Dagblaðið Vísir - DV - 04.05.1999, Blaðsíða 6

ÞRIÐJUDAGUR 4. MAÍ 1999
j'jJubu1
Quake III fyrst
á Macintosh
Leikjavinir um
allan heim
fögnuöu ákaft
þann 23. þessa
mánaðar þegar
þeir fréttu að
þeir gætu komist yfir eintak af
tilraunaútgáfu (betu) af Quake
III. Þegar til átti að taka urðu
margir fyrir sárum vonbrigð-
um, því útgáfan er aðeins fyrir
MacOs tölvur að
svo stöddu. Skýr-
ingin á þessu
sam-
kvæmt
talsmanni
id Software,
leikjafyrirtækis
ins sem hannar
Quake-leikina, er
sú að beðið er eft-
ir að Microsoft klári að prófa
og viðurkenna nýjustu skjá-
kortahraðlana (openGL) fyrir
Windows. Makkavinir um all-
an heim hafa þó örugglega ver-
ið ánægðir með að fá loksins
að sitja í framsætinu. Áætlað
er að gefa næst út útgáfu fyrir
Linux og svo loksins Windows-
útgáfu. Leikjavinir biða átekta.
Sony sigrar í
einni lotu
Málaferli Sony á hendur
Connectix vegna PlayStation-
hermis Connectix-manna tók
nýja stefnu á dögunum. Dóm-
arinn í málinu úrskurðaði að
tímabundið lögbann skyldi sett
á sölu og dreifmgu PlayStation
hermisins Virtual game-st-
ation. Úrskurðurinn var
byggður á þeim rökum Sony
að Connectix hefði stælt og
stolið frumforritinu (BIOS) úr
PlayStation tölvunni sem Sony
á höfundarréttinn á. Connectix
þarf þó ekki að innkalla þá
herma sem þegar hafa verið
seldir og hyggjast þeir þjóna
áfram þeim notendum sem
hafa herminn undir höndum.
Connectix eru heldur ekki
búnir að gefast upp því þeir
hyggjast áfrýja málinu.
Þá er bara að bíða eftir því
hvor gefur rothöggið
Netið í sjón-
varpinu
Bandarískur
fjölmiðlafræð-
ingur.Tom
Wolzien að
nafni, hefur
þróað nýja tækni í að tengja
saman Netið og sjónvarpið.
Tæknin sem um ræöir gerir
það kleift að tengja saman
sjónvarpið og heimilistölvuna
og fá upplýsingar á Netinu um
dagskrárliðinn sem verið er að
sýna þá stundina. Þeir sem
eiga stafræn sjónvörp eða
horfa á útsendinguna á heimil-
istölvunni sinni geta fengið
upplýsingamar sem hluta af
skjámyndinni. Til dæmis gæti
áhorfandi að knattspymuleik í
sjónvarpinu fengið allar upp-
lýsingar um einstaka leik-
menn eða gengi viðkomandi
liða í undanfómum leikjum
þeirra beint á sjónvarpsskjá-
inn. Áhugamenn um gagn-
virkni sjónvarps og/eða tölu-
legar upplýsingar geta því far-
ið að hlakka til.
Evrópa brúar bilið:
Forskot Bandaríkjamanna í
tölvu- og netnotkun minnkar
mynd Hvrópubúa hefur oft verið dálítið sveitó, sérstaklega ef miðað er við hina nýjungagjörnu Bandaríkjamenn.
Þetta hefur verið nokkuð greinilegt hvað varðar tölvunotkun, en á síðustu misserum virðast Evrópubúar vera komn-
ir á hraðferð inn í nútímann hvað þetta varðar.
Samkvæmt evr-
ópskum rann-
sóknum á
nettengingum,
rafrænum við-
skiptum og
tölvunotkun á
heimilum og vinnustöðum, hafa
Evrópubúar lengi verið frekar aft-
arlega á merinni miðað við
Bandaríkjamenn. Bæði fyrirtæki
og einstaklingar í Bandarikjunum
hafa yfirleitt verið fljótari að til-
einka sér nýjustu tækni í sam-
bandi við tölvur, Netið og allt sem
því fylgir. Evrópubúar hafa þó
lengi notið góðs af kappsemi
Bandaríkjamanna og sloppið við
vel flesta þá agnúa sem oft vilja
fylgja nýrri tækni. Nú lítur hins
vegar allt út fyrir að þessi þróun
sé að breytast, að Evrópa sé að
vakna.
Fyrir einu ári
í ræðu og riti um þessi mál hefur
frasinn „fyrir einu ári“ heyrst æ oft-
ar. Fyrir aðeins einu ári í Frakk-
landi voru ISDN-tengingar t.d. ekki
til. Nú getur hinn almenni notandi
þar hins vegar fengið samband við
Netið gegnum ljósleiðara. Fyrir
nokkrum misserum þekktust hug-
tökin heimabanki, netbanki eða
einkabanki ekki, en í dag bjóða
Evrópubúar hafa þó
lengi notið góðs af
kappsemi Bandaríkja-
manna og sloppið við
vel flesta þá agnúa
sem oft vilja fylgja
nýrri tækni.
margir bankar í Evrópu jafnvel
ókeypis áskrift að Netinu ef þeirra
netbankaþjónusta er notuð. Fyrir
ekki alls löngu var samkeppni á
þessu sviði ekki til. Ríkisrekin
símafyrirtæki höfðu öll tögl og
hagldir á netþjónustu í mörgum
Evrópulöndum. í dag hefur verið
slakað á klónni svo um munar og
einkaleyfm flest verið afnumin eins
og t.d. hér á landi.
