það, heldur skulu
þeir borga skatt af
verðbólgunni líka. Það
á líka að taka upp
tekjujafnandi Qölþrepa
tekjuskatt eins og það
heitir.
Þá fyrst mun unga
fólkið með börnin, sem
er að koma sér þaki
yfir höfuðið, finna fyr-
ir jaðarsköttunum. Því
það er sama hvað þú
færir mikið til í barna-
„Einfaldasta leiöin til þess að
lækka skatta, sérststaklega jað-
arskatta, er að lækka tekju-
skattsprósentuna. Það hefur
Sjálfstæðisflokkurinn gert á síð-
asta kjörtímabili þannig að
tekjuskattsprósentan er nú 10%
lægri en hún var í upphafi kjör-
tímabilsins."
Kjallarinn
Árni M.
Mathiesen
alþingismaður
Samfylkingin skil-
greinir kosningam-
ar 8. maí á þann
hátt að baráttan
standi á milli fylk-
ingarinnar og Sjálf-
stæðisflokksins.
Sjálfsagt telur fylk-
ingin það vera vegs-
auka fyrir sig að
keppa við Sjálfstæð-
isflokkinn. Um full-
yrðinguna má hins
vegar deila, en þó er
ljóst að það eru
mjög skýrir þættir
sem aðgreina stefnu
Sjálfstæðisflokksins
frá stefnu fylkingar-
innar. Þessi munur
kemur hvað skýrast
fram í stefnu þess-
ara framboða í ríkis-
flármálum og í
reynd myndu kjós-
endur flnna best fyr-
ir þessum mun í
sköttunum sínum og
þar með fjárhag fjöl-
skyldunnar.
Skattahækkanir
og eyðsla
Opinber stefna
fylkingarinnar er að
auka ríkisútgjöld
um 35 milljarða
króna. Þetta er þeirra eigið mat og
er sjálfsagt ónákvæmt, því enginn
þar innanborðs er sérlega þekktur
fyrir nákvæmni í meðferð opin-
berra fjármuna. Samt er þessi upp-
hæð hærri en allar tekjur ríkis-
sjóðs af tekjuskatti einstaklinga á
þessu ári. Hvaðan ætlar fylkingin
svo að fá þessa peninga? Jú, það á
að hækka skatta. Tryggingagjaldið
bótum og vaxtabótum, þeir sem
borga skatta borga fyrir bæturnar
sínar og meira til. Þeir sem vinna
mest borga mestu skattana og það
er ungt fólk með stórar fjölskyldur
og húsnæðisskuldir.
Stefna Sjálfstæðisflokksins
Stefna Sjálfstæðisflokksins í
þessum efnum er mjög einföld og
hana hefur hann sýnt í verki á síð-
ustu árum. Ráðdeild í ríkisrekstri,
jafnvægi í ríkisfjármálum og nið-
urgreiðsla skulda skapar skilyrði
til lækkunar skatta. Einfaldasta
leiðin til þess að lækka skatta,
sérststaklega jaðarskatta, er að
lækka tekjuskattsprósentuna. Það
hefur Sjálfstæðisflokkurinn gert á
síðasta kjörtímabili þannig að
tekjuskattsprósentan er nú 10%
lægri en hún var í upphafi kjör-
tímabilsins. Tekjuskattsprósentan
hefur lækkað um 4 prósentustig á
þessu tímabili. fsland er nú í sjötta
neðsta sæti innan OECD hvað
varðar tekjuskattsgreiðslur meðal-
fiölskyldunnar.
Skattar á fyrirtæki hafa líka
lækkað og eru nú svipaðir og í ná-
grannaríkjum okkar. Það segir
- sína sögu að nú þarf ekki lengur
að semja sérstaklega um skatta
erlendra fyrirtækja sem hér
hefia starfsemi. Atvinnulífið er
nú svo sterkt hér á landi að at-
vinnuleysið, sem var orðið
vandamál, fyrirfinnst vart í dag
og kaupmáttur launa hefur auk-
ist um 24% á síðasta kjörtíma-
bili.
Áfram árangur
Undir forystu Sjáfstæðisflokks-
ins höfum við náð góðum ár-
angri. Hagvöxtur hefur verið
5% á ári siðustu ár, sem er tvö-
falt það sem gerist annars staðar,
og ísland er í dag í fimmta sæti á
heimslista Sameinuðu þjóðanna í
lífskjörum. Þessum árangri má
ekki fóma á altari eyðslu, skatta-
hækkana og verðbólgustefnu
fylkingarinnar. Höldum áfram að
ná árangri með Sjálfstæðis-
flokknum. X-D
Árnl M. Mathiesen
Skoðanir annarra
Stjórnmál og fjölmiðlar
„Smátt og smátt færist kosningabarátta og þjóð-
málaumræður almennt inn í fiölmiðlana, með mis-
munandi hætti eftir því, sem hentar hverjum og ein-
um fiölmiðli. En um leið og það gerist verður samspil
og samstarf fiölmiðla og þeirra, sem taka þátt i stjórn-
málabaráttunni stöðugt mikilvægara. Þetta samstarf
er komið mun lengra á veg í Bandaríkjunum heldur
en t.d. hér á íslandi. Samspil stjórnmála og fiöl-
miðla skiptir miklu máli og ástæðulaust að gera lítið
úr því. Það á sífellt meiri þátt í að koma upplýsingum
á framfæri við almenning og kjósendur fyrir kosning-
ar. Þess vegna verða báðir aðilar að leggja sig fram
um að rækja þessa upplýsingaskyldu vel.“
Úr Reykjavíkurbréfi Mbl. 25. apríl.
Endurreisn bókaþjóðar
„Ný könnun um bóklestur íslendinga staðfestir að
lestur bóka er á undanhaldi hér á landi.Það hef-
ur verið almenn skoðun íslendinga að undanförnu
að þeir væru enn hin mikla bókaþjóð. Til marks um
það eru nefndar háar tölur um fiölda bóka sem gef-
inn er út hér á landi á hverju ári. Bókatitlunum hef-
ur vissulega farið fiölgandi síðustu árin - en á sama
tíma les þjóðin færri og færri bækur. Það er vissu-
lega sláandi niðurstaða sem hlýtur að kalla á um-
ræður .um leiðir til að efla bóklestur á ný.“
Elías Snæland Jónsson í Degi 24. apríl.
Heljarmenni og amlóðar
„Ég hef verið að kynna mér að undanfórnu kosn-
ingastefnuskrár stjómmálaflokkanna og einnig hef
ég átt viðtöl við frambjóðendur. Hvergi er það I
stefnuskrám flokkanna að afnema sjómannaafslátt-
inn á næsta kjörtímabili. Þannig virðist sem meiri-
hluti þjóðarinnar vilji því miður frekar veita tekju-
hæstu stétt landsins afslátt af sköttum upp á 1,5
milljarða á ári en að lyfta aumustu þegnum þessa
lands upp fyrir hungurmörk. Sjómenn eru jú miklu,
miklu sterkari en öryrkjar. Þjóðin hefur alltaf haft
miklu meiri áhuga á heljarmennum en amlóðum.“
Stefán Gunnarsson í Mbl. 24. apríl.