Dagblaðið Vísir - DV - 06.05.1999, Blaðsíða 1

Dagblaðið Vísir - DV - 06.05.1999, Blaðsíða 1
Fimmtudagur 6. maí 1999 íþróttafréttir DV eru einnig á wwvy.visir.is Birgir þjálfar Breiðabiik Birgir Sigurðsson, fyrrum landsliösmaður í handknattleik. hefur verið ráðinn þjálfari Breiðabliks til tveggja ára. Birgir, sem áður lék með Víkingum, mun ekki aðeins þjálfa Blikana heldur mun hann einnig leika með liðinu. Koma Birgis verð- ur Breiðabliki, sem leikur í 2. deild, mikil lyftistöng en Blik- arnir höfnuðu í fjórða sæti deildarinnar í vetur. -ih/VS Emmanuel Petit fagnar marki sínu í 3-1 sigri Arsenal á Tottenham í gærkvöld. Mynd Reuter Ingi hjá Hácken Ingi Sigurðsson, einn lykilmanna ís- lands- og bikarmeistara ÍBV í knatt- spyrnu, æfir þessa dagana með sænska B-deildarliðinu Hácken. Mikl- ar líkur eru á að hann gangi til liðs við Hácken í haust. Ingi hyggur á nám í Gautaborg í haust og ef af þessu verður fer hann utan strax og tímabilinu hér heima lýkur, i september. Hann spilar þá síðustu umferðir sænsku deilda- keppninnar og leikur siðan áfram með liðinu á næsta tímabili. Gunnar Gíslason, fyrrum landsliðsmaður, er aðstoðarþjálf- ari Hácken en hann lék um árabil með liðinu. Hann sagði við DV1 gærkvöld að sér litist mjög vel á Inga og liðið vantaði til- finnanlega kantmann hægra megin. -EH/VS Parma vann bikarinn Parma varð í gærkvöld italskur bikar- meistari í knattspyrnu með því að gera 2-2 jafntefii við Fiorentina á útivelli í seinni úrslitaleik liðanna. Sá fyrri endaði 1-1 og Parma vann á fleiri mörkum á útivelli. Hernan Crespo kom Parma yfir en Tom- as Repka og Sandros Cios svöruðu fyrir Fiorentina. Markið dýrmæta sem færði Parma bikarinn skoraði Paolo Vanoli með skalla eftir sendingu frá Enrico Chiesa þegar 19 mínútur voru til leiks- loka. -VS Þóröur Guðjónsson var nálægt því að skora. Genk skref i nær titlinum Genk steig í gær eitt skref enn í átt að belgíska meistaratitlinum í knatt- spyrnu með 0-3 sigri á Lommel. Þórður og Bjarni Guðjónssynir léku allan leikinn með Genk og voru báðir nærri því að skora. Lokeren tapaði óvænt fyrir botnliði Ostend, 1-2, og missti dýrmæt stig í bar- áttunni um Evrópusæti. Arnar Þór Viðarsson lék allan leikinn með Lokeren, vann nokkuð vel og var sterkur í loftinu. Club Brugge fylgir Genk eins og skugginn og vann Beveren, 3-1. Anderlecht vann Gent, 4-0. Þegar tvær umferðir eru eftir er Genk með 70 stig, Club Brugge 68, Anderlecht 64 og Moes- kroen 62. -KB/VS Æfingar kvennalandsliða felldar niður við litla hrifningu: Of dýrt að fá Eyjastúlkurnar? Knattspyrnusamband íslands ákvað í gær að blása af æfingahelgi kvennalandsliða, bæði A og 21 árs liðanna, sem fyrirhuguð hafði verið um næstu helgi. Þóröur Lárusson landsliðsþjálf- ari fékk fréttir þess efnis í gær- morgun en ekki fylgdu með ástæð- ur þess að æfingunum var slegið á frest. Þó er það mat flestra sem DV ræddi við að kostnaður sem Knatt- spyrnusambandið þarf að greiða vegna þeirra 6 leikmanna sem koma frá Vestmannaeyjum sé ein aðalástæða frestunarinnar. Kvennanefnd KSÍ, sem fer með málefni kvennalandsliðsins, fékk ekki fréttir af frestuninni fyrr en í gær og nefndarmaður sem DV ræddi við gat ekki tilnefnt aðra ástæðu en þá sem hér hefur þegar verið nefnd. Kannast ekki við frestun Geir Þorsteinsson, framkvæmda- stjóri KSÍ, sagði í samtali við DV að hann kannaðist ekki við að neinum æfingum hefði verið frestað. „Það var til umræðu að hafa æf- ingar um þessa helgi en það sam- ræmist ekki samstarfsreglum milli KSÍog aðildarfélaganna um þátt- töku leikmanna í leikjum og æfing- um á vegum KSÍ að hafa æfingu á þessum tíma og við viljum halda okkur við samstarfssamninginn. Þessar æfingar hafa ekki verið sett- ar á svo ég kannast ekki við að þær hafi verið blásnar af," sagði Geir. í umræddum samstarfsreglum er kveðið á um að æfingar kvenna- landsliðanna skuli vera tvær í jan- úar, febrúar og mars og ein æfing í apríl og september. Ekki er gert ráð fyrir æfingum i maí, júní, júlí og ágúst. Nánar er fjallað um málið á bls. 22. -ih

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.