Þröngur hópur
Enn eitt merkið um að Evrópubúar
hafi fullan hug á að brúa bilið milli sín
og Bandaríkjamanna er sala á einka-
tölvum, en sala á tölvum til heimilis-
nota jókst um 21% milli áranna 1997 og
1998. Þó svo að allt bendi til þess að
Evrópubúar séu að taka við sér í tölvu-
og netmálum, þá sýna kannanir i dag
að enn sé það frekar þröngur hópur
sem sé tölvuvæddur og nettengdur og
að stærsti hópurinn standi saman af
vel menntuðum ungum karlmönnum
með laun í hærri kantinum.
Þó að Evrópubúar hafi því enn
ekki náð jafn langt í tölvu- og net-
notkun og Bandaríkjamenn og þó að
einkatölvan sé ekki orðin eins algeng
á heimilum þeirra eins og isskápur,
eldavél eða sjónvarp, þá lítur þó allt
út fyrir að þetta sé allt á leiðinni.
Netverk setur gagnaflutningshugbúnað á markað:
Styttir tengitíma við gervihnetti verulega
Fyrirtækið Net-
verk hefur hafið
fjöldafram-
leiðslu á
Marstar Mobile
Client hugbún-
aðinum og hafið
dreifingu á honum. Hann gerir not-
endum kleift að senda og taka á
móti gögnum um gervihnatta- og
farsímakerfl með meiri hraða og
minni tilkostnaði en áður hefur
þekkst í heiminum.
Þessi útfærsla á hugbúnaðinum
er hugsuð fyrir eina einkatölvu, þar
sem notandinn tengist gervihnatta-
kerfmu með upphringingu.
„Fram til þessa hafa hreyfanlegar
starfsstöðvar fyrirtækja, eins og til
dæmis skip, ekki verið tengdar á
virkan hátt við höfuðstöðvar í
landi. Ástæða þessa hefur verið
mikUl kostnaður og tæknilegar tak-
markanir gervihnatta- og farsíma-
kerfa,“ segir David Allen, fram-
kvæmdastjóri Netverks. „Með
Marstar höfum við leyst þessi
vandamál og gert fyrirtækjum kleift
að tengja slíkar útstöðvar á hag-
kvæman hátt með því aö nota ýms-
ar aðferðir sem auka flutningsget-
una og stytta tengitíma. Við trúum
því að þessi aðferð muni gjörbylta
því hvemig fyrirtæki á borð við
skipafélög og olíuvinnslufyrirtæki
muni tengja ólíka þætti starfsemi
sinnar saman,“ segir David.
Tengitíminn styttur
Helstu kostir Marstar Mobile Cli-
ent eru að það styttir tengitímann
við INMARSAT-gervihnattakerfið
verulega, en tengingar við kerfi af
Sigurður Hrafnsson hjá Netverki sýndi hvernig Mobile Client virkaði í síð-
ustu viku áður en Stýrimannaskólinn fékk eintak af búnaðinum að gjöf.
DV-mynd Teitur
þessu tagi eru mjög dýrar. Þetta ger-
ir búnaðurinn með þvi að þjappa
gögnum áður en tengingunni er
komið á og afþjappa gögnum eftir að
tengingu hefur verið slitið. Einnig
styttist tíminn við að kerfið getur
bæði sent gögn og tekið á móti gögn-
um í einu og það fullnýtir jafnframt
bandbreiddina. Jafnframt er kerfið
þeim eiginleika búið að ef samband
Við trúum því að þessi
aðferð muni gjörbylta
því hvernig fyrirtæki á
borð við skipafélög og
olíuvinnslufyrirtæki
muni tengja ólika
þætti starfsemi sinnar
saman.
rofnar í flutningum þarf ekki að
byrja upp á nýtt þegar samband
næst aftur, heldur heldur gagna-
flutningurinn áfram þar sem frá var
horfið.
í tilefni af útgáfu hugbúnaðarins
færði fyrirtækið Stýrimannaskóla
íslands eintak af hugbúnaðinum að
gjöf. Á kynningarfundi sem Netverk
hélt í Stýrimannaskóla íslands í síð-
ustu viku afhenti Hrafnkell Gísla-
son, framkvæmdastjóri hugbúnað-
ar- og tæknideildar Netverks, Vil-
mundi V. Sigurðssyni, skólastjóra
Stýrimannaskólans, hugbúnaðinn.
Auk þess mun Netverk bjóða starfs-
manni skólans á námskeið í upp-
setningu og notkun Mobile Client.
„Þetta er kærkomin gjöf til skól-
ans og búnaður sem kennarar og
nemendur Stýrimannaskólans eiga
eftir að kynna sér vel,“ sagði Vil-
mundur V. Sigurðsson skólastjóri.
„Tölvusamskipti eru að verða æ rík-
ari þáttur í starfi skipstjórnar-
manna og þess vegna er nauðsyn-
legt að skólinn geti sýnt nemendum
sínum það nýjasta sem er að gerast
á þessu sviði.“